ပြည်တွင်းကုန်သွယ်မှုသတင်း

ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကထားလုပ်ကိုင်ကြရာမှ စားဖို ဆောင်သီးနှံဖြစ်သည့် ကန်ဇွန်းဥကို တစ်ပိုင်တစ်နိုင် မိသားစု အိမ်ခြံမြေများနှင့် မိမိပိုင်ယာမြေများတွင် သာ စိုက်ပျိုးကြပြီး စားသုံးသူပြည်သူများနှင့် စည်ကားလျက်ရှိသည့် ကျွန်းလှမြို့၊ သစ်ရာမြိုင်ဈေးကွက် အတွင်းသို့ လာရောက် ပို့ဆောင်ရောင်းချကြပါသည်။ ကန်ဇွန်းဥကိုပြုတ်စားတာဘဲဖြစ်ဖြစ် ကြော်စားတာဘဲဖြစ်ဖြစ် သာကူနဲ့ကျိုစားတာဘဲဖြစ်ဖြစ် ပဲဟင်းချိုထဲထည့်တာဘဲဖြစ်ဖြစ် စားလိုရပြီး ဒီလိုအမျိုးမျိုးလုပ်စားလိုရတဲ့ ကန်ဇွန်းဥက စားကောင်းရုံ တင်မကပဲ ကျန်းမာရေးအတွက် အထောက်အကူဖြစ်စေတာကိုလည်း တွေ့ရှိရပါသည်။ ကန်ဇွန်းဥမှာ အဟာရဓါတ် များစွာပါဝင်သည့်အတွက် ကိုယ်ခံအားကောင်းမွန်စေခြင်း၊ အမြင်အာရုံ ကောင်းမွန်စေခြင်း၊ ဦးနှောက်လုပ်ဆောင်မှုကို ကောင်းမွန်စေခြင်း၊ ကိုယ်အလေးချိန်ကျစေခြင်း နှင့် လေးဘက်နာကြောင့် နာကျင်မှုကို သက်သာစေခြင်း စသည့် အကျိုးကျေးဇူးတွေရရှိနိုင့်သည့်အတွက် ကန်ဇွန်းဥကို စားသုံး သင့်ကြောင်းသိရသည်။ ယခု ၂၀၂၅ ခုနှစ်၊ ဇွန်လ စတုထ္ထပတ်တွင် ကျွန်းလှမြို့၊ သစ်ရာမြိုင်ဈေးအတွင်း ဖြစ်ပေါ်နေသော ကန်ဇွန်းဥ ဈေးနှုန်းမှာ ကန်ဇွန်းဥ လက္ကားဈေး တစ်ပိဿာလျှင်(၂၈၀၀)ကျပ်၊ ကန်ဇွန်းဥ လက်လီ တစ်ပိဿာလျှင်(၃၀၀၀)ကျပ်၊ ၅၀ကျပ်သားလျှင်(၁၅၀၀)ကျပ် နှင့် ၂၅ကျပ်သားလျှင်(၈၀၀)ကျပ် ဈေးနှုန်း များဖြင့် ဝယ်ယူစားသုံးသူများပြီး အရောင်းအဝယ်ဖြစ်နေကြောင်း ကုန်စိမ်းသီးနှံအစုံ ရောင်းချသူများ ထံမှ သိရပါသည်။ DOCA(စစ်ကိုင်း)

စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်ရှိ ချင်းတွင်းရတနာဈေး၊ ပြည်ထောင်စုဈေး၊ မန်းကျည်းပင်ဈေးနှင့် ဝန်ထမ်းအိမ်ရာရှိ နန္ဒဝန်ဈေးသစ်တို့တွင် ဇွန်လ စတုတ္ထပတ်တွင် ဖြစ်ပေါ်နေသော စားဖိုဆောင်သီးနှံများ၏ ဈေးနှုန်းများအနေဖြင့် ရာသီစာ ဒညှင်းသီး ( ၁ )လုံးလျှင် ၂၀၀ ကျပ်၊ ရုံးပတီသီး ( ၂၅ )ကျပ်သားလျှင် ( ၇၀၀) ကျပ်၊ မန်းကျည်းရွက်နု ( ၁၀) ကျပ်သားလျှင် ( ၈၀၀)ကျပ်၊ ပဲတောင့်ရှည်သီး ( ၂၅ )ကျပ်သားလျှင် (၈၀၀) ကျပ်၊ ၊ ဘူးရွက် ( ၃ )စည်းပါ တစ်ထုံးလျှင် ( ၅၀၀)ကျပ်၊ ကန်စွန်းရွက် ( ၁ ) စည်းလျှင် ( ၂၀၀)ကျပ်၊ တရုတ်နံနံ၊ ပင်စိမ်းနှင့် နံနံပင် ( ၁ ) စည်းလျှင် (၁၀၀ )ကျပ်၊ ချဉ်ပေါင် ( ၃)စည်းလျှင် ( ၅၀၀)ကျပ် ဈေးနှုန်း အသီးသီးဖြင့် ရောင်းချလျက်ရှိကြောင်း သိရသည်။ DOCA(စစ်ကိုင်း)

မြန်မာနိုင်ငံသည် စိုက်ပျိုးရေးကိုအခြေခံပြီး အခြားစီးပွားရေးကဏ္ဍများကိုလည်း ဖွံ့ဖြိုးတိုး တက်အောင်ဆောင်ရွက်နေသော နိုင်ငံတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ စစ်ကိုင်းတိုင်း ဒေသကြီး၊ ကန့်ဘလူမြို့နယ်၌ စိန်တစ်လုံးသရက်သီးများ လှိုင်လှိုင်ပေါ်ချိန်ဖြစ်၍ ရောင်းတမ်းဝင် အသီးများကို အခြားတိုင်းဒေသကြီးနှင့် ပြည်နယ်များသို့ တင်ပို့ရောင်းချကြကြောင်း၊ ကန့်ဘလူမြို့၊ အမှတ်(၅)ရပ်ကွက်တွင် စိန်တစ်လုံးသရက်သီးမှ သရက်ပြင်(ခေါ်)သရက်ပြားအဖြစ် တန်ဖိုးမြှင့် ထုတ်ကုန်များထုတ်လုပ်၍ ဒေသတွင်းနှင့် အခြားတိုင်းဒေသကြီးများသို့ တင်ပို့ရောင်းချလျက်ရှိ ကြောင်းသိရသည်။ ဈေးကွက်အနေဖြင့် ဒေသတွင်းနှင့် မြစ်သား၊ ပြည်၊ ပေါက်ခေါင်းမြို့ များသို့ အများဆုံးတင်ပို့ ရောင်းချကြောင်း၊ ဇွန်လ စတုတ္ထပတ်အတွင်း သရက်ပြင် တစ်ပိဿာလျှင် (၉၀၀၀မှ ၁၀၀၀၀) ကျပ် ဖြင့်‌ရောင်းချကြောင်း၊ နှစ်စဉ်ကုန်ချောသရက်ပြင် (၃၀၀မှ ၈၀၀)ပိဿာခန့် ထိ သက်ရက်သီးကုန်ကြမ်းရရှိမှုပေါ်မူတည်၍ မိသားစုတစ်နိုင်တစ်ပိုင် ထုတ်လုပ်ရောင်းချလျက်ရှိပြီး ဝင်ငွေရရှိကာ မိသားစုအဆင်ပြေလျက်ရှိကြောင်း လုပ်ငန်းရှင်ဦးမျိုးနိုင်ထံမှ သိရှိရသည်။ DOCA(စစ်ကိုင်း)