ပြည်တွင်းကုန်သွယ်မှုသတင်း

          မြင်းခြံမြို့နယ်သည် မိုးနည်းရပ်ဝန်း အပူပိုင်းဒေသဖြစ်သောကြောင့် ဂျူးပင်များ စိုက်ပျိုးဖြစ် ထွန်းမှုမရှိကြောင်း၊ မြင်းခြံမြို့အေးမြသီတာဈေးတွင် ရောင်းချနေသော ဂျူးမြစ်များကို ရှမ်းပြည်နယ်တောင်ပိုင်း အောင်ပန်းမြို့နှင့် မန္တလေးမြို့ရှိကုန်စိမ်းပွဲရုံများမှ မှာယူရောင်းချကြောင်း သိရှိရသည်။ ၂၀၂၅ ခုနှစ်၊ အောက်တိုဘာဒုတိယပတ်တွင် ဂျူးမြစ် ၂၅ ကျပ်သားလျှင်(၂၀၀၀)ကျပ်၊ တစ်ပိဿာလျှင် (၈၀၀၀) ကျပ်ခန့်ပေါက်ဈေးများဖြင့်ရောင်းချကြောင်း၊ ယခင်စက်တင်ဘာလ ဒုတိယပတ် တွင် ဂျူးမြစ် ၂၅ ကျပ်သားလျှင် (၂၅၀၀) ကျပ်၊ တစ်ပိဿာလျှင် (၉၅၀၀) ကျပ် ပေါက်ဈေးများရှိ ခဲ့ကြောင်း၊ ကာလတူနှိုင်းယှဉ်ပါက ယခုလတွင်ဂျူးမြစ် ၂၅ ကျပ်သားလျှင်(၅၀၀)ကျပ်၊ တစ်ပိဿာလျှင် (၁၅၀၀)ကျပ်ခန့် ဈေးနှုန်းများကျဆင်းခဲ့ကြောင်း၊ ယခုအချိန်တွင် ဂျူးမြစ်များထွက် ပေါ် ချိန်ဖြစ် သောကြောင့် ဈေးနှုန်းကျဆင်းခဲ့ခြင်းဖြစ်ကြောင်း၊အရည်အသွေးနှင့် လတ်ဆတ်မှု အပေါ်တွင် ဈေးနှုန်းများ အနည်းအငယ် ကွာခြားကြောင်း၊ စားသုံးမှုများ၍ ဒေသတွင်း အရောင်း အဝယ် ကောင်းကြောင်း ကုန်စိမ်းရောင်းချသူတစ်ဦး၏ ပြောပြချက်အရ သိရှိရသည်။ စားသုံးမှု အနေဖြင့် ဂျူးမြစ်နှင့် ကြက်ခြေထောက်မာလာသုပ်၊ ဂျူးမြစ်ထောင်း၊ ဂျူးမြစ်အစပ်ကြော် စသည်တို့ဖြင့် အမျိုးမျိုး ချက်ပြုပ်စားသောက်ကြကြောင်း၊ ဂျူးမြစ်သည် အရေပြားကျန်းမာ ရေးအတွက် များစွာ အကူပြုပြီး၊ အစိုဓာတ်ထိန်းပေး၍ အသားအရည်ကြည်လင်လှပကြောင်း၊ အစာခြေစနစ် ကိုကောင်း မွန်၍ အစာအိမ်ရောင်ခြင်း၊ အူလမ်းကြောင်း ပြဿနာများကို သက်သာ စေကြောင်း၊ ကိုယ်ခံအားစနစ်ကို မြှင့်တင်ပေးသောကြောင့် လတ်ဆတ်သော ဂျူးမြစ်များကို ရွေးချယ်စားသုံးသင့် ကြောင်း သိရှိရသည်။

DOCA(မန္တလေး)

         မြင်းခြံမြို့နယ်သည် ဥယျာဉ်ခြံ မြေလုပ်ငန်းများကိုလည်း လုပ်ကိုင်လျက်ရှိရာ ငှက်ပျော စိုက်ပျိုးခြင်းလုပ်ငန်းကိုလည်းလုပ်ကိုင်ကြောင်းသိရှိရသည်။ဒေသတွင်းကျေးရွာများဖြစ်သော ပတ္တာ ရွာ၊  သင်္ဘောတင်ရွာ၊ ပိုက်တဲကုန်းနှင့် အနိမ့်ကျေးရွာများသည် ငှက်ပျောပင်များကို မိမိတို့၏ခြံဝန်း များ၌ တစ်နိုင်တစ်ပိုင် စိုက်ပျိုးထားကြကြောင်းနှင့် စီးပွားဖြစ်လည်းစိုက်ပျိုးကြကြောင်းသိရှိရ သည်။ ငှက်ပျောပင်များကို မိုးဦးမကျမီ မေလဆန်းပိုင်းတွင် စိုက်ပျိုးထားရှိကြောင်း၊ စိုက်ဧကအနေဖြင့် (၁၁၅)ဧကခန့်စိုက်ပျိုးထားကြောင်း ကြေးတိုင်နှင့်မြေစာရင်းဦးစီးဌာန၏ စာရင်းများအရ သိရှိရ သည်။ ငှက်ပျောစိုက်ပျိုးရာတွင် လှံစို့သားတက်အပင်မြင့်မျိုးကို စိုက်ပျိုးထားကြောင်း၊ရခိုင်ငှက်ပျော မျိုးနှင့် ဖီးကြမ်းငှက်ပျောမျိုးကိုစိုက်ပျိုးထားကြောင်း၊ ငှက်ပျောပင်ကို(၇)ပေပတ်လည်အထိပင်ကြား တန်းကြား အကွာအဝေးထား စိုက်ပျိုးရကြောင်း၊ အထွက်နှုန်းကောင်းစေရန် တစ်ဧကငှက်ပျောပင် (၁၃၀၀)ခန့်စိုက်ပျိုးထားကြောင်း စိုက်ပျိုးပြီး (၅-၆)လအကြာတွင် ငှက်ပျောဖူးများမထွက်မီအချိန်၌ အပင်ခြေတွင် ဓာတ်မြေဩဇာကို ထည့်သွင်းကျွေးရမည်ဖြစ်ကြောင်း၊ ပန်းပွင့်ပြီးနောက် သားတက် တစ်ခုသာထားရှိပြီး မိခင်အပင်မှ မလိုအပ်သော သားတက်အားလုံးကို ဖယ်ရှားရန်လိုအပ်ကြောင်း၊ ငှက်ပျောကြီးထွားရန် ငှက်ပျောဖူး(အဖိုဖူး)အားဖြတ်ပေးရကြောင်း၊ မိုးရာသီတွင် ရေစိမ့်ဆင်းမှု ကောင်းရန်နှင့် အပင်ခြေရေမဝပ်စေရန် အပင်ခြေကိုမြေဖို့ပေးပါက အပင်ဖြစ်ထွန်းကြောင်း၊ စိုက်ပျိုးချိန်မှ(၈)လအကြာတွင် ငှက်ပျောသီးများရင့်မှည့်၍ စတင်ခုတ်ယူပြီး ဈေးကွက်သို့တင်ပို့ ရောင်းချကြောင်း၊  တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစု ပေါင်း(၁၉)သိန်းကျပ်ခန့်ကုန်ကျကြောင်း၊ အထွက်နှုန်းအနေဖြင့်(၉၀၀) အခိုင်ထွက်ရှိကြောင်း၊ မြင်းခြံမြို့မြို့မစည်ပင်သာယာဈေးကြီးအတွင်း ရောင်းချနေသော ၂၀၂၅ ခုနှစ်၊အောက်တိုဘာဒုတိယ ပတ်တွင် ငှက်ပျောဖီးကြမ်း တစ်ဖီးလျှင် (၃၀၀၀-၄၀၀၀)ကျပ်ခန့်၊ ရခိုင်ငှက်ပျောဖီး တစ်ဖီးလျှင် (၂၀၀၀) ကျပ်ပေါက်ဈေးများရှိကြောင်း၊ ငှက်ပျောအဖီး အရည်အသွေးပေါ်မူ တည်၍ဈေးနှုန်း ကွာခြားကြောင်း၊ ထွက်ရှိသော ငှက်ပျောသီးများကို ဒေသတွင်းစားသုံးရန်နှင့် သာရေးနာရေး ပွဲများတွင်လည်း အသုံး ပြုသောကြောင့်ရောင်းချရကြောင်း၊ ဈေးကွက်တင်ပို့မှု အနေဖြင့် တောင်သာ မြို့ သို့တင်ပို့ရောင်းချကြောင်း၊ တစ်ဧကအကျိုး အမြတ်အနေ ဖြင့် (၃၄)သိန်းကျပ်ဝန်းကျင်ခန့်   ရရှိကြောင်း ငှက်ပျောစိုက် တောင်သူတစ်ဦး၏ ပြောပြချက်အရ သိရှိရသည်။

DOCA(မန္တလေး)

    ကျွန်းလှမြို့နယ်အတွင်း ကုန်ဈေးနှုန်းများ အနည်းငယ်မြင့်တက်လျက်ရှိရာမှ အသား/ငါး ဈေးနှုန်း များထဲမှ ရေဘဝဲ နှင့် ပြည်ကြီးငါး ဈေးနှုန်းသည်လည်း မြင့်တက်လျက်ရှိရာ ရေဘဝဲ နှင့် ပြည်ကြီးငါး များကို  ဧရာဝတီတိုင်းဒေသကြီး၊ မွန်ပြည်နယ် မော်လမြိုင်မြို့ နှင့် ရန်ကုန်တိုင်းဒေသကြီးတို့မှ  တစ်ဆင့် ဝယ်ယူရောင်းချကာ ထမင်းဆိုင်များ၊ စားသောက်ဆိုင်များ နှင့် စားဖွယ်စုံရောင်းချသည့် ဆိုင်မျာမှ ဝယ်ယူအသုံးပြုနေသည့်အတွက် ဈေးကောင်းသော်လည်း ရောင်းအားကောင်းလျက်ရှိကြောင်း သိရသည်။

    ယခု အောက်တိုဘာလ ဒုတိယပတ်တွင် ကျွန်းလှမြို့၏ ရေဘဝဲ နှင့် ပြည်ကြီးငါး ဈေးနှုန်းများ အနေဖြင့် ရေဘဝဲ လက်လီဈေး(၁)ပိဿာလျှင်(၇၀၀၀၀)ကျပ်၊ (၅၀)ကျပ်သားလျှင်(၃၅၀၀၀)ကျပ်၊ (၂၅) ကျပ်သားလျှင်(၁၈၀၀၀)ကျပ်၊ ပြည်ကြီးငါး လက်လီဈေး တစ်ပိဿာလျှင်(၇၀၀၀၀)ကျပ်၊ (၅၀)ကျပ်သား လျှင်(၃၅၀၀၀)ကျပ် နှင့် (၂၅)ကျပ်သားလျှင်(၁၈၀၀၀)ကျပ်  ဈေးနှုန်းဖြင့် အရောင်းအဝယ်ဖြစ်လျက် ရှိကြောင်း ငါး/ပုဇွန်၊ ရေဘဝဲ နှင့် ပြည်ကြီးငါး အရောင်းအဝယ် လုပ်ကိုင်သူထံမှ သိရပါသည်။

DOCA(စစ်ကိုင်း)

    ကျွန်းလှမြို့၊ သစ်ရာမြိုင်ဈေးတွင် ငရုတ်သီးခြောက်၊ အာလူး၊ ကြက်သွန်နီ နှင့် ကြက်သွန်ဖြူ တို့ကို ကန့်ဘလူဒေသထွက်နှင့် ရှမ်းပြည်နယ် အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါ သည်။

     ၂၀၂၅ ခုနှစ်၊ ယခု အောက်တိုဘာလ ဒုတိယပတ်၌ ကျွန်းလှမြို့၊ သစ်ရာမြိုင်ရပ်ကွက်ဈေးအတွင်း ရောင်းချနေသော ငရုတ်သီးခြောက်ဈေးနှုန်းအနေဖြင့် ငရုတ်သီးခြောက်(အရှည်)လက္ကား တစ်ပိဿာလျှင် (၁၄၀၀၀)ကျပ်၊ ငရုတ်သီးခြောက် (အရှည်) လက်လီ တစ်ပိဿာလျှင်(၁၅၀၀၀)ကျပ်၊ (၅၀)ကျပ်သားလျှင် (၇၅၀၀)ကျပ်၊ (၁၀)ကျပ်သားလျင်(၁၅၀၀)ကျပ် နှင့် ငရုတ်သီးလှော်ကြော်(၁၀)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း သစ်ရာမြိုင်ဈေးတွင် ငရုတ်သီးခြောက်၊ ကြက်သွန်ဖြူ /နီ နှင့် အာလူး အရောင်းအဝယ် လုပ်နေသည့် လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

         မန္တလေးတိုင်းဒေသကြီးအတွင်းရှိ မြင်းခြံခရိုင်သည်  နှစ်ရှည်ပင်သီးနှံများကို စိုက်ပျိုးကြသော်လည်း   တညင်းသီးပင်စိုက်ပျိုးဖြစ်ထွန်းမှု မရှိကြောင်း၊ တညင်းပင်သည် မြန်မာနိုင်ငံအပူပိုင်းဒေသ များတွင် ပေါက်ရောက်မှုနည်းပြီး၊ အအေးပိုင်းဒေသများဖြစ်သော ရှမ်းပြည်နယ်၊ မြစ်ကြီးနားမြို့ နှင့်ပြင်ဦးလွင်ဒေသများတွင်ပေါက်ရောက်ကြောင်း၊ ထွက်ပေါ်ချိန်မှာ(မေလမှ ဩဂုတ်လ) ဖြစ်ပြီး၊ နွေရာသီနှင့် မိုးရာသီ ကာလများတွင် ထွက်ပေါ်ကြောင်းသိရသည်။ မြင်းခြံမြို့ အေးမြသီတာဈေးတွင် ရောင်းချနေသော၂၀၂၅ ခုနှစ် အောက်တိုဘာ ဒုတိယပတ်၌ တညင်းသီး ၂၅ကျပ်သားလျှင် (၁၅၀၀-၂၀၀၀) ကျပ်၊ တစ်ပိဿာလျှင် (၅၅၀၀-၇၅၀၀) ကျပ်ခန့်ပေါက်ဈေးများဖြင့် ရောင်းချကြောင်း၊ စက်တင်ဘာလဒုတိယပတ်၌ ဒတညင်းသီး ၂၅ ကျပ် သားလျှင် (၂၀၀၀-၂၅၀၀)ကျပ်၊ တစ်ပိဿာလျှင် (၇၅၀၀-၉၅၀၀) ကျပ်ပေါက်ဈေးများဖြင့် အရောင်းအဝယ် ဖြစ်ခဲ့ကြောင်း၊ ကာလတူနှိုင်းယှဉ်ပါက ယခင်လထက် ယခုလတွင် တညင်းသီး ၂၅ကျပ်သားလျှင် (၅၀၀)ကျပ်၊ တစ်ပိဿာလျှင် (၂၀၀၀) ကျပ်ခန့်ဈေးနှုန်းများကျဆင်းခဲ့ကြောင်း၊ ယခုအချိန်တွင် တညင်းသီးများ ဈေးကွက်တွင်ပေါများစွာ ထွက်ပေါ်ချိန်ဖြစ်သောကြောင့် ဈေးနှုန်းကျဆင်းခဲ့ခြင်းဖြစ်ကြောင်း၊ တညင်းသီး သီးနှံသည် စားသုံးမှုများ၍ ဈေးကွက်တွင် အရောင်းသွက်လျက်ရှိကြောင်း၊ ကောလင်းမြို့၊ပြင်ဦးလွင်မြို့နှင့် မြစ်ကြီးနား ဒေသမှထွက်ရှိသော တညင်းသီးများကို မှာယူတင်သွင်းပြီး မြင်းခြံဈေးကွက်သို့ ရောင်းချကြောင်း၊ ကုန်သည်၏ပြောပြချက်အရသိရသည်။ စားသုံးမှုအနေဖြင့် တညင်းသီးကို ပြုပ် စားခြင်း၊ ချက်စားခြင်း၊ လဘက်ဖြင့်သုပ်စားခြင်း၊ တညင်းသီးဆားရည်စိမ်ကို ငပိရည်နှင့် စား ခြင်းစသည်ဖြင့် စားသုံးနိုင်သလို  ကျန်းမာရေးအနေဖြင့် တညင်းသီးတွင် သကြားဓာတ်များ၍ ဆီးချိုရှိသူများ သတိထားစားသုံးသင့်ကြောင်း၊ ကယ်လိုရီများ၍ အလွန်အကျွံစားပါက ကိုယ်အလေး ချိန်တက်နိုင်ကြောင်း၊ တညင်းသီးကို ကျန်းမာရေးနှင့်သင့်တင့်မျှတစွာ စားသုံးသင့်ကြောင်း သိ ရှိရသည်၊၊

DOCA(မန္တလေး)