သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၄.၂.၂၀၂၅)ရက်နေ့ နေ့လည်(၁၄:၃၀) အချိန်တွင် အမှတ်(၁)ရပ်ကွက်၊ အခြေခံပညာအထက်တန်းကျောင်းရှိ ငုရွှေဝါခန်းမတွင် ၂၀၂၅ခုနှစ် စဉ်ဆက်ပညာရေးလုပ်ငန်း မြို့နယ်အဆင့်နည်းပြသင်တန်းတွင် ဆရာ/ဆရာမ(၈၈)ဦးအား စားသုံးသူ ကာကွယ်ရေးဥပဒေ၊ အွန်လိုင်းမှတစ်ဆင့်ဝယ်ယူခြင်းနှင်စပ်လျဉ်း၍ သိကောင်းစရာများအကြောင်း အသိပညာပေး ဟောပြောခြင်းကို ဆောင်ရွက်ခဲ့ပါသည်။

          အဆိုပါဟောပြောခြင်းတွင် မြို့နယ်တာဝန်ခံ ဦးဘိုဘိုက စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူ ကာကွယ် ရေးဥပဒေပါ စားသုံးသူအခွင့်အရေးနှင့်တာဝန်များ၊ စားသုံးသူ ကာကွယ် ရေးဥပဒေပါ စားသုံးသူအခွင့်အရေးနှင့်တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူ တတ်စေရန် ကုန်အညွှန်းအမှတ်အသားနှင့် စပ်လျဉ်း၍ ဖော်ပြပါရှိသည့် အချက်အလက်များကို သေချာ စွာစိစစ် ဝယ်ယူနိုင်ရန်၊ အစားအသောက်နှင့် ကုန်စည်တွေပေါ်မှာ ဖော်ပြရမည့် ကုန်အညွှန်း အမှတ် အသားများ အကြောင်း၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့် ပြစ်ဒဏ်များအကြောင်း၊အွန်လိုင်းမှတစ်ဆင့်ဝယ်ယူခြင်းနှင့်စပ်လျဉ်း၍ သိကောင်းစရာများအကြောင်းမှ အွန်လိုင်းစနစ်ဖြင့်ရောင်းချခြင်းလုပ်ငန်းသည် ကုန်စည် သို့မဟုတ် ဝန်ဆောင်မှုကို ဖြစ်စေ အွန်လိုင်း စနစ်မှ တစ်ဆင့် ဝန်ဆောင်မှုရောင်းချသည့် လုပ်ငန်းဖြစ်ကြောင်း၊ အွန်လိုင်း မှတစ်ဆင့် ဝယ်ယူခြင်းတွင် အားသာချက်နှင့်အားနည်းချက်ဟူ၍ ယှဉ်တွဲဖော်ပြထားပြီး၊ ၎င်းတို့အား အကျယ်တဝင့် ရှင်းလင်း ဆွေးနွေးခဲ့ပါသည်။ စားသုံးသူရေးရာဦးစီးဌာနအနေဖြင့် စားသုံးသူ သတင်းပြန်ကြားရေးနှင့်တိုင်ကြားမှု လက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ် ထားရှိမှု အခြေအနေကိုလည်းကောင်း၊ စားသုံးသူ ရေးရာဦးစီးဌာန၏ လုပ်ငန်းဆောင်ရွက်ချက်များ အကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း စသည်တို့ကို အကျယ်တဝင့် ရှင်းလင်းဆွေးနွေးခဲ့ပြီး စားးသုံးသူကာကွယ်ရေးလက်ကမ်းစာစောင်များ ဖြန့်ဝေပေးခဲ့ ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ဟင်္သာတမြို့နယ်ဦးစီးမှူးသည် (၃.၂.၂၀၂၅)ရက်နေ့ နေ့လည် (၁၄:၃၀) နာရီအချိန်တွင် မြို့နယ်စည်ပင်သာယာရေးအဖွဲ့နှင့် ပူးပေါင်း၍  ဟင်္သာတမြို့၊နတ်မော်လမ်း၊ ပဒေသာ ဈေးအတွင်းရှိ ဈေးတာဝန်ခံရုံး၌   ဟင်္သာတမြို့နယ်မှ စားအုန်းဆီခွဲတမ်းရ လက်လီအရောင်း ဆိုင်လုပ် ငန်းရှင်များအား စနစ်တကျ   ဖြန်ဖြူးနိုင်ရေး ညှိနှိုင်းဆွေးနွေးပွဲပြုလုပ်ဆောင်ရွက်ခဲ့ပါသည်။

ထိုသို့ဆောင်ရွက်ရာတွင် မြို့နယ်ဦးစီးမှူး ဦးမိုးကျော်က  ဟင်္သာတမြို့နယ် ပဒေသာဈေးအတွင်း ရှိ စားအုန်းဆီအရောင်းဆိုင်လုပ်ငန်းရှင်များအနေဖြင့် မိမိတို့ရရှိသောခွဲတမ်းရ စားအုန်းဆီဖြန့်ဖြူး ရာတွင် ပြည်သူများထံသို့ သတ်မှတ်ရည်ညွှန်းဈေးဖြင့်စနစ်တကျဖြန့်ဖြူးရောင်းပေးနိုင်ရေး၊  ပစ္စည်းမှန်၊ ဈေးနှုန်း မှန်၊ အရည်အသွေးမှန်၊ အလေးချိန်မှန်ဖြင့် ရောင်းချပေးနိုင်ရေး ယခုလိုခေါ်ယူ ဆွေးနွေးရခြင်း ဖြစ် ကြောင်း ပြောကြားပါသည်။ မိမိတို့ဌာနအနေဖြင့် ဆီဖြန့်ဖြူး ရာတွင် ပါဝင်စွက်ဖက်ခြင်းမရှိပဲ ပြည်သူများ စနစ်တကျဝယ်ယူရရှိနိုင်ရေးအတွက် ကြီးကြပ်ဆောင်ရွက်ခြင်းသာ ဖြစ်ကြောင်း၊ တက်ရောက် လာ သူများမှလည်း ပြန်လည်ဆွေးနွေးခြင်းများပြုလုပ်ခဲ့ပြီး အစည်းအဝေးကို နေ့လည် (၁၅:၃၀)နာရီအချိန် တွင် ရုပ်သိမ်းခဲ့ပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၃.၂.၂၀၂၅)ရက်နေ့ နံနက် (၁၀:၀၀) နာရီအချိန်တွင် ဟင်္သာတခရိုင်/မြို့နယ်စိုက်တိုးမြှင့်အဖွဲ့ဝင်များနှင့်အတူ ဟင်္သာတမြို့၊ မြို့ကွင်းကျေးရွာ ရှိ ရှင်းလင်းဆောင်၌ သီးနှံစိုက်တောင်သူများအား  သုံးသီးစားသီးနှံ စိုက်ပျိုးနိုင် ရေးနှင့် စားသုံးသူ ကာကွယ်ရေးအသိပညာပေးဟောပြောခြင်းများကို ဆောင်ရွက်ခဲ့ပါသည်။

ဟောပြောပွဲတွင် ပထမဦးစွာ ခရိုင်စိုက်တိုးမြှင့်အဖွဲ့မှ မြို့ကွင်းလျှပ်စစ်မြစ်ရေတင် စီမံကိန်းဧက တွင် သုံးသီးစားသီးနှံစိုက်ပျိုးနိုင်ရေး အသိပညာပေးခြင်းများ အကျယ်တဝင့် ရှင်းလင်းဆွေးနွေးခဲ့ပြီး၊ စားသုံးသူရေးရာဦးစီးဌာန၊ မြို့နယ်ဦးစီးမှူး ဦး​မိုးကျော်က ဌာန၏လက်ရှိဆောင်ရွက်လျက်ရှိသော လုပ်ငန်းတာဝန်များ၊ စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ(၁၅) ရက်နေ့တွင် အခန်း (၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူကာကွယ် ရေးဥပဒေပါ စားသုံးသူအခွင့်အရေး နှင့် တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူတတ်စေရန် ကုန်အညွှန်း အမှတ် အသားနှင့်စပ်လျဉ်း၍ ဖော်ပြပါရှိသည့် အချက်အလက်များကို သေချာစွာစိစစ် ဝယ်ယူနိုင်ရန်၊ အစား အသောက်နှင့် ကုန်စည်တွေပေါ်မှာ ဖော်ပြရမည့်ကုန်အညွှန်းအမှတ်အသားများအကြောင်း၊ ဝယ်ယူ အသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆို တင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့်ပြစ်ဒဏ်များအကြောင်း၊ စားသုံး သူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ(Consumer Information and Complaint Center) CICC ဖွင့်လှစ်ထားရှိမှု အခြေအနေ ကိုလည်းကောင်း၊ စားသုံးသူရေးရာဦးစီး ဌာန၏ လုပ်ငန်း ဆောင်ရွက်ချက်များ အကြောင်း သိရှိလို ပါက www.doca.gov.mm Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်း ကိုလည်းကောင်း စသည်တို့ကို အသိပညာပေး ဟောပြော ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

          (၃၁.၁.၂၀၂၅) ရက်မှ (၃.၂.၂၀၂၅) ရက်အတွင်း မအူပင်ခရိုင်၊ ညောင်တုန်းမြို့နယ်အတွင်း အွန်းလိုင်းစနစ်ဖြင့်ရောင်းချသူ လုပ်ငန်းရှင် အွန်လိုင်းမှတ်ပုံတင် လျှောက်ထားသူ လုပ်ငန်း(၅)ဦး ရှိသဖြင့် ညောင်တုန်းမြို့နယ် စစ်ဆေးရေးအရာရှိ ဒေါ်ချိုမီဇင်နှင့် ဝန်ထမ်းများ လျှောက်ထားသူ လုပ်ငန်းတည်နေရာနှင့် ရောင်းချသည့် ကုန်စည်များ လှောက်ထားသည့် အချက်အလက်များနှင့် ကိုက်ညီမှု ရှိ/မရှိကို မြေပြင်စစ်ဆေးခဲ့ကြသည်။

          မြေမြင်ကွင်းဆင်းစစ်ဆေးရာ ဒေါ်ချိုမီဇင် ဒု-ဦးစီးမှူးက လျှောက်ထားသည့် လုပ်ငန်းများ၏ လုပ်ငန်းတည်နေရာ၊ ပိုင်ရှင်လိပ်စာနှင့် အွန်လိုင်းမှတ်ပုံတင်စနစ်တွင် မှတ်ပုံတင် ထား ရှိသည့်အချက် အလက်များအား တိုက်ဆိုင်စစ်ဆေးခြင်း၊ DOCA Application  အသုံးပြု၍ အချက်အလက်များ ကိုက်ညီမှု ရှိ/မရှိကို အတည်ပြုစစ်ဆေးခြင်း၊ မှတ်တမ်းဓါတ်ပုံတင်ခြင်းပြုလုပ်ခဲ့ပြီး၊ မြေပြင်စိစစ် ချက်များ ကိုက်ညီမှုရှိကြောင်း စိစစ်တွေ့ရှိခဲ့ကြောင်းနှင့် လုပ်ငန်းရှင်များကို စားသုံးသူ ကာကွယ် ရေးဥပဒေပါ စီးပွားရေးလုပ်ငန်းရှင်တာဝန်များအကြောင်းနှင့် အရေးကြီးကုန်စည်နှင့် ဝန်ဆောင်မှု ဥပဒေ အကြောင်း ၊ ပြစ်မှု၊ ပြစ်ဒဏ်များ အကြောင်းတို့ကို လုပ်ငန်းရှင်များအား ရှင်းလင်း ဆွေးနွေးခဲ့ကြောင်း သိရသည်

DOCA (ဧရာဝတီ)

          စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးအကြောင်း ကျယ်ကျယ်ပြန့်ပြန့်သိရှိစေရန်ရည်ရွယ်၍ စားသုံးသူအသိပညာပေးဟောပြောပွဲကို ၂၀၂၅ ခုနှစ်၊ ဖေဖေါ်ဝါရီလ ၄ ရက် နံနက် (၀၉:၀၀) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်း သန်းနှင့်ဒေါ်အိမွန်ကျော်တို့သည် ကန့်ဘလူမြို့၊ HSUကိုယ်ပိုင်အထက်တန်းကျောင်းရှိ ဆရာ/ဆရာမ နှင့်ကျောင်းသား/သူ(၁၅၅)ဦးတို့အား စားသုံးသူကာကွယ်ရေးအသိပညာပေးဟောပြောပွဲ ပြုလုပ်ခဲ့ ကြောင်းသိရသည်။  

                 အဆိုပါဟောပြောပွဲတွင် ဒေါ်အိမွန်ကျော် အကြီးတန်းစာရေးမှ ကုန်အညွှန်းအမှတ်အသားအကြောင်း ဟောပြောဆွေးနွေးခဲ့ကြောင်း၊ ဆက်လက်၍ မြို့နယ်တာဝန်ခံ ဦးမျိုးဝင်းသန်းမှ တက်ရောက်လာသည့် ဆရာ/ဆရာမများနှင့်ကျောင်းသား/သူများကို စားသုံးသူအသိပညာပေးဟောပြောပွဲ ဆောင်ရွက်ရခြင်း၏ ရည်ရွယ်ချက်ကိုလည်းကောင်း၊ စားသုံးသူ၏အဓိပ္ပာယ်၊ စီးပွားရေးလုပ်ငန်းရှင် ၏အဓိပ္ပာယ်တို့အား ဟောပြောခဲ့ကြောင်း၊ စားသုံးသူအခွင့်အရေး(၈)ချက်နှင့် လိုက်နာရမည့်တာဝန် များအကြောင်း၊ စားသုံးသူများသည်ကုန်စည်(သို့မဟုတ်)ဝန်ဆောင်မှုများကို ဝယ်ယူအသုံးပြုရာတွင် စားသုံးသူအခွင့်အရေးများ နစ်နာဆုံးရှုံးမှုရှိခဲ့လျှင် သက်ဆိုင်ရာပြည်နယ်နှင့် တိုင်းဒေသကြီးအပါအဝင် ခရိုင်ဦးစီးမှူးရုံးများရှိ CICCများသို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင် ကြောင်း၊ DOCA Myanmar Mobile Application မှတဆင့်လည်းကောင်း၊ DOCA Facebook Page နှင့် Consumer Call Center 1535 သို့လည်း ဆက်သွယ်တိုင်ကြားနိုင်ကြောင်းနှင့် မည်သူမဆို ကုန်စည်များကို အွန်လိုင်းစနစ်ဖြင့် ရောင်းချမည်ဆိုပါက မှတ်ပုံတင်လက်မှတ်လျှောက်ထားရရှိ ပြီးမှသာ ရောင်းချခွင့်ရှိမည်ဖြစ်ကြောင်း ဟောပြောခဲ့ပြီး ကျောင်းသား/ကျောင်းသူများကို အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(စစ်ကိုင်း)