သတင်းနှင့် လှုပ်ရှားမှုများ

   ၁၄.၅.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်၊ ခရိုင်တာဝန်ခံ ဦးအောင်ကျော်မင်း၊ မြို့နယ်တာဝန်ခံ ဦးဇော်ဦးသည် ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ရပ်ကွက်/ကျေးရွာအုပ်ချုပ်ရေးမှူး တို့နှင့် ပူးပေါင်း၍ ကျိုက်ထိုမြို့နယ်၊ ကျိုက်ပိကျေးရွာရှိ အောင်ကမ္ဘာကိတ်မုန့်မျိုးစုံ ရောင်းဝယ်ရေးဆိုင်အား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

    ထိုသို့ ဈေးကွက်စောင့်ကြည့်စစ်ဆေးရာတွင် မုန့်မျိူးစုံတို့တွင် ကုန်အညွှန်းအမှတ် အသားဖော်ပြချက်များနှင့် ကိုက်ညီမှု ရှိ/မရှိ၊ စားသုံးသူပြည်သူများဘေးအန္တရာယ်ဖြစ်နိုင်ချေ ရှိ/မရှိ၊ မုန့်မျိုးစုံ တစ်မျိုးခြင်းအလိုက် ဘေးအန္တရာယ်ဖြစ်နိုင်မှု အခြေအနေများကို စစ်ဆေးခဲ့ပြီး ကုန်အညွှန်း အမှတ်အသားမပြည့်စုံမှုမရှိသော ကိတ်မုန့်မျိုးစုံနှင့် အခြား မုန့်များရောင်းချခြင်း မပြုရန်အသိပညာပေး ပြောကြားခဲ့ကြောင်း သိရှိရပါသည်။

DOCA (မွန်)

  Online စနစ်ဖြင့်ရောင်းချခြင်းလုပ်ငန်းအား ၂၁-၇-၂၀၂၃ ရက်စွဲပါ အမိန့်ကြော်ငြာစာအမှတ် (၅၀/၂၀၂၃) ဖြင့် အရေးကြီးဝန်ဆောင်မှုလုပ်ငန်းအဖြစ် သတ်မှတ်ခဲ့ပါသည်။ ၂၀၂၅ ခုနှစ်၊ ဇန်နဝါရီလ (၁)ရက်နေ့မှစ၍    Online Sale မှတ်ပုံတင်လက်မှတ် လျှောက်ထားလာမှုများအား  မြေပြင်ကွင်းဆင်း စစ်ဆေး၍ လျှောက်ထားသည့် အချက်အလက်များနှင့်  မြေပြင်တွင် အမှန်တကယ် ကိုက်ညီမှုရှိမှသာလျှင် မှတ်ပုံတင်လက်မှတ်ထုတ်ပေးမည်ဖြစ်ရာ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူး ရုံးမှစစ်ဆေးရေးအရာရှိ ဦးမျိုးထွန်းနှင့် ဒေါ်မြင့်မာလာဝင်းတို့သည် (၂၁-၃-၂၀၂၅)၊ (၁၀-၄-၂၀၂၅) ရက်နေ့နှင့် (၁၁-၄-၂၀၂၅)ရက်နေ့တို့တွင် မန္တလေးမြို့ပေါ်ရှိOnline Sale မှတ်ပုံတင် လျှောက်ထား သည့်လုပ်ငန်းများ (၁၉) ခုတို့မှ လျှောက်ထားသည့် ကုန်စည်များဖြစ်သည့် လက်ဝတ်ရတနာပစ္စည်းများ၊ ဖန်စီပစ္စည်း၊အထည်အလိပ်၊အဝတ်အထည်နှင့်ဆက်စပ်ပစ္စည်းများ၊ယာဉ်အမျိုးမျိုးနှင့့််ဆက်စပ်ပစ္စည်း များ ၊ စိုက်ပျိုးရေးလုပ်ငန်းသုံးပစ္စည်းများ၊ ဖက်ရှင်အသုံးအဆောင်ပစ္စည်းများ၊ ကလေးအသုံး အဆောင် ပစ္စည်းများ၊အီလက်ထရောနစ်ပစ္စည်းများ၊အခြားသုံးပစ္စည်းများ၊ပညာရေးနှင့်သင်ကြားရေးဝန်ဆောင်မှု၊စာပေနှင့်အနုပညာဝန်ဆောင်မှုလုပ်ငန်း၊စားသောက်ကုန်ပစ္စည်းများ၊  အလှကုန်များနှင့် လူသုံး ကုန်များ စသည့်လုပ်ငန်းများအားမြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ ပါသည်။ 

မန္တလေးတိုင်းဒေသကြီးအတွင်း ၂၀၂၅ ခုနှစ်၊  ဇန်နဝါရီလ (၁) ရက်နေ့မှ(၂၁-၄-၂၀၂၅)ရက်နေ့ အထိ   Online Sale မှတ်ပုံတင်လျှောက်ထားသည့်   မြေပြင်စစ်ဆေးရမည့် လုပ်ငန်း (၁၆၁ )ခုရှိရာ Online Sale မှတ်ပုံတင်လျှောက်ထားသည့် လုပ်ငန်းများဖြစ်သည့် လက်ဝတ်ရတနာပစ္စည်းများ၊ ဖန်စီပစ္စည်းများ ၊ ကလေးအသုံးအဆောင်ပစ္စည်းများ ၊ အထည်အလိပ် ၊ အဝတ်အထည်နှင့်ဆက်စပ် ပစ္စည်းများ၊ ဖက်ရှင်အသုံးအဆောင်ပစ္စည်းများ ၊ အလှကုန်များ ၊ လူသုံးကုန်များ ၊ လက်မှုပစ္စည်းများ၊ အခြားသုံးပစ္စည်းများ၊ အီလက်ထရောနစ်ပစ္စည်းများ၊ အခြားသုံးပစ္စည်းများ၊ ပညာရေးနှင့်သင်ကြားရေး ဝန်ဆောင်မှု၊စာပေနှင့်အနုပညာ ဝန်ဆောင်မှု လုပ်ငန်း၊ စားသောက်ကုန်ပစ္စည်းများ၊ FDAမှ အတည်ပြု ထားသည့် ဆေးဝါးဖြည့်စွက်စာများ၊ အခြားဝန်ဆောင်မှုများ၊ စိုက်ပျိုးရေးလုပ်ငန်းသုံးပစ္စည်းများ၊ ယာဉ်အမျိုးမျိုးနှင့့််ဆက်စပ်ပစ္စည်းများ ၊ ကုသရေးသုံးပစ္စည်းများ ရောင်းချသည့်လုပ်ငန်း(၁၄၃)ခုအား မြေပြင်စစ်ဆေးခဲ့ပြီး တင်ပြဆောင်ရွက် လျှက်ရှိကြောင်းနှင့် စစ်ဆေးရန် ကျန်ရှိနေသော Online Sale မှတ်ပုံတင်လျှောက်ထားသည့် လုပ်ငန်း များအား ဆက်လက်၍ မြေပြင်စစ်ဆေးသွားမည်ဖြစ်ကြောင်း  သတင်းရရှိပါသည်။

DOCA(မန္တလေး)

           စစ်ကိုင်းတိုင်းဒေသကြီး၊ ကလေးခရိုင်ဦးစီးမှူးရုံးသည်( ၁၄.၅.၂၀၂၅ ) ရက်နေ့တွင် ကလေး ခရိုင်ဦးစီးမှူးရုံးနယ်မြေအတွင်းရှိ ကလေးဝမြို့နယ်ရှိ ဇီးဖျော်ရည်လုပ်ငန်းများ လုပ်ကိုင်လျက်ရှိသည့် သဘာဝအမှတ်တံဆိပ်နှင့် သီတာအမှတ်တံဆိပ် အလုပ်ရုံများသို့ အသေးစားစက်မှု လက်မှုလုပ် ငန်းဦးစီးဌာနမှ ဦးဆောင်၍ သဘာဝ အမှတ်တံဆိပ် ဇီးဖျော်ရည်နှင့် မန်ကျည်းဖျော်ရည် လုပ်ငန်းသည် အမှတ် −၂/၂၃၇၊ အမှတ် ( ၂ ) ရပ်ကွက်၊ ပန်းဘဲတန်းလမ်း၊ ကလေးဝမြို့နှင့် သီတာ အမှတ်တံဆိပ် သဘာဝဇီးဖျော်ရည်စစ်စစ် လုပ်ငန်းသည် တောရကျောင်းအးနီး၊  အမှတ် ( ၂ ) ရပ်ကွက်၊ ကလေးဝမြို့ ရှိ ဇီးဖျော်ရည်လုပ်ငန်းရှင် များထံသို့သွားရောက်၍ ကွင်းဆင်းစစ်ဆေးခြင်းများ ဆောင်ရွက်ခဲ့ကြပါသည်။

            အသေးစားစက်မှုလက်မှုလုပ်ငန်းဦးစီးဌာန၊ ခရိုင်ဦးစီးမှူး ဦးထိုက်တန် က လုပ်ငန်း မှတ်ပုံတင်များ လျှောက်ထားနိုင်ရေးနှင့် မှတ်ပုံတင်လျှောက်ထားရာတွင် လိုအပ်သည်များကို ပြောကြားရှင်းလင်းခဲ့ပြီးနောက် လုပ်ငန်းရှင်မှလည်း အသေးစားစက်မှုလုပ်ငန်းလိုင်စင်လျှောက်ထားလိုကြောင်း ပြောကြားခဲ့သည့်အတွက် လိုအပ်သည့် အချက်အလက်များနှင့် ဓါတ်ခွဲစမ်းသပ်ရန်အတွက် လိုအပ်သည့် ဇီးဖျော်ရည်ဗူးများကိုလည်း ပေးအပ်ခဲ့ပါသည်။

            ဆက်လက်၍ စားသုံးသူရေးရာဦးစီးဌာန၊ ဒေါ်သိမ့်သိမ့်ထွန်း ( ဒု−ဦးစီးမှူး )  မြန်မာစာဖြင့်ဖော်ပြရန် သတ်မှတ်ထားသည့် ကုန်အညွှန်းအမှတ်အသားများ ပြည့်စုံစွာဖော်ပြထားသည်ကို တွေ့ရှိရပါကြောင်း အမှတ်တံဆိပ်ပေါ်တွင် ဖော်ပြထားသည့် အသားတင် အလေးချိန်များအတိုင်း ထည့်သွင်း ရောင်းချရန်နှင့် တားမြစ်ထားသည့် အရောင်ဆိုးဆေးများ အသုံးမပြုရန် ပြောကြားခဲ့ပါသည်။

DOCA(စစ်ကိုင်း)

               စားသုံးသူရေးရာဦးစီးဌာန၊ တောင်ငူခရိုင် အုတ်တွင်းမြို့နယ်တာဝန်ခံ ဒေါ်အေးအေးခိုင်သည် အစားအသောက်နှင့် ဆေးဝါးကွပ်ကဲရေးဦးစီးဌာန၊ တောင်ငူရိုင်ဦးစီးမှူးရုံး၏ ညှိနှိုင်းဆောင်ရွက်ချက်အရ မေလ ၁၂ ရက်နေ့ နံနက်ပိုင်းတွင် အုတ်တွင်းမြို့မ စည်ပင်သာယာဈေးနှင့် အုတ်တွင်းမြို့ပေါ်ရှိ ဆေးဆိုင်များသို့ ဈေးကွက်စောင့်ကြည့်စစ်ဆေးခြင်း ဆောင်ရွက်ရာတွင် ပူးပေါင်းဆောင်ရွက်ခဲ့ပါသည်။

              ပူးပေါင်းအဖွဲ့သည် အုတ်တွင်းမြို့မဈေးအတွင်း ရောင်းချလျက်ရှိသော အစားအသောက်များ နှင့် အလှကုန်ပစ္စည်းများတွင် ခွင့်မပြု ဓာတုဆေးများ ပါဝင်မှုရှိ/မရှိနှင့် ရက်လွန်/မလွန်တို့ကို လည်းကောင်း၊ ဆေးဆိုင်များ၌ ရောင်းချလျက်ရှိသော ဆေးဝါးများတွင် တရားမဝင်ဆေးဝါးများနှင့် ရက်လွန်ဆေးဝါးများ ပါဝင်မှု ရှိ/ မရှိ ကိုလည်းကောင်း စောင့်ကြည့်စစ်ဆေးပြီး အစားအသောက်နှင့် ဆေးဝါးကွပ်ကဲရေးဦးစီးဌာနက အစားအသောက်များနှင့် အလှကုန်ပစ္စည်းများကို နမူနာ ကောက်ယူခဲ့ပါသည်။

              ဈေးကွက်စောင့်ကြည့်စစ်ဆေးစဉ် စားသုံးသူရေးရာဦးစီးဌာန၊ မြို့နယ်တာဝန်ခံသည် ကုန်အညွှန်းအမှတ်အသားများကို သတ်မှတ်ချက်နှင့်အညီ ပြည့်စုံစွာ ဖော်ပြထားခြင်းမရှိသော ကုန်စည်များကို ရောင်းချခြင်း မပြုရန် အသိပညာပေးပြောကြားခဲ့ကြောင်းနှင့် ဈေးကွက်စောင့်ကြည့် စစ်ဆေးရာတွင် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့မှူးရုံး၊ မြို့နယ်ပြည်သူ့ကျန်းမာရေးဦးစီးဌာနနှင့် မြို့နယ်စည်ပင်သာယာရေးအဖွဲ့တို့မှ တာဝန်ရှိသူများ ပူးပေါင်းပါဝင်ဆောင်ရွက်ခဲ့ကြောင်း သိရပါသည်။

DOCA (ပဲခူး)

   ၁၇.၅.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ ဝန်ထမ်းများသည် သံဖြူဇရပ်မြို့နယ်ရှိ “Special One Mobile Second Shop” ဖုန်းအရောင်းဆိုင်အား  အွန်လိုင်းမှတ်ပုံတင် လျှောက်ထားခြင်းနှင့် စပ်လျဉ်း၍ မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

    ထိုသို့ ကွင်းဆင်းစစ်ဆေးရာ အွန်လိုင်းစနစ်ဖြင့် ရောင်းချနေသော လုပ်ငန်းရှင်များသို့ မှတ်ပုံတင်လျှောက်ထားမှုနှင့် စပ်လျဉ်း၍ မြေပြင်ကွင်းဆင်း ဆောင်ရွက်ရာတွင် လျှောက်လွှာ ပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တကယ် တည်ရှိခြင်း ရှိ/မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည် (သို့) ဝန်ဆောင်မှု အမျိုးအစားစာရင်းအတိုင်း မြေပြင်တွင်အမှန်တကယ်ရောင်းချနေသော စာရင်းကိုက်ညီမှု ရှိ/မရှိတို့ကို စစ်ဆေးခဲ့ပြီး၊ မှတ်ပုံတင်လက်မှတ်ရရှိသူ၏ တာဝန် ဖောက်ဖျက်မှု ရှိ/မရှိ၊ စားသုံးသူကာကွယ်ရေးဥပဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသားဖော်ပြမှုတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA (မွန်)