၅-၉-၂၀၂၅ ရက်နေ့ နံနက် ၁၀:၀၀ နာရီအချိန်တွင် ဓနုဖြူမြို့နယ်တာဝန်ခံရုံးက ဦးခိုင်လွမ်းမိုးသည် ဓနုဖြူမြို့ ၊ အမှတ်(၅)ရပ်ကွက်ရှိ “သိန်းသန်းဖြိုး”ဆီစက်လုပ်ငန်းရှင်နှင့် ကွင်းဆင်းတွေ့ဆုံခဲ့ကြောင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ဓနုဖြူမြို့ နယ်တာဝန်ခံရုံးအနေဖြင့် ခရိုင်ဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဒေသတွင်းရှိ MSMEလုပ်ငန်းများ၏ လိုအပ်ချက်တို့ကို ပေါင်းစပ်ညှိနှိုင်းဆောင်ရွက်ပေးနိုင်ရန် လစဉ် စီးပွားရေးလုပ်ငန်းရှင်များနှင့် ကွင်းဆင်းတွေ့ဆုံဆွေးနွေးခြင်းများ ဆောင်ရွက်လျက်ရှိကြောင်း သိရသည်။

     ထိုသို့တွေ့ဆုံဆွေးနွေးရာတွင် ဆီစက်လုပ်ငန်းရှင်မှ မိမိတို့အနေဖြင့် နဝလီကြိတ်ခွဲခြင်းဖြစ်ကြောင်း၊  မိုးမြေပဲပေါ်ချိန်နှင့် ဆောင်း မြေပဲပေါ်ချိန်၌သာ အများဆုံးလည်ပတ်ကြိတ်ခွဲရကြောင်း၊ တာဝန်ခံက လုပ်ငန်းရှင်များ အနေဖြင့် မြေပဲဆီ၊ နှမ်းဆီနှင့် နေကြာဆီများကြိတ်ခွဲ၍ မိမိတို့တံဆိပ်ဖြင့် ထုတ်လုပ်ဖြန့်ဖြူးလိုပါက လိုအပ် သည်များကို ကူညီဆောင်ရွက်ပေးမည်ဖြစ်ကြောင်းနှင့် စားသုံးသူကာကွယ်ရေးဥပဒေပါ စီးပွားရေး လုပ်ငန်းရှင်၏ တာဝန်များကို သိရှိထားရန်လိုအပ်ကြောင်း အသိပညာပေး ဆွေးနွေးခဲ့ကြပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ညောင်တုန်းမြို့တွင် အွန်လိုင်းစနစ်ဖြင့် ရောင်းချသည့် လုပ်ငန်းရှင်များအား ၅-၉-၂၀၂၅ ရက်နေ့၊ နံနက်(၁၀:၀၀) နာရီအချိန်တွင် ညောင်တုန်းမြို့နယ်ဦးစီးမှူးရုံး၌ တွေ့ဆုံဆွေးနွေးခဲ့ကြောင်း သိရသည်။

          ထိုသို့တွေ့ဆုံဆွေးနွေးရာတွင် ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် မအူပင်မြို့နယ်အတွင်း အွန်လိုင်းစနစ်ဖြင့် လုပ်ကိုင်ဆောင်ရွက် ရန်လျက်ရှိသော လုပ်ငန်းရှင်များကို ဦးစီးဌာနမှ စစ်ဆေးရေးအရာရှိများက  မြေပြင်ကွင်းဆင်း အတည်ပြုပြီး မှတ်ပုံတင်လျောက်ထားသည့် လုပ်ငန်းရှင်များ မြေပြင်အချက်အလက ်များနှင့်ကိုက်ညီမှု ရှိမရှိနှင့် အွန်လိုင်းမှတ်ပုံတင် လက်မှတ်ထုတ် ယူရရှိနိုင်ရန် မြေပြင် ကွင်းဆင်းစစ်ဆေး ဆောင်ရွက်လျက်ရှိပြီးကြောင်း အသိပညာပေး ဆွေးနွေးခဲ့သည်။

     ဆက်လက်၍ Online Sale စနစ်ဖြင့် ရောင်းချ သည့် လုပ်ငန်းဆိုင်ရာ အမိန့်ကြော်ငြာစာအမှတ် (၅၁/၂၀၂၃)နှင့် စပ်လျဉ်း၍ Online Sale & Reg ပြုလုပ်၍ မှတ်ပုံတင်လျှောက်ထားပြီး လက်မှတ်ရရှိပြီးမှ ရောင်းချပါက ခိုင်မာမှုရှိ၍ စားသုံးသူများအနေဖြင့် ယုံကြည်စိတ်ချရမှု ရရှိ လာပြီး လုပ်ငန်းများ ပိုမိုတိုးတက်လာ မည်ဖြစ်ကြောင်း၊  စားသုံးသူကာကွယ်ရေးဥပဒေ၂၀၁၉ ပါ စီးပွားရေးလုပ်ငန်းရှင်၏ တာဝန်များ နှင့် စပ်လျဉ်း၍ ရှင်းလင်းခြင်း၊ မှတ်ပုံတင်ပြီးလုပ်ငန်းများ  ပြုလုပ်ပါက စားသုံးသူကာကွယ်ရေး ဥပဒေနှင့်အညီ ကာကွယ်ပေးသွား မည်ဖြစ်ကြောင်း၊  လုပ်ငန်းရှင်များအား ecomreg System အသုံးပြုသူ Member များအနေဖြင့် ecomreg Website အား ဝင်ရောက်ရာတွင် အချက်အလက်များ ပိုမိုလုံခြုံစိတ်ချရမှုရှိစေရန်အတွက် Two Factor Authentication (2FA)တွင် ထည့်သွင်းဆောင်ရွက်ထားပါကြောင်း အသိပညာပေး ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မအူပင်ခရီုင် ဒုခရိုင်ဦးစီးမှူး ဦးအောင်ဇော်ဦး စစ်ဆေးရေးမှူးနှင့် ဝန်ထမ်း များသည် မအူပင်မြို့၊ အခြေခံပညာအထက်တန်းကျောင်း (အ.ထ.က-၁) အတွင်းရှိ မုန့်အရောင်းဆိုင်များသို့ သွားရောက်၍ ၅-၉-၂၀၂၅နေ့  နံနက်(၁၀ꓽ၃၀)နာရီအချိန်တွင် ကျောင်းမုန့်ဈေးတန်းတွင် ရောင်းချနေသော စားသောက်ကုန်များတွင် မြန်မာဘာသာဖြင့် ကုန်အညွှန်းအမှတ်အသား ပြည့်စုံမှန်ကန်စွာဖော်ပြပါရှိမှု ရှိ/မရှိတို့ကို ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

     ထိုသို့ ကျောင်းမုန့်ဈေးဆိုင်များအား ကွင်းဆင်းစစ်ရေးရာတွင် ကျောင်းမုန့်ဈေးရောင်းချသူများ အနေဖြင့် ကျောင်းသား/ကျောင်းသူများ ဘေးအန္တရာယ်ကင်းရှင်းရေး၊ ကျန်းမာရေး၊ စိတ်ကျေနပ်မှုရှိစေရေး  မိမိတို့ရောင်းချနေသော ကုန်စည်များပေါ်တွင် ကုန်စည်အမျိုးအစားအလိုက် ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြပါရှိသည့် ကုန်စည်များကိုသာရောင်းချရန်၊ သက်ဆိုင်ရာဌာနမှ ထုတ်လုပ်ခွင့်ပြုချက် ပါရှိသော ကုန်စည်နှင့် သန့်ရှင်းလတ်ဆက်သည့်ကုန်စည်များကိုသာ ရောင်းချရန် အသိပညာပေး၍ ကွင်းဆင်းစစ် ဆေးခဲ့ကြောင်း သိရသည်။

DOCA(ဧရာဝတီ)

     စားသုံးသူရေးရာဦးစီးဌာနမှ မအူပင်မြို့နယ်အတွင်းရှိ စားအုန်းဆီရောင်းချသည့် လက်လီလက်ကား အရောင်းဆိုင် ၅ဆိုင် သို့ ၅-၉-၂၀၂၅ ရက်နေ့ နံနက်ပိုင်း (၉:၀၀)နာရီ က ကွင်းဆင်းစစ်ဆေးခဲ့ကြောင်း သိရသည်။

    အဆိုပါစားအုန်းဆီရောင်းချသည့် လက်လီဆိုင်များမှ စားအုန်းဆီကိုယ်စားလှယ်ထံမှ လက်ကားဈေးဖြင့် ဝယ်ယူကာ ၂ ရာခိုင်နူန်းအမြတ်ဖြင့် မိမိတို့တာဝန်ယူရောင်းချပေးရမည့် ရပ်ကွက်/ကျေးရွာများသို့ အိမ်ထောင်စု စာအုပ်ဖြင့် (၇)ရက်တစ်ကြိမ် ၅၀ ကျပ်သားနှုန်းဖြင့် နံနက် ၇:၀၀ နာရီမှ ညနေ ၃:၀၀ နာရီအထိ ရောင်းချပေးလျက်ရှိကြောင်း သိရသည်။

    ထို့နောက် စားသုံးသူရေးရာဦးစီးဌာန ဒု-ခရိုင်ဦးစီးမှူးဦးအောင်ဇော်ဦးက စားအုန်းဆီများကို စားသုံးသူများ လက်ဝယ်အရောက် ရောင်းချသွားရန်၊ ၂ ရာခိုင်နှုန်းအမြတ်ထက်မပိုသောဈေးနူန်းဖြင့် ရောင်းချရန်၊ ဈေးကစားရန်ရည်ရွယ်၍သိုလှောင်ခြင်း၊ ဖြန့်ဖြူးခြင်းမပြုရန် စားအုန်းဆီလက်လီလက်ကားအရောင်းဆိုင်ပိုင်ရှင် လုပ်ငန်းရှင်များအား ဆွေးနွေးခဲ့ကြောင်း သိရသည်။

DOCA(ဧရာဝတီ)

      ၅-၉-၂၀၂၅ ရက်နေ့ နံနက် (၉:၀၀)နာရီအချိန်တွင် ညောင်တုန်းမြို့နယ်စားသုံးသူရေးရာဦးစီးဌာ၊ မြို့နယ် စည်ပင်သာယာရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန အဖွဲ့စုံနှင့်အတူ အမှတ်၉ ရပ်ကွက် ဆီလက်လီ ကိုယ်စားလှယ်များ ဆီစာအုပ်ဖြင့် ဝယ်ယူနေမှု လုပ်ငန်းများကို သတ်မှတ်ချက်များနှင့် အညီ ရောင်းချမှု ရှိမရှိ ကွင်းဆင်း ကြပ်မတ်ဆောင်ရွက်ခဲ့ကြောင်း သိရသည်။

   စားသုံးသူ‌ရေး ရာဦးစီးဌာန အနေဖြင့် စားအုန်းဆီများကို ပြည်သူလက်ဝယ် အမှတ်တကယ် ရောက်ရှိစေရေး အတွက် ဆောင်ရွက်လျက်ရှိပြီး ၊ ဆီရာင်းချသူလုပ်ငန်းရှင်များ စီးပွားရေးကျင့်ဝတ်နှင့်အညီ မျှတစွာ ရောင်းချစေရန်၊ အစိုးရထုတ် အိမ်ရှင်မဆီများ သတ်မှတ်နေရာများသို့ အလေးချိန်မှန်၊ ဈေးနှုန်းမှန်၊ စွာ ရောက်ရှိစေရေးကို ကြပ်မတ်ဆောင်ရွက်စစ်ဆေးလျက်ရှိပါသည်။ ညောင်တုန်းမြို့နယ် အမှတ် ၉ရက်ကွက်ရှိ ဦးကောင်းထက်၊ ဦးရဲထွန်း၊ ဦးခင်မောင်ချို စားအုန်းဆီ လက်လီအရောင်းဆိုင်များတွင် ပြည်သူများ ဆီထုတ်ယူခွင့် စားအုပ်ဖြင့် ရောင်းချနေမှုကို စစ်ဆေးပြီး ပြည်သူများကိုလည်း သတ်မှတ်ရက်အတွင်း ရရရှိမည် ဆီပိဿာများကို ထုတ်ယူကြရန်၊ ဆီစာအုပ်များကို ကျပျောက်ခြင်းများဖဖြစ်ပေါ်ပါက ပျောက်ဆုံးသည်မှာ မှန်ကန်ကြောင်း ဆိုင်ရှင်ထောက်ခံစာ၊ ရပ်ကွက်ထောက်ခံစာဖြင့် ထပ်မံထုတ်ယူနိုင်ကြောင်း၊ ဆီစာအုပ်ပျောက်ပါက မည်သည်ထောက်ခံချက်မပါပဲ ပြန်လည်ထုတ်ယူပါက စာအုပ်များကို မသာမာသူများက လိမ်လည်၍ ထုတ်ယူခြင်းများ ဖြစ်မည်စိုး၍ သတိပြုသိမ်းဆည်းကြရန်ကို စားသုံးသူရေးရာဦးစီးဌာနမှ တာဝန်ရှိသူက အသိပညာပေး မှာကြားခဲ့ကြောင်း သိရသည်။

DOCA(ဧရာဝတီ)