ပြည်တွင်းကုန်သွယ်မှုသတင်း

   တနင်္သာရီတိုင်းဒေသကြီး ထားဝယ်မြို့ပေါ်ရှိ အခြေခံစားကုန်များမှ နေ့စဥ်စားသုံးလျက်ရှိ သော အာလူးသည် ဟင်းလျာများတွင် ထည့်သွင်းချက်ပြုတ်ခြင်းနှင့် အခွံခွာ၍ ပုစွန်ခြောက်နှင့် ကြော်စားခြင်း၊ ချက်ပြုတ်၊ ကြော်လှော်ခြင်းများပြုလုပ်စားသုံးခြင်း၊ အိမ်တွင်းအသေးစားစက်မှု လက်မှုလုပ်ငန်းများတွင် ဆီဖြင့်ကြော်ကာ အထုတ်များထုတ်၍ အာလူးကြော်အဖြစ်ရောင်းချလျက် ရှိသော အာလူးများကို အောင်ပန်းပွဲရုံများ၊ ရန်ကုန်ပွဲရုံများမှအဓိက ဝယ်ယူရောင်းချလျက်ရှိရာ ထားဝယ်မြို့ပေါ်တွင် ရောင်းချလျက်ရှိသော အောက်တိုဘာလပထမအပတ်အတွင်း လက်လီစျေးနှုန်း များမှာ အာလူးတစ်ပိဿာလျှင် ၈၀၀၀ ကျပ်နှုန်းဖြင့် ရောင်းချလျက်ရှိကြောင်း ထားဝယ်မြို့ပေါ်ရှိ စားဖိုဆောင်သုံးသီးနှံရောင်းချသည့် ကုန်သည်များထံမှ သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်မြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များ တွင် ဟင်းသီးဟင်းရွက်စိုက်ပျိုးရေးလုပ်ငန်းများကို အများအပြားလုပ်ကိုင်လျက်ရှိကြောင်း သိရှိရ သည်။ ဒေသခံများသည် သခွားသီး၊ ခရမ်းသီး၊ ကန်စွန်းရွက်၊ ချဉ်ပေါင်ရွက်၊ ရုံးပတီသီး၊ ဘူးသီး၊ ငရုတ်သီး စသည့် သီးနှံများကို စိုက်ပျိုးကြသည့်အပြင် ရွှေဖရုံသီးများကိုလည်း တစ်နိုင်တစ်ပိုင် စိုက်ပျိုးကြပြီး မြိတ်မြို့ဈေးကြီးနှင့် ကျေးရွာဈေးများသို့ လာရောက်ရောင်းချ ကြကြောင်း သိရှိရသည်။ရွှေဖရုံသီးသည် အာဟာရဓာတ်များစွာပါဝင်ပြီး ကျန်းမာရေးအတွက် အထူးကောင်းမွန် သည့်ဟင်းသီးဟင်းရွက်တစ်မျိုးဖြစ်ကာ ဒေသခံများအနေဖြင့် ဟင်းချိုချက် သောက်ခြင်း၊ ကြော်စားခြင်းများ  ပြုလုပ်လေ့ရှိကြောင်း သိရှိရသည်။

      ၂၀၂၅ခုနှစ်၊ အောက်တိုဘာလပထမပတ်အတွင်း မြိတ်မြို့ပေါ်ရှိဈေးများ၌ ရောင်းချလျက် ရှိသော ရွှေဖရုံသီးဈေးနှုန်းမှာ ရွှေဖရုံသီး(၁)ပိဿာလျှင် (၃၅၀၀)ကျပ်မှ (၄၀၀၀)ကျပ်၊ ရွှေဖရုံသီး (၁)စိတ်လျှင် (၁၅၀၀)ကျပ်မှ (၂၀၀၀)ကျပ်ဖြင့် အရောင်းအဝယ်ဖြစ်ပွားလျက် ရှိကြောင်း ဒေသခံကုန်စိမ်းရောင်းချသူများထံမှ သိရှိရသည်။

DOCA(တနင်္သာရီ)

    တနင်္သာရီတိုင်းဒေသကြီး၊ မြိတ်မြို့ပေါ်ရှိဈေးအတွင်း အောက်တိုဘာလပထမပတ်၌ ရောင်းချလျက်ရှိသော အခြေခံစား သောက်ကုန်များဖြစ်သော ဖျာပုံပေါ်ဆန်း တန်တစ်ပြည် လျှင် ၅၇၀၀ ကျပ်၊ ဧည့်မထဆန် တစ်ပြည်လျှင် ၂၈၀၀ကျပ်၊ ကြက်သွန်နီ တစ် ပိဿာလျှင် ၂၅၀၀ကျပ်၊ ကြက်သွန်ဖြူ(ရှမ်း) တစ်ပိဿာလျှင် ၁၀၀၀၀ကျပ်၊ ကြူကုတ် တစ်ပိဿာလျှင် ၁၃၅၀၀ ကျပ်၊ ချင်း တစ်ပိဿာလျှင် ၈၅၀၀ကျပ်၊ ငရုတ်ခြောက်(အရှည်)တစ်ပိဿာလျှင် ၁၅၀၀၀ကျပ်၊ ငရုတ်ခြောက် (အပု)တစ်ပိဿာလျှင် ၂၇၀၀၀ကျပ်၊ အာလူးတစ်ပိဿာလျှင် ၈၀၀၀ကျပ်၊ မန်ကျည်းသီးမှည့် အစေ့မပါ တစ်ပိဿာလျှင် ၁၁၀၀၀ ကျပ်၊ ကြက်ဥတစ်လုံးလျှင် ၅၀၀ ကျပ်နှင့် ဘဲဥတစ်လုံးလျှင် ၆၅၀ကျပ်တို့ အသီးသီး ရှိကြပါသည်။

          အခြေခံစားသောက်ကုန်များမှာ မြိတ်မြို့ပေါ်အတွင်း ရောင်းချလျက်ရှိသော အသား မွေးမြူရေးကြက်(စီပီ) ကြက်သားတစ်ပိဿာလျှင် ၂၄၀၀၀ ကျပ်၊ ဆိတ်သားတစ်ပိဿာလျှင် ၃၉၀၀၀ ကျပ်၊ ဝက်သားတစ်ပိဿာလျှင် ၃၅၀၀၀ကျပ်၊ အမဲသားတစ်ပိဿာလျှင် ၂၇၀၀၀ကျပ် အသီးသီး ရောင်းဝယ်နေကြကြောင်း သိရှိရပါသည်။

DOCA(တနင်္သာရီ)

     ငါးလိပ်ကျောက် ဆိုသည်မှာ ပင်လယ်ရေငံနှင့် ကမ်းစပ်သဲသောင်များမှာ နေထိုင်တဲ့ ငါးလိပ်မျိုးစပ်ငါးတစ်မျိုး ဖြစ်ပြီး မြိတ်ဒေသ၏ရေထွက်ကုန်တစ်ခုလည်း ဖြစ်ပါတယ်။လိပ် တစ်ကောင်ကဲ့သို့ ပုံသဏ္ဍာန်ရှိ၍ခန္ဓာကိုယ်ပေါ်မှာ ကျောက်အခွံသေးသေးလေးများရှိသည့် အတွက် “ငါးလိပ်ကျောက်” လို့ ခေါ်ကြသည်။ အဓိကအားဖြင့် မြိတ်၊ ကျွန်းစုနှင့် အနီးပတ် ဝန်းကျင်ဒေသများ၌ အဓိကထွက်ပြီး အခြားတိုင်းဒေသကြီးများနှင့်ပြည်နယ်များသို့လည်း တင်ပို့ရောင်းချလျက်ရှိသည်။ မြိတ်မြို့တွင်ရောင်းချနေသောစျေးနှုန်းမှာ ငါးလိပ်ကျောက်အစို ၁ပိဿာလျှင် ၃၅၀၀၀ကျပ်နှင့် ငါးလိပ်ကျောက်အခြောက် ၁ပိဿာလျှင် ၅၅၀၀၀ကျပ်နှုန်းဖြင့် ရောင်းချလျက် ရှိကြောင်းသတင်းရရှိပါသည်။

DOCA(တနင်္သာရီ)

    စစ်ကိုင်းတိုင်းဒေသကြီး၊ မုံရွာမြို့၊ ချင်းတွင်းရတနာဈေးအတွင်းတွင် ရာသီစာ အသီးအနှံ မာလကာသီးနှင့်ဩဇာသီးများ ရောင်းချလျက်ရှိကြောင်း သိရှိရပါသည်။ မာလကာသီးနှင့် ဩဇာသီးသည် အသီးတင်သာမက အရွက်ရော အခေါက်ပါဆေးဖက်ဝင်သော အပင်ဖြစ် သည်။ မာလကာသီး နှင့် ဩဇာသီးပင်များ မိမိတို့၏နေအိမ်ခြံဝင်းများနှင့် ယာတောများတွင် တစ်နိုင်တစ်ပိုင်စိုက်ပျိုးကြပြီး လာရောက်ရောင်းချကြောင်း သိရှိရပါသည်။

          ၂၀၂၅ ခုနှစ် ၊ အောက်တိုဘာလ ပထမအပတ်အတွင်း မုံရွာမြို့ ချင်းတွင်းရတနာဈေးရှိ  သစ်သီးဆိုင်များတွင်မာလကာသီး အကြီး(၁)လုံးလျှင်(၈၀၀)ကျပ်၊ အသေး (၁)လုံးလျှင် (၅၀၀)ကျပ်၊  ဩဇာသီး အကြီး(၁)လုံးလျှင်(၅၀၀)ကျပ်နှင့် အသေး(၁)လုံးလျှင် (၃၀၀)ကျပ်၊ (၄)လုံးလျှင် (၁၀၀၀)ကျပ်ဖြင့် ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့် အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)