သတင်းနှင့် လှုပ်ရှားမှုများ

မအူပင်ခရိုင် ခရိုင်၊ ပန်းတနော်မြို့နယ်တွင် စားသောက်ကုန်ထုတ်လုပ်မှုနှင့် ဝန်ဆောင်မှု လုပ်ငန်းအခြေအနေများအား ကွင်းဆင်းဆောင်ရွက်ခြင်းကို မြို့နယ်စီမံကိန်းရေးဆွဲရေးဦးစီးဌာနနှင့် မြို့နယ်စားသုံးသူရေးရာဦးစီးဌာန၊မြို့နယ်စည်ပင်သာယာရေးအဖွဲ့ တို့ပူးပေါင်းကာ စားသောက်ကုန် လုပ်ငန်းထုတ်လုပ်သော ကောင်းစစ်မွန် မြေပဲဆီလုပ်ငန်း၊ နောင်ရိုး လက်ဖက်ရည်နှင့် စားသောက်ဆိုင်လုပ်ငန်း၊ ဒေါ်မြရီပေါင်မုန့်လုပ်ငန်းများသို့ (၅-၂-၂၀၂၅)ရက်နေ့ နံနက်(၁၀:၀၀) နာရီအချိန် တွင်သွား ရောက်၍ ကွင်းဆင်းစစ်ဆေးခဲ့ကြပါသည်။ 

           ပန်းတ‌နော်မြို့နယ်တာဝန်ခံ ဦးအောင်ကျော်သက်နှင့် ပူးပေါင်းအဖွဲ့မှ ကွင်းဆင်းစစ်ဆေးရာ တွင် ပန်းတနော်မြို့နယ်အတွင်းရှိ စားသောက်ကုန် လုပ်ငန်းထုတ် လုပ်သော ကောင်းစစ်မွန် မြေပဲဆီထုတ်လုပ်ငန်း၊ နောင်ရုံးစားသောက်ဆိုင်လုပ်ငန်း၊ ဒေါ်မြရီပေါင်မုန့် လုပ်ငန်းများအား ဌာန၏ GDP ထုန်လုပ်မှုဖြစ်စဉ်နှင့် အညီထုတ်လုပ်နိုင်ရေးကို ပညာပေးခြင်း လုပ်ငန်းနှင့်ဆက်စပ်မှု၊ လုပ်ငန်းတည်နေရာ၊ လုပ်ငန်းစတင်သည့်ခုနှစ်၊ ကုန်ပစ္စည်းအမည်၊ ထုတ်လုပ်သည့်ပမာဏ၊ ကုန်ပစ္စည်းထုတ်လုပ်ရာတွင် အဓိကအသုံးပြုရသည့် ကုန်ကြမ်းများနှင့် ကုန်ကြမ်းရရှိသည့်နေရာ၊ အသုံးပြုလုပ်သား၊ အခြားကုန်ကျစရိတ်၊ ကုန်ချောရောင်းချရသည့်တန်ဖိုး (လက်လီ/လက်ကား)၊ ကုန်စည်ရောင်းချသည့်ဈေးကွက် (ဒေသတွင်း၊ အခြားဒေသ၊ ပြည်ပ၊ အွန်လိုင်း) ထုတ်လုပ်မှုဖြန့်ဖြူးမှု အခြေအနေများအားမေးမြန်းခြင်း၊ ကုန်အညွှန်းအမှတ် အသား ဖော်ပြခြင်းနှင့် စပ်လျှဉ်း၍ သတ်မှတ်ချက်များနှင့် ကိုက်ညီမှု ရှိစေရေးနှင့်  ကုန်စည်နှင့် ဝန်ဆောင်မှုနှင့် စပ်လျှဉ်း၍ အားမခံချက် ပေးခြင်းဆိုင်ရာ အချက်အလက်များအား လုပ်ငန်းရှင်များ ကိုရှင်းလင်း  ပြောကြားခဲ့ပြီး ကွင်းဆင်းဆောင် ရွက်ခြင်းပြုလုပ်ခဲ့ကြောင်းသိရှိရပါသည်။

DOCA (ဧရာဝတီ)

(၆.၂.၂၀၂၅) ရက်နေ့ နံနက် (၁၃:၀၀)နာရီမှ (၁၁:၃၀) နာရီအချိန်ထိ အမှတ်(၂) အခြေခံပညာ မူလတန်း ကျောင်း၊အ.မ.က(တောင်ပိုင်း)၊ ညောင်တုန်းမြို့နယ် ရှမ်းစုကျောင်းတွင် ကျောင်းသား/ကျောင်းသူ-၈၀ ဦးနှင့် ဆရာ/ဆရာမ- (၅)ဦး တို့အား စားသုံးသူကာကွယ်ရေး သိကောင်းစရာများအကြောင်းကို မြို့နယ် ပြန်ကြား ရေးနှင့် ပြည်သူ့ဆက်ဆံရေးဦးစီးဌာနနှင့်အတူ အသိပညာပေးဟောပြောခဲ့ကြသည်။

အဆိုပါဟောပြောပွဲတွင် ကျောင်းအုပ်ဆရာမကြီး က အဖွင့်အမှားစကားပြောကြားခဲ့ပြီး ညောင်တုန်းမြို့နယ် စားသုံးသူရေးရာဦးစီးဌာနက ဒေါ်ချိုမီဇင် ဒု-ဦးစီးမှူးက ကျောင်းသူကျောင်းသူများကို စားသုံးသူကာကွယ်ရေးဥပဒေကို ၂၀၁၉ခုနှစ် မတ်လ(၁၅)ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ ကမ္ဘာစားသုံးသူများအခွင့်အရေးနေ့ကို မတ်လ ၁၅ရက်နေ့ နှစ်တိုင်း ပြုလုပ်ကျင်းပ ဆောင်ရွက်လျှက်ရှိကြောင်း၊ စားသုံးသူစကားရပ်၏ အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များအကြောင်း၊ ကုန်အညွှန်းအမှတ်အသားဖော်ပြခြင်းနှင့်စပ်လျှဉ်း၍ ကုန်စည်အုပ်စုအလိုက် သတ်မှတ်ချက်များအကြောင်း၊ ပြစ်မှုပြစ်ဒဏ်များအကြောင်း၊ စားသုံးသူတို့အနေဖြင့် အသင့်စားမုန့်များ ဝယ်ယူစားသုံးရာတွင် ထုတ်လုပ်သည့်ရက်စွဲနှင့်သက်တမ်းကုန်ဆုံးရက်များအဓိက ကြည်ရှုပြီးမှ ရွေးချယ်ဝယ်ယူရန်၊  စားသုံးသူတို့အနေဖြင့် ကုန်စည် သို့မဟုတ် ဝန်ဆောင်မှုများနှင့် စပ်လျဉ်း၍ နစ်နာဆုံးရှုံးမှုများရှိပါက စားသုံးသူရေးရာဦးစီးဌာနသို့ တိုင်ကြားနိုင်မည်နည်း လမ်း(၇)မျိုးရှိသည့်အနက် အလွယ်ကူဆုံး Consumer Call Centerကို ခေါ်ဆို၍ တိုင်းကြားနိုင်မည် ဖြစ်ကြောင်းကို အကျယ်တဝင့် ရှင်းလင်းဟောပြောခဲ့ပြီး စားသုံးသူကာကွယ်ရေး လက်ကမ်းစာစောင် များဖြန့်ဝေခဲ့ကြောင်း သိရသည်။

DOCA (ဧရာဝတီ)

စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၅.၂.၂၀၂၅)ရက်နေ့ နံနက်(၁၀:၃၀) နာရီအချိန်တွင် စည်ပင်သာယာရေးအဖွဲ့၊ ပြည်သူ့ကျန်းမာရေးဦးစီးဌာန တို့နှင့်ပူးပေါင်း၍ မြို့ပေါ်ရပ်ကွက်ရှိ ဆေးမျိုးစုံအရောင်းဆိုင်များအားဈေးကွက် စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ကုန်အညွှန်း အမှတ်အသားများ ပြည့်စုံမှန်ကန်စွာဖော်ပြခြင်း ရှိ/မရှိတို့ကိုစစ်ဆေးခဲ့ပြီး၊ အစားအသောက်နှင့် ဆေးဝါးကွပ်ကဲရေးဦးစီးဌာန၏ ထောက်ခံချက်မရှိသော၊ အရည်အသွေးနှင့် စံချိန်စံညွှန်းစစ်ဆေးမှုခံယူ ထားခြင်းမရှိသည့် အာမခံချက်မရှိသော တရားမဝင်ဆေးဝါးများ ရောင်းချခြင်းမပြုရန်၊ စီးပွားရေး လုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ် အရည်အသွေးပြည့်မီသောကုန်စည်များကိုသာရောင်းချရန်၊ စားသုံးသူဥပဒေပါ စီးပွားရေးလုပ်ငန်းရှင် ၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ ဆေးမျိုးစုံအရောင်းဆိုင်(၄)ဆိုင်အား ဈေးကွက်စောင့်ကြည့်စစ်ဆေးခြင်း များဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူး ပေါင်း၍ (၅.၂.၂၀၂၅)ရက်နေ့ နံနက်(၁၁:၀၀)နာရီအချိန်တွင် လေးမျက်နှာမြို့နယ်၊အမှတ်(၁)ရပ်ကွက် အတွင်းရှိ အသင့်စားသောက်ကုန်စည်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ ပါသည်။

          ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးအောင်သန်းဌေးက စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက်အတွင်းရောင်းချနေသော စားသောက်ကုန်စည်များ တွင် ကုန်အညွှန်းအမှတ်အသားပြည့်စုံမှန်ကန်စွာ ဖော်ပြထားသော ကုန်စည်များကိုသာ ရောင်းချရန်၊  တားမြစ်ဆေးဝါးများသုံးစွဲခြင်းရှိ/မရှိတို့ကို စစ်ဆေးခြင်းများပြုလုပ်ခဲ့ပြီး၊စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ အကြောင်းနှင့် တားမြစ်ချက်များအကြောင်း၊ စီးပွားရေး လုပ်ငန်းရှင် များအနေဖြင့် ထုတ်ပြန်ထားသော ညွှန်ကြားချက် များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့်သတ်မှတ်အရည်အသွေး ပြည့်မီသော ကုန်စည်များကိုသာရောင်းချရန်စသည် တို့ကို အသိပညာပေးဆွေးနွေးခဲ့ပြီး၊ စားသောက် ကုန်စည်အရောင်းဆိုင်(၃)ဆိုင်အား ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြကြောင်း သိရှိ ရပါသည်။

DOCA(ဧရာဝတီ)

 စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် မိတ်ဘက်ဌာနဆိုင်ရာများနှင့် ပူးပေါင်း ၍(၆.၂.၂၀၂၅)ရက်နေ့၊ နံနက်(၉:၃၀)အချိန်တွင် ဇလွန်မြို့ပေါ်ရပ်ကွက်ရှိ စတိုးဆိုင်များတွင် ရောင်းချ သော ကလေးဖြည့်စွက်စွာ အာဟာရမှုန့်များအား ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့် ကြည့်စစ်ဆေးခြင်းကိုဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင်  စားသုံးသူမိဘပြည်သူများ ဘေးအန္တရာယ်ကင်းရှင်းစေရန် အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ၊ သက်ဆိုင်ရာဌာနများ၏ထောက်ခံ ချက် ဖော်ပြထားမှုရှိ/မရှိ တို့ကို စစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန် ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာ ဖော်ပြထား သော ကုန်စည်များကိုသာရောင်းချရန်၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့် စီးပွားရေး လုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခု ထက် ပို၍တွဲလျက်ဖြစ်စေ၊ ရေးသားဖော်ပြရမည်ဖြစ်ကြောင်း၊ကုန်စည်နှင့်စပ်လျဉ်း၍ အာမခံချက်ပေးရာတွင်စားသုံးသူများစိတ်ကျေ နပ်မှု ရှိစေရေးနှင့် သတ်မှတ်အရည်အသွေးပြည့်မီသော ကုန်စည်များကိုသာ ရောင်းချရန်၊ စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များ စသည်တို့ကို အသိပညာပေးပြောကြားခဲ့ပြီး၊ စတိုးဆိုင်(၅)ဆိုင်အား ဈေးကွက်စောင့်ကြည့် စစ်ဆေးခြင်းများ ဆောင်ရွက် ခဲ့ကြောင်း သိရှိရပါသည်။

DOCA(ဧရာဝတီ)