သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊လေးမျက်နှာမြို့နယ်တာဝန်ခံသည် (၂၄.၁၂.၂၀၂၄)ရက်နေ့ နံနက်(၁၀:၀၀) အချိန်တွင် လေးမျက်နှာမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (CommunityCentre)ခန်းမ၌ ကုန်စည်နှင့်စပ်လျဉ်း၍ အာမခံချက်ပေးခြင်းနှင့် အာမခံပေးထားမှုအပေါ် စားသုံးသူကတောင်းဆိုနိုင်သည့်အခွင့်အရေးအကြောင်း အသိပညာပေး Talk Show အစီအစဉ်ကို ဆောင် ရွက်ခဲ့ပါသည်။

        အဆိုပါအစီအစဉ်တွင် မြို့နယ်ဦးစီးမှူး ဦးမြင့်အောင်က စီးပွားရေးလုပ်ငန်းရှင်သည် ရောင်းချသည့် ကုန်စည်တွင် စားသုံးသူက လက်ခံသုံးစွဲနိုင်သော ကုန်စည်၏ အရည်အသွေး၊ အချိန်အတွယ်၊ပမာဏနှင့် အလေးချိန်မှန်ကန်မှုရှိခြင်း၊ ဘေးအန္တရာယ်ကင်းရှင်းစေခြင်း၊ လိုအပ်ချက်အတွက် သင့်လျော်မှုရှိခြင်း၊ နမူနာပစ္စည်းတွင် ဖော်ပြထားသည့်အတိုင်းတူညီစွာပါရှိခြင်းတို့ကို ဖော်ပြရမည်ဖြစ်ကြောင်း၊ စားသုံးသူ အပေါ်အာမံချက်ပေးထားသည့်ကာလ သို့မဟုတ် အသုံးပြုနိုင်မည့် ကာလအတွင်း အသုံးပြုနိုင်ရန် ကုန်စည် ကို အရည်အသွေးပြည့်မီအောင် ထုတ်လုပ်ခြင်းမပြုလျှင်ဖြစ်စေ၊ သတင်းအချက်အလက်ပြည့်စုံစွာ ဖော်ပြ ခြင်းမရှိလျှင်ဖြစ်စေ၊ စားသုံးသူအနေဖြင့် အာမခံချက်နှင့် ညီသော အရည်အသွေးတူကုန်စည်ရရှိရန်၊ ရောင်းချ သူမှ ငွေပြန်ပေးခြင်း၊ ပြင်ဆင်ပေးခြင်း၊ လဲလှယ်ပေးခြင်းများ ဆောင်ရွက်ပေးရမည်ဖြစ်ပြီး၊ အာမခံချက် ပေးထားသည့်အတိုင်း အမှန်တကယ်မရရှိပါက လျော်ကြေးရရှိရန် စသည့် စားသုံးသူက တောင်ဆိုနိုင်သည့် အခွင့်အရေးများကိုလည်း အကျယ်တဝင့် ရှင်းလင်းဆွေးနွေးခဲ့ပါသည်။   

DOCA(ဧရာဝတီ)  

        ၂၀၂၄ ခုနှစ်၊ ဒီဇင်ဘာလ ၂၆ ရက်နေ့၊ နံနက် (၁၀း၄၅) နာရီအချိန်တွင်၊ တနင်္သာရီတိုင်း ဒေသကြီး၊ ထားဝယ်မြို့၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး အစည်းအဝေးခန်းမ၌ လုပ်ငန်းညှိနှိုင်းအစည်းအဝေးနှင့် ဝန်းထမ်းထုဆန္ဒ ဖော်ထုတ်ပွဲ(ဒါဘာ) အစည်းအဝေးအား (Virtual) စနစ်ဖြင့်ပြုလုပ်ခဲ့ရာ ထားဝယ်တိုင်းရုံးဝန်ထမ်းများ၊ မြိတ်ခရိုင်ရုံးဝန်ထမ်းများ၊  ကော့သောင်းခရိုင် ဝန်ထမ်းများ တက်ရောက်ခဲ့ပါသည်။ လုပ်ငန်းညှိနှိုင်း အစည်းအဝေးတွင် တိုင်းဦးစီးမှူးဦးစိုးဦးမှ ဝန်ထမ်းများအား ရုံးချုပ်၏ လမ်းညွှန်ချက်များအား ပြောကြား၍ သက်ဆိုင်ရာခရိုင်မှူးများက မိမိတို့ ဆောင်ရွက်နေသော လုပ်ငန်းများ၏ ဆောင်ရွက်ချက်များ အားတင်ပြခဲ့ရာ တိုင်းဦးစီးမှူးမှ ခရိုင်များ တွင် ဆက်လက်ဆောင်ရွက်ရမည့်လုပ်ငန်းများအား ပေါင်းစပ်ဆောင်ရွက်သွားရန်မှာကြားခဲ့ပါသည်။

      ဆက်လက်၍ ဝန်ထမ်းထုဆန္ဒဖော်ထုတ်ပွဲ(ဒါဘာ)အစည်းအဝေးအား ကျင်းပခဲ့ပြီး သက်ဆိုင် ရာခရိုင်များမှ မိမိတို့ခရိုင်များ၏ လိုအပ်ချက်များအား တင်ပြခဲ့ရာ တိုင်းဦးစီးမှူး ကလိုအပ်သည်များ ကိုညှိနှိုင်းဖြေရှင်းဆောင်ရွက်ပေးခဲ့ပြီး အစည်းအ‌‌ဝေးအား နေ့ခင်း (၁၂း၀၀)နာရီအချိန်တွင် ပြီးမြောက် ခဲ့ကြောင်း သိရှိရပါသည်။     

DOCA(တနင်္သာရီ)

    ကယားပြည်နယ်၊ စားသုံးသူရေးရာဦးစီးဌာနမှ ၂၀၂၄ ခုနှစ်၊ ဒီဇင်ဘာလ ( ၂၆  )ရက်နေ့၊ နံနက် (၁၀:၀၀)နာရီအချိန်တွင် စီးပွားရေးရာဝန်ကြီးရုံးခန်း၌ ပြည်နယ်စားသုံးသူရေးရာကော်မတီ လုပ်ငန်း ညှိနှိုင်းအစည်းအဝေး (၁/၂၀၂၄) ကျင်းပပြုလုပ်ဆောင်ရွက်ခဲ့ရာ ပြည်နယ်စားသုံးသူရေးရာကော်မတီ ဒုတိယဥက္ကဌ၊ အတွင်းရေးမှူး၊ အဖွဲ့ဝင်များ တက်ရောက်ခဲ့ပါသည်။

    အဆိုပါ လုပ်ငန်းညှိနှိုင်းအစည်းအဝေးတွင် ပြည်နယ်စားသုံးသူရေးရာကော်မတီ ဥက္ကဌက အဖွင့်အမှာစကားပြောကြားခဲ့ပြီး စားသုံးသူရေးရာကော်မတီ အတွင်းရေးမှူးက အစည်းအဝေးတွင် တင်ပြထားသည့် အမှာစာများအား ဖတ်ကြားရှင်းလင်းပြီးနောက် တက်ရောက်လာသော အဖွဲ့ဝင် အသီးသီးက ဆွေးနွေးခဲ့ကြကြောင်း သတင်းရရှိပါသည်။

DOCA(ကယား)

       စားသုံးသူရေးရာဦးစီးဌာန၊ ရုံးချုပ်၊ ဒုတိယညွှန်ကြားရေးမှူးချုပ် ဦးဆောင်၍ ရုံးချုပ် ဌာနခွဲများနှင့် တိုင်းဒေသကြီး/ပြည်နယ်ဦးစီးမှူးရုံးများရှိ မူဝါဒလေ့လာရေးနှင့်စီမံကိန်း စာရင်းအင်း ဌာနခွဲ၊ ပြည်တွင်းကုန်သွယ်ရေးဖွံ့ဖြိုးမှုနှင့်သုတေသနဌာနခွဲနှင့် သတင်းအချက်အလက် နည်းပညာ နှင့် အရည်အသွေးစီမံခန့်ခွဲရေးဌာနခွဲ လုပ်ငန်းညှိနှိုင်းအစည်းအဝေးကို ၂၁.၁၂.၂၀၂၄ ရက်နေ့၊ နေ့လည် (၁၃:၀၀) နာရီတွင် virtual ဖြင့် ကျင်းပပြုလုပ်ရာ ဧရာဝတီတိုင်း‌ဒေသကြီး၊ စားသုံးသူ ရေးရာဦးစီးဌာနမှ ဒုတိယညွှန်ကြားရေးမှူး၊ ဌာနခွဲတာဝန်ခံများနှင့် အရာထမ်း၊ အမှုထမ်းများ တက်ရောက်ခဲ့ပါသည်၊၊

     အစည်းအဝေးတွင် ဒုတိယညွှန်ကြားရေးမှူးချုပ် မှ ကုန်စည်ဒိုင် အသင်းအဖွဲ့များ အသက်ဝင် စေရေး၊ ဝန်ထမ်းများဓာတ်ပုံမှတ်တမ်းနှင့် Short Video များ ပြုလုပ်စေရေး အဖွင့်မှာစကား ပြောကြားခြင်း၊ ရုံးချုပ် ၊ မူဝါဒလေ့လာရေးနှင့်စီမံကိန်း စာရင်းအင်းဌာနခွဲ၊ ပြည်တွင်းကုန်သွယ်ရေး ဖွံ့ဖြိုးမှုနှင့်သုတေသနဌာနခွဲနှင့် သတင်းအချက်အလက် နည်းပညာ နှင့် အရည်အသွေးစီမံခန့်ခွဲရေး ဌာနခွဲမှ ညွှန်ကြားရေးမှူး၊ ဒုတိယညွှန်ကြားရေးမှူးများ မှ မိတ်ဆက် စကားပြောကြားခဲ့ပါသည်၊၊

      တက်‌ရောက်လာသော တိုင်းဒေသကြီး/ပြည်နယ်ဦးစီးမှူးရုံးမှ အသင်းအဖွဲ့များဖွဲ့စည်းထားမှု၊ အသင်းအဖွဲ့များ သက်ဝင်မှုရှိ/မရှိ အခြေအနေ၊ Commerce Journalနှင့် အခြားဂျာနယ်မျာတွင် သတင်းနှင့် ဆောင်းပါးပါဝင်မှု ၊ Website တွင် သတင်းပါဝင်မှု၊ MyRoတွင် ဆန်စပါးသိုလှောင်ရုံ မှတ်ပုံတင်ထားရှိမှု ၊ ICT ဆက်စပ်ပစ္စည်းများစာရင်း၊ short video နှင့် မှတ်တမ်းတင်ဓာတ်ပုံရိုက် ကျွမ်းကျင်သည့် ဝန်ထမ်းစာရင်းများ ကို အလှည့်ကျ ဆွေးနွေးမှုအပေါ် ဒုတိယညွှန်ကြားရေးမှူးချုပ် မှ လိုအပ်သည်များကို ညွှန်ကြားပြီး အစည်းအဝေးကို ညနေ (၁၆:၃၀) တွင် အစည်းအဝေး ရုတ်သိမ်းခဲ့ပါသည်၊၊

DOCA(ဧရာဝတီ)

       ကျုံပျော်မြို့နယ်၊ မြို့ပေါ်ရပ်ကွက်အတွင်း (၂၃.၁၂.၂၄) ရက်နေ့၊ နေ့လည် (၂:၃၀) အချိန်တွင် စိုက်ပျိုးရေးအရောင်းဆိုင်များအား သတ်မှတ်ရည်ညွှန်းဈေးထက်ကျော်လွန်၍ ဈေးနှုန်းကြီးမြင့်စွာ ရောင်းချခြင်း ရှိ/မရှိ သတ်မှတ်စံချိန်စံညွှန်းနှင့် ကိုက်ညီမှုမရှိသော တရားမဝင်ဓါတ်မြေဩဇာများ၊ ပိုးသတ်ဆေးများ၊ ရောင်းချမှုမရှိစေရေးအတွက် ကျုံပျော်မြို့နယ်၊ စားသုံးသူရေးရာဦးစီးဌာနမှ ဝန်ထမ်းများသည် မြို့နယ်ယူရီးယားဓါတ်မြေဩဇာဖြန့်ဖြူးရောင်းချရေးကော်မတီအဖွဲ့နှင့်အတူ ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)