ပြည်တွင်းကုန်သွယ်မှုသတင်း

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရာသီပေါ်ဟင်းသီးဟင်း ရွက်များအပြင်  ကြက်ဥ၊ ဘဲဥနှင့် ငုံးဥများ ရောင်းချလျက်ရှိရာ ကန့်ဘလူမြို့နယ်အတွင်းရှိ ကြက်ခြံ များနှင့် မန္တလေးမြို့မှ ဝင်ရောက်လျက်ရှိကြောင်း သိရသည်။

   ၂၀၂၅ ခုနှစ်၊ အောက်တိုဘာလ နောက်ဆုံးပတ်အတွင်း ကန့်ဘလူမြို့မဈေးတွင် ကြက်ဥ အကြီး(၁)လုံးလျှင် (၅၅၀)ကျပ်၊ လက်ကား(၁၀)လုံးလျှင် (၅၀၀)ကျပ်နှင့် အသေး(၁)လုံးလျှင် (၅၀၀) ကျပ်၊ အောက်တိုဘာလ နောက်ဆုံးပတ်အတွင်း ဘဲဥ(၁)လုံးလျှင် (၆၈၀)ကျပ်နှင့် ငုံးဥ(၈)လုံးလျှင် (၁၀၀၀)ကျပ်ဈေးနှုန်းဖြင့် ရောင်းချလျက်ရှိကြောင်း ယခင်အပတ် ဈေးနှုန်းများနှင့်နှိုင်းယှဉ်ပါက ယခုပတ်အတွင်း ကြက်ဥဈေးနှုန်း အနည်းငယ်ကျဆင်းလာကြောင်း ကြက်ဥ၊ဘဲဥလက်လီ/လက္ကား ရောင်းချသည့် လုပ်ငန်းရှင်များထံမှသိရှိရပါသည်။

DOCA(စစ်ကိုင်း)

    တနင်္သာရီတိုင်း၊ မြိတ်မြို့တွင် ကတ်ကြေးကိုက်သည် အထင်ကရ အစားအစာအဖြစ်ကျော် ကြားပြီး လူကြိုက်များသည် အစားအသောက်လည်းဖြစ်သည်။  ‌ကတ်ကြေးကိုက်ကို ကတ်ကြေးကိုက် မုတ်ဖတ်၊ ဆီ၊ ကြက်ဥနှင့် အသားများအားအသုံးပြု၍ ကြော်စားကြပြီး ဝယ်ယူသောအမျိုးအစား ပေါ်မူတည်၍ စျေးနှုန်းကွဲပြားလျက်ရှိသည်။ ကတ်ကြေးကိုက်ကို ရေစာ(ပင်လယ်စာ)၊ ဝက်၊ သက်သတ်လွတ်၊ ကြက်သား၊ အစုံဖြင့် အမျိုးမျိုးရရှိနိုင်ပြီး ၂၀၂၅ခုနှစ်၊ အောက်တိုဘာလစျေးနှုန်းအရ ရေစာကတ်ကြေးကိုက်တစ်ပွဲလျှင် ၄၀၀၀ကျပ်၊ ဝက်သားဖြင့်  ကတ်ကြေးကိုက်တစ်ပွဲလျှင် ၃၅၀၀ ကျပ်၊ သက်သတ်လွတ်ကတ်ကြေးကိုက်တစ်ပွဲလျှင် ၂၀၀၀ကျပ်၊ ကြက်သား ကတ်ကြေးကိုက်တစ်ပွဲ လျှင် ၃၅၀၀ကျပ် နှင့် အစုံကတ်ကြေးကိုက်တစ်ပွဲလျှင် ၄၅၀၀ ကျပ်တို့ဖြင့် ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

      တနင်္သာရီတိုင်း၊ မြိတ်မြို့သည်  ပင်လယ်ကမ်းရိုးတန်းဒေသဖြစ်ပြီး ငါး၊ ပုစွန်အစရှိသည့် ပင်လယ်ဒေသထွက်ကုန်များဖြင့် ကျော်ကြားသောမြို့လည်းဖြစ်သည်။ ဖမ်းဆီးရမိသော ငါးများကို မြို့အတွင်းရှိဈေးများနှင့် ငါးလေလံဈေးများသို့ ပို့ချရောင်းချကြပြီး ငါးခြောက်ပြုလုပ်၍ ရောင်းချသောရေထွက်ကုန်သည်လည်း ထင်ပေါ်ကျော်ကြားလျက်ရှိသည်။ ငါးခြောက် ကျေးရွာများတွင် အဓိကပြုလုပ်ကြပြီး မြို့ပေါ်ရပ်ကွက်များတွင်လည်း ပြုလုပ်ရောင်းချကြကြောင်း သိရှိရပါသည်။ ငါးခြောက်များထဲမှ ငါးငယ်သီခြောက်များသည်လည်း လူကြိုက်များလျက်ရှိသည်။

      စျေးကွက်တွင်  ငါးငယ်သီခြောက် တစ်သီတွင် (၁၀)ကောင်နှုန်းဖြင့်သီပြီး ရောင်းချကြပါပြီး မြိတ်မြို့အောက်တိုဘာလတွင် ရောင်းချနေသောစျေးနှုန်းအရ ငါးငယ်သီ(ခေါ်)ငါးအခြောက်သီ တစ်သီလျှင် (၁၀၀၀)ကျပ်ဖြင့် ရောင်းချကြကြောင်း သိရှိရပါသည်။

DOCA(တနင်္သာရီ)

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် ငရုတ်သီးစိမ်း၊ ငရုပ်သီး ခြောက်၊ အာလူး၊ ကြက်သွန်နီနှင့် ကြက်သွန်ဖြူစသည့် မီးဖိုချောင်သုံးပစ္စည်းတို့ကို ကန့်ဘလူဒေသ ထွက်နှင့် ရှမ်းပြည်နယ်အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက် ရှိကြောင်း သိရှိရပါသည်။

    ၂၀၂၅ ခုနှစ်၊ အောက်တိုဘာလ နောက်ဆုံးပတ်အတွင်း ကန့်ဘလူမြို့မဈေး၌ ရောင်းချနေ သောငရုပ်သီးခြောက်ဈေးနှုန်းများမှာ ငရုပ်သီးခြောက်(အရှည်) တစ်ပိဿာလျှင်(၁၄၀၀၀)ကျပ်၊ အိန္ဒိယခြောက်(အပု)တစ်ပိဿာလျှင် (၃၃၀၀၀)ကျပ်၊ (၅၀)ကျပ်သားလျှင်(၁၇၀၀၀)ကျပ်၊ ငရုပ်သီး မှုန့်(၁၀)ကျပ်သားလျှင် (၂၀၀၀)ကျပ်နှင့် (၁)ပိဿာလျှင် (၂၀၀၀၀)ကျပ်ဈေးနှုန်းတို့ဖြင့်  အရောင်းအ ဝယ်ဖြစ်လျက်ရှိကြောင်း ကုန်မျိုးစုံရောင်းဝယ်ရေး လုပ်ငန်းရှင်ထံမှ သိရှိရပါသည်။

 DOCA(စစ်ကိုင်း)

     ကန့်ဘလူခရိုင်၊ ကျွန်းလှမြို့နယ်အတွင်း ငါးဈေးနှုန်းများ အနည်းငယ်မြင့်တက်လျက်ရှိရာမှ သဖန်းဆိတ်ဆည်မှ ထွက်ရှိသည့်ရေချိုပုဇွန်ဆိတ်ဈေးနှုန်းသည်လည်း ဈေးကောင်းဖြင့် ရောင်းချ လျက်ရှိကြောင်း သိရှိရပါသည်။

       ပုဇွန်ဆိတ်ဟာဆိုရင် ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ရရှိသည့် ရေချိုပုဇွန် ဆိတ်ဖြစ်ပြီး ပုဇွန်ဆိတ်ကို ဆကာဖြင့် အကောင်အကြီး /အသေး ခွဲခြားပြီး အကောင်အကြီး အသေး ပေါ်မူတည်၍ ဈေးများလဲကွာခြားသွားပါသည်။

      ၂၀၂၅ ခုနှစ် ၊  အောက်တိုဘာလ နောက်ဆုံးပတ်အတွင်း ကျွန်းလှမြို့၌ ဖြစ်ပေါ်လျက်ရှိသော ပုဇွန်ဆိတ် ဈေးနှုန်းအနေဖြင့်  ပုဇွန်ဆိတ် ဆကာတင် အကောင်ကြီး လက်လီဈေး တစ်ပိဿာ (၂၃၀၀၀) ကျပ်နှင့် ပုဇွန်ဆိတ် အလတ်စ လက်လီဈေး(၁၈၀၀၀)ကျပ်နှင့် ပုဇွန်ဆိတ် ဆကာကျ အကောင်သေး လက်လီ တစ်ပိဿာလျှင်(၁၅၀၀၀)ကျပ်ဈေးနှုန်း အသီးသီးတို့ဖြင့်လည်းကောင်း၊ ပုဇွန်ခြောက် ဈေးနှုန်း များအနေဖြင့် ပုဇွန်ခြောက် အကြီး တစ်ပြည်လျှင်(၅၅၀၀၀)ကျပ်၊ ပုဇွန်ခြောက် အကြီး နို့ဆီ(၁)ဘူးလျှင် (၇၀၀၀)ကျပ်၊ ပုဇွန်ခြောက် အလတ် တစ်ပြည်လျှင်(၄၀၀၀၀)ကျပ်၊ ပုဇွန်ခြောက်  အလတ် နို့ဆီ(၁)ဘူး လျှင်(၅၀၀၀)ကျပ် နှင့် ပုဇွန်ခြောက်  အသေး တစ်ပြည်လျှင်(၃၀၀၀၀)ကျပ်၊ နို့ဆီ(၁)ဘူးလျှင် (၄၀၀၀)ကျပ် ဈေးနှုန်းအသီးသီးတို့ဖြင့် ရောင်းချလျက်ရှိကြောင်းနှင့် ကျွန်းလှမြို့ သဖန်းဆိပ်ဆည်မှ ထွက်ရှိသည့် ရေချိုပုဇွန်ဆိတ် နှင့် ပုဇွန်ခြောက်သည် အကောင်သေးပြီး အရမ်းချိုကာ အသားကျစ်လစ်သည့်အတွက် လူကြိုက်များပြီး  အရောင်းသွက်ကာ ဈေးကောင်းရရှိလျက်ရှိကြောင်း သိရသည်။

DOCA (စစ်ကိုင်း)