ပြည်တွင်းကုန်သွယ်မှုသတင်း

ပဲခူးတိုင်းဒေသကြီးအတွင်းရှိ MSMEs ဒေသထုတ်ကုန်များဈေးကွက်ပိုမိုရရှိစေရေးနှင့် ပိုမိုတိုးမြှင့် ထုတ်လုပ်လာနိုင်ရေး၊ ပြည်ပ‌ဈေးကွက်ထိ တင်ပို့ရောင်းချနိုင်ရေးကို ရည်ရွယ်၍ ပဲခူးတိုင်းဒေသကြီး၊ အစိုးရအဖွဲ့ ဝန်ကြီးချုပ်၏လမ်းညွှန်ချက်နှင့်အညီ ပဲခူးတိုင်းဒေသကြီး ထုတ်ကုန်များ အရောင်းစင်တာ အား ဖွင့်လှစ်ဆောက်ရွက်ခဲ့ရာ စားသုံးသူရေးရာဦးစီးဌာနအနေဖြင့် ကြီးကြပ်ဆောင်ရွက်ခဲ့ပါသည်။ ပြည်ခရိုင်၊ ပြည်မြို့ရှိ အရောင်းစင်တာကို (19.11.2023) ရက်နေတွင် စတင်ဖွင့်လှစ်ခဲ့ ပါသည်။အရောင်းစင်တာတွင် တိုင်းဒေသကြီးအတွင်းရှိ ဒေသထုတ်ကုန်များကို တစ်နေရာတည်းတွင် လွယ်လင့်တကူ ဝယ်ယူရရှိနိုင်ရန်အတွက်-

(က)    ‌တောင်ငူခရိုင်မှ အမျိုးအစား(5)မျိုး၊ အမယ်(9)မျိုး

(ခ)     ညောင်လေးပင်ခရိုင်မှ အမျိုးအစား(2)မျိုး၊ အမယ်(7)မျိုး

(ဂ)     ပဲခူးခရိုင်မှ အမျိုးအစား (9)မျိုး၊ အမယ် (114)မျိုး

(ဃ)    သာယာဝတီခရိုင်မှ အမျိုးအစား(2)မျိုး၊ အမယ်(2)မျိုး

(င)     နတ်တလင်းခရိုင်မှ အမျိုးအစား(3)မျိုး၊ အမယ် (14)မျိုး

(စ)     ပြည်ခရိုင်မှ အမျိုးအစား(8)မျိုး၊ အမယ်(35)မျိုး

(ဆ)    MEC မှ အမျိုးအစား (1)မျိုး ၊ အမယ်(35)မျိုး

စုစုပေါင်း အမျိုးအစား(30)မျိုး နှင့် အမယ် (238)မျိုးတင်ပြရောင်းချထားပါသည်။

စင်တာရောင်းချရမှုအနေဖြင့် တစ်နှစ်အတွင်း ငွေကျပ်သန်းပေါင်း 142.5 တိတိကို ရောင်းချ ခဲ့ရကြောင်းသိရှိပါသည်။

DOCA(ပဲခူး)

ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ကျီးသဲအုပ်စုတွင် သီးနှံမျိုးစုံစိုက်ပျိုး လျက်ရှိ ရာ၊ ရာသီပေါ်သီးနှံတစ်မျိုးဖြစ်သော ဖရဲသီး (၆၁၁)မျိုးများကို တစ်နိုင်တစ်ပိုင်တောင်သူ (၁၈)ဦးမှ (၆)ဧကခန့်စိုက်ပျိုးထားကြောင်းသိရှိရပါသည်။

ဖရဲသီးကို အောက်တိုဘာလဆန်းတွင်စတင်စိုက်ပျိုးထားကြပြီး ဇန်နဝါရီလဆန်းတွင် စတင် ပေါ်ပေါက်၍ (၃)လကြာမြင့်ပါသည်။ ဖရဲသီးသည်တစ်ဧကလျှင် ရောင်းတန်းဝင်ဖရဲသီးအလုံး (၁၅၀၀)ခန့်ထွက်ရှိပါသည်။ ဖရဲသီးစိုက်ပျိုးထုတ်လုပ်မှုအနေဖြင့် တစ်ဧကလျှင်(၆)သိန်းကျပ်ခန့် ကုန်ကျပြီး၊ ပြန်လည်ရောင်းချရာတွင်အခင်းပြတ်တစ်ဧကလျှင် (၂၅)သိန်းကျပ်ရရှိပါသည်။သို့ အတွက် ဖရဲသီးတစ်ဧကလျှင် အကျိုးအမြတ် (၁၉)သိန်းခန့်ရရှိပါသည်။

ဝယ်ယူသူများအနေဖြင့်လည်း ဖရဲသီးများကိုအကြီးအသေးပေါ်မူတည်ပြီး(၂၀၀၀)ကျပ်မှ (၃၀၀၀)ကျပ်အထိပြန်လည်ရောင်းချကြပါသည်။ ပြန်လည်ရောင်းချရာတွင်ရန်ကုန်၊ပြည် လမ်းဘေး တွင် ဆိုင်များဖွင့်လှစ်၍၎င်းအနီးအနားမြို့များသို့ဖောက်သည် ပေး၍လည်းကောင်းရောင်းချကြပါ သည်။

သို့ဖြစ်ပါ၍ ယခုနှစ်ဖရဲသီးများသည် တောင်သူနှင့်ပြန်လည်ရောင်းချသူနှစ်ဦးစလုံးအကျိုးရှိသော သီးနှံဖြစ်ကြောင်းတင်ပြအပ်ပါသည်။

DOCA(ပဲခူး)

          ပြည်ပဲဈေးကွက်သို့ ပဲစင်းငုံသီးနှံသစ်များ နေ့စဉ်အဝင်ရှိလာတာကြောင့် တစ်ရက်အိတ်(၃၀၀-၄၀၀)ကျော်ဝင်ရောက်ခဲ့ပြီး ပြည်တစ်ဖက်ကမ်း ပန်းတောင်း၊ မင်းတုန်းဖက်မှ ဝင်ရောက်ခဲ့ကြပါ သည်။ ဝယ်လိုအားအနေဖြင့် ရန်ကုန်ဝယ်လက် အဓိကဝယ်ယူမှုရှိသလို လှောင်ပဲသမားအချို့လည်း ဝယ်ယူနေခဲ့ကြပါသည်။ ပဲသစ်ဈေးမှာ တစ်တင်း ၉၉၅၀၀၀)ကျပ်မှ (၉၆၀၀၀)ကျပ်အထိ ပဲအရည် အသွေးလိုက်၍ ဈေးကွာခြားမှုရှိခဲ့ပါသည်။ ပဲစင်းငုံဈေးမှာ ယခင်နှစ်က နှစ်ဆန်းပိုင်း တစ်တင်း (၁၀၉၀၀၀)ကျပ်မှ (၁၁၀၀၀၀)ကျပ် ရရှိခဲ့သည့်အတွက် ယခုနှစ်ဈေးမှာ ယခင်နှစ်ထက် ဈေးအနည်း ငယ်လျော့နည်းနေခဲ့ပါသည်။ ယခင်နှစ်က ပြည်ပဝယ်လက်ပဲဈေးကွက်တွင် မတ်ပဲ၊ ပဲတီစိမ်းသီးနှံ များနှင့်ယှဉ်လျှင် ဈေးကောင်းပိုရခဲ့သော်လည်း ယခုနှစ်တွင် အဆိုပါပဲများထက် ဈေးအနည်းငယ် လျော့နည်းနေခဲ့ကြောင်းသိရပါသည်။

DOCA(ပဲခူး)

          ပြည်ဈေးကွက်သို့ ဆောင်းပဲတီစိမ်းသစ်များ အောက်တိုဘာလကုန်ပတ်တွင် စတင်ဝင်ရောက် လာခဲ့ပြီး ယခုနှစ်ဆန်းပိုင်းမှာတော့ ပြည်အနီးတဝိုက်နှင့် မင်းတုန်း၊ ကံမ ဖက်မှ ဝင်ရောက်မှုများ ရှိသော်လည်း အိတ်အနည်းငယ်သာ ဝင်ရောက်ခဲ့သည့်အတွက် နေ့စဉ်အရောင်းအဝယ်မဖြစ်ဘြ တစ်ခါတစ်ရံမှသာ အရောင်းအဝယ်ဖြစ်ကြောင်း သိရပါသည်။ အရောင်းအဝယ်ဖြစ်သည့်ရက်တွင် အိတ်(၂၀၀)ကျော်ရောင်းချခဲ့ကြပါသည်။ ပဲဈေးနှုန်းအနေဖြင့်ပိဿာ(၂၀)၊ တစ်တင်း(၉၉၀၀၀)ကျပ်မှ ()ကျပ်ထိ ဈေးမြင့်အရောင်းအဝယ်ဖြစ်ခဲ့ကြပါသည်။ ပဲသစ်ပေါ်စ အချိန်က တစ်တင်းကျပ် (၇၀၀၀၀) ဝန်းကျင်ဖြင့် ရောင်းဝယ်ခဲ့သည့်အတွက် ပဲဈေးကွက်မှာ အခြားပဲများနှင့် ယှဉ်လျှင် ဈေးနိမ့်နေခဲ့ကာ ယခုကာလနှစ်ဆန်းပိုင်းမှာ အခြားပြည်ပဝယ်လက်ပဲများ၏ ဈေးနှုန်းနည်းတူ ဈေးရရှိလာခဲ့ပါသည်။

DOCA(ပဲခူး)

          ပဲခူးတိုင်းဒေသကြီး၊ ပြည်ခရိုင်၊ ပြည်မြို့တွင် အိမ်ဆောက်ပစ္စည်းရောင်းဝယ်ရေးဆိုင် (၁၀)ဆိုင် နီးပါးခန့် ရှိပါသည်။ ဆိုင်ကြီးမှာ (၄)ဆိုင်နီးပါးခန့် ရှိ၍ ယခုတစ်ပတ်တွင်း ဘိလပ်မြေ ဈေးမှာ ပိုမို၍ ယခင်အပတ်ကထက်အနည်းငယ်မြင့်တက်လာခဲ့ပါသည်။ မြို့တွင်းဆိုင်ကြိးများမှာ ရန်ကုန် ကုမ္ပဏီ ကြီးများဖြစ်သော နိုင်းနိုင်းကုမ္ပဏီနှင့် ရွှေမေတ္တာကုမ္ပဏီကြီး များဝယ်ယူ ရောင်းချ ကြပြီး ယခင်နှစ်ကုန် လများမှ စတင်၍ ဘိလပ်မြေမှာ လိုအပ်သလောက် ဝယ်ယူမရရှိခဲ့ကြောင်း၊ ကျောက်ဆည်ဘိလပ်မြေ စက်ရုံမှ ဘိလပ်မြေထုတ်လုပ်ရာတွင် ကုန်ကြမ်းရှားပါးမှု ကြောင့် လည်းကောင်း၊ တစ်နိုင်ငံလုံး အတိုင်းအတာဖြင့် ဖြန့်ဖြူးရောင်းချ ရမှုတို့ကြောင့် ဈေးမြင့်တက် လာခဲ့သည်ဟု ယူဆပါကြောင်း လုပ်ငန်းရှင်တစ်ဦးမှ ပြောကြားသည်ကို သိရှိရပါသည်။ ယခင်နှစ်(၁၁)လပိုင်းမှ စတင်ကာ ကြံ့နီဘိလပ်မြေဈေးမှာ (၁၂၅၀၀)ကျပ်ဈေး၊ အယ်ဖာဘိလပ်မြေ ဈေးမှာ (၁၂၅၀၀)ကျပ် တို့ဖြင့် စတင်၍ ဈေးကြီးမြင့်တက်လာခဲ့ရာတွင် ယခုအချိန်ထိ ဈေးနှုန်းမှာ ပြန်လည်ကျဆင်းသွား ခြင်းမရှိသေး၍ ယခုဇန်နဝါရီလ နောက်ဆုံးပတ်ဘိလပ်မြေဈေးနှုန်းမှာ ပြည်မြို့တွင်း စားသုံးသူ ဝယ်လိုအား အများဆုံးဖြစ်သည့် ကြံ့နီဘိလပ်မြေဈေးမှာ (၂၇၀၀၀)ကျပ်၊ အယ်ဖာဘိလပ်မြေဈေးမှာ (၂၇၀၀၀)ကျပ်ဈေးထိ မြင့်တက်လာခဲ့ပါသည်။ ဇန်နဝါရီလ ပထမပတ်တွင် ဘိလပ်မြေဈေးမှာ ကြံ့နီ ဘိလပ်မြေဈေးမှာ (၁၉၀၀၀)ကျပ်နှင့် အယ်ဖာ ဘိလပ်မြေဈေးမှာ (၁၉၀၀၀)ကျပ်၊ ဇန်နဝါရီလဒုတိယပတ်တွင် ကြံ့နီဘိလပ်မြေဈေးမှာ (၂၁၀၀၀)ကျပ်၊ အယ်ဖာဘိလပ်မြေ‌ဈေးမှာ (၂၁၀၀၀)ကျပ်ဈေးတို့ဖြင့် အရောင်းအဝယ်ဖြစ်ခဲ့ကြောင်း သိရှိရပါသည်။

          ယခုပြည်မြို့၏ ဘိလပ်မြေဈေးကွက်တွင် ဘိလပ်မြေပြတ်လပ်မှုမရှိကြောင်း သိရ၍ ကုန်ပစ္စည်း လက်ကျန် နည်းပါးမှုသာရှိကြောင်း သိရပါသည်။ အရောင်းအဝယ်မှာလည်း ပုံမှန်ရှိ ကြောင်း သိရပါသည်။

DOCA(ပဲခူး)