HighLight News

        ၂၃.၃.၂၀၂၆ ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ တာဝန်ရှိသူနှင့် ဝန်ထမ်းများသည် မအူပင်မြို့နယ်ရှိ    စတိုးဆိုင်နှင့် ကုန်စုံဆိုင်များတွင် ထုတ်ကုန်များလုံခြုံစိတ်ချရမှုရှိစေရန်အတွက် လူသုံးကုန်ပစ္စည်းများ၊ ကုန်မျိုးစုံအရောင်းဆိုင်များ ဈေးနှုန်းတည်ငြိမ်စေရေးအား ဈေးကွက်စောင့်ကြည်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

       ထိုသို့ ကွင်းဆင်းစစ်ဆေးခဲ့ရာတွင်   စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် မြို့နယ်အတွင်း ရောင်းချနေသော လူသုံးကုန်များအား   FDAထောက်ခံချက်ပါရှိသည့်အပြင်  ကုန်အညွှန်းအမှတ်အသား ပြည့်စုံစွာဖော်ပြထားကြောင်းစစ်တွေ့ရှိခဲ့ပြီး၊   မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက် အမှတ်(၂/၂၀၁၉)နှင့် အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊   ကုန်မျိုးစုံပစ္စည်းများရောင်းချရာတွင် ဈေးနှုန်းတည်ငြိမ်မှုရှိစေရေးနှင့် ကုန်အညွှန်းအမှတ်အသားစစ်ဆေးခြင်း ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့်  သတ်မှတ်အရည်အသွေးပြည့်မီသော ကုန်စည်များကိုသာရောင်းချ ရန်  ဈေးကွက်စောင့် ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ စစ်ဆေးရေးမှူး  ဦးအောင်ဇော်ဦး (ဦးစီးအရာရှိ) ဦးဆောင်၍ ၂၃-၃-၂၀၂၆ ရက်နေ့တွင် မအူပင်မြို့၊ အမှတ်(၃/၅/၉) ရပ်ကွက်အတွင်းရှိ ကုန်မျိုးစုံ လက်လီ/ လက်ကား ဖြန့်ဖြူးရောင်းချသော ကုန်စုံဆိုင်သို့သွားရောက်၍ စားသုံးသူများ ဘေးအန္တရာယ်ကင်းရှင်းပြီး စားသောက်ကုန်များ သုံးစွဲနိုင်ရေး၊ ဘေးအန္တရာယ်ရှိသော ကုန်စည်များဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေး ဥပဒေပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ကိုက်ညီမှုရှိ/ မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

          ထိုသို့ ဈေးကွက်စောင့်ကြည့်စစ်ဆေးရာတွင် အမှတ်တံဆိပ်ပါ ဗူးသွပ်ဟင်းချက်ဆီဗူးနှင့် ခရုဆီနှင့် ဟင်းခတ်အနှစ်အမျိုးမျိုးတို့တွင် ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ သုံးစွဲပုံနည်းလမ်း၊ ထားသို့သိမ်းဆည်းမှုအညွှန်းနှင့် ဓါတ်မတည့်ကြောင်း ဖော်ပြချက်တို့ ပြည့်စုံစွာဖော်ပြပါရှိကြောင်း စစ်‌ဆေးတွေ့ရှိရပြီး ကုန်စုံဆိုင်လုပ်ငန်းရှင်အား ကုန်အညွှန်းအမှတ်အသား ပြည့်စုံမှုမရှိသည့်ကုန်စည်များ ဈေးကွက်အတွင်း ရောင်းချခြင်းမပြုလုပ်ရန်၊ သက်တမ်း လွန်ကုန်စည်များ ရောင်းချခြင်းမရှိစေရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

       စားသုံးသူရေးရာဦးစီးဌာနသည် ၂၀၁၉ ခုနှစ် စားသုံးသူကာကွယ်ရေးဥပဒေတွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့် အညီ သိသာထင်ရှားစွာ ဖော်ပြရမည့်အချက်များကို လုပ်ငန်းရှင်များ ထုတ်လုပ်သော ကုန်စည်များတွင် ဖော်ပြပါရှိနိုင်စေရေး ရေးဆွဲအကောင်အထည်ဖော် စိစစ်ဆောင်ရွက်လျက်ရှိရာ လုပ်ငန်းရှင်များ ‌ကုန်စည်များကို ထုတ်လုပ်ရာတွင်လည်းကောင်း၊ ရောင်းချရာတွင်လည်းကောင်း ဥပဒေနှင့်အညီလိုက်နာဆောင်ရွက်နိုင်ရေးကို အသိပညာပေးခြင်း၊ ကွင်းဆင်းစစ်ဆေး ဆောင်ရွက်ခြင်းများ ဆောင်ရွက်လျက်ရှိရာ MSME လုပ်ငန်းရှင်များနှင့် ကုန်စည်ရောင်းချသူ လုပ်ငန်းရှင်များနှင့် တွေ့ဆုံဆွေးနွေးမှုကို မအူပင်ခရိုင်ဦးစီးမှူးရုံး၌ (၁၈.၃.၂၀၂၆) ရက်နေ့၊ နေ့လယ် ၁၄:၀၀ နာရီအချိန်တွင် ကျင်းပပြုလုပ်ခဲ့ပါသည်။

      အဆိုပါတွေ့ဆုံဆွေးနွေးမှုတွင် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူး ဦးဇော်မင်း (လက်ထောက်ညွှန်ကြားရေးမှူး)က စားသုံးသူရေးရာဦးစီးဌာနအနေဖြင့် MSME လုပ်ငန်းများဖွံ့ဖြိုးတိုးတက်ရေးကိုလည်း ကူညီဆောင်ရွက်ပေးလျက်ရှိရာ လုပ်ငန်းရှင်များအနေဖြင့်လည်း မိမိတို့ထုတ်လုပ်သော ကုန်စည်များကို အရည်အသွေးပြည့်ဝကောင်းမွန်ပြီး စားသုံးသူအတွက် ဘေးအန္တရာယ်ကင်းရှင်းမှုရှိအောင် စီးပွားရေးကျင့်ဝတ်စည်းကမ်းများနှင့်အညီ ထုတ်လုပ်ရန်လိုအပ်ပါကြောင်း၊ စီးပွားရေးလုပ်ငန်းရှင်များအနေဖြင့် လုပ်ငန်းကဏ္ဍအလိုက် ထုတ်လုပ်ဖြန့်ဖြူးရောင်းချလျက်ရှိသော ထုတ်ကုန်ပစ္စည်းများတွင် ဥပဒေနှင့်အညီ ကုန်အညွှန်းအမှတ်အသားများ ပြည့်စုံစွာဖော်ပြပါရှိရမည်ဖြစ်ပါကြောင်း၊ ကုန်စည်နှင့်ပတ်သက်၍ ထည့်သွင်းဖော်ပြရမည့် ကုန်အညွှန်းအမှတ်အသားများနှင့် ပတ်သက်၍ မှန်ကန်စွာဖော်ပြပါရှိစေရေးအတွက် စိစစ်မှုများဆောင်ရွက်ပေးလျက်ရှိရာ မိမိရုံးတွင် လာရောက်၍ စိစစ်လျှောက်ထားနိုင်ပါကြောင်း ဟောပြောဆွေးနွေးအသိပညာပေးခဲ့ ကြောင်း သိရှိရပါသည်။

          ဆက်လက်၍ မအူပင်ခရိုင် ဒုခရိုင်ဦးစီးမှူး ဦးအောင်ဇော်ဦးက ကုန်စည်ပစ္စည်းများရောင်းချသူ လုပ်ငန်းရှင်များအနေဖြင့် ကုန်စည်နှင့်ဝန်ဆောင်မှုများနှင့် ပတ်သက်၍ စားသုံးသူများ ထိခိုက်နစ်နာမှု မဖြစ်ပေါ်စေရေးအတွက် ဈေးကွက်အတွင်းရှိ ကုန်စည်များကို စစ်ဆေးရေးအရာရှိမှ အစဉ်တစိုက် စောင့်ကြည့်စစ်ဆေးလျက်ရှိသလို၊ ဈေးကွက်မရောက်မီ ကုန်စည်များကိုလည်း လုပ်ငန်းခွင်များသို့ကွင်းဆင်း၍ ဈေးကွက်စောင့်ကြည့်စစ်ဆေးခြင်း၊ ဈေးကွက်ရောက်ကုန်စည်များ ဘေးအန္တရာယ်ကင်းရှင်းမှု ရှိ/မရှိစစ်ဆေးခြင်း၊ ဘေးအန္တရာယ်ရှိသော ကုန်စည်များ ဈေးကွက်အတွင်း ပပျောက်စေရေး စစ်ဆေးဆောင်ရွက်ခြင်းများ ပြုလုပ်ဆောင်ရွက်လျက်ရှိကြောင်းကို ရှင်းလင်းဟောပြောခဲ့ပြီး  ဟောပြောပွဲသို့ တက်ရောက်လာသူ လုပ်ငန်းရှင်(၄၈)ဦးမှ သိလိုသည်များ မေးမြန်းဆွေးနွေးကြကာ၊ ကုန်အညွှန်းအမှတ်အသားလျောက်ထားမှုနှင့် စပ်လျဉ်း၍ လိုအပ်သည်များကို ရှင်းလင်းဆွေးနွေးပေးခဲ့ကြောင်း သိရှိရပါသည်။

DOCA(ဧရာဝတီ)

       (၁၉.၃.၂၀၂၆) ရက်နေ့၊ နံနက် (၁၂း၀၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ်(ခရိုင်ဦးစီးမှူး)နှင့်ဝန်ထမ်းများသည် ရန်ကင်းမြို့နယ်အထွေထွေအုပ်ချုပ်ရေးဦးစီးဌာန၊ ဈေးစည်ပင်သာယာရေးကော်မတီတို့နှင့်အတူ ရန်ကင်းမြို့နယ်ရှိ စားအုန်းဆီလက်လီ/လက်ကားအရောင်းဆိုင်များသို့ သတ်မှတ်ထားသည့်ရည်ညွှန်း ဈေးနှုန်းများအတိုင်းရောင်းချနေမှုရှိ/ မရှိကို အဖွဲ့စုံဖြင့် ကွင်းဆင်းစစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

          ထိုသို့ကွင်းဆင်းဆောင်ရွက်ခဲ့ရာတွင် ရန်ကင်းမြို့နယ်ရှိ စားအုန်းဆီအရောင်းဆိုင်တို့အား ဝင်ရောက်စစ်ဆေးခဲ့ရာ ခွဲတမ်းရရှိသည့်ဆီပေပါများကို တဆင့်ပြန်လည်ခွဲဝေပေးမှုအခြေအနေ၊ မိမိရရှိသောခွဲတမ်းများကို ရပ်ကွက်နေစားသုံးသူပြည်သူများလက်ဝယ်သို့ အမှန်တကယ်ရောက်ရှိ စားသုံးနိုင်ရန်ရောင်းချပေးခြင်းရှိ/ မရှိ ကွင်းဆင်းစစ်ဆေးခဲ့ပြီး စားအုန်းဆီလက်လီ/ လက်ကား ကိုယ်စားလှယ်များအနေဖြင့် ခွဲတမ်းရရှိထားသော စားအုန်းဆီများကိုသတ်မှတ်စည်းမျဉ်းစည်းကမ်းများနှင့် အညီ စနစ်တကျဖြန့်ဖြူးရောင်းချရန်နှင့် စားအုန်းဆီလက်လီ/လက်ကားရောင်းချလျက်ရှိသော လုပ်ငန်းရှင်များအနေဖြင့် စားသုံးသူများမြင်သာထင်သာရှိသောနေရာတွင် ဆိုင်းဘုတ်တင်ရောင်းချရန်နှင့် စားသုံးသူရေးရာဦးစီးဌာနမှ အပတ်စဉ်ထုတ်ပြန်လျက်ရှိသော သတ်မှတ်ရည်ညွှန်းဈေးနှုန်းအပေါ် (၂%)အမြတ်တင်ရောင်းချနေမှုရှိ/ မရှိတို့ကို ကွင်းဆင်းစစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA (ရန်ကုန်)

          (၂၃.၃.၂၀၂၆) ရက်နေ့ နေ့လယ် (၁၂:၅၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးအရာရှိနှင့်ဝန်ထမ်းများသည် အမှတ်(၂၂/၂၃)၊ မြဝတီမင်းကြီးလမ်း၊ ဇုန်(၄)ရွှေပြည်သာမြို့နယ်ရှိ နဂါးပျံလက်ဖက်ခြောက်စက်ရုံသို့ သွားရောက်၍ လုပ်ငန်းရှင်၏ ကြုံတွေ့နေရသည့်အခြေအနေ၊ ထုတ်လုပ်ဖြန့်ဖြူးရောင်းချမှုအား တွေ့ဆုံမေးမြန်းခဲ့ကြောင်း သိရသည်။

        မန်နေဂျာဦးမြင့်ကျော်က နဂါးပျံအမှတ်တံဆိပ်ဖြင့် နဂါးပျံလက်ဖက်ခြောက်၊ နှပ်ကော်ဖီထုပ်၊ လက်ဖက်ရည်ထုပ်များ အသီးသီးထုတ်လုပ်လျက်ရှိပြီး နဂါးပျံလက်ဖက်ခြောက်(၁)ရက်လျှင် (၁)တန် ခန့်ထုတ်လုပ်ကာ မြန်မာပြည်အနှံ့အပြားသို့ ဖြန့်ဖြူးရောင်းချလျက်ရှိကြောင်း ဝန်ထမ်း အင်အားမှာ ကျား(၁၀)ဦး၊ မ(၂၀)ဦးဖြင့် စုစုပေါင်း(၃၀)ဦးဖြင့် လုပ်ငန်းအဆက်မပြတ်လုပ်ကိုင်နေပြီး မိမိတို့လုပ်ငန်းကို မှီခိုလုပ်ကိုင်နေသော ဝန်ထမ်းများလည်း စားဝတ်နေရေးအဆင်ပြေလျက်ရှိကြောင်း သိရှိရပါသည်။

DOCA (ရန်ကုန်)