သတင်းနှင့် လှုပ်ရှားမှုများ

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်တွင် နိုင်ငံ့စီးပွားမြှင့်တင်ရေး ရန်ပုံငွေဖြင့် အကျုံးမဝင်သော မိုးစပါးစိုက်တောင်သူများသို့ သီးနှံပေါ်ပေးစနစ်ဖြင့် ယူရီးယားကွန်ပေါင်း ဓာတ်မြေဩဇာ သွင်းအားစုများကို စက်တင်ဘာလ(၅)ရက်နေ့၊ နေ့လယ်(၁၂:၀၀)နာရီအချိန်တွင် စာချုပ်ချုပ်ဆို ဖြန့်ဖြူးပေးခဲ့ကြောင်း သိရှိရသည်။

       ထိုသို့ ဖြန့်ဖြူးပေးခဲ့ရာတွင် ကော့မှူးမြို့နယ်အနေဖြင့် ဓာတ်မြေဩဇာ လက်ခံဖြန့်ဖြူးရေး ကြီးကြပ်မှုအဖွဲ့များအား သက်ဆိုင်သောဌာနဆိုင်ရာ တာဝန်ရှိသူများနှင့် ဖွဲ့စည်းတာဝန်ပေး ဆောင်ရွက်လျက်ရှိရာ ဓာတ်မြေဩဇာ လက်ခံဖြန့်ဖြူးရေး ကြီးကြပ်မှုအဖွဲ့(၂)မှ အဖွဲ့ခေါင်းဆောင် မြို့နယ်မြေစာရင်းဦးစီးဌာနနှင့် စားသုံးသူရေးရာဦးစီးဌာန အဖွဲ့ဝင်အဖြစ် ဖွဲ့စည်းတာဝန်ပေးအပ်ထားသော ဌာနများမှ မြို့နယ်အဆင့်တာဝန်ရှိသူများသည် ဇရပ်ကုန်းကျေးရွာအုပ်စုအတွင်းရှိ မိုးစပါးသီးနှံစိုက်ပျိုးသော တောင်သူများအား စိုက်ပျိုးထားသည့်သီးနှံများ သတ်မှတ်ပန်းတိုင် အထွက်နှုန်းရရှိစေရေး Seeder တိုက်ရိုက်မျိုးစေ့ချ ကိရိယာဖြင့် တိုးချဲ့စိုက်ပျိုးထုတ်လုပ်နိုင်ရေးတို့အတွက် ယူရီးယား(၈၄)အိတ်၊ ကွန်ပေါင်း (၇၁)အိတ် စုစုပေါင်း (၁၅၅)အိတ်အား ကျေးရွာအုပ် စုအတွင်းရှိ မိုးစပါးစိုက် တောင်သူများ၏ စိုက်ပျိုးထားသော စိုက်ဧကများအလိုက် သွင်းအားစု ဓာတ်မြေဩဇာအိတ်များအား သီးနှံပေါ်ပေးစနစ် စာချုပ်ချုပ်ဆို ဖြန့်ဖြူးပေးခဲ့ကြောင်း သိရှိရပါသည်။

DOCA(ရန်ကုန်)

    ၂၀၂၅ခုနှစ်၊ သြဂုတ်လ(၈)ရက်နေ့၊ နံနက်(၁၀း၃၀)အချိန်တွင် တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးတွင် ခရိုင်ဦးစီးမှူးနှင့် ဒူးရင်းလုပ်ငန်းရှင်တို့ တွေ့ဆုံ ပြီး ဒူးရင်းအနှစ်ထုတ်ကုန်ထုတ်လုပ်နိုင်ရေး လိုအပ်သောအချက်များနှင့် ကုန်အညွှန်းအမှတ်အသား အကြောင်း တွေ့ဆုံဆွေးနွေးခဲ့ကြောင်း သိရှိရပါသည်။

    ဒူးရင်းအနှစ်ထုတ်ကုန်အနေဖြင့် စားသောက်ကုန်ထောက်ခံချက်ပြုလုပ်ပြီး မြန်မာဘာသာ ဖြင့် ကုန်အမှတ်တံဆိပ်၊ အမျိုးအစား၊ အသားတင်ပမာဏ၊ ထားသိုသိမ်းဆည်းပုံအညွှန်း၊ ဘေးထွက် ဆိုးကျိုးစသော ကုန်အညွှန်းအမှတ်အသားဖော်ပြချက်များကို ရှင်းလင်းပြောကြားခဲ့ပြီး ကုန်အညွှန်း အမှတ်အသားဖော်ပြချက်ပြည့်စုံပါက ရုံးသို့လာရောက်လျှောက်ထားနိုင်ကြောင်း လက်ကမ်းစာစောင်များဖြန့်ဝေ၍ ဘေးအန္တရာယ်ကင်းရှင်စွာထုတ်လုပ်ရန် ပြောကြားခဲ့ကြောင်း သိရှိရပါသည်။

DOCA(တန‌င်္သာရီ)

     ၂၀၂၅ခုနှစ်၊ စက်တင်ဘာလ(၆)ရက်နေ့၊ နံနက်(၁၀း၀၀)နာရီအချိန်တွင် တနင်္သာရီတိုင်း ဒေသကြီးအစိုးရ၏ လမ်းညွှန်ချက်နှင့်အတူ တိုင်းဒေသကြီးစားသုံးသူရေးရာဦးစီးဌာနနှင့် တိုင်းစိုက် ပျိုးရေးဦးစီးဌာနတို့မှ မြန်မာနိုင်ငံဒူးရင်းစိုက်ပျိုးထုတ်လုပ်တင်ပို့ရောင်းချသူများအစုအဖွဲ့ (တနင်္သာ ရီတိုင်း)အသင်းအား ဖွဲ့စည်းနိုင်ရေးအတွက် Zoom Meetingဖြင့် ကျင်းပဆောင်ရွက်ခဲ့ပြီး မြိတ်ခရိုင် စားသုံးသူရေးရာဦးစီးဌာန၊ စိုက်ပျိုးရေးဦးစီးဌာနနှင့်စက်မှုကြီးကြပ်‌ဦးစီးဌာနတို့အပါအဝင် ဒူးရင်း စိုက်ပျိုး၊ ထုတ်လုပ်၊ တင်ပို့ရောင်းချသူများနှင့်အတူ ခရိုင်စိုက်ပျိုးရေးဦးစီးဌာန၊ အစည်း အဝေး ခန်းမတွင် အတူတကွ တက်‌ရောက်၍ မြန်မာနိုင်ငံ ဒူးရင်းစိုက်ပျိုးထုတ်လုပ်တင်ပို့ရောင်းချသူများ အစုအဖွဲ့ (တနင်္သာရီတိုင်း)အသင်းအား ဖွဲ့စည်းခြင်းအား ပူးပေါင်းဆောင်ရွက်ခဲ့ကြောင်း သိရှိရပါ သည်။

    ဒူးရင်းစိုက်ပျိုးထုတ်လုပ်တင်ပို့ရောင်းချသူများအစုအဖွဲ့(တနင်္သာရီတိုင်း)အသင်းအားဖွဲ့စည်း ဆောင်ရွက်ရာတွင် ဒေသထွက်ကုန်များ ပြည်ပတင်ပို့ရာတွင် လွယ်ကူချော့မွေ့စေရေး၊ အစုအဖွဲ့များ ဖြင့်ဆောင်ရွက်ပါက ပိုမိုတိုးတက်လာပြီး အောင်မြင်စေရန်နှင့် အခွင့်အလမ်းကောင်းများရှိနိုင် ကြောင်းတို့ကိုပြောကြားခဲ့ပြီး စိုက်ပျိုးရေး နည်းပညာဖွံ့ဖြိုးတိုးတက်စေရန်အတွက်ကြိုးစားအား ထုတ်ပြီး အမြို့မြို့၊ အနယ်နယ်မှ အဖွဲ့အစည်းများဖြင့် ဆက်သွယ်မှုအားကောင်းစေရေး ဥက္ကဌ၊ အတွင်းရေးမှူး၊ ဘဏ္ဍာရေးမှူးနှင့် စာရင်းစစ်များဖြင့် ရွေးချယ်၍ ဖွဲ့စည်းဆောင်ရွက်ခဲ့ကြောင်း သိရှိရပါသည်။

DOCA(တန‌င်္သာရီ)

      စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင် သည် ၁၀.၉.၂၀၂၅ ရက်နေ့ ၁၀:၃၀ နာရီအချိန်တွင် မိုးညှင်းမြို့၊ အုတ်ကျင်းရပ်ကွက်ရှိ နန်းထိုက်သူ (ကုန်စုံဆိုင်)သို့ ကုန် အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက်များနှင့် ကိုက်ညီခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

    ဈေးကွက်စောင့်ကြည့်စစ်ဆေးခဲ့ရာ CHAOKOH အမှတ်တံဆိပ်ပါ အုန်းနို့ခရင်မ်/အရည် သည် နို့နှင့်နို့ ထွက်ပစ္စည်းအမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာ ဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖာ်ပြချက် နှင့် ကြိုတင်သတိပေးချက် တို့ကို ကုန်အညွှန်းအမှတ်အသား ဖော်ပြထားရှိခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန်အညွှန်း အမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်စည်များ ဖြန့်ဖြူးရောင်းချရာတွင်လည်း ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြထားမှုမရှိသော ကုန် စည်များကို ဝယ်ယူဖြန့်ဖြူးရောင်းချခြင်း မပြုရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးတင်မောင်ထွန်း (ရုံးအုပ်)သည် ၁၀.၉.၂၀၂၅ ရက်နေ့၊ ၁၁:၀၀ နာရီအချိန်တွင် မြစ်ကြီးနားမြို့၊ မြို့မရပ်ကွက်၊ စည်ပင်သာယာဈေးတိုက်တန်းရှိ ဦးဝင်းထွန်း(ကုန်စုံဆိုင်)သို့ သွားရောက်၍ စားသုံးသူများဘေးအန္တရာယ် ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသော ကုန်စည်များ ဈေးကွက်အတွင်း မှ ပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်း နှင့်ပတ်သက်၍ ကိုက်ညီမှုရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။

      ထိုသို့ ဈေးကွက်စောင့်ကြည့်စစ်ဆေးရာတွင် စည်သွပ်အစားအစာအမျိုးမျိုးတွင် ပါဝင်သည့် OK အမှတ်တံဆိပ်ပါ ဝက်သားစည်သွပ်ဘူးတွင် ညွှန်ကြားချက်အမှတ်(၂/၂၀၁၉)အရ ကုန်စည်ပေါ်တွင် မြန်မာဘာသာဖြင့်ဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ သုံးစွဲပုံ နည်းလမ်း၊ ထားသိုသိမ်းဆည်းမှုအညွှန်း၊ ဓါတ်မတည့်ကြောင်း ဖော်ပြချက်နှင့် ကြိုတင်သတိပေးချက်တို့ ပြည့်စုံစွာဖော်ပြပါရှိကြောင်း စစ်‌ဆေးတွေ့ရှိရပြီး ကုန်စုံဆိုင်လုပ်ငန်းရှင်အား ကုန်အညွှန်းအမှတ် အသားပြည့်စုံမှုမရှိသည့် ကုန်စည်များဈေးကွက်အတွင်း ရောင်းချခြင်းမပြုရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)