ပြည်တွင်းကုန်သွယ်မှုသတင်း

  စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိသလို   စားသုံးသူများ နေ့စဉ်ဝယ်ယူသုံးစွဲလျက်ရှိသည့် အခြေခံစားသောက်ကုန် များ၏ ဈေးနှုန်း၊ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။

၂၀၂၅ ခုနှစ်၊ အောက်တိုဘာလ နောက်ဆုံးပတ်အတွင်း ကန့်ဘလူမြို့မဈေးတွင် တီလားဗီး ယားငါးအကြီး(၁)ပိဿာလျှင် (၁၄၀၀၀)ကျပ်၊  အသေး(၁)ပိဿာလျှင် (၁၀၀၀၀)ကျပ်နှင့် (၂၅)ကျပ် သားလျှင်(၃၅၀၀)ကျပ်၊ ငါးဘတ်(၁)ပိဿာလျှင် (၂၇၀၀၀)ကျပ်၊  ငါးရံ့(၁)ပိဿာ (၂၅၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိပြီး ယခင်အပတ်ဈေးနှုန်းများနှင့် နှိုင်းယှဉ်ပါက ယခုပတ် အတွင်းငါးရံ့(၁)ပိဿာလျှင် (၁၀၀၀)ကျပ်ဈေးနှုန်းမြင့်တက်လာကြောင်း လုပ်ငန်းရှင်များထံမှ သိရသည်။

DOCA(စစ်ကိုင်း)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာ ကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါဆောင်ရွက်လျက်ရှိရာစစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့တွင်၊ မိသားစုစားဝတ်နေရေး အပိုဝင်ငွေရရှိရန် အတွက် စိုက်ပျိုးရေးနှင့် မွေးမြူ‌ရေးကို အဓိကထား လုပ်ကိုင်ကြရာမှ ဝက်မွေးမြူရေးလုပ်ငန်းကိုပါ‌ လုပ်ကိုင် လျက်ရှိကြောင်း သိရှိရပါသည်။

      ဝက်မွေးမြူရေးလုပ်ငန်း လုပ်ကိုင်လျက်ရှိရာ အသားတိုးဝက်နှင့် အသားကျဝက်ဟု နှစ်မျိုးမွေးမြူကြပါသည်။ ဝက်သားကျ မွေးမြူသူများမှ သားဖောက်ရောင်းသော သားပေါက်ကလေးများကို အသားတိုးဝက်မွေးမြူရန်အတွက် ဝက်ပေါက်ကလေး တစ်လခွဲသားများကို ဝယ်ယူပြီး မွေးမြူရကြောင်း၊ ကျွန်းလှမြို့နယ်အတွင်း ရောင်းချလျက်ရှိသော ဝက်သားပေါက် ဈေးနှုန်းများမှာ အကောင်အကြီးအသေး နှင့် မျိုးကောင်း မကောင်း အပေါ်မူတည်၍ ဝက်သားပေါက် အကြီး တစ်ကောင်လျှင်(၃၈၀၀၀၀)ကျပ်၊ ဝက်သား ပေါက် အလတ် တစ်ကောင်လျှင်(၃၆၀၀၀၀)ကျပ် ဝက်သားပေါက် အသေး တစ်ကောင်လျှင်(၃၄၀၀၀၀) ကျပ်ဈေးအထိ ဈေးနှုန်းအစားစားဖြင့် ရောင်းချလျက်ရှိပြီး ဈေးကောင်းရရှိသည့်အတွက် ဝက်သားကျ ဖောက် ရောင်းသူများ အနေဖြင့် မိသားစုဝင်ငွေရရှိကာ အဆင်ပြေလျက်ရှိကြောင်း သိရသည်။

DOCA (စစ်ကိုင်း)    

      ကမ်းရိုးတန်းဒေသဖြစ်ပြီး ရေထွက်ပစ္စည်းများ၊ စိုက်ပျိုးသီးနှံများနှင့် ဒေသတွင်းထွက် ရှိသော စားဖိုဆောင်သီးနှံများကို အကြီးအကျယ်ရောင်းချလျက်ရှိသည့် တနင်္သာရီတိုင်း‌ဒေသကြီး၊ မြိတ်မြို့သည် အလွန်စည်ကားလှပါသည်။ ထိုသို့ရောင်းချရာတွင် စျေးကွက်၌ အရည်အသွေးကောင်းသည်ဟု ထင်ရှားသည့် ငါးချဉ်၊ ပုဖွန်ချဉ်တို့သည်လည်း မြိတ်မြို့ပေါ်ရှိ ဈေးကွက်တွင် အလွန်ရောင်းအား ကောင်းပါသည်။ ဧည့်သည်များအတွက် အိမ်ပြန်လက်‌ဆောင်ထည့်ပေးရာတွင် မျက်နှာပန်းလှသည့် အပြင် လူကြိုက်များသော အစားအစာတစ်ခုဖြစ်ပါသည်။

    ယခု ၂၀၂၅ခုနှစ်၊အောက်တိုဘာလ နောက်ဆုံးပတ်တွင် ငါးချဉ်တစ်ဆယ်သား(၅၀၀၀) ကျပ်နှင့် ပုဇွန်ချဉ်တစ်ဆယ်သား (၅၅၀၀)ကျပ်ဖြင့် ရောင်းချလျက်ရှိကြောင်းသိရပြီး ယခင် စက် တင်ဘာလထက် ငွေ(၅၀၀)ကျပ် ဈေးကျသွားကြောင်း သိရှိရပါသည်။

DOCA(တနင်္သာရီ)

           ကန့်ဘလူခရိုင် ၊ ကျွန်းလှမြို့၊ သစ်ရာမြိုင်ရပ်ကွက်တွင် ၊ အပိုဝင်ငွေရရှိရန်အတွက်  စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ သစ်ပင်ပန်းပင်အမျိုးမျိုးကို အပင်ပေါက်ရော အပွင့်ပါ ရောင်းချရန်  တစ်နိုင် တစ်ပိုင် စိုက်ပျိုးလာကြသည်။

      တတိုင်းမွှေးပင်ကို မြေအောက်ရေတင်စနစ်ဖြင့် မြေကျင်းတူးစိုက်ပျိုးရသော နှစ်ရှည်အပင်တစ်မျိုးဖြစ် ပြီး တတိုင်းမွှေးပင်သည် အပူပိုင်းနှင့်သမပိုင်းဒေသများတွင် စိုက်ပျိုးနိုင်ပြီး တတိုင်းမွှေးပင်သည် နှစ်(၁၀၀) သက်တမ်းအထိ ရှင်သန်နိုင်ကြောင်း၊တတိုင်းမွေးပင်များသည် အပင်မျိုးစိတ်ပေါ်မူတည်၍ အဖြူရောင်၊ အနီရောင်၊ ပန်းရောင်၊ အဝါရောင် ခရမ်းရောင်၊ နှင့် ကြက်သွေးရောင်ဟူ၍ အမျိုးမျိုးရှိကြပြီး ယခုချိန်တွင် တတိုင်းမွှေးပျိုးပင် ဈေးနှုန်းများမှာ တတိုင်းမွှေးပျိုးပင် တစ်ပင်လျှင်(၃၅၀၀၀)ကျပ် ဈေးနှုန်းတို့ဖြင့် ရောင်းချ လျက်ရှိပြီး လူအများကအနံ့ရောအပင်ကိုကြိုက်ကြကြောင်း  သိရှိရပါသည်။

DOCA (စစ်ကိုင်း)    

       ငါးပတ်နှင့်ငါးပေါက်စကို ကန့်ဘလူခရိုင်၊ ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ထွက်ရှိသည့်ဒေသထွက်ရေချိုငါးများကို  လက်လီ/လက္ကား ငါးအရောင်းအဝယ်ပြုလုပ်သည့် ဒိုင်များမှ ဝယ်ယူရောင်းချကာ  ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။

         ၂၀၂၅ ခုနှစ်၊ အောက်တိုဘာလ နောက်ဆုံးပတ်တွင် ကျွန်းလှမြို့၏ ငါးပတ် ဈေးနှုန်းများမှာ ငါးပတ် ရှယ်ဆိုက်ဝင်(အကြီး) တစ်ပိဿာလျှင်(၃၀၀၀၀)ကျပ်၊ (၅၀)ကျပ်သားလျှင်(၁၅၀၀၀)ကျပ်၊ (၂၅) ကျပ်သားလျှင်(၈၀၀၀)ကျပ် နှင့် ငါးပတ် အကောင်သေး တစ်ပိဿာလျှင်(၂၅၀၀၀)ကျပ်၊ (၅၀)ကျပ် သားလျှင်(၁၃၀၀၀)ကျပ် နှင့် (၂၅)ကျပ်သားလျှင်(၆၅၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး  ငါးပေါက်စဈေးနှုန်းများမှာ ငါးပေါက်စ(ခေါင်းဖြတ် ချေးဖောက်ပြီး) လက်လီ တစ်ပိဿာလျှင် (၁၅၀၀၀)ကျပ်၊ (၅၀)ကျပ် သားလျှင်(၇၅၀၀)ကျပ် နှင့် (၂၅)ကျပ်သားလျှင်(၄၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက် ရှိကြောင်း သိရှိရပြီးငါးဘတ်သားသည် အခြားငါးအသား များနှင့်မတူ အသားနုညံ့ပြီး အရိုးနည်းကာ အရသာ ရှိသည့်အတွက် ဈေးကြီးသော်လည်း ရောင်းအားကောင်းလျက် ရှိကြောင်း ငါးအရောင်းအဝယ်လုပ်ကိုင်သူ ထံမှသိရပါသည်။

DOCA (စစ်ကိုင်း)