ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် စပါးနှင့် ဆီထွက်သီးနှံများ အပြင် ဘိလပ်စေ့သီးနှံကိုလည်း စိုက်ပျိုးကြောင်း၊ ဘိလပ်စေ့ကို ယာကွက်လွတ်များ၌ လည်း ကောင်း၊ ယာခင်းဘေး ပတ်လည်၌လည်းကောင်း၊ ကြဲပက်စနစ်နှင့် တန်းစိုက်စနစ်တို့ဖြင့် စိုက်ပျိုး ကြကြောင်း၊ ကန့်ဘလူမြို့နယ် ကံကြီးကုန်းကျေးရွာ၊ တောက္ကရှပ်ကျေးရွာနှင့် အခြားသော ကျေးရွာများမှ ဝင်ရောက်လျက်ရှိပြီး ဘိလပ်စေ့သည် စိုက်ပျိုးရလွယ်ကူပြီး ဈေးကောင်းရသဖြင့် စိုက်ပျိုးသူများ အဆင်ပြေလျက်ရှိကြောင်း သိရသည်။

             ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ဘိလပ်စေ့တစ်တင်းလျှင် (၇၀၀၀၀)ကျပ်၊ ဘိလပ်စေ့ညံ့လျှင် (၆၉၅၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း၊ ယခင်တတိယ ပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း ဘိလပ်စေ့တစ်တင်းလျှင် (၂၀၀၀)ကျပ်ဈေးနှုန်း မြင့်တက်လာကြောင်း  သီးနှံရောင်းဝယ်ရေး လုပ်ငန်းရှင်များထံမှ သိရှိရသည်။

DOCA (စစ်ကိုင်း)

      ပင်မှည့်သီးများကို ဇူလိုင်လ ပထမပတ်မှစတင်၍ မိတ္ထီလာဈေးကြီးနှင့် မိတ္ထီလာမြို့ပေါ်ရှိ သစ်သီးဆိုင်များတွင်ရောင်းချလျက်ရှိပြီး ရှမ်းပြည်တောင်ပိုင်းမှ ဝင်ရောက်လျက်ရှိသည်။ ပင်မှည့်သီးများ စတင် ဝင်ရောက်ချိန်တွင် တစ်လုံးလျှင် (၅၀၀)ကျပ်နှင့် (၁၀၀၀)ကျပ်ဖိုးလျှင် (၃)လုံး၊ (၁)ကီလိုဂရမ်လျှင် (၆၅၀၀)ကျပ် စသဖြင့်ရောင်းချကြပြီး စက်တင်ဘာလအတွင်း ပင်မှည့်သီးဝင်ရောက်မှုများ များပြားလာသောကြောင့် (၁)ကီလိုဂရမ်လျှင် (၄၀၀၀)ကျပ်ဖြင့် ရောင်းချလျက်ရှိသည်။

       ယခင် စတင်ဝင်ရောက်ခဲ့သောလထက် ယခုစက်တင်ဘာလတွင် ဝင်ရောက်မှု များပြားခဲ့သောကြောင့် ပင်မှည့်သီးဈေးနှုန်းအနည်းငယ် ကျဆင်းလျက်ရှိကြောင်းသိရသည်။

DOCA(မန္တလေး)

     မိတ္ထီလာခရိုင်ရှိ မြို့နယ် (၄) မြို့နယ်သည် လယ်ယာစိုက်ပျိုးရေးလုပ်ငန်းများအနက် ဝါသီးနှံကို လည်း စိုက်ပျိုးဖြစ်ထွန်းရာ စိုက်ပျိုးကာလပေါ်မူတည်၍ မိုးကြိုဝါ၊ မိုးဝါ၊မိုးနှောင်းဝါဟူ၍ စိုက်ပျိုးကြပါ သည်။ မိုးကြိုဝါကို ဖေဖော်ဝါရီ၊ မတ်လများတွင် စိုက်ပျိုးရာ နွေရာသီဖြစ်၍ ဆည်ရေရရှိသော မြေများ တွင်သာစိုက်ပျိုးနိုင်သဖြင့် နှစ်စဉ် သာစည်မြို့နယ်တွင်သာ ဧကအနည်းငယ်ဖြင့် စိုက်ပျိုးနိုင်ပြီး၊ မိုးဝါနှင့် မိုးနှေင်းဝါကိုသာမြို့နယ်အားလုံး စိုက်ပျိုးကြပါသည်။

      စိုက်ပျိုးသောမျိုးအနေနှင့် မလှိုင်ဝါကို မိတ္ထီလာ မြို့နယ်နှင့် မလှိုင်မြို့နယ်တို့တွင် စိုက်ပျိုးမှုရှိရာ မလှိုင်ဝါမှာ ချည်မျှင်တိုပြီး အထွက်နှုန်းအနေဖြင့် တစ်ဧက ပိဿာ (၁၀၀) ကျော်သာထွက်ရှိပါသည်။ ချည်မျှင်ရှည်ဝါမှာ အထွက်နှုန်းကောင်းရာ တစ်ဧက ပျမ်းမျှ (၃၅၀) မှ (၄၀၀) ပိဿာကျော်ထိထွက်ရှိသဖြင့် အများအပြား စိုက်ပျိုးကြပါသည်။ ယခုနှစ် (၂၀၂၅-၂၀၂၆ ခုနှစ်) စိုက်ပျိုးရာသီတွင် မျိုးဈေးမှာ ရာကာ (၁) ထုပ်လျှင် (၆၅၅၀၀) ကျပ်၊ ရွှေတောင် - ၁၀ မျိုးမှာ တစ်ပိဿာ (၁၀၀၀၀) ကျပ်၊ ရာကာတစ်နှစ်စိုက်ပြီးမျိုးမှာ တစ်ပိဿာ (၃၀၀၀) ကျပ် ဈေးရှိခဲ့ ပါသည်။ ၂၀၂၅-၂၀၂၆ ခုနှစ် စိုက်ပျိုးရာသီအတွက် မိတ္ထီလာခရိုင်တွင် မလှိုင်ဝါ (၄၁၁၄) ဧက၊ ချည်မျှင် ရှည်ဝါ (၂၄၂၇၂) ဧက၊ စုစုပေါင်း (၂၈၃၈၆) ဧက စိုက်ပျိုးထားရာ ယခင်နှစ်ထက်ဲဧက (၂၀၀၀) ကျော် ပိုမို စိုက်ပျိုးနိုင်ကြောင်း သိရသည်။

DOCA(မန္တလေး)

       မိတ္ထီလာမြို့ရှိ ရပ်ကွက်များတွင်လှည့်လည်ရောင်းချသည့် ငှက်ပျောသီးသည်များမှာလည်း အရောင်းတွင်ကျယ်မှုရှိကြောင်းသိရသည်။ငှက်ပျော်သီးများကိုရပ်ကွက်များအတွင်း လှည့်လည်ရောင်းချသည့်ဈေးသည်များမှာ တောင်းဖြင့်ရွက်၍ရောင်းချသူများလည်းရှိကြသည်။

       မိတ္ထီလာမြို့  ၊ မြို့မဈေးကြီးရှိ ငှက်ပျောဒိုင်များမှဝယ်ယူကာ မြို့ပေါ်ရပ်ကွက်များသို့လှည့်လည်ရောင်းချကြရာ တစ်ရက်ရောင်းအား ကိုဝယ်ယူပြီး နေ့ချင်းရောင်းချကြရာ တစ်ရက်လျှင်ငှက်ပျောဖီး (၂၀-၂၅)ဖီးခန့်ရောင်းချရကြောင်း ၊ ရပ်ကွက်နေ စားသုံးသူများကလည်း မြို့မဈေးကြီးသို့ ငှက်ပျောသီးဝယ်ယူရန်အတွက် သီးသန့်သွား ရောက်မဝယ်ယူရဘဲအလွယ်တကူဖြင့်အိမ်ရှေ့အရောက် ဝယ်ယူရကာ ဈေးနှုန်းအနေဖြင့်လည်း မြို့မဈေးကြီးတွင်ဝယ်ယူရသည့်ဈေးနှင့် နှိုင်ယှဉ်ပါက သွားလာရသည့် အလုပ်ပိုခြင်းမှ သက်သာခြင်း၊ ဆိုင်ကယ်  TAXI ၊ သုံးဘီးခသက်သာခြင်းစသည့် အကျိုးကျေးဇူးများကြောင့် ဝယ်ယူကြပါသည်။

       မြို့မဈေးကြီးမှ ငှက်ပျောသီးဖီးကြမ်းတစ်ဖီး ၄၀၀၀/ကျပ် ၊ ငှက်ပျောသီးမွှေးတစ်ဖီး (၂၀၀၀/၂၅၀၀)ကျပ်တို့ဖြင့် ဝယ်ယူ ကာ ရပ်ကွက်များ၌ (၅၀၀/-၁၀၀၀/)ကျပ် အမြတ်တင်ကာရောင်းချခြင်းဖြင့် ရောင်းသူ/ဝယ်သူ အဆင်ပြေလျက်ရှိကြောင်းသိရပါသည်။

DOCA(မန္တလေး)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သီးနှံမျိုးစုံစိုက်ပျိုးလျက်ရှိရာ ပဲဇီးကွက်သီးနှံကို ကန့်ဘလူမြို့နယ် ဆန္ဒယားကျေးရွာ၊ ကံကြီးကုန်းကျေးရွာနှင့် အခြားသောကျေး ရွာများတွင်လည်း စိုက်ပျိုးကြောင်း သိရှိရသည်။

          ၂၀၂၅ ခုနှစ်၊ စက်တင်ဘာလ စတုတ္ထပတ်အတွင်း ပဲဇီးကွက်တစ်တင်းလျှင် (၉၉၀၀၀)ကျပ်၊ အကွဲအနာပါလျှင် (၉၈၅၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိရာ စက်တင်ဘာလ တတိ ယပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း ပဲဇီးကွက်သီးနှံ တစ်တင်းလျှင် (၄၀၀၀)ကျပ် ကျဆင်းသွားကြောင်း၊ ပဲဇီးကွက်သီးနှံများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့လျက် ရှိကြောင်း သီးနှံရောင်းဝယ်ရေး လုပ်ငန်းရှင်များထံမှ သတင်းရရှိသည်။

DOCA (စစ်ကိုင်း)