ပြည်ပကုန်သွယ်မှုသတင်းများ

       ကမ္ဘောဒီးယားနိုင်ငံ၏ ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု RCEP အဖွဲ့ဝင် နိုင်ငံများနှင့် ကုန်သွယ်မှုသည် ၂၀၂၅ ခုနှစ်၏ ပထမ ၉ လတွင် အမေရိကန်ဒေါ်လာ ၂၉.၅ ဘီလီယံ သို့ ရောက်ရှိခဲ့ပြီး ပြီးခဲ့သည့်နှစ် အလားတူကာလထက် ၁၅.၅ ရာခိုင်နှုန်း တိုးလာကြောင်း အောက်တိုဘာလ ၂၁ ရက်နေ့ ထုတ်ပြန်သော အစိုးရ၏ တရားဝင် အစီရင်ခံစာအရ သိရှိရပါသည်။

          ယခုနှစ် ဇန်နဝါရီလမှ စက်တင်ဘာလအတွင်း RCEP အဖွဲ့ဝင်နိုင်ငံများသို့ ကုန်သွယ်မှုတန်ဖိုး အမေရိကန်ဒေါ်လာ ၇.၄၃ ဘီလီယံ ရှိခဲ့ပြီး ပြီးခဲ့သည့်နှစ် အလားတူကာလ ထက် ၁၀ ရာခိုင်နှုန်တိုးလာကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ပြုစုထားသည့် အစီရင်ခံစာတွင် ဖော်ပြထားပါသည်။

          RCEP အဖွဲ့ဝင်နိုင်ငံများ၏ တင်သွင်းမှု တန်ဖိုးမှာ အမေရိကန်ဒေါ်လာ ၂၂.၀၇ ဘီလီယံ အထိ ရောက်ရှိခဲ့ပြီး ၁၇ ရာခိုင်နှုန်း‌ကျော်တိုးလာခဲ့ပါသည်။ RCEP သည် ကမ္ဘောဒီးယားအတွက် အဓိက ဈေးကွက်တစ်ခုဖြစ်ပြီး ယခုနှစ် ပထမ ၉ လအတွင်း စုစုပေါင်း ကုန်သွယ်မှု ပမာဏ၏ ၆၁.၆ ရာခိုင်နှုန်း ရှိပါသည်။ RCEP ပြီးနောက် ကမ္ဘောဒီးယားနိုင်ငံ၏ ကုန်သွယ်ဖက် ၅ နိုင်ငံမှာ တရုတ်၊ ဗီယက်နမ်၊ ထိုင်း၊ ဂျပန်၊ စင်္ကာပူနိုင်ငံ တို့ဖြစ်ပါသည်။

          ၂၀၂၂ ခုနှစ်တွင် စတင်အသက်ဝင်ခဲ့သော RCEP တွင် အာဆီယံ အဖွဲ့ဝင် ၁၀ နိုင်ငံ၊ အာရှ - ပစိဖိတ်နိုင်ငံ ၁၅ နိုင်ငံနှင့် ၄င်းတို့၏ ကုန်သွယ်ဖက် ၅ နိုင်ငံဖြစ်သည့် တရုတ်၊ ဂျပန်၊ တောင်ကိုရီးယား၊ သြစတြေးလျနှင့် နယူးဇီလန်တို့ ပါဝင်ကြောင်း သိရှိရပါသည်။

DOCA (ရန်ကုန်)

     Haryana အစိုးရသည် အောက်တိုဘာလ ၁၉ ရက်နေ့တွင် ကြံစျေးအတွက် ပြည်နယ်မှ ရည်ညွှန်းစျေးကို ၁၀၀ ကီလိုလျှင် ၁၅ ရူပီးအဖြစ် တိုးမြှင့်သတ်မှတ်လိုက်ကြောင်း သိရပါသည်။ ၎င်းအစိုးရသည် ကြံပင်ပျိုများအတွက် စျေးနှုန်းကို ၁၀၀ ကီလိုလျှင် ၄၀၀ ရူပီးအဖြစ် သတ်မှတ်ထားရာမှ ၁၀၀ ကီလိုလျှင် ၄၁၅ ရူပီးအဖြစ်လည်းကောင်း၊ ကြံပင်အရင့်များအတွက် ၁၀၀ ကီလိုလျှင် ၃၉၃ ရူပီးမှ ၄၀၈ ရူပီးသို့ တိုးမြှင့်သတ်မှတ်လိုက်ကြောင်း သိရပါသည်။ ပြည်နယ်ရည်ညွှန်းစျေးသည် ပြည်နယ်အစိုးရမှ သီးသန့်ကြေညာသတ်မှတ်သော စျေးနှုန်းတစ်ခု ဖြစ်ကြောင်း သိရပါသည်။ ပြည်နယ်ရည်ညွှန်းစျေးရှိသော ပြည်နယ်များမှာ Punjab၊ Haryana နှင့် Uttarakhand ပြည်နယ်များဖြစ်ပြီး ၎င်းရည်ညွှန်းစျေးသည် သကြားချက်စက်ရုံများ၏  လယ်သမားများထံမှ ကြံဝယ်ယူရသည့် အနိမ့်ဆုံးစျေးဖြစ်ကြောင်း သိရပါသည်။ အဆိုပါ ရည်ညွှန်း စျေးမြင့်တက်ခြင်းကြောင့် လယ်သမားများ၏ ဝင်ငွေများတိုးပွားလျက်ရှိပြီး သကြား စက်ရုံများအား ဖိအားပေးနိုင်မည်ဖြစ်ကြောင်း စိုက်ပျိုးမွေးမြူရေးဝန်ကြီးဌာနမှ ညွှန်ကြားရေးမှူး ဆိုသူ Rahul Chauhan ၏ ပြောကြားချက်အရ သိရပါသည်။

Source: Informist Media                                                            

DOCA (ရန်ကုန်)

     အမေရိကန်နိုင်ငံနှင့် သြစတြေးလျနိုင်ငံတို့သည် တရုတ်နိုင်ငံ၏ စက်မှုလုပ်ငန်းများ အပေါ် ချုပ်ကိုင်လွှမ်းမိုးမှုကို တန်ပြန်ရန် ရည်ရွယ်၍ အရေးကြီးသော သတ္ထုတွင်း သဘောတူညီချက်၏ တစ်စိတ်တစ်ပိုင်းအဖြစ် သြစတြေးလျနိုင်ငံရှိ ကုမ္ပဏီများအား ငွေကြေးပံ့ပိုးမှုကို တိုးမြှင့်ခဲ့ပြီး ကုမ္ပဏီများ၏ ရှယ်ယာများကို အောက်တိုဘာလ ၂၁ ရက်နေ့တွင် သိသိသာသာ မြင့်တက်စေခဲ့ ကြောင်း သိရပါသည်။ အဆိုပါသဘောတူညီမှုအောက်တွင် အမေရိကန်နိုင်ငံ သမ္မတ Donald Trump နှင့် သြစတြေးလျနိုင်ငံ ဝန်ကြီးချုပ်ဆိုသူ Anthony Albanese တို့က အမေရိကန်နှင့် သြစတြေးလျနှစ်နိုင်ငံလုံးသည် ၇ လအတွင်းတွင် သတ္ထုတူးဖော်ရေးနှင့် ထုတ်လုပ်ရေး စီမံကိန်း များတွင် အနည်းဆုံး အမေရိကန်ဒေါ်လာ ၁ ဘီလီယံ ခန့် တိုးမြင့် ရင်းနှီးမြှုပ်နှံ သွားမည် ဖြစ်ကြောင်း နှင့် အရေးပါသော သတ္ထုများအတွက် ကြမ်းခင်းစျေး များကို သတ်မှတ်သွား မည်ဖြစ်ကြောင်း သိရပါသည်။ သြစတြေးလျနိုင်ငံတွင် အမေရိကန်နိုင်ငံနှင့် သဘောတူညီထား သော အရေးပါသည့်သတ္ထုတူးဖော့်သည့် စီမံကိန်းများကို အဆင့်မြှင့်တင်ရန်အတွက် အမေရိကန် နိုင်ငံမှ ပို့ကုန်-သွင်းကုန်ကုမ္ပဏီ (EXIM) က စုစုပေါင်းအတိုး (LOIs) အမေရိကန်ဒေါ်လာ ၂.၂ ဘီလီယံခန့် ပေးပို့သွားမည်ဖြစ်ကြောင်း သိရပါသည်။ အဆိုပါ LOIs များကို Arafura Rare Earths၊ Northern Minerals၊ Graphinex၊ Latrobe Magnesium၊ VHM၊ RZ Resources နှင့် Sunrise Energy Metals များသို့ ပို့ဆောင်သွားမည်ဖြစ်ကြောင်း သိရပါသည်။ ၎င်းတို့သည် အမေရိကန်နိုင်ငံ ထုတ်လုပ်ရေးလုပ်ငန်းများ၊ နိုင်ငံတော်လုံခြုံရေးနှင့် တစ်ခြားသော နည်းဗျူဟာမြောက်လုပ်ငန်း များအတွက် စွမ်းအင်ပေးနိုင်မည့် သတ္ထုတွင်းများအဖြစ် ကိုယ်စာပြုနေကြောင်း သိရပါသည်။ Arafura ၏ ရှယ်ယာများသည် အောက်တိုဘာလ ၂၁ ရက်နေ့မနက်ခင်းတွင် ၈ ရာခိုင်နှုန်းခန့် မြင့်တက်လျက်ရှိကာ Northern Minerals၊ Latrobe Magnesium နှင့် VHM တို့၏ ရှယ်ယာများ သည်လည်း ၁၁ ရာခိုင်နှုန်း၊ ၁၅ ရာခိုင်နှုန်း၊ ၂၀ ရာခိုင်နှုန်းစသဖြင့် အသီးသီး မြင့်တက်လျက်ရှိပြီး Sunrise ၏ ရှယ်ယာများသည်လည်း ၀.၇ ရာခိုင်နှုန်းခန့် မြင့်တက်လာကြောင်း သိရပါသည်။ အစိုးရက ၎င်းတို့အနေဖြင့် အမေရိကန် အလူမီနီယမ်ထုတ်လုပ်သည့် စက်ရုံ  Alcoa အား ကမ္ဘာလုံး ဆိုင်ရာ Gallium ထောက်ပံ့မှု ၁၀ ရာခိုင်နှုန်းအထိ ပံ့ပိုးပေးနိုင်မည့် သြစတြေးလျနိုင်ငံအနောက် ပိုင်းရှိ အလူမီနီယမ် သန့်စင်သည့် စက်ရုံဘေးတွင် Gallium စက်ရုံအားတည်ဆောက်နိုင်ရန် ကူညီသွားမည်ဖြစ်ကြောင်း ပြောကြားခဲ့ပါသည်။ အဆိုပါ ကြေညာချက်ကြောင့် Aloca ၏ ရှယ်ယာများ ၈ ရခိုင်နှုန်းခန့် မြင့်တက်ခဲ့ကြောင်း သိရပါသည်။ Gallium ကို အလူမီနီယမ်ထုတ်လုပ် ရေးအတွက် ကုန်ကြမ်းအဖြစ် အသုံးပြုလျက်ရှိပြီး ၎င်းသည် semiconductor လုပ်ငန်းနှင့် ကာကွယ်ရေးကဏ္ဍများအတွက် အရေးပါသော သတ္ထုတစ်မျိုးဖြစ်ကြောင်း သိရပါသည်။ Aloca သည် သြဂုတ်လတွင် Japan Australia Gallium Associates (Jaga) နှင့် အတူ ဖွံ့ဖြိုးတိုးတက်ရေး သဘောတူညီမှုကို လက်မှတ်ရေးထိုးခဲ့ကြောင်း သိရပါသည်။ Aloca သည် Jaga နှင့်အတူ Aloca ကုမ္ပဏီ လုပ်ငန်းလည်ပတ်ရန်အတွက် ဖက်စက်လုပ်ငန်း ပြုလုပ်ရန် မျှော်မှန်းလျက်ရှိကြောင်း သိရပါသည်။

Source: The Edge Malaysia                                                        

DOCA (ရန်ကုန်)

            Hai Phong မြို့တော်အာဏာပိုင်များသည် လွတ်လပ်သောကုန်သွယ်ရေးဇုန် (FTZ)  တည်ထောင်မည်ဟု အောက်တိုဘာလ ၁၆ ရက်နေ့က ကြေညာခဲ့ပါသည်။ ထို FTZ ကို ကုန်ထုတ် လုပ်ခြင်း၊ ထောက်ပံ့ပို့ဆောင်ရေး၊ ကုန်သွယ်ရေး၊ ဝန်ဆောင်မှုများ၊ မြင့်မားသောနည်းပညာနှင့် ဘဏ္ဍာရေးတို့အတွက် ဒေသတွင်းနှင့် ကမ္ဘာလုံးဆိုင်ရာအချက်အချာဖြစ်လာရန် ရည်ရွယ်ကြောင်း သိရပါသည်။ ထို့ပြင် ဆန်းသစ်တီထွင်မှု၊ ဒစ်ဂျစ်တယ်အသွင်ကူးပြောင်းမှုနှင့် စိမ်းလန်းမှုတို့ အတွက်လည်းရည်ရွယ်ကြောင်း သိရပါသည်။ မြူနီစပယ်ပြည်သူ့ကော်မတီအောက်ရှိ Hai Phong စီးပွားရေးဇုန်အာဏာပိုင်အဖွဲ့က FTZ ကိုတိုက်ရိုက်ကြီးကြပ်ကွပ်ကဲမည်ဖြစ်ပြီး စီမံခန့်ခွဲမှု၊ အုပ်ချုပ်မှု၊ ရင်းနှီးမြှုပ်နှံမှုပံ့ပိုးမှု၊ ကုန်ထုတ်လုပ်မှုနှင့် ဇုန်အတွင်းလည်ပတ်မည့်လုပ်ငန်းများ အတွက် အခြားဝန်ဆောင်မှုများကို ကိုင်တွယ်ဖြေရှင်းသွားမည်ဟု သိရပါသည်။ ၆၂၉၂ ဟတ်တာ ကျယ်ဝန်းပြီး Dinh Vu- Cat Hai စီးပွားရေဇုန်နှင့် တောင်ပိုင်း Hai Phong ကမ်းရိုးတန်းစီးပွားရေး ဇုန်တို့နှင့် ချိတ်ဆက်နေသည့် FTZ တွင် ကုန်ထုတ်လုပ်ခြင်း၊ ဆိပ်ကမ်းနှင့် ထောက်ပံ့ပို့ဆောင်ရေး လည်ပတ်မှု၊ ထောက်ပံ့ပို့ဆောင်ရေးစင်တာများ၊ ကုန်သွယ်ရေး၊ ဝန်ဆောင်မှုနှင့် အခြားကဏ္ဍများ အတွက် ဧရိယာများပါဝင်မည်ဟု သိရပါသည်။ FTZ သည် ဒေသတွင်းကမ်းရိုးတန်းစီးပွားရေးဇုန် ၃ ခုအတွင်း ပြန့်နှံ့တည်ရှိပြီး တောင်ပိုင်းကမ်းရိုးတန်းစီးပွားရေးဇုန်တွင် ၂၉၂၃ ဟတ်တာ၊ Dinh Vu-Cat Hai စီးပွားရေးဇုန်တွင် ၁၀၇၇ ဟတ်တာနှင့် Cat Hai အထူးစီးပွားရေးဇုန်တွင် ၂၂၉၂ ဟတ်တာ လွှမ်းခြုံထားကြောင်း သိရပါသည်။

 DOCA (ရန်ကုန်)

        ကမ္ဘောဒီးယားမိတ်ဖက်များနှင့် ကုန်ထုတ်လုပ်မှု၊ ကုန်သွယ်ရေး၊ ဝန်ဆောင်မှုနှင့် ရင်းနှီး မြှုပ်နှံမှုတို့တွင် ချိတ်ဆက်မှုမြှင့်တင်မည့် ကွန်းဖရန့်ကို ကမ္ဘောဒီးယားနယ်စပ်ရှိ An Giang ပြည်နယ်တွင် အောက်တိုဘာလ ၁၇ ရက်နေ့တွင် ကျင်းပပြုလုပ်မည်ဟု သိရပါသည်။၂၀၂၅ ခုနှစ် နိုင်ငံတော်ကုန်သွယ်မှုမြှင့်တင်ရေးပရိုဂရမ်အောက်တွင် အဓိကဆောင်ရွက်မှုဖြစ်သည့် ထိုအခမ်း အနားသည် ဗီယက်နမ်မြောက်ပိုင်းတွင် ကုန်သွယ်ရေးကြီးထွားမှုအရှိန်မြှင့်တင်ရန်၊ ဒေသခြင်း ချိတ်ဆက်မှုအားကောင်းရန်နှင့် နှစ်နိုင်ငံအကြား နယ်စပ်ဖြတ်ကျော်စီးပွားရေးပူးပေါင်းဆောင်ရွက် မှုတိုးချဲ့ရန် ရည်ရွယ်ကြောင်း သိရပါသည်။ ဗီယက်နမ်စက်မှုနှင့် ကုန်သွယ်ရေးဝန်ကြီးဌာန၊ မြောက်ပိုင်းပြည်နယ်နှင့်မြို့တော်များ၏ပြည်သူ့ကော်မတီများနှင့် သက်ဆိုင်ရာကမ္ဘောဒီးယား အေဂျင်စီများကပူးတွဲကြီးမှူးကျင်းပသည့်ထိုကွန်းဖရန့်သည် နှစ်နိုင်ငံစလုံးမှဝန်ကြီးဌာနများ၊ ဒေသအာဏာပိုင်များ၊ စီးပွားရေးအသင်းများနှင့် လုပ်ငန်းများထံမှ တာဝန်ရှိသူ ၂၀၀ မှ ၂၅၀ ကြား ဆွဲဆောင်နိုင်ရန်မျှော်မှန်းရကြောင်း သိရပါသည်။ ပါဝင်မည့်စီးပွားရေးလုပ်ငန်းများသည် စိုက်ပျိုး မွေးမြူရေး၊ သစ်တော၊ ငါးလုပ်ငန်း၊ အစားအစာနှင့် စားသုံးကုန်များ၊ အဝတ်အထည်-အထည် အလိပ်နှင့် ဖိနပ်၊ ဆောက်လုပ်ရေးလုပ်ငန်းသုံးပစ္စည်းများ၊ စက်ပစ္စည်းများ၊ ဓာတ်မြေဩဇာများ၊ ဆေးဝါးများ၊ ထောက်ပံ့ပို့ဆောင်ရေး၊ ကုန်သွယ်ရေးနှင့် ဝန်ဆောင်မှုအစရှိသည့် ကျယ်ပြန့်သည့် ကဏ္ဍများမှပါဝင်ကြောင်း သိရပါသည်။ ဝန်ကြီးဌာန၏ ကုန်သွယ်မှုမြှင့်တင်ရေးအေဂျင်စီ၏ အဆို အရ ထိုကွန်းဖရန့်သည် မူဝါဒဆွေးနွေးမှုစင်မြင့်တစ်ခုသာမက ဗီယက်နမ်နှင့် ကမ္ဘောဒီးယား လုပ်ငန်းများက အတွေ့အကြုံများဖလှယ်ရန်၊ စီးပွားရေးအခွင့်အလမ်းသစ်များရှာဖွေရန်နှင့် ကဏ္ဍများတွင် ပူးပေါင်းဆောင်ရွက်မှုကွန်ယက်များ တိုးချဲ့ရန်အခွင့်အလမ်းသစ်များတိုးချဲ့ရန် အခွင့်အလမ်းတစ်ခုဖြစ်ကြောင်း သိရပါသည်။ အဓိကဆွေးနွေးမှုများသည်ကုန်သွယ်ရေးနှင့် ရင်းနှီး မြှုပ်နှံမှုမူဝါဒများတိုးတက်ရန်၊ နယ်စပ်ဂိတ်အခြေခံအဆောက်အအုံနှင့် ထောက်ပံ့ပို့ဆောင်ရေး ဖွံ့ဖြိုးတိုးတက်ရန်၊ ဝန်ဆောင်မှုနှင့် ဒစ်ဂျစ်တယ်စီးပွားရေးတွင် ပူးပေါင်းဆောင်ရွက်မှုတိုးချဲ့ရန်နှင့် နှစ်နိုင်ငံစလုံးမှ စီမံခန့်ခွဲရေးအေဂျင်စီများ၊ အသင်းများနှင့် လုပ်ငန်းများအကြား ရေရှည်ပူးပေါင်း ဆောင်ရွက်မှုယန္တယားများတည်ထောင်ရန်တို့အပေါ် အဓိကထားမည်ဖြစ်ကြောင်း သိရပါသည်။ ကွန်းဖရန့်တွင် ဗီယက်နမ်နှင့် ကမ္ဘောဒီးယားလုပ်ငန်းများနှင့် အဖွဲ့အစည်းများအကြား MoU လက်မှတ်ရေးခြင်းအခမ်းအနားတို့ပါဝင်မည်ဟု သိရပါသည်။

 DOCA (ရန်ကုန်)