သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊  မအူပင်ခရိုင် ၊  ဓနုဖြူမြို့နယ်စားအုန်းဆီ လက်ကားရောင်းဝယ်ရေး ကိုယ်စားလှယ်လုပ်ငန်းရှင်(၂)ဦး လက်လီရောင်းချသူ လုပ်ငန်းရှင်(၃)ဦး နှင့် မြို့နယ်ဦးစီးမှူးရုံးတွင် (၁.၁၂.၂၀၂၅)ရက်နေ့၊ နံနက်(၁၀:၀၀)နာရီ အချိန်တွင် တွေ့ဆုံ၍  လက်လီလက်ကားကိုယ်စားလှယ်များ စားအုန်းဆီဖြန့်ဖြူးရာတွင် သတ်မှတ်စည်းကမ်းများတိုင်း လိုက်နာဆောင်ရွက်ရန်နှင့်၊ ဌာန၏ အမိန့်ညွှန်ကြားချက်များကို သိရှိလိုက်နာဆောင်ရွက်နိုင်ရန် ရှင်းလင်းဆွေးနွေးခဲ့ကြောင်း သိရသည်။

    မြို့နယ်ဦးစီးမှူးရုံးမှဦးခိုင်လွမ်းမိုးက လုပ်ငန်းရှင်များကို ဆွေးနွေးခဲ့ရာ ဦးစီးဌာန အနေဖြင့် နိုင်ငံတော်မှ အများပြည်သူများ သုံးစွဲနိုင်ရန် စားအုန်းဆီများ ထုတ်လုပ်ဖြန့်ဖြူးခြင်းကို ကြပ်မတ်ဆောင်ရွက် နေပြီး သတ်မှတ်နေရာများသို့ အမှန်တကယ် ရောက်ရှိရေးကို ထိန်းကြောင်းဆောင်ရွက်လျက်ရှကြောင်း၊ ဆီများကို ဖြန့်ဖြူးရာတွင် ဖြန့်ဖြူးမှု မှတ်တမ်း (၆)မျိုး၊ မှန် ၆မှန် ဖြင့် လုပ်ဆောင်လျက်ရှိကြောင်း၊ စားအုန်းဆီဖြန့်ဖြူးရာတွင် မှန်(၆)မှန်  ဖြစ်သော (က) လက်ကား၊ လက်လီစာရင်းမှန်၊(ခ)နေရာမှန်၊(၁) ဈေးကွက်ဖြန့်ဆီ၊ (၂)ဈေးကား ဆီ၊(၃)အရံဆီ၊ (၄)စက်မှုကုန်ကြမ်းဆီ၊(ဂ) အချိန်မှန်၊ဈေးနှုန်းမှန်၊ (ဃ) ဈေးနှုန်းမှန်၊(င)အရေအတွက် မှန်၊ (စ)အချိန်အတွယ်နှင့်အရည်အသွေးမှန်၊ ဖြန့်ဖြူးကြစေရန် ကို အထက်ဌာနမှ လမ်းညွန်မှာကြား ဆောင်ပုဒ်ထား၍ အမှန်တကယ် နေရာများသို့ ရောက်ရှိနိုင်အောင် ဝိုင်းဝန်းစစ်ဆေးကြပ်မတ်ဆောင်ရွက်လျက် ရှိ‌ကြောင်း နှင့်  စားသုံးသူကာကွယ်ရေး၊ ဥပဒေ အခန်း(၁၀)ပါစီးပွားရေးလုပ်ငန်းရှင်၏ တာဝန်များ၊ ဥပဒေအခန်း(၁၁)ပါ ကုန်စည်နှင့်စပ်လျဉ်း၍  စားသုံးသူလက်ခံနိုင်သည့် အရည်အသွေးရှိခြင်းကို အထူးအလေးထားဆောင်ရွက်ရန်  အသိပညာပေး  ဆွေးနွေးဆောင်ရွက်ခဲ့ပြီး လက်ကမ်း ‌စာစောင်များဖြန့်ဝေခဲ့ပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်ဦးစီးမှူးရုံးမှ စစ်ဆေးရေးမှူးသည် ၂၇.၁၁.၂၀၂၅ ရက်နေ့ နံနက် (၁၀:၀၀)နာရီအချိန်တွင် အွန်လိုင်းရောင်းချမှုနှင့် စပ်လျဉ်း၍ မှတ်ပုံတင်လျှောက်ထားသည့် လုပ်ငန်းများအား မြေပြင်ကွင်းဆင်းစစ်ဆေးခြင်း ဆောင်ရွက်ခဲ့ကြောင်း၊ ဆောင်ရွက်ရာတွင် အွန်လိုင်းမှတ်ပုံတင်စနစ်တွင် မှတ်ပုံတင်ထားရှိသည့် လုပ်ငန်းပိုင်ရှင်၏ နေရပ်လိပ်စာ၊ မှတ်ပုံတင်၊ ဖုန်းနံပါတ်၊ ရပ်ကွက်ထောက်ခံချက်၊ အကျင့်စာရိတ္တကောင်းမွန်ကြောင်း ရဲစခန်းထောက်ခံချက်၊ လုပ်ငန်း၏ Logo နှင့် မှတ်ပုံတင်ထားသော ကုန်စည်၊ ဝန်ဆောင်မှု ကိုက်ညီမှုရှိ/ မရှိနှင့် အခြားအချက်အလက်များ ပြည့်စုံမှုရှိ/ မရှိအား DOCA Application အသုံးပြု၍ စစ်ဆေးခဲ့ပြီး စီးပွားရေးလုပ်ငန်းရှင်များ လိုက်နာရမည့်တာဝန်များအကြောင်း ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင်၊ ငပုတောမြို့နယ်တာဝန်ခံ ဦးဇော်မင်းဦးနှင့်ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၂၅.၁၁.၂၀၂၅)ရက်နေ့ နံနက် (၁၀:၀၀) နာရီအချိန်တွင် ငပုတောမြို့နယ် မြို့မဈေးတွင် စားအုန်းဆီရောင်းချနေသော ဒေါ်ညိုညိုမာ ကုန်စုံဆိုင်အား သတ်မှတ်ရည်ညွှန်းဈေးနှုန်းဖြင့် ရောင်းချပေးနေခြင်း ဗွီနိုင်းချိတ်ဆွဲထားခြင်း ရှိ/မရှိ ကွင်းဆင်း စစ်ဆေးခဲ့ပါသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် ငပုတောမြို့နယ်တာဝန်ခံမှ ငပုတောမြို့မဈေးအတွင်းရှိ လက်လီ/ လက္ကားရောင်းချနေသော ဒေါ်ညိုညိုမာကုန်စုံဆိုင်အား သတ်မှတ်ရည်ညွှန်းဈေးနှုန်းဖြင့် ရောင်းချနေခြင်း၊ ဗွီနိုင်းချိတ်ဆွဲထားရှိခြင်း ရှိ/မရှိ၊ ခွဲတမ်းရရှိသောစားအုန်းဆီရောင်းချနေမှုအပေါ် သတ်မှတ်ရည်ညွှန်းဈေးဖြင့်သာရောင်းချရန်၊ ဈေးနှုန်းမြှင့်တင်ရောင်းချခြင်းများမရှိစေရန်၊ အလေးချိန်ပြည့်ဝ မှန်ကန်စွာ ရောင်းချရန်၊ ထုတ်ပြန်ထားသည့် စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချရန်၊ နေ့စဉ်အလိုက် ဈေးနှုန်းနှင့်ရောင်းချသည့်ပိဿာချိန်အရေအတွက်အား ဗွီနိုင်းဖြင့် အများပြည်သူမြင်သာအောင် ချိတ်ဆွဲရောင်းချရန် ရှင်းလင်းပြောကြားခဲ့ပြီး စားအုန်းဆီဆိုင်ပိုင်ရှင် ဒေါ်ညိုညိုမာအားစားအုန်းဆီ လက်လီ/ လက္ကားရောင်းချမှုအခြေအနေနှင့် လက်ရှိဖြစ်ပေါ်နေသော စားအုန်းဆီဈေးနှုန်းကြီးမြင့်မှုကို မိမိတို့ဆိုင် အနေဖြင့် စားသုံးသူပြည်သူများအား သက်သာသောဈေးနှုန်းများဖြင့်ရောင်းချပေးရန်၊ ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများစစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း စားအုန်းဆီဆိုင်ပိုင်ရှင် ဒေါ်ညိုညိုမာအား ရှင်းလင်းဆွေးနွေးပြောကြားခဲ့ကြောင်း သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်တွင်(၂၅.၁၁.၂၀၂၅)ရက်နေ့၊ နေ့လယ် (၁၃:၀၀) နာရီအချိန်တွင် FDA၊ စားသုံးသူရေးရာဦးစီးဌာန၊ မြို့နယ်ကျန်းမာရေးဦးစီးဌာန၊ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့တို့ ပါဝင်သော ပူးပေါင်းအဖွဲ့ဖြင့် မြို့နယ်အတွင်းရှိ မုန့်ဖတ်လုပ်ငန်းများသို့ ကွင်းဆင်းစိစစ်ခဲ့ကြပါသည်။

          စားသုံးသူရေးရာဦးစီး ဌာနမှ ဒု-ခရိုင်ဦးစီးမှူး ဦးစိုးမင်းထိုက်က စားသုံးသူဘေးအန္တရာယ် ကင်းရှင်းစေရေးအတွက် “ဖော်မလင်” ကဲ့သို့သော ဓာတုဆေးဝါးများ အသုံးမပြုစေရေး၊ စားသုံးသူထိခိုက်နစ်နာမှု ဖြစ်ပေါ်လာပါက သက်ဆိုင်ရာဌာနမှ ထုတ်ပြန်ထားသော ဥပဒေများနှင့် အညီ အရေးယူဆောင်ရွက်နိုင်ကြောင်း၊ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များအကြောင်းကို ရှင်းလင်းဆွေးနွေးပြောကြားခဲ့ပြီး FDA မှ မုန့်ဖတ်ထုတ်လုပ်သည့် ကုန်ကြမ်း၊ ထုတ်လုပ်ပုံအဆင့်ဆင့်၊ ထွက်ရှိလာသော မုန့်ဖတ်များတွင် ကြာရှည်ခံဆိုးဆေးများ ပါဝင်မှုရှိ/ မရှိ၊ ဓာတ်ခွဲစမ်းသပ်ခဲ့ကြောင်း ကွင်းဆင်းစိစစ်မှုအရ သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာနအနေဖြင့် လုပ်ငန်းတာဝန်တစ်ရပ်ဖြစ်သော ပြည်တွင်းကုန်သွယ်မှု မြှင့်တင်ရေးလုပ်ငန်းများဆောင်ရွက်ရန်အတွက် စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးနှင့် ဝန်ထမ်း (၂) ဦးတို့သည် နိုဝင်ဘာလ ၂၈ ရက်နေ့က စစ်ကိုင်းမြို့နယ်၊ ရွာထောင်ရပ်ကွက်ရှိ စစ်ကိုင်းမြို့နယ် မြန်မာ့လက်မှုငွေထည်ကြေးထည်လုပ်ငန်းရှင်များအသင်းဥက္ကဌ ဦးထွန်းထွန်းနှင့် တွေ့ဆုံခဲ့ပါသည်။

      စစ်ကိုင်းမြို့နယ်တွင် မိရိုးဖလာလက်ဆင့်ကမ်းအမွေအဖြစ် ဆွေစဥ်မျိုးဆက် ငွေထည်ကြေးထည်လုပ်ငန်းကို လုပ်ကိုင်လျှက်ရှိရာ စစ်ကိုင်းမြို့၊ ရွာထောင်ရပ်ကွက်တွင် တစ်ပိုင်တစ်နိုင်လုပ်ကိုင်သူပေါင်း(၂၅၀) ဦးခန့်ရှိသဖြင့် ပြည်တွင်းကုန်သွယ်မှုမြှင့်တင်ရေးဦးစီးဌာနမှ ဦးဆောင်၍ စစ်ကိုင်းမြို့နယ်မြန်မာ့လက်မှုငွေထည်ကြေးထည်လုပ်ငန်းရှင်များအသင်းကို ၂၀၁၈ ခုနှစ်၊ နိုဝင်ဘာလ ၇ ရက်နေ့က အလုပ်အမှုဆောင်(၂၁)ဦး၊ အသင်းသား(၆၀)ဦး ဖြင့် ဖွဲ့စည်းခဲ့ပါကြောင်း၊ ကုန်ချောပစ္စည်းများကို ရန်ကုန်၊ မန္တလေးနှင့်တောင်ကြီး စသည့်မြို့ကြီး များသို့ရောင်းချသည့်အပြင် ပြည်တွင်းတွင်ကျင်းပခဲ့သည့် အိန္ဒိယ-မြန်မာ ကုန်စည်ပြပွဲများ ပြုလုပ်ခဲ့သည့် အကျိုကျေးဇူးကြောင့် အိန္ဒိယနိုင်ငံမှ အမှာစာများဖြင့် မှာယူဝယ်ယူမှုများ လည်းရှိပါကြောင်း သတင်းရရှိပါသည်။

DOCA(စစ်ကိုင်း)