သတင်းနှင့် လှုပ်ရှားမှုများ

   ဧရာဝတီတိုင်းဒေသကြီး၊ မအူပင်ခရိုင် ပန်းတနော်မြို့နယ်တွင် အထွေထွေအုပ်ချုပ်ရေးဦးစီးဌာနမှ ဦးဆောင် ကြီးကြပ်မှုဖြင့် ပန်းတနော်မြို့နယ်တွင်း  ပြည်သူများ အခြေခံစားသောက်ကုန် ဆီနှင့် ဘဲဥ၊ ကြက်ဥများ သက်သာ သော ဈေးဖြင့် ဝယ်ယူနိုင်ရန် ကြက်ခြံ ၊ ဘဲမွေးမြူရေးခြံ လုပ်ငန်းရှင်နှင့် ဌာနဆိုင်ရာများ ပူးပေါင်း၍ သက်သာသောဈေးဖြင့် ရောင်းချပေးနေကြောင်းသိရသည်။

   ပန်းတနော်မြို့နယ် အထွေထွေအုပ်ချုပ်ရေးဦးစီးမှူးရုံးအရှေ့မှ စတင်၍ လှည့်လည်ရေးကားဖြင့် ပန်းတနော်မြို့နယ်အတွင်း ရောင်းချပေးရာ မြို့နယ်ရပ်ကွက်အုပ်ချုပ်ရေးမှူးများ၊ စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ် မွေးမြူရေးနှင့် ကုသရေးဦးစီးဌာနတို့ပါဝင်ပြီး (၂၈.၁၁.၂၀၂၄)ရက်မှ (၃၀.၁၁.၂၀၂၄) ရက်နေ့အထိ ကြက်ဥ ၇၅၀၀လုံး၊ ဈေးနှုန်း ၁လုံးကို ၃၅၀/-၊ ဘဲဥအလုံး ၅၀၀လုံး ဈေးနှုန်း ၁လုံး ၅၀၀/-ကျပ်၊ ဆီပိဿာချိန် ၁၀ ကိုရည်ညွှန်းဈေးဖြင့် ရောင်းချပေးခဲ့ကြောင်း သိရသည်။

    ဆက်လက်၍ (၁.၁၂.၂၀၂၄)ရက်နေ့မှ (၄.၁၂.၂၀၂၄) ရက်နေ့ အထိ ကြက်ဥ တစ်နေ့ကို အလုံး ၃၀၀၀၊ ဈေးနှုန်း တစ်လုံးကို ၃၅၀/-ဖြင့် အလုံးရေ (၁၂၀၀၀)လုံးကိုလည်းကောင်း၊ ကြက်သား တစ်နေ့ကို ပိဿာချိန် ၁၀ဖြင့် ပိသာချိန် ၄၀ကို ကြက်သားဈေးနှုန်း ၁၀ဆယ်သား ၁၄၀၀ကျပ်ဖြင့်လည်းကောင်း မြို့နယ် အထွေထွေအုပ်ချုပ်ရေးမှူးရုံးရှေ့မှ စတင်၍ ရောင်းချပေးပြီး ဈေးကားဖြင့် မြို့နယ်တွင်း လှည့်လည်ရောင်းချခဲ့ကြောင်း သတင်းရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ မအူပင်ခရိုင် ဓနုဖြူမြို့နယ်တွင် အထွေထွေအုပ်ချုပ်ရေးဦးစီးဌာနမှ ဦးဆောင် ကြီးကြပ်မှုဖြင့် ဓနုဖြူမြို့နယ်တွင်း ပြည်သူများ သက်သာသော ဈေးနှုန်းဖြင့် ဝယ်ယူအသုံးပြုနိုင်ရန်အတွက် ရည်ရွယ်၍ ကြက်ဥ၊ ဘဲဥနှင့် သားငါးများကို နေ့စဉ် ရောင်းချပေးလျက်ရှိသည်။

    ရောင်းချရာတွင် အထွေထွေအုပ်ချုပ်ရေးဦးစီးဌာန၊ မြို့နယ်အမျိုးသမီးရေးရာအဖွဲ့ စည်ပင်သာယာရေးအဖွဲ၊ မွေးမြူရေးနှင့်ကုသရေးဦးစီးဌာန၊  တို့ ကြီးကြပ်ပါဝင်ကြပြီး (၂၈.၁၁.၂၀၂၄)ရက်နေ့က စတင်ရောင်းချပေးပြီး  ဓနုဖြူမြို့၊ အမှတ် ၈ ရပ်ကွက်၊ မင်းပိုင်းဓမ္မာရုံတွင် ကြက်ဥ အလုံးရေ (၃၀၀၀)နှင့် ကြက်ဥဈေး တစ်လုံးကို ၃၅၀/-ကျပ်၊ ဘဲဥအလုံး (၆၀၀)ကို တစ်လုံးလျှင် ၄၅၀/-ကျပ်ဖြင့်လည်းကောင်း၊ ကြက်သား၊ ငါး များကို ချိုသာသောစျေးနှုန်းများဖြင့် ခြံစျေးအတိုင်း ရောင်းချပေးခြင်း၊ (၂၉.၁၁.၂၀၂၄)ရက်နေ့ (၀၇:၃၀)အချိန်က အမှတ်( ၁၀ )ရပ်ကွက် လူစည်ကားရာနေရာတွင် ကြက်ဥအလုံး (၁၅၀၀)လုံး ဈေး၃၅၀/-ဖြင့်လည်းကောင်း၊  ဘဲဥအလုံး (၁၀၀၀) ဈေးနှုန်း ၁လုံး ၅၀၀/-ကျပ်ဖြင့်၊ ကြက်သား၊ ငါးများကိုလည်း သက်သာသောဈေးဖြင့် ရောင်းချပေးခြင်း၊ (၃၀.၁၁.၂၀၂၄)ရက်နေ့ နံနက် (၀၇၃၀)အချိန်က  အမှတ် ၁၀ ရပ်ကွက် လူစည်ကားရာနေရာတွင် ကြက်ဥအလုံးရေ (၃၀၀၀)လုံး ၁လုံးဈေး ၃၅၀/-ဖြင့်၊  ဘဲဥအလုံး(၁၀၀၀)လုံး ဘဲဥတစ်လုံး ၅၀၀/-ကျပ်ဖြင့်၊ ကြက်သား၊ ငါး များကို ရောင်းချပေးခဲ့ပြီး စုစုပေါင်း ကြက်ဥ (၇၅၀၀) နှင့် ဘဲဥ (၂၆၀၀)ရောင်းချ ပေးခဲ့ကြောင်း သိရသည်။

     (၁.၁၁.၂၀၂၄)မှ (၄.၁၂.၂၀၂၄) ရက်နေ့ကလည်း အမှတ်-၂ရပ်ကွက်၊ အမှတ် ၁၀ ရပ်ကွက်၊ ၁၀၈ လမ်းဆုံ၊ အမှတ် ၁၄ ရပ်ကွက်၊ အမှတ်-၈ ရပ်ကွက် ဓမ္မာရုံရှေ့၊  ရပ်ကွက်အုပ်ချုပ်ရေးမှူးရုံးအနီးတို့တွင်  ကြက်ဥ၊ (၆၀၀၀)၊ ဘဲဥ (၃၀၀၀) နှင့် (၃.၁၂.၂၀၂၄)နှင့် (၄.၁၂.၂၀၂၄) ရက်နေ့တွင် ကြက်သားအချိန် ၂၅ပိဿာနှင့် ငါး ပိဿာချိန် ၂၀နှင့် စားအုန်းဆီ ၂၂၀ ပိဿာတို့ကို ကျောင်းဆရာ/ဆရာမများက ကူညီရောင်းချပေးလျက်ရှိကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ (၃.၁၂.၂၀၂၄)နေ့ နေ့လယ်(၁၂:၃၀)နာရီအချိန်တွင် လေးမျက်နှာမြို့နယ်၊ အိုင်သပြုကျေးရွာအုပ်စုရှိ အခြေခံပညာအထက်တန်းကျောင်းတွင် ဆရာ၊ ဆရာမနှင့် ကျောင်းသား၊ ကျောင်းသူ ၆၆၀ ဦးအား စားသုံးသူကာကွယ်ရေးအသိပညာပေးဟောပြောခြင်းကို ဆောင်ရွက်ခဲ့ပါသည်။

     ဟောပြောပွဲတွင် မြို့နယ်တာဝန်ခံ ဦးအောင်သန်းဌေးက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များအကြောင်း၊ အစားအသောက်နှင့် ကုန်စည်တွေ ပေါ်မှာ ဖော်ပြရမည့် ကုန်အညွှန်းအမှတ်အသားများအကြောင်း၊ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်းကို အကျယ်တဝင့် ရှင်းလင်းဆွေးနွေးဟောပြောခဲ့ပါသည်။

     ဟောပြောပွဲအပြီးတွင် မြို့နယ်တာဝန်ခံနှင့်အဖွဲ့သည် ကျောင်းမုန့်ဈေးတန်းကော်မတီဝင်များနှင့်အတူ ကျောင်းမုန့်ဈေးတန်းများရှိ ရောင်းချနေသော မုန့်များတွင် ကုန်အညွှန်းအမှတ်အသား ပြည်စုံ မှုရှိမရှိ ကွင်းဆင်းစိစစ်ခဲ့ပြီး၊ ကုန်အညွှန်းအမှတ်အသားပြည့်စုံသော မုန့်များကိုသာရောင်းချရန် မုန့်ဈေးတန်းရောင်းချသူများအား မှာကြားခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၄.၁၂.၂၀၂၄)ရက်နေ့ နံနက် (၁၀:၃၀)အချိန်တွင် ခမောက်စုကျေးရွာ၊ ဈေးဟောင်းပိုင်းရပ်ကွက်ရှိ “လင်းလက်” မုန့်ဟင်းခါး/ခေါက်ဆွဲလုပ်ငန်းသို့   ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

     ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးအောင်သန်းဌေးသည် စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော မုန့်ဟင်းခါး/ခေါက်ဆွဲများ တွင် ကြာရှည်ခံဆေးဝါးများ၊ တားမြစ်ဆေးဝါးများသုံးစွဲခြင်းမရှိစေရေး ဈေးကွက်စောင့်ကြည့်စစ်ဆေး ခြင်း၊ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏တာဝန်များအကြောင်းနှင့် တားမြစ်ချက်များအကြောင်း၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စသည်တို့ကို အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဇလွန်မြို့နယ်ဦးစီးမှူးသည် မိတ်ဖက်ဌာနဆိုင်ရာများနှင့် ပူးပေါင်း၍ (၄.၁၂.၂၀၂၄)ရက်နေ့၊ နံနက်(၀၈:၃၀)အချိန်တွင် ဇလွန်မြို့ပေါ်ရပ်ကွက်၊ မြို့မဈေးအတွင်းရှိ ကုန်မျိုးစုံ ဆိုင်များအား ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

     ထိုသို့ကွင်းဆင်းစစ်ဆေးခဲ့ရာတွင်  စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိတို့ကို စစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာ ရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှု ရှိစေရေးနှင့် သတ်မှတ်အရည်အသွေး ပြည့်မီသောကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် ပြစ်မှုပြစ်ဒဏ်များ၊ စားသုံးဆီ ရောင်းချသောလုပ်ငန်းရှင်များအနေဖြင့် ဈေးနှုန်းမြှင့်တင်ရောင်းချမှုမရှိစေရေး၊ ဈေးကွက်အတွင်း ဈေးနှုန်းမြှင့်တင်ရောင်းချခြင်းများတွေ့ရှိပါက စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော  အရေးကြီးကုန်စည်နှင့်ဝန်ဆောင်မှုဥပဒေပါ ပြစ်မှုပြစ်ဒဏ်များအရ အရေးယူဆောင်ရွက်နိုင်သည့်အကြောင်း စသည်တို့ကို အသိပညာပေးပြောကြားခဲ့ပြီး၊ ကုန်စုံဆိုင်(၈)ဆိုင်အား ဈေးကွက် စောင့်ကြည့်စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)