ပြည်တွင်းကုန်သွယ်မှုသတင်း

       မအူပင်ခရိုင်၊ ဈေးများအတွင်း မြစ်ချောင်း၊ အင်းအိုင်များမှ ငါးများထွက်ရှိနေသဖြင့် ထွက်ရှိလာသော ငါးများထဲမှ ငါးမွေထိုးငါး များထွက်ရှိလာပြီး ငါးမွေးထိုးကင် ရောင်းချသူများပြားလာကြောင်း တွေ့ရှိရသည်။ မအူပင်မြို့သည် ငါးမွေးမြူသူများ ရှိသဖြင့် ရေချိုငါးဖမ်းလုပ်သားများ အဆင်ပြေလျက်ရှိပြီး၊ ထွက်ရှိသော ငါးများကို ငါးခြောက်ပြုလုပ်ခြင်း၊ တန်ဖိုးမြင့်ပြုပြင်ပြောင်းလဲ၍ ထုတ်လုပ်‌ရောင်းချသူလည်း များပြားသည်။

          ငါးမွေထိုးကင် ရောင်းချသော ဈေးနှုန်းမှာ ၁ပိဿာလျှင် ၃၅၀၀၀-၄၀၀၀၀ကျပ်အထိ ၅၀ကျပ်သားလျှင် ၂၀၀၀၀- ၁၇၅၀၀ကျပ် ဖြင့် အရောင်းအဝယ်ဖြစ်လျက်ရှိသည်။ ပေါ်ဦးပေါ်ဖျားဖြစ်၍ ဈေးကောင်းချက်ရှိသည်ဟူ ရောင်းချသူမှ ပြောပြသည်။ ငါးမွေထိုးကို မီကင်၍ အခြောက်လှန်းကာ ဈေးအတွင်းရောင်းချပါက  ဈေးနှုန်းတစ်မျိုးရရှိပြီး၊ ငါးမွေထိုးကို နေလှန်း၍ အခြောက်ပြုလုပ်ကာ ရောင်းချခြင်းမျိုးလဲ ရှိသည်။ ငါးမွေထိုး အစိမ်း ၁ပိသာလျှင် ၂၀၀၀၀-၂၅၀၀၀ကျပ်ဖြင့် ငါးရောင်းချသူများ အရောင်းအဝယ်ဖြစ်လျက်ရှိကြောင်း ဈေူကွက်အတွင်းမှ သိရပါသည်။

DOCA(ဧရာဝတီ)

       မအူပင်ခရိုင်၊ မအူပင်မြို့နယ် မင်္ဂလာဈေးတွင် ငါးဖယ်ခြစ်ဈေး အနည်းငယ်ကျဆင်းလာကြောင်း ဈေးကွက်အတွင်းမှ သိရသည်။  ၂၀၂၅ခုနှစ် အောက်တိုဘာလတွင် မြစ်၊ ချောင်း၊ အင်း များမှ ငါးဖယ်ထွက်ရှိမှု များပြား လာပြီး ငါးဖယ်ခြစ်ရောင်းချမှု ဈေးကျဆင်းလာကြောင်း သိရသည်။

     ရောင်းချမှုအနေဖြင့် ငါးဖယ်ခြစ် ၁ပိဿာလျှင် ၃၀၀၀၀ကျပ်၊ ၅၀ကျပ်သားလျှင် ၁၅၀၀၀ကျပ် ဖြင့် ရောင်းချလျက်ရှိသည်။ ယခင် စက်တင်ဘာလ အထိ ငါးဖယ်ခြစ် ၁ပိဿာ ၄၀၀၀၀ကျပ် ၅၀ကျပ်သားလျှင် ၂၀၀၀၀ကျပ် ဖြင့်အရောင်းအဝယ်ဖြစ်လျက်ရှိခဲ့သည်။ ငါးဖယ်ခြစ်ကို ရဲယိုရွက်ဖြင့် ချက်စားခြင်း၊ ခရမ်းချဉ်သီးဖြင့် ချက်စားခြင်း၊ ငါးဖယ်ဆီပြန်ချက်စားခြင်းများကို အိမ်ရှင်မများ ဝယ်ယူအားပေးမှုများပြားသည်။ ငါးဖယ်ခြစ်ကို ရန်ကုန်သို့ ပိဿာချိန် ၅၀-၇၀ နီးပါး တင်ပိုရကြောင်း ၊ ရန်ကုန်ထမင်းဆိုင်များက မှာယူကြောင်း ရန်ကုန်တင်ပို့ ဈေးအနေဖြင့် ၁ပိဿာလျှင် ၂၅၀၀၀-၂၇၀၀၀ကျပ်ဖြင့် တင်ပို့ကြောင်း ငါးဖယ်ခြစ်ရောင်းချသူထံမှ သိရသည်။

DOCA(ဧရာဝတီ)

           ပြည်တွင်းစားသုံးမှုများပြားခြင်းနှင့် ပြည်ပတင်ပို့သည့်ပဲပုတ်မှာ အရောင်းသွက်လျက်ရှိပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ခုနှစ်တွင်ပဲပုတ်အပါအဝင်ပဲမျိုးစုံစိုက်ပျိုးမှု၁၀၁၉၄၇၇ ဧကဖြစ်ကြောင်း သိရပါသည်။ မန္တလေးပွဲစား၊ ကုန်သည်၊စက်ပိုင်များ မဟာကထိန်တော်အသင်း တွင် ၂၀၂၅ ခုနှစ်အောက်တိုဘာလတတိယပတ်အတွင်းပေါက်စျေးမှာ ၃တင်းဝင်တစ်အိတ်လျှင် ပဲပုတ် (ရှမ်း) ၂၆၅၀၀၀ကျပ်နှင့်၂၇၅၀၀၀ကျပ်၊ ပဲပုတ်(ဗမာ) ၂၆၅၀၀၀ကျပ်နှင့်၃၇၀၀၀၀ကျပ်၊ တစ်ပိဿာ ပေါက် စျေးမှာပဲပုတ်(ရှမ်း)၄၉၇၇ကျပ်နှင့်၅၁၆၄ကျပ်၊ပဲပုတ်(ဗမာ) ၆၈၅၄ကျပ်နှင့်၆၉၄၈ကျပ်တို့ဖြစ် ကြောင်း သိရှိရပါသည်။ ယခင်နှစ်ကာလတူ တစ်ပိဿာစျေးမှာ ပဲပုတ်(ရှမ်း)၆၃၈၅ကျပ်နှင့် ၇၃၂၄ ကျပ်၊ပဲပုတ်(ဗမာ) ၇၆၀၆ကျပ်နှင့်၇၇၀၀ကျပ်တို့ဖြစ်ကြောင်း သိရှိရပါသည်။ ယခုနှင့်ယခင်နှစ် ကာလ တူပေါက်စျေး နှိုင်းယှဉ်ပါကပဲပုတ်စျေးမှာ အနည်းငယ်ကျ ဆင်းသွားကြောင်းသိရှိရပါသည်။

DOCA (မန္တလေး)

        ဧရာဝတီတိုင်းဒေသကြီး၊ ဖျာပုံခရိုင်အတွင်းရှိ မြို့နယ်များတွင် ဆေးနှင့်ဆေးပစ္စည်းများ၏  ဈေးနှုန်းများ မြင့်တက်မှုနှင့် ပစ္စည်းပြတ်လတ်မှု မရှိစေရေးအတွက် မြို့နယ်တာဝန်ခံနှင့် ဝန်ထမ်းများမှ ဆက်စပ်ဌာနများနှင့် ပူးပေါင်း၍  ကွင်းဆင်းစိစစ်ဆေးခဲ့ရာ ယခုလ အောက်တိုဘာ( တတိယပတ် )တွင် ဖြစ်ပေါ်နေသော ဆေးဈေးနှုန်း( ၁ )ကဒ်အခြေအနေမှာ Metformin( ၆၅၀ )ကျပ်၊ Livolin Forte          ( ၁၀၀၀၀ )ကျပ်၊ Biogesic( ၃၀၀၀ )ကျပ်၊ Dexanethasone( ၅၀၀ )ကျပ်၊ Betax( ၉၅၀၀ )ကျပ်၊ Amoxicillin( ၁၃၀၀ )ကျပ်၊ Becozinc( ၈၀၀၀ )ကျပ်၊ Decolgen( ၄၃၀၀ )ကျပ်၊ Gofen( ၆၂၀၀ )ကျပ်၊ Enervon-c(၈၅၀၀)ကျပ်၊ Hepalucky(၅၈၀၀)ကျပ်၊ Air-x(၂၄၀၀)ကျပ်ဖြင့် အရောင်းအဝယ်ဖြစ်လျက် ရှိရာ အောက်တိုဘာလ( ဒုတိယ )ပတ်တွင်  Metformin( ၆၅၀ )ကျပ်၊ Livolin Forte  ( ၁၀၀၀၀ )ကျပ်၊ Biogesic( ၃၀၀၀ )ကျပ်၊ Dexanethasone( ၅၀၀ )ကျပ်၊ Betax( ၉၅၀၀ )ကျပ်၊ Amoxicillin( ၁၃၀၀ ) ကျပ်၊ Becozinc(၈၀၀၀)ကျပ်၊ Decolgen(၄၃၀၀)ကျပ်၊ Gofen(၆၂၀၀)ကျပ်၊ Enervon-c(၈၅၀၀) ကျပ်၊ Hepalucky( ၅၈၀၀ )ကျပ်၊ Air-x( ၂၂၀၀ )ကျပ်ဖြင့် ဈေးကွက်အတွင်း အရောင်းအဝယ်ဖြစ်လျက် ရှိကြောင်း သိရသည်။  

          အောက်တိုဘာ တတိယပတ်နှင့် ဒုတိယပတ်ကို နှိုင်းယှဉ်လျင် ယခု(  တတိယ  )အပတ်တွင်  Air-x(၁)ကဒ်လျှင် (၂၀၀)ကျပ် ဈေးနှုန်းအနည်းငယ် မြင့်တက်နေကြောင်းနှင့် ကျန်ဆေးပစ္စည်းများမှာ ဈေးနှုန်းတည်ငြိမ်လျက်ရှိကြောင်း  သတင်းရရှိပါသည်။

(DOCA) ဧရာဝတီ

            ကုလားပဲသီးနှံမှာ ပြည်တွင်း စားသုံးမှုများခြင်းနှင့် ပြည်ပတင်ပို့သည့် ပဲတစ်မျိုးဖြစ်ပြီး၊  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ကုလားပဲစိုက်ပျိုးမှု (၂၃၇၇၄၇)ဧက ဖြစ် ကြောင်းသိရပါသည်။မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် အောက်တိုဘာလတတိယပတ်အတွင်း ဖြစ်ပေါ်လျက်ရှိသည့်အမျိုးအစားအလိုက် ပေါက်စျေးများမှာ၃တင်းဝင်တစ်အိတ်လျှင် ကုလားပဲ(V-2)၂၄၅၀၀၀ကျပ်နှင့် ၂၄၈၀၀၀ကျပ်၊ကုလားပဲ(V-7) ၂၂၈၀၀၀ကျပ်၊ကုလားပဲ(ထိုင်ဝမ်)၂၃၀၀၀၀ကျပ်၊ ကုလားပဲ (929) ၂၃၅၀၀၀ ကျပ်နှင့် ၂၃၈၀၀၀ကျပ်၊ တစ်ပိဿာပေါက်စျေးမှာ ကုလားပဲ(V-2) ၄၂၇၉ကျပ်နှင့် ၄၃၃၂ကျပ်၊ ကုလားပဲ(V-7) ၃၉၈၃ကျပ်၊ ကုလားပဲ(ထိုင်ဝမ်)၄၀၈၉ကျပ်၊ကုလားပဲ(929)၄၁၇၈ကျပ်နှင့် ၄၂၃၁ကျပ်တို့ဖြစ်ပြီး၊ယခင်နှစ် ကာလ တူ တစ်ပိဿာစျေးမှာ ကုလားပဲ(V-2) ၅၃၈၀ကျပ်၊ကုလားပဲ(V-7)၅၅၉၀ကျပ်နှင့်၅၆၇၇ ကျပ်၊ ကုလားပဲ (ထိုင်ဝမ်) ၄၉၇၈ ကျပ်နှင့် ၅၀၁၃ကျပ်၊ကုလားပဲ(929) ၅၁၅၆ ကျပ်စျေးတို့ဖြစ်ပါသည်။ ယခုနှစ်နှင့် ယခင်နှစ်ကာလတူ ပေါက်စျေးနှိုင်းယှဉ်ပါက ကုလားပဲစျေးမှာ အနည်းငယ်ကျဆင်းသွား ကြောင်း သိရှိရပါသည်။      

DOCA (မန္တလေး)