ပြည်တွင်းကုန်သွယ်မှုသတင်း

            မြင်းခြံမြို့နယ်အနေဖြင့် စားဖိုဆောင်သုံး ကြက်သွန်ဖြူများကို ဒေသတွင်းစိုက်ပျိုးမှုရှိသောလည်း ဈေးကွက်အတွင်း ကာလကြာရှည်စွာသုံးစွဲနိုင်ခြင်းမရှိသည့်အတွက် ဈေးကွက်လိုအပ်ချက်အရ ရှမ်းပြည်နယ် ၊ အောင်ပန်း ထွက်ကြက်သွန်များဖြစ်သော ရှမ်းဖြူ (ရှမ်းကြက်သွန်ဖြူ) များကိုသာ ဝယ်ယူရောင်းချနေရကြောင်း မြင်းခြံမြို့အေးမြသီတာဈေး ကုန်ခြောက်ဈေးတန်းမှသိရသည်။ ဈေးနှုန်းအနေဖြင့် တစ်ပိဿာ ၂၅၀၀ ကျပ်မှ ၇၀၀၀ ကျပ်အတွင်းရှိပြီး ပစ္စည်းအရည်အသွေး အလုံးအကြီးအသေးပေါ်မူတည်၍ ဈေးနှုန်းကွာခြားမှုရှိကြောင်းသိရသည်။ ဗမာကြက်သွန် များကိုတော့ မြင်းခြံမြို့နယ် အနေဖြင့်စိုက်ပျိုးဆဲကာလဖြစ်ကြောင်းလေ့လာသိရှိရသည်။

  DOCA (မန္တလေး)

     မုံရွာမြို့၊ ကျောက္ကာလမ်းဘေးတစ်လျောက်တွင် တွင်းမဒေသထွက် အုန်းသီးများ အဓိက ဝင်ရောက်လျက်ရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။  အုန်းပင်ကို  အရွက်အလက်မှစ၍ အုန်းမြစ်အထိ လူသုံးကုန်ပစ္စည်းအမျိုးမျိုးလည်း ပြုလုပ်နိုင်ပါသည်။ အုန်းသီးအသားကို စားသောက်ကုန်အမျိုးမျိုး အသုံးပြုနေကြပြီး အုန်းစိမ်းရည်ကို ကျန်းမာရေး အရ ဆေးဖက်ဝင်အဖြစ် သောက်သုံးနေကြပြီးလည်း ဖြစ်ပါသည်။       မုံရွာမြို့၊ ကျောက္ကာလမ်းဘေးတွင် နိုဝင်ဘာလ ဒုတိယပတ်၌ ဖြစ်ပေါ်နေသော အုန်းသီးဈေးနှုန်းများမှာ အုန်းစိမ်းရေသောက် အုန်းသီး အနု/အရင့်၊  အကြီး/ အသေးပေါ်         မူတည်၍  အုန်းသီးတစ်လုံးလျှင် (၂၃၀၀)ကျပ်မှ (၃၄၀၀)ကျပ်အထိလည်း‌ကောင်း၊ ရှောက်ပန်းသီး တစ်လုံးလျှင် (၂၄၀၀)ကျပ်မှ (၂၇၀၀)ကျပ်ဖြင့်လည်းကောင်း မုံရွာမြို့၊ ကျောက္ကာလမ်း‌ဘေး တစ်လျောက်တွင်  ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

     ရွှေဘိုမြို့ရှိဈေးများတွင် ဟင်းချိုရွက်တစ်မျိုးဖြစ်သည့် ဒန့်သလွန်ရွက်၊ ပြည်ပန်းညိုရွက်၊ ကင်းပုံရွက်၊ ဆူးပုတ်ရွက်များကို ရောင်းချလျက်ရှိပါသည်။ ဟင်းချိုရွက်များမှာ အညာဒေသမှထွက်ရှိပြီး မိမိတို့အိမ်တွင်သော်လည်းကောင်း၊ ခြံများ၊ ကုန်းများတွင်သော်လည်းကောင်း စိုက်ပျိုးကြ ကြောင်း၊ ဟင်းချိုရွက်များကို အစည်းလိုက်သော်လည်းကောင်း၊ တစ်ပုံစာအပုံလေးများသော်လည်းကောင်း ရောင်းချကြကြောင်း၊ ဟင်းချိုရွက်ဖြစ်သည့် ဒန့်သလွန်ရွက်(၁)စည်းလျှင် (၃၀ဝိ/-)ကျပ်၊ ပြည်ပန်းညိုရွက် လက်တစ်ပုံစာ (၁)ပုံလျှင် (၅၀ဝိ/-)ကျပ်၊ ကင်းပုံရွက်၊ ပြည်ပန်းညို၊ ဆူးပုတ်လေး ပါသည့် အရွက်စုံတစ်ပုံလျှင် (၅၀ဝိ/-)ကျပ်၊ ဆူးပုတ်လေးသန့်သန့် (၁)ပုံလျှင် (၇၀ဝိ/-)ကျပ်ဖြင့် ရောင်းချလျက်ရှိပြီး ကင်းပုံသီးတွင် အချိုနှင့်အခါးဟူ၍ (၂)မျိုးရှိကြောင်း၊ ကင်းပုံသီး  (၂၅)ကျပ်သားလျှင် (၈၀ဝိ/-)ကျပ်၊ ခရမ်းကဆော့သီး နို့ဆီဗူး(၁)ဘူးလျှင် (၁၅၀ဝိ/-)ဖြင့် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများဖြစ်သော ခဝဲသီး၊ ရွှေဖရုံသီး၊ ကန့်လန့်ဖူး၊ မုံညှင်းရွက်၊ ခရမ်းကဆော့သီး၊ ကြက်ဟင်းခါးသီး၊  ခရမ်းသီးများ ရောင်းချလျက်ရှိရာ ယခုအခါ ပဲစောင်းလျားပင်၊ သခွားသီးပင်နှင့် ခရမ်းကြွပ်သီးပင်များကို နေအိမ် ခြံဝင်းများတွင်လည်းကောင်း၊ ယာကွက်ခြံစည်းရိုးများတွင်လည်းကောင်း စိုက်ပျိုး၍ ရောင်းချလျက် ရှိကြောင်းသိရသည်။ ပဲစောင်းလျားသီး၊ သခွားသီးနှင့် ခရမ်းကြွပ်သီးများကို သုပ်စား၊ချက်စား၊ ငပိရည်နှင့်တွဲဖက်၍လည်း အမျိုးမျိုးပြုလုပ်၍ စားသုံးကြကြောင်း သိရသည်။

    ၂၀၂၅ ခုနှစ်၊ နိုဝင်ဘာလ ဒုတိယပတ်အတွင်း ကန့်ဘလူမြို့မဈေးတွင် ပဲစောင်းလျားသီး၊ သခွားသီးနှင့် ခရမ်းကြွပ်သီးများကို ကန့်ဘလူမြို့ပေါ်၊နတ်ပေးကျေးရွာနှင့် အခြားသောကျေးရွာများ မှဝယ်ယူ၍ ရောင်းချလျက်ရှိကြောင်း၊ ပဲစောင်းလျားသီး(၅)တောင့်ပါ (၁)စည်းလျှင် (၅၀၀)ကျပ်၊ (၃)စည်းလျှင် (၁၃၀၀)ကျပ်၊ သခွားသီး(၁)လုံးလျှင် (၁၀၀၀)ကျပ်၊ ခရမ်းကြွပ်သီး(၁)ပိဿာလျှင် (၃၈၀၀)ကျပ်၊ (၅၀)ကျပ်သားလျှင် (၂၀၀၀)ကျပ်၊ (၂၅)ကျပ်သားလျှင် (၁၀၀၀)ကျပ်ဖြင့် အရောင်းအ ဝယ်ဖြစ်လျက်ရှိကြောင်း ကုန်စိမ်းရောင်းချသူထံမှ သတင်းရရှိပါသည်။

DOCA(စစ်ကိုင်း)

           ဘုရင့်နောင်ကုန်စည်ဒိုင်သို့ ၈.၁၁.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၄၇၆ အိတ်နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ဆန်ကြမ်းထိပ်စအိတ်ရေ ၃၁၈၀ နှင့် ဈေးနှုန်းမှာ ၄၆၅၀၀ မှ ၄၈၅၀၀ ကျပ်၊ လက်စအိတ်ရေ ၂၁၂၀ နှင့် ဈေးနှုန်းမှာ ၄၆၀၀၀ မှ ၄၇၅၀၀ ကျပ်၊ ၂၅ မတ်ဆန်အိတ် ၉၇၀ နှင့် ဈေးနှုန်းများမှာ ၄၄၅၀၀ မှ ၄၆၀၀၀ ကျပ်၊ ဆန်ကွဲအိတ်ရေ ၅၂၈၄ နှင့် ဈေးနှုန်းများမှာ ၄၄၀၀၀ မှ ၄၆၅၀၀ကျပ်၊ ပဲခူး(အနောက်) ၃၁၂၈ အိတ်နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ဆန်ကြမ်းထိပ်စအိတ်ရေ ၂၉၄၅ နှင့် ဈေးနှုန်းမှာ ၄၆၅၀၀ မှ ၄၈၅၀၀ ကျပ်၊ လက်စအိတ်ရေ ၁၇၅၄ နှင့် ဈေးနှုန်းမှာ ၄၆၀၀၀ မှ ၄၇၅၀၀ ကျပ်၊ ၂၅ မတ်ဆန်အိတ် ၈၅၆ နှင့် ဈေးနှုန်းများမှာ ၄၄၅၀၀ မှ ၄၆၀၀၀ ကျပ်၊ ဆန်ကွဲအိတ်ရေ ၅၁၄၃ နှင့် ဈေးနှုန်းများမှာ ၄၄၀၀၀ မှ ၄၆၅၀၀ကျပ်၊ ဧရာဝတီတိုင်းမှ ရှယ်စ ၃၅၉၈ အိတ်နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ဆန်ကြမ်းထိပ်စအိတ်ရေ ၃၀၈၆ နှင့် ဈေးနှုန်းမှာ ၄၆၅၀၀ မှ ၄၈၅၀၀ ကျပ်၊ လက်စအိတ်ရေ ၁၈၃၀ နှင့် ဈေးနှုန်းမှာ ၄၆၀၀၀ မှ ၄၇၅၀၀ ကျပ်၊ ၂၅ မတ်ဆန်အိတ် ၁၀၂၃ နှင့် ဈေးနှုန်းများမှာ ၄၄၅၀၀ မှ ၄၆၀၀၀ ကျပ်၊ ဆန်ကွဲအိတ်ရေ ၅၀၉၆ နှင့် ဈေးနှုန်းများမှာ ၄၄၀၀၀ မှ ၄၆၅၀၀ ကျပ်တို့ဝင်ရောက်ကြောင်း သိရှိရပါသည်။    

           သို့ဖြစ်ပါ၍ ၈.၁၁.၂၀၂၅ ရက်နေ့တွင်  ဆန်အိတ်ရေစုစုပေါင်း ၄၃၄၈၉ အိတ်ဝင်ရောက်ခဲ့ပြီး ဆန်ဈေးနှုန်းမှာ ပြောင်းလဲမှုမရှိကြောင်း သိရှိရပါသည်။

DOCA (ရန်ကုန်)