ပြည်ပကုန်သွယ်မှုသတင်းများ

              နိုင်ငံတကာအထည်အလိပ်ကုန်စည်ပြပွဲကို ဘင်္ဂလားဒေ့ရှ် နိုင်ငံ မြို့တော် ဒါကာတွင် ဇန်နဝါရီ ၁၆ ရက်၌ စတင်ခဲ့ပြီး ကမ္ဘာလုံးဆိုင်ရာ စက်မှုလုပ်ငန်းအတွင်းမှ နည်းပညာများနှင့် ထုတ်ကုန်များကို ပြသခဲ့သည်။"23rd Dhaka International Yarn and Fabric Show" ကို CEMS-Global USA နှင့် အထည်အလိပ်လုပ်ငန်းခွဲကောင်စီ၊ နိုင်ငံတကာကုန်သွယ်မှုမြှင့်တင်ရေး ကောင်စီ၊ China Council တို့မှ ပူးပေါင်းစီစဉ်ခြင်းဖြစ်သည်။ ချည်သား၊ အထည်၊ ညှပ်များနှင့် အသုံးအဆောင်ပစ္စည်းများကို အဓိကထား၍ အခိုင်မာဆုံးနှင့် ထိပ်တန်းနိုင်ငံတကာ ပြပွဲများထဲမှ တစ်ခုဖြစ်သည့် အဆိုပါပြပွဲကို International Convention City Bashundhara (ICCB) တွင် ၁၅.၁.၂၀၂၅ရက်နေ့က စတင်ကျင်းပခဲ့ပြီး ၁၈.၁.၂၀၂၅ ရက်နေ့အထိ ဆက်လက်ကျင်းပမည် ဖြစ်သည်။ နိုင်ငံပေါင်း ၁၅ နိုင်ငံကျော်မှပြခန်း ပေါင်း ၃၂၅ ကျော်သည် ပြပွဲရာနှင့်ချီသော ပြခန်းများတွင် ဖြန့်ကျက်ပြီး ဂျင်းထည်၊ ထိုးထည်၊ ယက်ထည်၊ ပုံနှိပ်ထည်နှင့် ဆေးဆိုးထည်များအပါအဝင် အထည်မျိုးစုံကို ပြသထားပြီး ၎င်းတို့၏ ထုတ်ကုန်များနှင့် နည်းပညာများကို ခင်းကျင်းပြသကာ လုပ်ငန်းအတွင်းအသိပညာများကို ပံ့ပိုးပေး ထားကြောင်းသိရသည်။ တရုတ်နိုင်ငံသည် ဘင်္ဂလားဒေ့ရှ်နိုင်ငံနှင့် လက်တွဲလုပ်ဆောင်သွားမည်ဖြစ်ပြီး အပြန်အလှန်လေးစားမှု၊ အပြန်အလှန်ပံ့ပိုးမှု၊ တန်းတူညီမျှမှုနှင့် win-win ပူးပေါင်းဆောင်ရွက်မူများကို ကတိကဝတ်ပြုကာ ခေတ်မီတိုးတက်ရေးလမ်းကြောင်းပေါ်၌ ဆက်လက်ဆောင်ရွက်သွားမည်ဖြစ်ကြောင်း ၎င်းက ဆက်လက်ပြောကြားခဲ့သည်။ အရည်အသွေးမြင့် Belt and Road ပူးပေါင်းဆောင်ရွက်မှုကိုပံ့ပိုးရန် အဓိကခြေလှမ်းများ၊ အဓိကကျသော အထင်ကရပရောဂျက်များနှင့် "သေးငယ်လှပသော" အသက်မွေးဝမ်းကြောင်းဆိုင်ရာ ပရောဂျက်များ တည်ထောင်ခြင်း တို့ကိုလည်း လုပ်ဆောင်သွားမည် ဖြစ်ကြောင်းသိရှိရပါသည်။

Source : Xinhua

DOCA(ရန်ကုန်)        

             ဂျာမန်ဖက်ရှင်အမှတ်တံဆိပ် Tom Tailor သည် စျေးကွက်အခွင့်အလမ်းသစ်များကို ရှာဖွေကာ တရုတ်နိုင်ငံ၏ ကျယ်ပြန့်သော စားသုံးသူဈေးကွက်တွင် ၎င်း၏ခြေကုပ်ကို အားကောင်းစေရန် အတွက် ယခုနှစ် တရုတ်အပြည်ပြည်ဆိုင်ရာ သွင်းကုန်ကုန်စည်ပြပွဲ (CIIE) ကို တက်ရောက်ရန် ပြင်ဆင်နေကြောင်း သိရသည်။ ၈ ကြိမ်မြောက် CIIE အတွက် ပရိုမိုးရှင်း ပွဲတစ်ခုတွင် Tom Tailor ၏ CEO Gernot Lenz သည် မိတ်ဖက်များ တိုးပွားလာစေရန်နှင့် တရုတ်စားသုံးသူများအတွက် အမှတ်တံဆိပ်ကို ဒေသအလိုက်သတ်မှတ်ခြင်းတွင် ကုန်စည်ပြပွဲ ၏ အဓိကအခန်းကဏ္ဍကို မီးမောင်း ထိုးပြခဲ့သည်။ ၎င်း၏ဥရောပလုပ်ငန်းများကြောင့် လူသိများ သောကုမ္ပဏီသည် လွန်ခဲ့သောနှစ်များစွာက တရုတ်ဈေးကွက်သို့ ဝင်ရောက်ခဲ့ သည်။ ပြည်တွင်းလုပ်ဖော်ကိုင်ဖက်များနှင့် ပူးပေါင်းခြင်းဖြင့် ကုမ္ပဏီသည် တရုတ်ဖောက်သည်များ၏ လိုအပ်ချက်နှင့် နှစ်သက်မှုများကို ပိုမိုကောင်းမွန်စွာ ဖြည့်ဆည်းရန် ရည်ရွယ်ထားကြောင်း Lenz က မှတ်ချက်ပြုခဲ့သည်။ ၂၀၁၈ တွင်စတင်မိတ်ဆက်ခဲ့ပြီး ကတည်းက CIIE သည် ၅၀၀  ဘီလီယံဒေါ်လာ ထက်ကျော်လွန်သောရည်ရွယ်ထားသော ငွေပေး ငွေယူပမာဏကို အဆင်ပြေ ချောမွေ့စေခဲ့သည်။ သွင်းကုန်များအတွက် ရည်ရွယ်ထားသော ကမ္ဘာ့ပထမဆုံးသော အမျိုးသား အဆင့်ပြပွဲအဖြစ် နိုင်ငံနှင့်ဒေသပေါင်း ၁၈၀ ကျော်မှ နိုင်ငံခြားကုမ္ပဏီ ၁၀,၀၀၀ ကျော်ကို လက်ခံ ကျင်းပခဲ့သည်။ ရှန်ဟိုင်းရှိ အမျိုးသား ပြပွဲနှင့် ကွန်ဗင်းရှင်းဗဟိုဌာန ဥက္ကဋ္ဌ Ning Feng က ဂျာမနီနိုင်ငံ၏ ထင်ရှားသော ပူးပေါင်းပါဝင်မှုကို အလေးပေး ပြောကြားခဲ့သည်။ ဂျာမနီ သည် CIIE တွင် ပါဝင်သည့် ကုမ္ပဏီအရေအတွက် အများဆုံးရှိသည့် ဥရောပနိုင်ငံဖြစ်ကြောင်း Ning က ပြောကြားခဲ့ သည်။ ယမန်နှစ် အခမ်းအနားတွင် ဂျာမန်စီးပွားရေးလုပ်ငန်း ၁၂၀ ခန့်သည် စက်မှု ကုန်ထုတ်မှု၊ ကျန်းမာရေးစောင့်ရှောက်မှု၊ လူသုံးကုန်ပစ္စည်းများနှင့် ထောက်ပံ့ပို့ဆောင်ရေး စသည့် ကဏ္ဍများတွင် ၎င်းတို့၏ ထုတ်ကုန်များနှင့် ဝန်ဆောင်မှုများကို ပြသခဲ့သည်။ ပုံမှန် ပါဝင်သူများတွင် BMW၊ Mercedes-Benz နှင့် Siemens ကဲ့သို့သော ထင်ရှားသောအမည်များ ပါဝင်သည်။ နိုဝင်ဘာလ တွင်ကျင်းပရန် စီစဉ်ထားသည့် ယခုနှစ် ခြောက်ရက်တာ အခမ်းအနားတွင် ဂျာမန်ပါဝင်မှုတိုးလာခြင်း နှင့် ပတ်သက်၍ အကောင်းမြင်ကြောင်း Ning က ဖော်ပြခဲ့သည်။ သူသည် ဂျာမန်ကုမ္ပဏီများ အထူးသဖြင့် ကုန်စည်ပြပွဲနှင့် မရင်းနှီးသောသူများကို ချိတ်ဆက်ပြီး အကြံဥာဏ်များဖလှယ်ရန် ပလပ် ဖောင်းကို အသုံးပြုရန် တိုက်တွန်းခဲ့သည်။ CIIE သည် တရုတ်နှင့် ဂျာမနီတို့ကြား ကုန်သွယ်မှုကို မြှင့်တင်ရုံသာ မက ဥရောပနှင့် နှစ်နိုင်ငံ ထောက်ပံ့ပို့ဆောင်ရေးကိုလည်း သိသိသာသာ မြှင့်တင်ပေးသည်" ဟု Kiefer က ပြောကြား ခဲ့သည်။ ကမ္ဘာလုံးဆိုင်ရာ ချဲ့ထွင်မှုကို ရှာဖွေနေသည့် ကုမ္ပဏီများအတွက် သွင်းကုန် ကုန်စည် ပြပွဲသည် "အခွင့်အလမ်းကောင်း" ကို ကိုယ်စားပြုကြောင်း ၎င်းက ဆက်လက်ပြောကြား ခဲ့သည်။

Source : Xinhua

DOCA(ရန်ကုန်)

          အင်ဒိုနီးရှားနိုင်ငံသည် ထုထည်ပမာဏ ၁၂၁၀ မတ်ထရစ်တန်ချိန်ရှိသော အမေရိကန် ဒေါ်လာ ၁.၅ သန်းတန် သံမဏိထုတ်ကုန်များအား နယူးဇီလန်နိုင်ငံသ်ို့ ဇန်နဝါရီလ ၁၆ ရက်နေ့က စတင်တင်ပို့ခဲ့သည်။ နယူးဇီလန်သို့ ယခုတင်ပို့မှုသည် သတ္တမအကြီးဆုံးသံနှင့်သံမဏိ ထုတ်ကုန် များတင်သွင်းသူအဖြစ် အင်ဒိုနီးရှား၏ ရပ်တည်မှုကိုပိုမိုခိုင်မာစေကြောင်း၊ ပို့ကုန်တန်ဖိုးသည် အမေရိကန်ဒေါ်လာ ၂၈.၄ ဘီလီယံအထိ‌ရောက်ရှိခဲ့ကြောင်း Bekasi တွင်တင်ပို့မှုအတွင်း ကုန်သွယ်ရေးဝန်ကြီး Budi Santoso က‌ ပြောကြားခဲ့သည်။ ဝန်ကြီးဌာန၏ အဆိုအရ သံနှင့် သံမဏိသည် အင်ဒိုနီးရှားနိုင်ငံ၏ အဓိက ‌ရေနံနှင့်ဓာတ်ငွေ့မဟုတ်သော ကုန်ပစ္စည်းတင်ပို့မှု တွင်ပါဝင်ပြီး ပြီးခဲ့သည့်ငါးနှစ်အတွင်းပျမ်းမျှတိုးတက်မှုနှုန်းမှာ ၃၈.၇၉% ရှိကြောင်းသိရသည်။ ဝန်ကြီးဌာနသည် အထူးသဖြင့် အာဆီယံ-သြစတြေးလျ-နယူဇီလန်လွတ် လပ်သောကုန်သွယ်မှု သဘောတူညီချက်အစီအစဥ်အောက်တွင် အကောက်ခွန် ၀% ကို အကောင်အထည် ဖော်ခြင်းဖြင့် စျေးကွက်တိုးတက်မှုကိုမြင့်တင်ကာ နိုင်ငံတော်၏ သံမဏိ တင်ပို့မှု ကို မြင့်တင်ပေးခဲ့ သည်။ သံမဏိစက်မှုလုပ်ငန်းတွင်ပါဝင်ပက်သက်သူများအား ပံ့ပိုး ကူညီရန်အ တွက်ပြပွဲများ၊ ကုန်သွယ်မှုဆိုင်ရာမစ်ရှင်များ၊ နိုင်ငံတကာဝယ်လတ်များနှင့် စီးပွားရေးလုပ်ငန်းအချင်းချင်း ချိတ်ဆက်မှုတို့မှတစ်ဆင့် ကျယ်ပြန့်သောကုန်သွယ်မှု မြှင့်တင်ရေးတို့ ကိုဆောင်ရွက်လျှက်ရှိ ကြောင်းသိရသည်။

DOCA(ရန်ကုန်)

          ၂၀၂၄-၂၅ ဘဏ္ဍာနှစ်၏ ပထမကိုးလတာကာလအတွင်း မြန်မာ့‌ရေထွက်ကုန် ၄၂၀၃၀၈ တန် တင်ပို့မှုမှ အမေရိကန်ဒေါ်လာ ၅၂၁ သန်းရရှိခဲ့ကြောင်းအစိုးရပိုင်မြန်မာ့အသံနှင့် ရုပ်မြင်သံ ကြား (MRTV) ဌာနမှ ဇန်နဝါရီ ၁၅ ရက်နေ့က ဖော်ပြချက်အရသိရသည်။

          ၎င်းသည်ယခင်ဘဏ္ဍာနှစ်အလားတူ ကာလတင်ပို့မှုမှ အမေရိကန်ဒေါ်လာ ၅၁၈ သန်း ရရှိခဲ့ သော တန်ချိန် ၃၄၅၀၀၀ ထက်တိုးမြင့်လာခြင်းကို အမှတ်အသားပြလျှက်ရှိကြောင်း ငါးလုပ်ငန်းဦးစီးဌာန၏ အစီအရင်ခံစာတွင်ဖော်ပြထားသည်ကိုကိုးကား၍ သတင်းဌာနမှ ထုတ်ပြန်ခဲ့ခြင်းဖြစ် သည်။

          မြန်မာရေထွက်ကုန်များအားနိုင်ငံပေါင်း ၃၀ ကျော်သို့ တင်ပို့ရောင်းချလျှက်ရှိကြောင်း သိရသည်။ မြန်မာနိုင်ငံသည် စိုက်ပျိုးရေး၊ တိရိစ္ဆာန်နှင့်‌ ‌ရေထွက်ပစ္စည်း၊ ဓာတ်သတ္တုပစ္စည်း၊ သစ်တောထွက်ပစ္စည်းများနှင့် ထုတ်လုပ်မှုကုန်ပစ္စည်းများကို တရုတ်နိုင်ငံ၊ ထိုင်း၊ ဘင်္ဂလားဒေ့ရှ်နှင့် အိန္ဒိယတို့အပါအဝင် နိုင်ငံခြားကုန်သွယ်မှုမိတ်ဖက်နိုင်ငံများသို့ အဓိကတင်ပို့လျှက်ရှိသည်။

DOCA(ရန်ကုန်)

          အင်ဒိုနီးရှားနိုင်ငံသည် အမေရိကန်ဒေါ်လာ ၁.၅ သန်းတန်ကြေးရှိသော စတီးလ်တန်ချိန် ၁၅၀၀ ကို နယူးဇီလန်နိုင်ငံသို့ ဇန်နဝါရီလ ၁၅ ရက်နေ့ကတင်ပို့ခဲ့ကြောင်း သိရပါသည်။ ကုန်စည် တင်ပို့သည့်အခမ်းအနားကို တက်ရောက်ခဲ့သည့် ကုန်သွယ်ရေးဝန်ကြီး Budi Santosos က အာဆီယံ-ဩစတေးလျ-နယူးဇီလန် လွတ်လပ်သောကုန်သွယ်ရေး သဘောတူညီချက် (AANZFTA) ကြောင့် အင်ဒိုနီးရှားသည် စတီးလ်းများအား သွင်းကုန်အခွန်ပေးဆောင်ရန် မလိုအပ်ပဲ နယူးဇီလန်သို့ တင်ပို့နိုင်ခဲ့သည့်အတွက် အခြားနိုင်ငံများနှင့်ယှဉ်ပြိုင်ရာတွင် လွယ်ကူချောမွေ့ခဲ့ကြောင်းနှင့် နယူးဇီလန်နိုင်ငံ၏ တံတားနှင့် လေဆိပ်များအတွက် စီမံကိန်း များ တိုးချဲ့မှုကြောင့် ၎င်းတို့သည် နိုင်ငံအတွက် မြင့်မားသောတန်ဖိုးအလားအလာကောင်းများ ရှိသည့် ဈေးကွက်တစ်ခု ဖြစ်ကြောင်း ပြောကြားခဲ့ပါသည်။ ထိုအခွင့်အလမ်းကိုဆုပ်ကိုင်နိုင်ရန် အတွက် ဝန်ကြီးသည် အခြားနိုင်ငံများမှထုတ်လုပ်သူများနှင့် ယှဉ်ပြိုင်ရာတွင် အရေးပါသည်ဟု ယူဆရသည့် ထုတ်ကုန် အရည်အသွေးမြှင့်တင်ရန်အတွက် MSME လုပ်ငန်းများအား တိုက်တွန်း ခဲ့ကြောင်း သိရပါသည်။ ကုန်သွယ်ရေးဝန်ကြီးဌာနသည်လည်း နိုင်ငံ၏ရည်မှန်းချက်ဖြစ်သည့် ယခုနှစ်အတွက် စုစုပေါင်း ပို့ကုန်တန်ဖိုး အမေရိကန်ဒေါ်လာ ၂၉၄.၄၅ ဘီလီယံ ရရှိရန်အတွက် MSME လုပ်ငန်းမျာအား ပံ့ပိုး ပေးသွားမည်ဟု သိရပါသည်။ ထို့ပြင် ဝန်ကြီးဌာနသည် စီးပွားရေးနှင့် ကုန်သွယ်ရေး တွေ့ဆုံ ဆွေးနွေးခြင်းနှင့် နိုင်ငံတကာကုန်စည်ပြပွဲများမှတစ်ဆင့် နိုင်ငံ၏ထုတ်ကုန်များကို ကြေညာမြှင့်တင်ရန် ပြည်ပရှိ အင်ဒိုနီးရှားကုန်သွယ်ရေး ကိုယ်စားလှယ် များနှင့် ပူးပေါင်းဆောင်ရွက် သွားမည်ဟု သိရပါသည်။ ဝန်ကြီးက ၎င်းတို့၏ရည်မှန်းချက်သည် MSME လုပ်ငန်းများက ပြည်ပ ဈေးကွက်များသို့ ထိုးဖောက်ဝင်ရောက်နိုင်ရန်ဖြစ်ကြောင်းနှင့် PT Gunung Raja Paksi မှ ထုတ်လုပ်သည့် စတီးလ်ထုတ်ကုန်များသည် အခြားလုပ်ငန်းများက နိုင်ငံတကာဈေးကွက်အခွင့်အလမ်းများ လိုက်လံရှာဖွေရန် လှုံ့ဆော်မှုဖြစ်လာရန် မျှော်လင့် ကြောင်း ပြောကြားခဲ့ပါသည်။

DOCA(ရန်ကုန်)