ပြည်တွင်းကုန်သွယ်မှုသတင်း

           ပဲခူးတိုင်းဒေသကြီး၊ ပြည်ခရိုင်အတွင်းရှိ ပန်းတောင်းမြို့နယ် ကြခတ်ရပ်ကွက်အတွင်းရှိ အခြေခံလူတန်းစား စားသုံးသူပြည်သူများအား (၄.၈.၂၀၂၂)ရက်နေ့တွင်တစ်ကြိမ် ၊ ၉.၈.၂၀၂၂ရက်နေ့တွင် မင်းရပ် ရပ်ကွက် ၊ သူရဲဇီးကျေးရွာတွင် တစ်ကြိမ် စားအုန်းဆီများ အား သက်သာသောဈေးနှုန်းများဖြင့် ရောင်းချပေးလျှက်ရှိပါသည်။

           ထိုသို့ စားအုန်းဆီများအား ပြည်ခရိုင်ဆီလုပ်ငန်းရှင်များအသင်းမှ ရောင်းချပေးလျှက်ရှိရာ တစ်ပိဿာလျှင် (၃၈၅၀)ကျပ်နှုန်းဖြင့် ပိဿာချိန် (၉၉၀)ကို ရောင်းချပေးခဲ့ရာ စားသုံးသူရေးရာ ဦးစီးဌာန၊ ပြည်ခရိုင်ဦးစီးမှူးရုံးမှ ဒု-ခရိုင်ဦးစီးမှူး၊ ပန်းတောင်းမြို့နယ်တာဝန်ခံရုံးမှ မြို့နယ် တာဝန်ခံနှင့် ဝန်ထမ်းများမှ စားအုန်းဆီရောင်းချနေမှုအား ပူးပေါင်းပါဝင် ကြီးကြပ် ဆောင်ရွက်ခဲ့ပါသည်။

DOCA(ပဲခူး)

          လွိုင်ကော်မြို့နယ်အတွင်းမှာလည်း ငှက်ပျောသီးကို စီးပွားဖြစ်စိုက်ပျိုးကြပါသည်။ လွိုင်ကော်ခရိုင်တွင် ၂၀၂၀-၂၀၂၁ ခုနှစ် ငှက်ပျောစိုက်ဧက (၁၈၄၇ )ဧကနှင့်  ဘောလခဲခရိုင် (၄၄၀) ဧကစိုက်ပျိုးကြပြီး လွိုင်ကော်ခရိုင်တွင် မထောခူကျေးရွာ၊ လောပိတကျေးရွာ၊ ရှမ်းရွာ ၊ ကျောက်တောင် ၊ လေးမိုင် စံပြ ကျေးရွာတို့တွင် ရခိုင် ငှက်ပျော အဓိက စိုက်ပျိုးထွက်ကြပြီး၊ ရွှေနီသီးမွှေးငှက်ပျောကိုလည်း တပိုင်တနိုင်စိုက်ပျိုးကြပါသည်။             

         ယခု ဩဂုတ်လအတွင်း လွိုင်ကော်မှ အခြားဒေသများသို့ ငှက်ပျောအထွက်မှာ  ကားစီးရေ (၁၃) စီးဖြင့် တင်ပို့လျက်ရှိပြီး ရွှေနီသီးမွှေးငှက်ပျော အခိုင်ပြတ်ယူ တစ်ဖီးလျှင် ( ၂၄၀၀-၂၅၀၀)ကျပ် လက်လီ တစ်ဖီးလျှင်(၂၈၀၀-၃၀၀၀)ကျပ် ဖြင့်ရောင်းချလျက်ရှိကြောင်း၊ရခိုင်ငှက်ပျော ခြံပြတ်ခုတ်ပေး ငှက်ပျော တစ်ခိုင်လျှင် အနည်း ဆုံး(၈)ဖီး မှ (၁၂) ဖီးထိပါရှိကြောင်း၊ တစ်ဖီး(၄၀၀)ကျပ်နှုန်းဖြင့် (၈ )ဖီးပါ တစ်ခိုင် လျှင် (၃၂၀၀) ကျပ် ၊ငှက်ပျောအခိုင်ပေါ် မူတည်၍ ဈေးနှုန်းသတ်မှတ်ရောင်းချကြကြောင်း၊ ငှက်ပျောသီးကို စီးပွားဖြစ် စိုက်ပျိုးကြပြီး ဒေသတွင်းရှိဈေးကွက်တွင် လက်လီ တစ်ဖီးလျှင်ကျပ်(၇၀၀)၊ (၈၀၀) ဖြင့် အဖီးအကြီးအသေးပေါ် မူတည်၍ လည်း ရောင်းချလျက်ရှိကြောင်း ၊ လွိုင်ကော်မှထွက်ရှိသော ငှက်ပျောကို မိတ္ထီလာ၊ ကျောက်ပန်းတောင်းမြို့များသို့ အဓိကတင်ပို့လျက်ရှိကြောင်း ငှက်ပျောစိုက် တောင်သူတစ်ဦးထံမှ သိရှိရပါတယ်။

DOCA(ကယား)

         ရှမ်းပြည်နယ် (အရှေ့ပိုင်း)၊ ကျိုင်းတုံမြို့တွင် အခြေခံစားသောက်ကုန်ဖြစ်သော စားဖိုဆောင် သီးနှံကြက်သွန်နီကို ကျိုင်းတုံမြို့တွင် ဆောင်းရာသီ၌ အမြိတ်စားကြက်သွန်အဖြစ်သာ အနည်းငယ် စိုက်ပျိုးမှုရှိပြီး ဥစားကြက်သွန်နီစိုက်ပျိုး ဖြစ်ထွန်းမှုမရှိသောကြောင့် စားသုံးမှုလိုအပ်ချက်အရ မကွေးတိုင်း၊ မန္တလေးတိုင်း၊ မိတ္ထီလာနှင့် တောင်ကြီးမြို့မှတဆင့် အများအပြားတင်သွင်းရပြီး ဇူလိုင်လအတွင်း ကျိုင်းတုံမြို့တွင် ကြက်သွန်နီဝင်ရောက်မှုမှာ အိတ် (၃၀၀) ခန့်၊ ပိဿာချိန် (တစ်သောင်းနှစ်ထောင်) ခန့်ရှိပြီး ဩဂုတ်လ ဒုတိယပတ်တွင် အိတ် (၁၆၀) ခန့်၊ ပိဿာချိန် (ခြောက်ထောင့်လေးရာ) ခန့်ရှိပါသည်။ ဈေးနှုန်းဈေးကွက်အခြေအနေမှာ ဇူလိုင်လ ဒုတိယပတ်တွင် ကြက်သွန်နီ(အလုံးကြီး) လက်ကားဈေးနှုန်း (၂၀၀၀) ကျပ်၊ လက်လီဈေးနှုန်း (၂၃၀၀) ကျပ်ရှိပြီး ယခုဩဂုတ်လ ဒုတိယပတ်တွင် လက်ကားဈေးနှုန်း (၂၅၀၀) ကျပ်၊ လက်လီဈေးနှုန်း (၂၈၀၀) ကျပ် အရောင်းအဝယ်ရှိပါသည်။ ယခင်ဇူလိုင်လ ဒုတိယပတ်နှင့် ယခုဩဂုတ်လ ဒုတိယပတ် ဈေးနှုန်းနှိုင်း ယှဉ်လျှင် ကြက်သွန်နီဈေးနှုန်းမှာ (၁) ပိဿာလျှင် (၅၀၀) ကျပ်ခန့် ဈေးနှုန်းမြှင့်တက်လာကြောင်း သိရှိရပါသည်။

          ဈေးနှုန်းမြှင့်တက်လာရခြင်းမှာ  စက်သုံးဆီဈေးနှုန်းမြင့်တက်ခြင်း၊ လမ်းပန်းဆက်သွယ်ရေး ဝေးကွာခြင်းတို့ကြောင့် သယ်ယူစရိတ်များမြင့်မားလာခြင်းဖြစ်သည်ဟု ကြက်သွန်နီ ရောင်းချသူများ ထံမှ သိရှိရပါသည်။

DOCA(ရှမ်း)

            အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ်(၄.၈.၂၀၂၂)နှင့် ယခုအပတ် (၁၀.၈.၂၀၂၂)ရက်နေ့အတွင်း နှမ်းဖြူနှင့်နှမ်းနီတို့မှာ (၄၅) ပိဿာတစ်အိတ်လျှင် ယခင်အပတ် (၁၈၀၀၀ဝိ/-) ယခုအပတ်(၁၉၅၀၀ဝိ/-)ဖြစ်၍ (၁၅၀၀ဝိ/-)ဈေးမြင့်တက်ခဲ့ပြီး နှမ်းနက်(စမုံ)မှာ (၂၂၀၀၀ဝိ/-) ဈေးနှုန်းဖြစ်ကြောင်း သိရှိရပါသည်။

                 ပဲမျိုးစုံစျေးကွက်တွင်  ပဲကြီး (၂၀)ပိဿာ တစ်တင်းလျှင် ယခင်အပတ်(၇၁၀၀ဝိ/-) ယခုအပတ်(၇၁၀၀ဝိ/-) ဖြစ်၍ ဈေးနှုန်းပြောင်းလဲမှုမရှိသော်လည်း မတ်ပဲမှာ ယခင်အပတ်(၅၃၀၀ဝိ/-) ယခုအပတ် (၅၈၀၀ဝိ/-) ဖြစ်၍ (၅၀၀ဝိ/-) ဈေးမြင့်တက်ခဲ့ပြီး၊ ဘိုကိတ်ပြာ ယခင်အပတ်(၃၄၀၀ဝိ/-) ယခုအပတ် (၃၇၀၀ဝိ/-)ဖြစ်၍ (၃၀၀ဝိ/-) ဈေးမြင့်တက်ခဲ့ပြီး၊ ပဲတီစိမ်း ယခင်အပတ်(၄၃၀၀ဝိ/-) ယခုအပတ် (၄၈၀၀ဝိ/-) ဖြစ်၍ (၅၀၀ဝိ/-) ဈေးမြင့်တက်ခဲ့ပြီး၊ ပဲစဉ်းငုံနီ ယခင်အပတ်(၄၉၁၀ဝိ/-) ယခုအပတ် (၆၀၀၀ဝိ/-) ဖြစ်၍ (၁၀၉၀ဝိ/-) ဈေးမြင့်တက်ခဲ့ပြီး၊ ကုလားပဲ(HL) ယခင်အပတ်(၅၂၀၀ဝိ/-) ယခုအပတ် (၅၆၀၀ဝိ/-) ဖြစ်၍ (၄၀၀ဝိ/-) ဈေးမြင့်တက်ခဲ့ပြီး၊ ကုလားပဲ(မြကြေး) ယခင်အပတ်(၅၂၀၀ဝိ/-) ယခုအပတ် (၅၆၀၀ဝိ/-) ဖြစ်၍ (၄၀၀ဝိ/-) ဈေးမြင့်တက်ခဲ့ပြီး၊ မြေပဲလုံးဆံ(ဖြူ)တစ်ပိဿာလျှင် ယခင်အပတ်(၅၉၀ဝိ/-) ယခုအပတ် (၅၉၅ဝိ/-) ဖြစ်၍ (၅ဝိ/-) ဈေးမြင့်တက်ခဲ့ကာ မြေပဲလုံးဆံ(နီ)မှာ (၅၉၀ဝိ/-)နှင့် မြေပဲတောင့်(စို) တစ်တင်း (၂၁၅၀ဝိ/-)ဖြစ်ပြီး အရောင်းအဝယ်ပမာဏအနေဖြင့် နှမ်းဖြူ(၁၁၅)အိတ်၊ နှမ်းနီ(၁၈၀)အိတ်၊ နှမ်းနက်(စမုံ)(၁၈၅၀) အိတ်၊ ပဲတီစိမ်း(၇၀၀)အိတ်၊ ပဲစဉ်းငုံနီ(၁၃၅၀)အိတ်၊ မတ်ပဲ(၁၇၀)အိတ်၊ ကုလားပဲ(HL) (၁၁၀၀)အိတ်၊ ကုလားပဲ(မြကြေး) (၉၅၀)အိတ်၊ ဘိုကိတ်ပြာ (၃၈၀)အိတ်၊ ပဲကြီး(၄၅၀)အိတ်၊ မြေပဲလုံးဆံ(ဖြူ)(၅၄၀)အိတ်၊ မြေပဲလုံး ဆံ(နီ) (၇၇၀)အိတ်တို့ အရောင်း အဝယ်ဖြစ်ခဲ့ကြောင်း သိရှိရပါသည်။

DOCA(မကွေး)

            စားသုံးသူရေးရာဦးစီးဌာန၊ မကွေးတိုင်းဒေသကြီး မကွေးခရိုင်/ ချောက်ခရိုင်ဦးစီးမှူး ဒေါ်တင်တင်လှ (လက်ထောက် ညွှန်ကြားရေးမှူး)၊ ဒု-ခရိုင်ဦးစီးမှူး ဦးမျိုးဝင်းနှင့် ဝန်ထမ်းများသည် (၉.၈.၂၀၂၂)ရက်နေ့တွင် မကွေးမြို့၊ မကျီးကန်ကျေးရွာ သင်ကြားရေးဆေးရုံလမ်းရှိ “နေခြည်” အာလူးကြော်လုပ်ငန်းနှင့် မကွေးမြို့၊ အောင်စေတနာ(စီ)လမ်းရှိ “ကျော်ဇော” ပဲအမွကြော် လုပ်ငန်းများသို့ သွားရောက်ကွင်းဆင်းပြီး ထုတ်လုပ်မှု အခြေအနေ၊ နေ့စဉ်စားသုံးဆီသုံးစွဲမှု အခြေအနေများအား လေ့လာမေးမြန်းခဲ့ပြီး အမှတ်တံဆိပ်များတွင် ဌာနမှသတ်မှတ်ထားသော ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းဖော်ပြပေးရေး အသိပညာပေးဆွေးနွေးခဲ့ပါသည်။

          “နေခြည်”အာလူးကြော်လုပ်ငန်းသည် နေ့စဉ် အာလူးအိတ်(၃၂)ပိဿာဝင်(၅၀)အိတ်(၁၆၀၀) ပိဿာခန့်ကို Auto အကြော်စက်များ အသုံးပြုထုတ်လုပ်နိုင်ကြောင်းနှင့် ထွက်ရှိလာသော အာလူး ကြော်များကို (၈၀)ဂရမ်ပါ တစ်ထုတ်လျှင် (၅၅၀)ကျပ်ဖြင့် မကွေးတိုင်းအတွင်းနှင့် မန္တလေးတိုင်း ဒေသကြီးများသို့ တင်ပို့ရောင်းချကြောင်း လုပ်သားဦးရေ(၅၀)ခန့်ရှိပြီး လုပ်ငန်းပြီးစီးမှုအပေါ် အာလူးတစ်အိတ်လှီးခ (၁၀၀၀)ကျပ်နှင့် အာလူးကြော်တစ်ဖာထုတ်ပိုးခ (၇၀၀)ကျပ် ပေးချေရ ကြောင်း နေ့စဉ်စားသုံးဆီ (၂၈)ပေပါ (၃၀၈၀)ပိဿာခန့် သုံးစွဲရကြောင်း သိရှိရပါသည်။

          “ကျော်ဇော” ပဲအမွကြော်လုပ်ငန်းတွင်လည်း နေ့စဉ်ပဲကြီး(၃၀)ပိဿာဝင် (၄၀)အိတ် (၁၂၀၀)ပိဿာခန့်ကို Auto အကြော်စက်(၂)လုံး၊ လက်ဖို(ဒယ်အိုး) (၄)လုံးဖြင့် ထုတ်လုပ်ပြီး ပဲကြီး (၁)ပိဿာ (၃၇၀၀)ကျပ်ဖြင့် ဝယ်ယူရကြောင်း ထွက်ရှိလာသော ပဲအမွကြော်များကို (၂၅)ကျပ်သား တစ်ထုတ်လျှင်(၂၁၂၅)ကျပ်၊ (၅၀)ကျပ်သားတစ်ထုတ်လျှင် (၄၂၅၀)ကျပ်နှင့် (၁)ပိဿာတစ်ထုတ် လျှင် (၈၅၀၀)ကျပ်ဖြင့် ဒေသတွင်း လက်လီရောင်းချပြီး ရန်ကုန်မြို့သို့ (၃၀)ပိဿာဝင်အိတ်များဖြင့် တင်ပို့ရောင်းချရကြောင်း လုပ်သားဦး‌ရေ(၂၀)ခန့်ရှိပြီး တစ်နေ့လျှင် အမျိုးသား(၁)ဦး (၈၅၀၀)ကျပ် နှင့် အမျိုးသမီး(၁)ဦး (၄၅၀၀)ကျပ်ဖြင့် အလုပ်အကိုင်များ ဖန်တီးပေးနေကြောင်း နေ့စဉ်စားသုံးဆီ (၁၄)ပေပါ (၁၅၄၀)ပိဿာခန့်သုံးစွဲနေရကြောင်း အခြားလိုအပ်သော ကုန်ကြမ်းပစ္စည်းများအား အလွယ်တကူ ဝယ်ယူရရှိနေသော်လည်း စားသုံးဆီဝယ်ယူရရှိရန် အခက်အခဲရှိကြောင်း သိရှိရပါသည်။

          မကွေးခရိုင်/ ချောက်ခရိုင်ဦးစီးမှူး ဒေါ်တင်တင်လှမှ အဆိုပါလုပ်ငန်းရှင်များအား စားသုံးသူ ကာကွယ်‌ရေးဥပဒေ-၂၀၁၉ အခန်း(၁၈)ပါ ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်းရေးနှင့် စီးပွားရေးလုပ်ငန်းရှင်၏ တာဝန်/တားမြစ်ချက်များနှင့် ပြစ်မှု/ပြစ်ဒဏ်များကို ရှင်းလင်းဆွေးနွေးခဲ့ပြီး မြန်မာနိုင်ငံစားသုံးသူကာကွယ်‌ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ်(၂/၂၀၁၉) လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)