ပြည်တွင်းကုန်သွယ်မှုသတင်း

        ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များတွင် ကုလားပဲဆံနှင့် ပဲတီဆံများကို မန္တလေးမြို့မှတဆင့် မှာယူရောင်းချ လျက်ရှိကြောင်း သိရှိရပါသည်။

         ၂၀၂၅ ခုနှစ်၊ အောက်တိုဘာလ တတိယပတ်အတွင်း ကျွန်းလှမြို့ ကုန်မျိုးစုံရောင်းချသည့်ဆိုင်များတွင် ရောင်းချနေသော ကုလားပဲဆံ ဈေးနှုန်းအနေဖြင့် ကုလားပဲဆံ တစ်ပြည့်လျှင်(၉၅၀၀)ကျပ်၊ နို့ဆီဘူး (၄)ဘူးလျှင်(၄၈၀၀)ကျပ် နှင့် နို့ဆီ(၁)ဘူးလျှင်(၁၂၀၀)ကျပ်၊ ပဲတီဆံ တစ်ပြည်လျှင်(၈၅၀၀)ကျပ်၊ နို့ဆီဘူး (၄)ဘူးလျှင်(၄၄၀၀)ကျပ် နှင့် နို့ဆီဘူး(၁)ဘူးလျှင်(၁၁၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း  သတင်းရရှိပါသည်။

DOCA(စစ်ကိုင်း)

         စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့၊ ပိတောက်မြိုင်ဈေးတွင် ရာသီပေါ်သီးနှံများ၊ အခြားဒေသမှဝင်ရောက်သည့် စားသောက်ကုန်ပစ္စည်းများကို ရောင်းချပေးလျက်ရှိရာ ယခုအခါတွင် ရာသီစာ ကြောင်လျှာပွင့်ခြောက်များကို မိမိတို့ဒေသထွက်များကို ရောင်းချလျက်ရှိကြောင်း သိရသည်။

         ၂၀၂၅ ခုနှစ်၊ ယခု အောက်တိုဘာလ‌ တတိယပတ်အတွင်း ကျွန်းလှမြို့၊ ပိတောက်မြိုင်ဈေးတွင် ရောင်းချနေသည့်  ကြောင်လျှာပွင့်ခြောက်ဈေးနှုန်းမှာ ကြောင်လျှာပွင့်ခြောက် တစ်ပိဿာလျှင် (၁၈၀၀၀)ကျပ်၊ (၅၀)ကျပ်သားလျှင်(၉၀၀၀)ကျပ် နှင့် (၁၀)ကျပ်သားလျှင်(၁၈၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)        

        ကျွန်းလှမြို့၊ ပိတောက်မြိုင်ဈေးတွင် ကြက်သွန်နီနှင့် ကြက်သွန်ဖြူများကို မိမိတို့ဒေသထွက် အနည်းငယ်နှင့် ရှမ်းပြည်နယ် အောင်ပန်းမြို့နှင့် မန္တလေးတိုင်းဒေသကြီး၊ မြစ်သားမြို့တို့မှ အများဆုံး မှာယူရောင်းချလျက်ရှိကြောင်း သိရှိရပါသည်။

          ၂၀၂၅ ခုနှစ်၊ ယခု အောက်တိုဘာလ တတိယပတ်တွင် ကြက်သွန်ဖြူဈေးနှုန်းအနေဖြင့် ဗမာကြက်သွန်ဖြူ အကြီးစ တစ်ပိဿာလျှင်(၁၀၀၀၀)ကျပ်၊ ဗမာကြက်သွန်ဖြူ အလတ်စ တစ်ပိဿာလျှင် (၈၀၀၀)ကျပ်၊ ဗမာ ကြက်သွန်ဖြူ အသေးစ တစ်ပိဿာလျှင်(၇၀၀၀)ကျပ် နှင့် ကြက်သွန်ဖြူ(ကြူကုတ်) တစ်ပိဿာလျှင်(၁၂၀၀၀)ကျပ်၊ (၅၀)ကျပ်သားလျှင်(၆၀၀၀)ကျပ်၊ (၂၅)ကျပ်သားလျှင်(၃၀၀၀)ကျပ် နှင့်  (၁၀)ကျပ်သားလျှင်(၁၂၀၀)ကျပ် ဈေးနှုန်းတို့ဖြင့်လည်းကောင်း ကြက်သွန်နီ ဈေးနှုန်းအနေဖြင့်  ကြက်သွန်နီ မြစ်သား အမျိုးအစား တစ်ပိဿာလျှင်(၂၀၀၀)ကျပ်နှင့် ကြက်သွန်နီ ရိုးရိုး အမျိုးအစား တစ်ပိဿာလျှင်(၁၈၀၀/၁၅၀၀)ကျပ် ဈေးနှုန်း အသီးသီးတို့ဖြင့် အရောင်းအဝယ်ဖြစ်လျက်ရှိကြောင်း  သိရှိရပါသည်။

DOCA(စစ်ကိုင်း)

           ရန်ကုန်တိုင်းဒေသကြီး မရမ်းကုန်းမြို့နယ် ဘုရင့်နောင်ကုန်စည်ဒိုင် ပဲနှမ်းအသင်းမှ ၁၆.၁၀.၂၀၂၅ ရက်နေ့ရှိ ပဲလက်ကျန်စာရင်းမှာ မြေပဲတစ်ပိဿာလျှင် မြေပဲလုံးဆံ ၈၂၀၀ ကျပ်ခန့် ၊ မြေပဲဆီဆံ တစ်ပိဿာလျှင် ၇၅၀၀ ကျပ်ခန့်ရှိပါသည်။ နှမ်းဖြူ မန္တလေးဈေးမှာ ၄၅ ပိဿာ တစ်အိတ်လျှင် ၂၉၀၀၀၀ ကျပ်ခန့်ရှိပါသည်။ နှမ်းနက်(ရိုးရိုး) ဈေးနှုန်းမှာ ၄၅ ပိဿာတစ်အိတ်လျှင် ၇၂၀၀၀၀ ကျပ် ခန့်ရှိပြီး ရန်ကုန်ဈေးကွက်တွင် မုန့်ညှင်းဈေးကွက်မရှိပါ။ ပဲပုတ် ၂၀၂၅ အတွက် တန်ချိန် (၁၅၈၀၀) ဝန်းကျင်ရှိမည်ဟု ခန့်မှန်းခဲ့ပါသည်။ ယခင်တစ်ပါတ်တွင် မြေပဲလုံးဆံ တစ်ပိဿာလျှင် ၇၈၀၀ ကျပ်ခန့်ရှိရာမှ ယခုတစ်ပတ်တွင် ၈၂၀၀ ကျပ်ခန့် နှမ်းနက်မှာ ၄၅ ပိဿာ တစ်အိတ်လျှင် ကျပ် ၆၇၀၀၀၀ ကျပ်ရှိရာမှ ၇၂၀၀၀၀ ကျပ်ခန့် ပဲပုတ် ၂၀၂၅ အတွက် တန်ချိန် ၁၆၀၀၀ ဝန်းကျင်ရှိရာမှ ၁၅၈၀၀ ရှိမည်ဟုခန့်မှန်းကြောင်း ဘုရင့်နောင်ကုန်စည်ဒိုင် ပဲနှမ်းအသင်းမှ သိရှိရပါသည်။

DOCA (ရန်ကုန်)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူမြို့၊ ရွှေချောင်းကွက်သစ်၊ ကျွဲတဲ အုပ်စုရှိ “အရီးချို” ပုန်းရည်ကြီးလုပ်ငန်းသို့ ဒု-ခရိုင်ဦးစီးမှူးနှင့် ဝန်ထမ်းများသည်  ပြည်တွင်းကဏ္ဍ မြှင့်တင်နိုင်ရေးအတွက် လုပ်ငန်းရှင် ဦးသိန်းနိုင် နှင့်တွေ့ဆုံပြီး ပုန်းရည်ကြီး ထုတ်လုပ်ရောင်းဝယ်မှု အခြေအနေနှင့် ဈေးနှုန်း၊ ဈေးကွက် အခြေအနေများကို မေးမြန်းဆွေးနွေးခဲ့ကြောင်း သိရသည်။

          ပုန်းရည်ကြီး ပြုလုပ်ရာတွင် အဓိကအသုံးပြုသော ပဲပိစပ်ကို ပခုက္ကူမြို့ပေါ်ရှိ ပွဲရုံများမှ  ဝယ်ယူရပြီး ဈေးနှုန်းအနေဖြင့် (တစ်တင်းခွဲ) တစ်အိတ်ကို ကျပ်(၇၀၀၀၀)ပေးရကြောင်း၊ တစ်နေ့ ကုန်ကြမ်း(၃) အိတ်ကုန်ကြောင်း၊ ထုတ်လုပ်မှုအနေဖြင့် ပထမအဆင့် ပဲများကို ရေစိမ်ပြီးနောက် ပြုတ်၍ ပြုတ်ရည် အနှစ်နှင့် အဖတ်များ ခွဲထုတ်ရကြောင်း၊ ဒုတိယအဆင့် ရရှိလာသည့် အနှစ်ကို ဒယ်အိုး၊ ထင်းမီးများနှင့် အဆက်မပြတ်မွှေ၍ ပုန်းရည်ကြီး ဖြစ်သည်အထိ (၁)ဒယ်ကို (၃)နာရီခန့် ကြာအောင် ကြိုရကြောင်း၊ တတိယအဆင့် လိုအပ်သလို ပုန်းရည်ကြီးထုပ်များ ထုပ်နိုင်ရန်အတွက် (၃) နာရီခန့် အအေးခံထားပြီး အထုပ်လေးများထုတ်ရကြောင်း၊ အထုပ်သေး(၅)ထုပ်ပါ တစ်တွဲ ကျပ်(၇၀၀)နှင့် အထုပ်အကြီး(၅)ထုပ်ပါ တစ်တွဲ ကျပ်(၁၄၀၀)ဖြင့် ရောင်းချကြောင်း၊ (၁)ရက်ကို (၆)ဒယ် ပြုလုပ်ရကြောင်း၊ (၁)ဒယ်လျှင် (၁၅)ပိဿာခန့် ရရှိကြောင်း၊ ပုန်းရည်ကြီး (၁)နေ့ ထုတ်လုပ်မှုအနေဖြင့် (၉၀)ပိဿာခန့် ထွက်ရှိပြီး (၁)လလျှင် (၂၀) ရက်ခန့်သာ ပြုလုပ်ရကြောင်း၊ ထုတ်လုပ်မှုအကုန်နီးပါး လက်ကား/ လက်လီ ရောင်းရကြောင်း၊ အလုပ်သမား (၂၀)ဦးရှိပြီး (၁) ဦးလျှင် တစ်နေ့လုပ်အားခမှာ အမျိုးသား ကျပ်(၆၀၀၀) နှင့် အမျိုးသမီး ကျပ်(၅၀၀၀)ပေးရကြောင်း၊ ပုန်းရည်ကြီးကြိုရာမှ ထွက်ရှိလာသည့် အဖတ်များကိုလည်း ဝက်စာအဖြစ် ရောင်းချရကြောင်း၊ (၁)ရက်ကုန်ကျစရိတ်အနေဖြင့် ကျပ်(၅၀၀၀၀၀) ခန့်ကုန်ကျကြောင်းနှင့် အကျိုးအမြတ် အနေဖြင့် ကျပ်(၁၃၀၀၀၀)ခန့်ရရှိကြောင်း၊ ပုန်းရည်ကြီး ပြုလုပ်ရသည်မှာ လက်ဝင်ပြီး အဆင့်ဆင့်အချိန်ပေး၍ ပြုုလုပ်ရသော်လည်း အိုးမကွာ အိမ်မကွာပြုလုပ်ရခြင်းဖြစ်သည့် အတွက် တစ်နိုင်တစ်ပိုင် အသေးစား လုပ်ငန်း ဖြစ်သော်လည်း အနီးပတ်ဝန်းကျင်ရှိ ပြည်သူများကို လည်း အလုပ်အကိုင်အခွင့်အလမ်းများ ဖော်ဆောင်ပေးနိုင်သည့်အတွက် ဆက်လက်ထုတ်လုပ်သွားမည်ဖြစ်ကြောင်း လုပ်ငန်းရှင်၏ ပြော ကြားချက်အရ သိရှိရပါသည်။   

DOCA(မကွေး)