ပြည်ပကုန်သွယ်မှုသတင်းများ

         Stellantis နှင့် တရုတ်ဘတ်ထရီထုတ်လုပ်သူ CATL တို့သည် စပိန်တွင်အကြီစား ဥရောပ လစ်သီရမ်ဖော့စဖိတ် (LFP) ဘတ်ထရီစက်ရုံတည်ဆောက်ရန်အတွက် ဖက်စပ်လုပ်ငန်းတစ်ခု ဖွဲ့စည်းရန် ယူရို ၄.၁ ဘီလီယံ (အမေရိကန်‌ဒေါ်လာ ၄.၃၁ ဘီလီယံ) ရင်းနှီးမြုပ်နှံရန် သဘောတူညီချက်အား ၁၁.၁၂.၂၀၂၄ ရက်နေ့က ထုတ်ပြန်ကြေညာခဲ့ကြောင်း သိရသည်။စပိန်ဝန်ကြီချုပ် Pedro Sanchez ကအဆိုပါသဘောတူညီချက်အားချီးကျူးခဲ့ပြီး ကြေညာချက်နှင့်ပက်သက်၍ အလွန်ကျေနပ်ကြောင်းပြောကြားခဲ့သည်။ ဆိုရှယ်မီဒီယာပေါ် တွင်ပို့စ်တင်ကာ စပိန်နိုင်ငံ အပေါ် ၎င်းတို့၏ ကတိကဝတ်များနှင့် ကာဗွန်ဒိုင်အောက်ဆိုက်ဒ် ကင်းစင်သော အနာဂတ်ဖြစ်လာစေရေးတွန်အားပေးရန် နိုင်ငံအတွက်ခိုင်မာသောပံ့ပိုးကူညီ မှုများအတွက် Stellantis နှင့် CATL တို့အားအထူးကျေးဇူးတင်ရှိကြောင်းပြောကြားခဲ့သည်။ အင်္ဂါနေ့ကပြုလုပ်သော သတင်းစာရှင်းလင်းပွဲတွင် စပိန်အစိုးရပြောရေးဆိုခွင့်ရှိသူ  Pilar Alegria က ၎င်းတို့ဖက်မှ ရရှိမည့်ရင်းနှီးမြုပ်နှံမှုငွေနှင့် အလုပ်အကိုင်များအားမီးမောင်း ထိုးပြခဲ့ပြီး အဆိုပါသဘောတူညီချက်အားချီးကျူးခဲ့သည်။ ၂၀၂၆ နှစ်ကုန်ပိုင်းတွင် Stellantis ၏ Zaragoza Spain ဆိုဒ်တွင်စတင်ထုတ်လုပ်နိုင်ရန်ရည်မှန်းထားပြီး အဆိုပါစက်ရုံသည် ဥရောပလျှပ်စစ်စျေးကွက်၏ ပြောင်းလဲလာမှုကြောင့် စပိန်နှင့်ဥရောပသမဂ္ဂမှအာဏာပိုင်များ ၏ဆက်လက်ပံ့ပိုးကူညီမှုများအရ အဆိုပါစက်ရုံသည် ၅၀ ဂစ်ဂါဝပ်အထိထုတ်လုပ်နိုင်မည် ဖြစ်ကြောင်း တရုတ်ကုမ္ပဏီမှ ၎င်း၏ဝက်ဘ်ဆိုက်တွင်တင်ထားသည့် သတင်းစာရှင်းလင်းပွဲ တွင်ပြောကြားခဲ့သည်။ အဆိုပါသဘောတူညီချက်အား စပိန်ဝန်ကြီးချုပ် Sanchez သည် စပိန်အစိုးရနှင့် CATL မှအခြားကိုယ်စားလှယ်များနှင့်အတူ တနင်္လာနေ့က Zeng နှင့်တွေ့ဆုံ ပြီးနောက် သဘောတူညီမှုရရှိခဲ့ခြင်းဖြစ်သည်။ စပိန်အစိုးရသည် မော်တော်ယာဥ်စက်မှု လုပ်ငန်းကို ပြန်လည်တည်ဆောက်ရန်အတွက် ဘဏ္ဍာငွေ ယူရို ၅.၅ ဘီလီယံကျော်အား ကတိပြုထားကြောင်းသိရသည်။ CATL သည် ဂျာမနီနှင့် ဟန်ဂေရီနိုင်ငံတို့တွင် လည်ပတ်နေသော စက်ရုံနှစ်ရုံရှိသည်။စပိန်ရှိစက်ရုံသစ်သည် ဥရောပနှင့်ကမ္ဘာ့စျေးကွက်တွင် E-mobility နှင့် စွမ်းအင်ကူးပြောင်းရေး ကြိုးပမ်းမှုများကို မြှင့်တင်ရန်အတွက် ၎င်း၏ ကတိတဝတ်အား ကိုယ်စားပြုလျှက်ရှိကြောင်းသိရသည်။

DOCA(ရန်ကုန်)

          တရုတ်နိုင်ငံ၏ စွမ်းအင်သစ်ကား (NEV) ထုတ်လုပ်သူများသည် နိုင်ငံတကာတွင် ၎င်းတို့၏ တည်ရှိမှုအားချဲထွင်လာသည်နှင့်အမျှ  BYD သည် Peru နိုင်ငံ၏ လူစီးကားစျေးကွက် အတွင်းသို့ စတင်ဝင်ရောက်လာခဲ့သည်။ ကုမ္ပဏီသည် မကြာသေးမီက Peru တွင်အမှတ်တံ ဆိပ်မိတ်ဆက်ပွဲကို စတင်ခဲ့ပြီး BYD Song Pro, Tang, Yuan Up, Seal နှင့် BYD Shark တို့အား Peru နိုင်ငံတွင်ဖြန့်ချီသွားမည်ဖြစ်ကြောင်း ၁၀.၁၂.၂၀၂၄ ရက်နေ့ကကြေညာချက်အရ သိရ သည်။ BYD သည် Peru လူစီးကားစျေးကွက်တွင် လျှပ်စစ်ဓာတ်အားကူးပြောင်းမှုကို တွန်းအား‌ ပေးရန်အတွက် ဒေသတွင်းအရောင်းကိုယ်စားလှယ် Motorisa နှင့် မဟာဗျူဟာမြောက် ပူးပေါင်း ဆောင်ရွက်မှုများပြုလုပ်ခဲ့ကြောင်း NEV ထုတ်လုပ်သူမှ ပြောကြားခဲ့သည်။ လုပ်ငန်းများ တွင်ကျယ် လာသည်နှင့်အမျှ BYD သည် Peru တွင်၎င်း၏ ထုတ်ကုန်မတ်ထရစ်ကို တွင်ကျယ်စေမည် ဖြစ်ကြောင်း ၎င်းကဆက်လက်ပြောကြားခဲ့သည်။ BYD သည် ၂၀၂၅ ခုနှစ်တွင် Peru နိုင်ငံ အတွင်း၌ BYD စတိုးများအား ခြောက်ခုမှ ခုနှစ်ခုအထိ တိုးချဲ့ဖွင့်လှစ်နိုင် ရန်မျှော်မှန်းထား ကြောင်းသိရသည်။ Brazil နှင့် Mexico အပါအဝင် အမေရိကန်တွင် BYD သည် Chile, Suriname, Costa Rica  Panama နှင့် Guatemala တို့အထိ ၎င်း၏လုပ်ငန်းများအား ချဲ့ထွင် ထားကြောင်းသိရသည်။ ဇူလိုင်လတွင် Peru နိုင်ငံခြားရေးဝန်ကြီး Javier Gonzalez-Olaechea က BYD သည် Mexico, Brazil နှင့်အခြား Latin America နိုင်ငံနှစ်ခုကဲ့သို့ Peru နိုင်ငံတွင်လည်း ကားအစိတ်အပိုင်းတပ်ဆင်သည့် စက်ရုံအား တည်ဆောက်မည်ဖြစ်ကြောင်း Peru နိုင်ငံပိုင် သတင်းအေဂျင်စီ Andina ၏အဆိုအရ သိရသည်။ BYD သည်နိုဝင်ဘာလတွင် NEV အစီး‌ရေ ၅၀၆၈၀၄ စီးရောင်းချခဲ့ရပြီး ၎င်းသည် ဒုတိယအကြိမ် အစီးရေ ၅၀၀၀၀၀ ကျော်ရောင်းချရမှု အားကိုယ်စားပြုကာ ခြောက်လ ဆက်တိုက် စံချိန်တင်‌ရောင်းချရမှုအား ပြသခဲ့ခြင်းဖြစ်ကြောင်း သိရသည်။ ၂၀၂၃ ခုနှစ်က ရောင်းချခဲ့ရသော အစီးရေ ၃၀၁၉၀၃ စီးထက် ၆၇.၈၇ ရာခိုင်နှုန်း တက်လာခဲ့ပြီး အောက်တိုဘာလ ရောင်းချခဲ့ရသော အစီးရေ ၅၀၂၆၅၇ စီးထက် ၀.၈၃ ရာခိုင်နှုန်း တက်လာခဲ့သည်။နိုဝင်ဘာလတွင် BYD သည်ပြည်ပစျေးကွက်များတွင်ကားအစီးရေ ၃၀၉၇၇ စီးရောင်းချခဲ့ရပြီး တစ်နှစ်ထက်တစ်နှစ် ၁.၁၄ ရာခိုင်နှုန်းတက်လာသော်လည်း အောက်တိုဘာ လကထက် ၀.၆၉ ရာခိုင်နှုန်းလျှော့နည်းခဲ့သည်။ ဇန်နဝါရီလမှ နိုဝင်ဘာလအတွင်း BYD သည် NEV ကားအစီး‌ရေ ၃၇၅၇၃၃၆ စီးရောင်းချခဲ့ရပြီး တစ်နှစ်ထက်တစ်နှစ် ၄၀.၂ ရာခိုင်နှုန်း တိုးတက်ခဲ့သည်။ ယင်းကာလအတွင်း နိုင်ငံရပ်ခြားတွင်အစီးရေ ၃၆၀၀၅၀ စီးရောင်းချခဲ့ပြီး တစ်နှစ်ထက်တစ်နှစ် ၇၄.၂၁ ရာခိုင်နှုန်းတိုးတက်လာခဲ့သည်။

DOCA(ရန်ကုန်)

     အဓိကဈေးကွက်များတွင် တင်ပို့မှု နှစ်ဆကြီးထွားမှုနှင့်အတူ ၂၀၂၄ ခုနှစ်တွင် ဗီယက်နမ်သည် ပုဇွန်တင်ပို့မှုမှတစ်ဆင့် အမေရိကန်ဒေါ်လာ ၄ ဘီလီယံရရှိရန်ခန့်မှန်းရကြောင်း လုပ်ငန်း၏ အတွင်းလူများအဆိုအရ သိရပါသည်။ ထိုပမာဏသည် ၂၀၂၂ ခုနှစ်တွင် ရရှိခဲ့သည့်စံချိန် အမေရိကန်ဒေါ်လာ ၄.၃ ဘီလီယံထက်လျော့နည်းသော်လည်း ၂၀၂၃ ခုနှစ်တွင်ရရှိခဲ့သည့် အမေရိကန်ဒေါ်လာ ၃.၄ ဘီလီယံနှင့်နှိုင်းယှဉ်ပါက အားကောင်းသည့် နာလံထူနိုင်မှုကို ပြသနေကြောင်း သိရပါသည်။ ဗီယက်နမ်သည် ၂၀၂၄ ခုနှစ်၏ပထမ ၁၁ လတွင် ပုဇွန်တင်ပို့မှုမှ တစ်ဆင့် အမေရိကန်ဒေါ်လာ ၃.၆ ဘီလီယံရရှိခဲ့ပြီး ၂၀၂၃ တူညီသည့်ကာလထက် ၂၂ ရာခိုင်နှုန်း မြင့်တက်ခဲ့ကြောင်း သိရပါသည်။ အမေရိကန်နှင့်ဥရောပ သမဂ္ဂသို့တင်ပို့မှုသည် တည်ငြိမ်စွာ ကြီးထွားခဲ့ပြီး တရုတ်နိုင်ငံ၏ပြည်တွင်းစားသုံးမှုကို လှုံ့ဆော်သည့် လတ်တလောမူဝါဒများကလည်း ဗီယက်နမ်ပုဇွန်ဝယ်လိုအားကို မောင်းနှင်ပေးနိုင်ကြောင်း သိရပါသည်။ ပုဇွန်တင်ပို့သည့် ဈေးနှုန်းများ အတက်ဖက် ရောက်လာခြင်းနှင့်အတူ တန်ဖိုးမြင့်ထုတ်ကုန်များဖြစ်သည့် ပုဇွန် ပြုပြင်ထုတ်လုပ်သည့် ကဏ္ဍသည်လည်း လျှင်မြန်စွာကြီးထွားလျက်ရှိကြောင်း သိရပါသည်။ သို့သော် ဗီယက်နမ်ပုဇွန်လုပ်ငန်းသည် တည်ငြိမ်စွာကြီးထွားမှုသေချာစေရေးအတွက် ဖြေရှင်းရန် လိုအပ်သည့် သိသာထင်ရှားသည့်စိန်ခေါ်မှုများနှင့်ရင်ဆိုင်နေရကြောင်း သိရပါသည်။ ငါးလုပ်ငန်း ဦးစီးဌာန၏ ညွှန်ကြားရေးမှူးဖြစ်သူ Tan Dinh Luan က နိုင်ငံတကာဈေးကွက်များတွင် ယှဉ်ပြိုင်နိုင်ရန် ဗီယက်နမ်သည် ပုဇွန်အရည်အသွေးတိုးမြှင့်ရန်နှင့် ထုတ်လုပ်မှုကုန်ကျစရိတ် လျှော့ချရန်လိုအပ်ကြောင်း သိရပါသည်။ အဓိကအကြောင်းအရာများတွင် ပုဇွန်အသားပြား အရည်အသွေးမြှင့်တင်ချင်း၊ သားဖောက်မှုပုံစံစီမံခန့်ခွဲခြင်း၊ ရောဂါထိမ်းချုပ်ခြင်း၊ ထုတ်လုပ်မှု ကုန်ကျစရိတ်လျှော့ချခြင်းနှင့် တင်သွင်းသည့်ဈေးကွက်များ၏စားသုံးမှုပုံစံကို တိကျစွာ ခန့်မှန်းခြင်းတို့ပါဝင်ကြောင်း သိရပါသည်။ ထိုစိန်ခေါ်မှုများကိုဖြေရှင်းခြင်းသည် ပုဇွန်တန်ဖိုး ကွင်းဆက်တိုးတက်ခြင်းနှင့် မွေးမြူရေးသမားများ၏ဝင်ငွေများကို အရှိန်မြှင့်တင်ပေးရာတွင် အလွန်အရေးပါကြောင်း သိရပါသည်။ သဘာဝပတ်ဝန်းကျင်၊ ရောဂါနှင့် ထုတ်လုပ်မှုတို့တွင် စိန်ခေါ်မှုများရှိနေသော်လည်း ဗီယက်နမ်ပုဇွန်စီးပွားရေးလုပ်ငန်းများသည် အခြေခံအဆောက်အအုံများ တိုးတက်စေခြင်းနှင့် နည်းပညာသစ်များအသုံးပြုခြင်းစသည့် များစွာသောဆန်းသစ် တီထွင်မှုများကို အစပျိုးဆောင်ရွက်လျက်ရှိကြောင်း Luan ကပြောကြားခဲ့ပါသည်။ ထိုကြိုးပမ်း အားထုတ်မှုများသည် ကာဗွန်ထုတ်လွှင့်မှုလျှောချခြင်း၊ တန်ဖိုးကွင်းဆက်တိုးချဲ့ခြင်းနှင့် မွေးမြူရေးသမားများနှင့် စီးပွားရေးလုပ်ငန်းရှင်များအတွက် အကျိုးအမြတ်ရရှိမှုမြှင့် တက်စေခြင်းတို့အတွက် ကူညီပေးလျက်ရှိကြောင်း သိရပါသည်။

Vietnam Plus

DOCA(ရန်ကုန်)

    ဗီယက်နမ်နိုင်ငံ လျှပ်စစ်ကားထုတ်လုပ်သည့်ကုမ္ပဏီဖြစ်သည့် VinFast သည် ၎င်းတို့၏ အသေးစားနှင့်အလတ်စားအရွယ်အစား ကားမော်ဒယ်များအတွက် ဝယ်လိုအားမြင့်တက်လာမှုကြောင့် ထုတ်လုပ်နိုင်စွမ်းကိုနှစ်ဆမြှင့်တင်ရန်အတွက် ဒုတိယမြောက်ပြည်တွင်းကားထုတ်လုပ် သည့်စက်ရုံကိုတည်ဆောက်မည်ဟု ဒီဇင်ဘာလ ၇ ရက်နေ့က ကြေညာခဲ့သည်ဟု သိရပါသည်။ VinFast က စက်ရုံသစ်သည် Hai Phong ရှိ ၎င်းတို့၏လက်ရှိကားထုတ်လုပ်သည့်စက်ရုံ၏ ထုတ်လုပ်နိုင်စွမ်းကဲ့သို့ ကနဦးအဆင့်တွင် နှစ်စဉ်အစီးရေ ၃၀၀၀၀၀ ထုတ်လုပ်နိုင်စွမ်းရှိကြောင်း သိရပါသည်။ ကုမ္ပဏီသည် ၂၀၂၄ ခုနှစ်၏ ပထမ ၁၁ လတွင် ကမ္ဘာတစ်ဝှမ်း မော်တော်ယာဉ် အစီးရေ ၆၇၀၀၀ ကျော်ရောင်းချခဲ့ရကြောင်းသိရပါသည်။ စက်ရုံသစ်သည်  Ha Tinh ပြည်နယ် တွင်တည်ဆောက်မည်ဖြစ်ပြီး တင်ပို့ရန်နှင့်ပြည်တွင်းရောင်းချရန် VF3 နှင့် VF5 မော်ဒယ်များကို အဓိကထုတ်လုပ်မည်ဖြစ်ကာ ၂၀၂၅ ဇူလိုင်လမှစ၍ လုပ်ငန်းလည်ပတ်မှုများစတင်မည်ဟုသိရ ပါသည်။ VinFast ၏ မိခင်ကုမ္ပဏီ Vingroup ၏ဒုတိယဥက္ကဌနှင့် CEO ဖြစ်သူ Nguyen Viet Quang က နိုင်ငံတကာဈေးကွက်များတွင် ဝယ်လိုအားလျှင်မြန်စွာကြီးထွားလာသည့်အတွက် လျှပ်စစ်ကားစက်ရုံသစ်ထပ်မံတည်ဆောက်ခြင်းသည်  VinFast အတွက်အရေးကြီးပြီး ဖွံ့ဖြိုးတိုးတက်သောအဆင့်အတွက် ခိုင်မာသောအခြေခံတစ်ခုကိုဖန်တီးပေးနိုင်မည်ဟု ပြောကြားခဲ့ပါသည်။ ကုမ္ပဏီသည် ယခုနှစ်အတွက်ရောင်းချရန်ရည်မှန်းချက်မှာ အစီးရေ ၈၀၀၀၀ ဖြစ်ပြီး တာဝန်ရှိသူများက ထိုရည်မှန်းချက်ပြည့်မီမည်ဟု ဆက်လက်ယုံကြည်ချက်ရှိနေကြောင်း သိရပါသည်။ ထိုစက်ရုံသစ်သည် VinFast ၏ ဘက်ထရီစက်ရုံနှင့် စက်မှုဇုံတစ်ခုတည်းတွင် အတူတည်ရှိပြီး Hai Phong ရှိ လက်ရှိကားထုတ်လုပ်သည့်စက်ရုံထံမှ အစိတ်အပိုင်းများကို အသုံးပြုမည်ဟုသိရပါသည်။ VinFast သည် အိန္ဒိယနှင့်အင်ဒိုနီးရှားတို့တွင်လည်း ကားတပ်ဆင် စက်ရုံများတည်‌ဆောက်ရန်အတွက် အစီအစဉ်များကို ကြေညာခဲ့ပြီး အမေရိကန်နိုင်ငံ မြောက် ကာရိုလိုင်းနား ပြည်နယ်တွင် တည်ဆောက်မည့်စက်ရုံအစီအစဉ်ကိုမူ ၂၀၂၈ ထိရွှေ့ဆိုင်းခဲ့ကြောင်း သိရပါသည်။

Vietnam Plus

DOCA(ရန်ကုန်)

      စက်မှု၊ သိပ္ပံ၊ နည်းပညာနှင့် တီထွင်ဆန်းသစ်မှုဝန်ကြီးဌာန (MISTI)၊ ပြည်ထောင်စု ဝန်ကြီး Hem Vanndy က ကမ္ဘောဒီးယားနိုင်ငံဆိုင်ရာတရုတ်ရင်းနှီးမြှုပ်နှံမှုအသင်း (CICA) နှင့် 86 Links Co., Ltd မှ ကိုယ်စားလှယ်အဖွဲ့အား ၁၁-၁၂-၂၀၂၄ ရက်နေ့ကတွေ့ဆုံဆွေးနွေးမှုများ ပြုလုပ်ခဲ့သည်။ စက်မှု၊ သိပ္ပံ၊ နည်းပညာနှင့် တီထွင်ဆန်းသစ်မှုဝန်ကြီးဌာနသည် ကမ္ဘောဒီးယား နိုင်ငံ၏ စက်မှုနှင့်နည်းပညာဖွံ့ဖြိုးတိုးတက်မှုကို မြှင့်တင်ရန်နှင့် ပိုမိုများပြားသော တရုတ်ရင်းနှီး မြှုပ်နှံမှုများကို မြှင့်တင်ရန်ထောက်ပြခဲ့သည်။ ကိုယ်စားလှယ်အဖွဲ့သည် ကမ္ဘောဒီးယား၏ အထူး စီးပွားရေးဇုန်များ (SEZs) နှင့် စက်မှုဇုန်များအတွက် ဒီဇိုင်း ထုတ်ထားသောနည်းပညာ ပလပ်ဖောင်းတစ်ခုကို မိတ်ဆက်တင်ပြခဲ့သည်။ ဘာသာပေါင်းစုံ AI နည်းပညာနှင့် virtual maps များကဲ့သို့သော နည်းပညာများထည့်သွင်းထားသည့် နည်းပညာ ပလပ်ဖောင်းသည် ရင်းနှီးမြှုပ်နှံမှုအခွင့်အလမ်းများနှင့် ဥပဒေဆိုင်ရာအချက်အလက်များကို ပေးဆောင်နိုင်မည် ဖြစ်သည်။ ဝန်ကြီး Hem Vanndy က ကမ္ဘောဒီးယားတော်ဝင်အစိုးရ၏ ရင်းနှီးမြှုပ်နှံမှု ကဏ္ဍကိုမြှင့်တင်ရန် ဆန်းသစ်သောနည်းပညာများကို တီထွင်အသုံးချကာ တရုတ်နိုင်ငံနှင့် ဆက်ဆံရေးခိုင်မာစေကြောင်း ထပ်လောင်းပြောကြားခဲ့သည်။

Source: Khmer Times

DOCA(ရန်ကုန်)