ပြည်ပကုန်သွယ်မှုသတင်းများ

Powered by Drupal

ကမ္ဘောဒီးယား၏ စိုက်ပျိုးရေးကဏ္ဍတွင် ရင်းနှီးမြှုပ်နှံရန် Hun Sen က QIA အား တိုက်တွန်း

ပြည်ပကုန်သွယ်မှုသတင်းများ

     ကမ္ဘောဒီးယားနိုင်ငံ၊ အထက်လွှတ်တော် ဥက္ကဋ္ဌ Hun Sen သည် နိုင်ငံတော်၏ လယ်ယာကဏ္ဍတွင် ရင်းနှီးမြှုပ်နှံမှု အခွင့်အလမ်းများ အထူးသဖြင့် ဆန်စပါး၊ သီဟိုဠ်စေ့နှင့် ပီလောပီနံကဲ့သို့သော ကုန်ကြမ်းထုတ်လုပ်ရေးလုပ်ငန်းများတွင် ရင်းနှီးမြှုပ်နှံမှုအခွင့်အလမ်းများရှာဖွေရန်  Qatar Investment Authority (QIA) ကိုယ်စားလှယ်အဖွဲ့ကို ၁၂-၁၂-၂၀၂၄ ရက်နေ့က ဖိတ်ကြားခဲ့သည်။ Hun Sen နှစ်နိုင်ငံအကြား စီးပွားရေးပူးပေါင်းဆောင်ရွက်မှုအားကောင်း လာစေရေးဆွေးနွေးမှုများ ပြုလုပ်ရန်အတွက် ကူးသန်းရောင်းဝယ်ရေးနှင့် စက်မှုဝန်ကြီး  Sheikh Faisal bin Thani bin Faisal Al Thani ဦးဆောင်သော QIA ကိုယ်စားလှယ်အဖွဲ့အား ကျေးဇူးတင်ကြောင်း ပြောကြားခဲ့သည်။ စိုက်ပျိုးရေးလုပ်ငန်းကဏ္ဍသည် နိုင်ငံခြားရင်းနှီးမြှုပ်နှံမှုများကို ဆွဲဆောင်နိုင်ရန် နိုင်ငံတော်၏ အဆင့်သင့်ဖြစ်မှုများကိုနှင့် အဆိုပါကဏ္ဍတွင် QIA ၏ ပါဝင်ပတ်သက်နိုင်မှုအခြေအနေများကို အလေးပေးပြောကြားခဲ့သည်။ ကမ္ဘောဒီးယား၏ စိုက်ပျိုးရေးကဏ္ဍသည် လယ်ယာထွက်ကုန်ကြမ်းများစွာရှိပြီး ဒေသတွင်းနှင့်ကမ္ဘာ့ဈေးကွက်သို့တင်ပိုရန်အတွက် စိုက်ပျိုးရေးလုပ်ငန်းသုံးစက်ရုံများတွင် ရင်းနှီးမြှုပ်နှံသည့် ကာတာစီးပွားရေးသမားများ အတွက် အခွင့်အလမ်းကောင်းဖြစ်ကြောင်း၊ ကမ္ဘောဒီးယားနှင့် ကာတာတို့သည် အပြန်အလှန် ရင်းနှီးမြှုပ်နှံမှုများ မြှင့်တင်ရေးနှင့်ကာကွယ်ရေးဆိုင်ရာ သဘောတူညီချက်နှင့် စီးပွားရေး၊ ကူးသန်းရောင်းဝယ်ရေးနှင့် နည်းပညာပူးပေါင်းဆောင်ရွက်ရေးဆိုင်ရာ သဘောတူညီချက်များကို အမြန်ဆုံးချမှတ်သင့်ကြောင်း ထပ်မံပြောကြားခဲ့သည်။

Source: Khmer Times

DOCA(ရန်ကုန်)

လာအိုနိုင်ငံသည် ရေရှည်တည်တံ့သော စိုက်ပျိုးရေးကဏ္ဍမြှင့်တင်ရေးအတွက် ကုန်စည်ပြပွဲကိုကျင်းပမည်

ပြည်ပကုန်သွယ်မှုသတင်းများ

      Lao Agri-Food Expo 2024 အား လာအိုနိုင်ငံဗီယင်ကျန်းမြို့၌ ကျင်းပမည်ဖြစ်ပြီး လာအိုနိုင်ငံ၏ ရေရှည်တည်တံ့သော လယ်ယာထွက်ကုန်ထုတ်လုပ်မှုကို မြှင့်တင်ရန်နှင့်အဓိက စားနပ်ရိက္ခာစံနှုန်းများကို အကောင်အထည်ဖော်ရန်နှင့် ပံ့ပိုးကူညီရန် ကျင်းပခြင်းဖြစ်ကြောင်း သိရသည်။ကုန်စည်ပြပွဲသည် ဒေသခံတောင်သူများအား ဘေးကင်းပြီးဓာတုကင်းစင်သော ထုတ်ကုန်များထုတ်လုပ်နိုင်ရန်နှင့် စားသုံးသူများထံ ၎င်းတို့၏ အော်ဂဲနစ်ပစ္စည်းများကိုမိတ်ဆက် ရန်အတွက်ကြိုးပမ်းမှုတစ်ရပ်ဖြစ်ကြောင်း လာအိုစိုက်ပျိုးရေးနှင့်သစ်တောရေးရာဝန်ကြီးဌာန၏ အစီအရင်ခံစာအရ သိရသည်။ Lao Agri-Food Expo 2024 တွင် ကုန်စည်ပြပွဲများ၊ စီးပွားရေးအ‌ရောင်းအဝယ်များ၊ မျက်နှာချင်းဆိုင် ကွန်ရက်ချိတ်ဆက်ခြင်း၊ စိုက်ပျိုးရေးလုပ်ငန်းဆိုင်ရာဆွေးနွေးပွဲများ ပါဝင်မည်ဖြစ်သည်။ အဆိုပါပွဲတွင်စားနပ်ရိက္ခာဖူလုံမှုသေချာစေရန်နှင့် ဒေသတွင်းနှင့် နိုင်ငံတကာစျေးကွက်များသို့တင်ပို့မှုမြှင့်တင်ရန်အတွက် ခေတ်မှီနည်းပညာများမှတစ်ဆင့် စက်မှုလယ်ယာစိုက်ပျိုးရေးကို မြှင့်တင်နိုင်ရန်အတွက် မျှော်လင့်ထားကြသည်။Lao Agri-Food Expo 2024 သည် စိုက်ပျိုးရေးလုပ်ငန်းရှင်များ၊ အလှူရှင်များ၊ ပြည်တွင်း ပြည်ပစိုက်ပျိုးရေးလုပ်ငန်းရှင်များနှင့် လာအိုတောင်သူလယ်သမားများအား အတူတကွပေါင်းစည်းပေးနိုင်ရန် မျှော်လင့်ထားကြကြောင်း သိရသည်။

Source : Xinhua

DOCA(ရန်ကုန်)

ဗီယက်နမ်နိုင်ငံသည် ၂၀၂၅ ခုနှစ်အတွက် ပို့ကုန် ၆% တိုးလာရန်ရည်မှန်ထား

ပြည်ပကုန်သွယ်မှုသတင်းများ

     ကမ္ဘာလုံးဆိုင်ရာငွေကြေးဖောင်းပွမှုနှင့် နိုင်ငံတကာစျေးကွက်ဝယ်လိုအား ပြန်လည်ကောင်းမွန်လာခြင်းကြောင့် ဗီယက်နမ်စက်မှုလက်မှုနှင့် ကုန်သွယ်ရေးဝန်ကြီးဌာနသည် ၂၀၂၅ ခုနှစ်တွင် ဗီယက်နမ်၏ ပို့ကုန်တိုးတက်မှုနှုန်း ၆% ရှိလာစေရန်ရည်မှန်းထားကြောင်း ဗီယက်နမ်သတင်းဌာန၏ ဖော်ပြချက်အရသိရသည်။ ဗီယက်နမ်နှင့်ဥရောပသမဂ္ဂတို့ကဲ့သို့သော အဓိကစျေးကွက်များပြန်လည်ဦးမော့လာခြင်းသည် ဗီယက်နမ်၏ပို့ကုန်များ အထူးသဖြင့် အီလက်ထရွန်းနစ်၊ လူသုံးကုန်ပစ္စည်းများနှင့် အထည်အလိပ် ပစ္စည်းကဏ္ဍများတွင် အရေးကြီးသော မောင်းနှင်အား ဖြစ်လာလိမ့်မည်ဖြစ်ကြောင်း ဝန်ကြီးဌာနမှ ပြောကြားခဲ့သည်။ကုန်သွယ်မှုမြှင့်တင်ရေး လုပ်ငန်းများကို အရှိန်မြင့်ဆောင်ရွက်ခြင်း၊ နယ်စပ်ဂိတ်များမှတစ်ဆင့် ပို့ကုန်များ အရှိန်မြှင့်ခြင်း နှင့် တရုတ်စျေးကွက်သို့ ပို့ကုန်များလွယ်ကူချော့မွေ့စွာ ရောက်ရှိစေရန်တို့ကို ဦးစားပေး ဆောင်ရွက်သွားမည်ဖြစ်ကြောင်း သိရသည်။ ဗီယက်နမ်နိုင်ငံ၏ ကုန်သွယ်မှုပမာဏသည် ၂၀၂၄ ခုနှစ် ပထမ ၁၁ လပတ်တွင် အမေရိကန်ဒေါ်လာ ၃၆၉.၉၄ ဘီလီယံရှိပြီး တစ်နှစ်ထက်တစ်နှစ် ၁၄.၄ % မြင့်တက်လာကာနိုင်ငံ၏ ကုန်သွယ်မှုပိုငွေဒေါ်လာ ၂၄.၃၁ ဘီလီယံ အထိတိုးမြင့်လာခဲ့ကြောင်း အထွေထွေစာရင်းအင်းရုံး၏အဆိုအရ သိရသည်။

Source : Xinhua

DOCA(ရန်ကုန်)

                            

နိုင်ဂျီးရီးယားနိုင်ငံ၏ Dangote စက်ရုံသည် ကင်မရွန်သို့ ၎င်း၏ ပထမဆုံး ဓာတ်ဆီတင်ပို့မှုအားစတင်

ပြည်ပကုန်သွယ်မှုသတင်းများ

   ဒေသတစ်ခွင် ဓာတ်ဆီစျေးနှုန်းများတည်ငြိမ်မှုရှိစေရန်နှင့် ဒေသဆိုင်ရာ စွမ်းအင်ပေါင်းစည်မှုအတွက် မှတ်တိုင်တစ်ခုအဖြစ် လမ်းခင်းပေးနိုင်သည့် နိုင်ဂျီးရီးယား Dangote စက်ရုံမှ ကင်မရွန်းနိုင်ငံသို့ပထမဆုံးဓာတ်ဆီတင်ပို့မှုအား စတင်ခဲ့ကြောင်း Dangote စက်ရုံမှ ၁၂.၁၂.၂၀၂၄ ရက်နေ့က ပြောကြားခဲ့သည်။ Lagos ရှိ နိုင်ဂျီးရီးယား ဘီလီယံနာ Aliko Dangote မှ တည်ဆောက်ထားသော စည်ပေါင်း ၆၅၀၀၀၀ ရေနံသန့်စင်စက်ရုံသည် စွမ်းဆောင်ရည်ပြည့်ဝစွာဖြင့် လည်ပတ်လျက်ရှိပြီး ဥ‌ရောပမှ‌ ရေနံသန့်စင်ရေးသမားများနှင့် ယှဥ်ပြိုင်နိုင်ရန် ရည်ရွယ်ပြီး အတ္တလန္တိတ်မြစ်ဝှမ်းရှိ သန့်စင်ပြီးထုတ်ကုန်များ ရောင်းဝယ်ဖောက်ကားမှုကို ပြောင်းလဲရန် မျှော်မှန်းထားကြောင်းသိရသည်။ကုမ္ပဏီသည် မည်မျှတင်ပို့ကြောင်းကို အသေးစိတ်ဖော်ပြထားခဲ့ခြင်း မရှိပေ။ကင်မရွန်းနိုင်ငံ၏ စွမ်းအင်ကုမ္ပဏီ Neptune Oil မှ ကုမ္ပဏီနှစ်ခုလုံးသည် ဒေသအနှံ့ လောင်စာဆီစျေးနှုန်းနှင့် အခွင့်အလမ်းများကို တည်ငြိမ်စေမည့် ထောက်ပံ့ရေးကွင်းဆက်တစ်ခုကို တည်ထောင်၍အစပျိုးမှုအသစ်များကိုရှာဖွေလျက်ရှိကြောင်း ပြောကြားခဲ့သည်။ လောင်စာဆီအ‌ရောင်းအဝယ်အား မည်သည့်ကြားခံမှမပါရှိဘဲ ရောင်းဝယ်ခဲ့ကြကြောင်း သိရသည်။

Source : Reuters

DOCA(ရန်ကုန်)

 

တရုတ်နိုင်ငံသည် လျှာပြာရောဂါကြောင့် ပိုလန်၊ ခရိုအေးရှားတို့မှ မြက်စားသတ္တဝါအချို့အား နိုင်ငံအတွင်းသို့ တင်သွင်းမှုပိတ်ပင်ထား

ပြည်ပကုန်သွယ်မှုသတင်းများ

      တရုတ်နိုင်ငံအကောက်ခွန်ရုံးသည် ပိုလန်နှင့် ခရိုအေးရှားနိုင်ငံတို့မှ မြက်စားသတ္တဝါ အချို့နှင့် ၎င်းတို့၏ဆက်စပ်ပစ္စည်းအချို့အား လျှာပြာရောဂါကြောင့် တိုက်ရိုက်ဖြစ်စေ တိုက်ရိုက်မဟုတ်သည်ဖြစ် နိုင်ငံအတွင်းသို့တင်သွင်းမှုအား ပိတ်ပင်ထားကြောင်း တရုတ်အကောက်ခွန်ရုံး၏အုပ်ချုပ်ရေးမှူးမှ ၁၂.၁၂.၂၀၂၄ရက်နေ့ (ကြာသာပတေးနေ့) က Website(Reuters) သို့ပြောကြားချက်အရ သိရသည်။ ၎င်းပိတ်ပင်မှုအား ပိုလန်ပြည်နယ်တစ်ခုနှင့် ခရိုအေးရှားခရိုင်နှစ်ခုတွင် တွေ့ရှိသည့်ရောဂါဖြစ်စဥ်အား ကမ္ဘာ့တိရိစ္ဆာန်ကျန်မာရေးအဖွဲ့သို့ တင်ပြပြီးနောက် စတင်ခဲ့ခြင့်ဖြစ်ကြောင်း အကောက်ခွန်ရုံးမှ ဒီဇင်ဘာ ၉ ရက်နေ့က ထုတ်ပြန်ကြေညာချက်အရ သိရသည်။

Source : Reuters

DOCA(ရန်ကုန်)

 

နယူးဇီလန်၏ ပင်လယ်စာ တင်ပို့မှုသည် စံချိန်သစ်တင်ခဲ့

ပြည်ပကုန်သွယ်မှုသတင်းများ

     နယူးဇီလန်နိုင်ငံ၏ ပင်လယ်စာတင်ပို့မှုသည် ၂၀၂၅ ခုနှစ် ဇွန်လတွင် နယူးဇီလန်ဒေါ်လာ ၂.၂ ဘီလီယံအထိ ရောက်ရှိရန် ရည်မှန်းထားကြောင်း သမုဒ္ဒရာနှင့် ငါးလုပ်ငန်းဝန်ကြီး Shane Jones က ကြာသပတေးနေ့တွင် ပြောကြားခဲ့သည်။နယူးဇီလန်ပင်လယ်စာတင်ပို့မှုအတွက် အနာဂတ်အလားအလာ အားကောင်းနေကြောင်း Jones က ပြောကြားပြီး ပင်လယ်စာကဏ္ဍ၏ ကြိုးစားအားထုတ်မှုကို ထည့်သွင်းပြောကြားခဲ့သည်။‌တောင့်တင်းသောဝယ်လိုအား၊ တင်းကျပ်သော ကမ္ဘာ့ရောင်းလိုအားနှင့် ပို့ကုန်စျေးနှုန်းများ မြင့်မားခြင်းသည် ပင်လယ်စာပို့ကုန် တင်ပို့မှုကို မြှင့်တင်ပေးပြီး နိုင်ငံ၏ ငါးမွေးမြူသူများ၊ ငါးဖမ်းသမားများနှင့် ပရိုဆက်ဆာများထံသို့ အကျိုးအမြတ်များ ပြန်လည်ရောက်ရှိစေကြောင်း ဆက်လက်ပြောကြားခဲ့သည်။ ပင်လယ်စာကဏ္ဍသည် ထုတ်လုပ်မှုကုန်ကျစရိတ်ကို မြင့်တက်စေသည့် ရာသီဥတုနှင့် ပထဝီဝင်နိုင်ငံရေး ပြဿနာများအပါအဝင် စိန်ခေါ်မှုများစွာကို ကောင်းစွာ ဖြေရှင်းနိုင်ခဲ့ကြောင်း၊  ငွေကြေးဖောင်းပွမှုဖြေလျှော့မှုကြောင့် အတိုးနှုန်းများ လျှော့ကျလာခြင်းကြောင့် ကြွေးမြီးဝန်ဆောင်မှုစရိတ်များ လျော့ကျသွားကာ ကမ္ဘာလုံးဆိုင်ရာ ပို့ဆောင်စရိတ်များလည်းသက်သာလာကြောင်း သိရသည်။အစိုးရက လက်ရှိအဏ္ဏဝါမွေးမြူရေးလုပ်ငန်းကမ်းရိုးတန်းပါမစ်အတွက် စည်းကမ်းချက်များကို အနှစ် ၂၀ သက်တမ်းတိုးခဲ့ပြီး ငါးဖမ်းခွန်များကို ဖြတ်တောက်ကာ ၂၀၃၅ ခုနှစ်တွင် ငါးသားဖောက်ရောင်းချမှုဝင်ငွေ သုံးဆတိုးလာ၍ နယူးဇီလန် ဒေါ်လာ ၃ ဘီလီယံအထိရရှိရန် ရည်မှန်းထားကြောင်း သိရသည်။။

Source : Xinhua

DOCA(ရန်ကုန်)

                            

ကမ္ဘောဒီးယား-တရုတ် ချစ်ကြည်ရေးပွဲတော်ကို NW ကမ္ဘောဒီးယား၏ ခရီးသွားဗဟိုချက်တွင် ကျင်းပ

ပြည်ပကုန်သွယ်မှုသတင်းများ

     နှစ်နိုင်ငံပြည်သူများအကြား ချစ်ကြည်ရင်းနှီးမှု ပိုမိုနက်ရှိုင်းလာစေရန် ရည်ရွယ်၍ ကမ္ဘောဒီးယား-တရုတ် ချစ်ကြည်ရေးပွဲတော် 2024 ကို ကမ္ဘောဒီးယားနိုင်ငံ အနောက်မြောက်ပိုင်းရှိ Siem Reap ပြည်နယ်တွင် ကြာသပတေးနေ့က ကျင်းပခဲ့သည်။ ပွဲတော်တွင် ပါဝင်သူ ၁၈၀ ခန့်အား ကမ္ဘောဒီးယားအမြဲတမ်းဒုတိယဝန်ကြီးချုပ်နှင့် အစိုးရအဖွဲ့ဝန်ကြီး Vongsey Vissoth က ပြောကြားရာတွင် ပွဲတော်သည် အထူးသဖြင့် လူငယ်လူရွယ်များအကြား လူအချင်းချင်း ထိတွေ့ဆက်ဆံမှုကို မြှင့်တင်ပေးသည့်အတွက် ကြွယ်ဝသော ယဉ်ကျေးမှုနှင့် ဓလေ့ထုံးတမ်းများ ကို စူးစမ်းလေ့လာရန် အခွင့်အလမ်းများ ပေးစွမ်းနိုင်သည်ဟု ပြောကြားခဲ့သည်။ ကမ္ဘောဒီးယား-တရုတ် လွတ်လပ်သောကုန်သွယ်မှု သဘောတူညီချက် (CCFTA) မူဘောင်အောက်တွင် ရင်းနှီးမြှုပ်နှံမှုနှင့် စီးပွားရေး အခွင့်အလမ်းများ ရှာဖွေရန် နှစ်နိုင်ငံ ချစ်ကြည်ရင်းနှီးမှု၊ ယုံကြည်မှုနှင့် အပြန်အလှန် နားလည်မှု တည်ဆောက်ရန် လူငယ်စွန့်ဦးတီထွင် သူများအတွက် စင်မြင့်တစ်ခု လည်း ဖြစ်ကြောင်း နှစ်နိုင်ငံအကြား စီးပွားရေး၊ ခရီးသွားလာရေးနှင့်ယဉ်ကျေးမှုဆိုင်ရာ ပူးပေါင်းဆောင်ရွက်မှုတွေကို မြှင့်တင်နိုင်မယ်လို့ ယုံကြည်‌ကြောင်း ၎င်းက ပြောကြားခဲ့သည်။တစ်ချိန်တည်းတွင်ပင် Vissoth သည် ကမ္ဘောဒီးယား ၏ လူမှုစီးပွားဖွံ့ဖြိုး တိုးတက်ရေးနှင့် ဆင်းရဲမွဲတေမှု လျှော့ချရေးတွင် တရုတ်နိုင်ငံ၏ Belt and Road Initiative (BRI) ၏ အရေးပါသော ပံ့ပိုးကူညီမှုကို မီးမောင်းထိုးပြခဲ့သည်။ BRI အောက်တွင်၊ ဖနွမ်းပင်- Sihanoukville အမြန်လမ်း၊ Siem Reap Angkor အပြည်ပြည်ဆိုင်ရာလေဆိပ်နှင့် Sihanoukville အထူးစီးပွားရေးဇုန် ကဲ့သို့သော ကြီးမားသောပရောဂျက်များစွာကို အရှေ့တောင်အာရှနိုင်ငံများတွင် ဆောင်ရွက်လျက် ရှိသည်ဟု ၎င်းက ဆိုသည်။ CCFTA နှင့်ဒေသ တွင်း ဘက်စုံစီးပွားရေးပူးပေါင်း ဆောင်ရွက်မှု (RCEP) သည် ကမ္ဘောဒီးယားနှင့် တရုတ်နိုင်ငံကြား စီးပွားရေး၊ ကုန်သွယ်မှုနှင့်ရင်းနှီးမြှုပ်နှံမှု ပူးပေါင်းဆောင်ရွက်မှုများကို ဆက်လက်မြှင့်တင်သွား မည်ဟု Vissoth က ပြောကြားခဲ့သည်။ ငြိမ်းချမ်းရေးနှင့် ဖွံ့ဖြိုးတိုးတက်ရေး ဖောင်ဒေးရှင်း၊ Siem Reap ခရိုင်အုပ်ချုပ်ရေး၊ APSARA National Authority တို့ ပူးပေါင်း၍ ပွဲတော်ကို Youth House for Cambodia-China Friendship မှ စီစဉ်ကျင်းပခြင်းဖြစ်ကြောင်း သိရသည်။

Source : Xinhua

DOCA(ရန်ကုန်)

ADB သည် အိန္ဒိယသို့ အမေရိကန်ဒေါ်လာ ၇၈၈.၈ သန်း ချေးငွေကို အတည်ပြုခဲ့

ပြည်ပကုန်သွယ်မှုသတင်းများ

     အာရှဖွံဖြိုးရေးဘဏ် (ADB) သည် ၎င်း၏မြို့တော် Amaravati တွင် အခြေခံအဆောက်အအုံ ဖွံ့ဖြိုးတိုးတက်မှု မြှင့်တင်ရန်အတွက် အိန္ဒိယနိုင်ငံ Andhra Pradesh ပြည်နယ်သို့ ချေးငွေ အမေရိကန်ဒေါ်လာ ၇၈၈.၈ သန်းအား အတည်ပြုခဲ့ကြောင်း ကြာသပတေးနေ့တွင် ပြောကြားခဲ့သည်။ Amaravati Inclusive and Sustainable Capital City Development Program သည် မြို့တော်ကို ဒေသတွင်း ဖွံ့ဖြိုးမှုအချက်အချာအဖြစ် ပြောင်းလဲရန်၊ စီးပွားရေး အလားအလာများ မြှင့်တင်ရန်၊ အလုပ်အကိုင် အခွင့်အလမ်းများ ပေးအပ်ခြင်းနှင့် နေထိုင်သူများ၏ လူနေမှုဘဝများ ပိုမိုကောင်းမွန်လာစေရန် ရည်ရွယ်ထားကြောင်း ADB မှ ပြောကြားခဲ့သည်။ အများပိုင် ရင်းနှီးမြုပ်နှံမှုများသည် ပင်မအခြေခံအဆောက်အအုံများ၊ အစိုးရအဆောက်အအုံများ နှင့်ရပ်ကွက်အခြေခံအဆောက်အအုံများ အပါအဝင် အဓိကအခြေခံအဆောက်အအုံများ ဖွံ့ဖြိုး တိုးတက်ရေးကို အဓိကထားလုပ်ဆောင်မည်ဖြစ်ပြီး မြေယာပေါင်းစပ်မှုအစီအစဉ်အောက်တွင် သက်ဆိုင်သူလယ်သမားများကို အကျိုးဖြစ်ထွန်းစေမည်ဖြစ်ကြောင်း ဘဏ်က ပြောကြားခဲ့သည်။ အဆိုပါ အစီအစဉ်သည် အခြေခံအဆောက်အအုံနှင့် စိမ်းလန်းသောနေရာများ၊ ရေနှင့် သန့်ရှင်းရေး ဝန်ဆောင်မှုများ၊ ကာဗွန်နည်းသော သယ်ယူပို့ဆောင်ရေး အခြေခံအဆောက်အအုံများရရှိနိုင်ရန်နှင့် ရေလွှမ်းမိုးမှုအန္တရာယ်လျော့ပါးစေရန် ရေနုတ်မြောင်းစနစ်များ တိုးတက်ကောင်းမွန်လာစေရန် မျှော်လင့်ထားကြောင်း သိရသည်။

Source : Xinhua     

DOCA(ရန်ကုန်)

မလေးရှား၏ သဘာဝရော်ဘာထုတ်လုပ်မှုသည် အောက်တိုဘာလတွင် ၂၀.၆% တက်လာ

ပြည်ပကုန်သွယ်မှုသတင်းများ

      မလေးရှားနိုင်ငံ၏ သဘာဝရော်ဘာ ထုတ်လုပ်မှုသည် စက်တင်ဘာလ၏ တန်ချိန် ၃၁,၈၄၇ နှင့် နှိုင်းယှဉ်ပါက အောက်တိုဘာလတွင် တန်ချိန် ၃၈,၄၀၀ သို့ ၂၀.၆% တိုးတက်ခဲ့ကြောင်း ကြာသပတေးနေ့က တရားဝင်ထုတ်ပြန်ခဲ့သည်။သဘာဝရော်ဘာထုတ်လုပ်မှုသည် ၁၆.၆% မြင့်တက်ခဲ့ကြောင်း မလေးရှားစာရင်းအင်းဌာန (DOSM) ၏ ထုတ်ပြန်ချက်တွင် ဖော်ပြထားသည်။ တစ်ချိန်တည်းတွင်ပင် အောက်တိုဘာလတွင် သဘာဝရော်ဘာလက်ကျန်စုစုပေါင်း သည် တစ်လလျှင် ၁.၉% တက်လာခဲ့ပြီး တစ်လလျှင် ၁၃၄,၈၄၄ တန်ရှိခဲ့သည်။ လက်အိတ်များ၊ တာယာများ၊ ပြွန်နှင့် ရော်ဘာချည်များ အပါအဝင် သဘာဝရော်ဘာအခြေခံ ထုတ်ကုန်များဖြင့် ပို့ကုန်စွမ်းဆောင်ရည်ကို တိုးမြင့်လာစေရန်ပံ့ပိုးပေးခဲ့သည်။လက်အိတ်များသည် ရော်ဘာအခြေခံ ထုတ်ကုန်များ၏ အဓိက တင်ပို့မှုဖြစ်ပြီး ၎င်း၏တန်ဖိုးမှာ တစ်လလျှင် ၂၁.၈ ရာခိုင်နှုန်း မြင့်တက်ခဲ့ပြီး အောက်တိုဘာလတွင် ရင်းဂစ် ၁.၅ ဘီလီယံ (အမေရိကန်ဒေါ်လာ ၃၄၀ သန်း) အထိ မြင့်တက်ခဲ့ကြောင်း သိရသည်။Source : Xinhua

DOCA(ရန်ကုန်)

ကမ္ဘောဒီးယားရှိ ပရီဗန်ပြည်နယ်မှ စပါးတန်ချိန် ၂.၉ သန်းကျော်အား ဗီယက်နမ်သို့ တင်ပို့

ပြည်ပကုန်သွယ်မှုသတင်းများ

    ကမ္ဘောဒီးယားနိုင်ငံ၏ အရှေ့ပိုင်းရှိ ပရီဗန်ပြည်နယ် (Prey Veng province) သည် ၂၀၂၄ ခုနှစ် ဇန်နဝါရီလ ၁ ရက်မှ ဒီဇင်ဘာလ ၁၄ ရက်နေ့အထိ တန်ဖိုးအားဖြင့် ၈၃၆၆၇၃၈၃၁ ဒေါ်လာရှိသော စပါး ၂၉၄၁၄၂၀ တန်ကို ဗီယက်နမ်နိုင်ငံသို့ တင်ပို့နိုင်ခဲ့သည်ဟု ကမ္ဘောဒီးယား လယ်ယာစိုက်ပျိုးရေး၊ သစ်တောနှင့် ငါးလုပ်ငန်း ဝန်ကြီးဌာနက ပြောဆိုခဲ့သည်။

    ဒီဇင်ဘာ ၂၃ ရက်နေ့တွင် ကျင်းပ‌သော ၂၀၂၄-၂၅ ခုနှစ်အတွက် ခြောက်သွေ့ရာသီ ဆန်စပါး စိုက်ပျိုးထုတ်လုပ်မှု အခမ်းအနား၌ အဆိုပါပြည်နယ်ရှိ စိုက်ပျိုးရေး၊ သစ်တောနှင့် ငါးလုပ်ငန်း ဦးစီး ဌာနမှ ညွှန်ကြားရေးမှူး Ouk Samnang က ယခုကဲ့သို့ တင်ပို့နိုင်မှုသည် စပါးစိုက်ဧရိယာ ဟက်တာ ၇၅၀၀၀ အစီအစဉ်မှ ၅၄.၂ ရာခိုင်နှုန်းအထိ တိုးတက်လာမှုကို ဖော်ပြလျက်ရှိကြောင်း၊ ယခင်နှစ်၌ စိုက်ပျိုးနိုင်မှုမှာ ၂၃၅၄၄ ဟက်တာသာ ရှိခဲ့ကြောင်း၊ ပရီဗန်ပြည်နယ် အနေဖြင့် စပါးနှင့် အခြားသီးနှံများစိုက်ပျိုးရန် ရေမြေရာသီဥတုကောင်းမွန်မှုရှိကြောင်း၊ နိုင်ငံတကာ စပါးစံချိန်စံညွှန်း (International Rice (IR) standard) ရှိသော စပါးအစို၏ ပျမ်းမျှဈေးနှုန်းသည် ၁ ကီလိုဂရမ်လျှင် ကမ္ဘောဒီးယားရီယယ်ငွေ ၁၀၄၀ နှုန်းရှိပြီး Oryza Mekongensis (OM) စံချိန်စံညွှန်းအဆင့် စပါး သည် ၁ ကီလိုဂရမ်လျှင် ရီယယ်ငွေ ၁၀၃၀ နှုန်းရှိကြောင်း ပြောကြားခဲ့သည်။

    Mr. Samnang ၏ ပြောဆိုချက်အရ အဆိုပါပြည်နယ်အတွင်း ခရိုင်နှင့်မြို့နယ်များ အားလုံး၌ လယ်သမားများအနေဖြင့်  ၁ နှစ်လျှင် စပါးသီးနှံကို ၂ ကြိမ်မှ ၃ ကြိမ်အထိ စိုက်ပျိုးနိုင်ပြီး စပါးအထွက်မြင့်မားကြောင်း၊ ထိုသို့ ပိုလျှံထွက်ရှိသော စပါးများကို Banteay Chakrei နှင့် Koh Roka နယ်စပ်ဂိတ် ၂ ခုမှတစ်ဆင့် ဗီယက်နမ်နိုင်ငံသို့ တင်ပို့ခြင်းဖြစ်ကြောင်း သိရှိရသည်။

Source: Khmer Times, 27 Dec 2024

Pages

Subscribe to RSS - ပြည်ပကုန်သွယ်မှုသတင်းများ