သတင်းနှင့် လှုပ်ရှားမှုများ

    အုတ်တွင်းမြို့နယ်၊ ဟင်းငုတ်ပင်ကျေးရွာ အခြေခံပညာအထက်တန်းကျောင်းမှ ကျောင်းသား/ကျောင်းသူများသိသင့်သိထိုက်သည့် အသိပညာဗဟုသုတများရရှိစေရန်ရည်ရွယ်၍ ပြန်ကြား ရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း၍ အသိပညာပေးဟောပြောပွဲကို ဇန်နဝါရီလ ၂၀ ရက်နေ့ နံနက်ပိုင်းက ယင်းကျောင်းခန်းမ၌ ကျင်းပပြုလုပ်ခဲ့ပါသည်။

        ဟောပြောပွဲတွင် စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဌာနခွဲတာဝန်ခံ ဦးစီးမှူး ဦးစောသန်းထိုက်ကျော်က စားသုံးသူအခွင့်အရေးနှင့်တာဝန်များ၊ ကုန်စည်နှင့်ဝန်ဆောင်မှု များနှင့်စပ်လျဉ်း၍ စီးပွားရေးလုပ်ငန်းရှင်က အာမခံပေးရမည့်အချက်များ၊ စားသုံးသူနစ်နာဆုံးရှုံးမှုများဖြစ်ပေါ်ပါက စားသုံးသူရေးရာဦးစီးဌာန တိုင်းဒေသကြီး/ပြည်နယ်၊ ခရိုင်ဦးစီးမှူးရုံးများနှင့် စားသုံးသူရေးရာဦးစီးဌာန၏ website သို့ဝင်ရောက်၍ တိုင်ကြားနိုင်ခြင်းများနှင့် ဖြေရှင်းဆောင်ရွက်ပေးမှုများကို ဟောပြောဆွေးနွေးခဲ့ပါသည်။

       ထို့အတူ အားကစားနှင့် ကာယပညာဦးစီးဌာန၊ မြို့နယ်အားကစားမှူး ဒေါ်သပြေက အားကစားနှင့်ကာယပညာသိပ္ပံအကြောင်း သိကောင်းစရာများကိုလည်းကောင်း၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူး ဒေါ်ခင်မူမူဝင်းက စာဖတ်ခြင်း၏အကျိုးကျေးဇူးများကိုလည်းကောင်း ဟောပြောခဲ့ပြီး ဟောပြောပွဲသို့ ကျောင်းသား/ကျောင်းသူ ၂၁၀ ဦးတက်‌ရောက်ခဲ့ပါသည်။

DOCA(ပဲခူး)

      ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်၊ စားသုံးသူရေးရာဦးစီးဌာန၊ မြို့နယ် တာဝန်ခံနှင့်ဝန်ထမ်းများသည် (၂၅-၁-၂၀၂၃) ရက်နေ့တွင် စားသုံးဆီကြိတ်ခွဲထုတ်လုပ်ရောင်းချ နေသော ဇီးကုန်းမြို့နယ် သမဝါယမအသင်းလီမိတက်ဆီစက်သို့သွားရောက်၍ ဆီစက်၏ ကြိတ်ခွဲထုတ်လုပ်ဖြန့်ဖြူးရောင်းချနေမှုနှင့် ကုန်ကြမ်းရရှိမှုအခြေအနေတို့အား ကွင်းဆင်းဆွေးနွေးခဲ့ပါသည်။

       သမဝါယမအသင်းလီမိတက် ဆီစက်၊ တာဝန်ရှိသူအသင်း ဥက္ကဋ္ဌ ဦးသန်းညွန့်ထံမှ ဆီစက်ကို (၂၄-၁၂-၂၀၂၂) နေ့တွင် စတင်လည်ပတ်ခဲ့ကြောင်း ၁ ရက်လျှင် မြေပဲ ၇ တင်းခန့်နှင့် နှမ်း ၁၅ တင်းခန့်ကြိတ်ခွဲပြီး မြေပဲဆီ ၅၆ ပိဿာနှင့် နှမ်းဆီ ၉၅ ပိဿာခန့်ထွက်ရှိပြီး ၁ရက်လျှင် စုစုပေါင်းပိဿာချိန် ၁၅၁ ပိဿာထုတ်လုပ်ကြောင်း၊ လုပ်သား(၂) ဦးဖြင့် ပုံမှန်လည်ပတ်နိုင်အောင် ဆောင်ရွက်ထားရှိကြောင်း၊ ကုန်ကြမ်းဖြစ်သော မြေပဲဆီဆံ ၁ ပိဿာလျှင် (၅၅၀၀) ကျပ်နှုန်းနှင့် နှမ်း ၁ ပိဿာလျှင် (၅၅၀၀) ကျပ်နှုန်းတို့ဖြင့် ပေါင်းတည်မြို့နယ်နှင့် ပြည်မြို့နယ်ရှိ ပွဲရုံများမှ ဝယ်ယူကြိတ်ခွဲရပြီး မြေပဲဆီဆံ ၁ ပိဿာလျှင် ဆီ ၃၈/၄၀ ကျပ်သား ၊ နှမ်း ၁ ပိဿာလျှင် ဆီ၄၂ ကျပ်သားထွက်ရှိပြီး ၁ လလျှင် စုစုပေါင်း ပျှမ်းမျှဆီပိဿာ ၄၀၀ ပိဿာခန့်ထုတ်လုပ်နိုင်၍ ဆီကန်များကိုလည်း သီးသန့်ထားရှိကြောင်း၊ ဈေးကွက်ရောင်းချဖြန့်ဖြူးမှုအနေဖြင့် တိုင်းသမဦးစီးဌာန၏ ညွှန်ကြားချက်များအရ သမအသင်းဌာနသို့ မြေပဲဆီ ၁ ပိဿာလျှင် ၁၃၀၀၀ ကျပ်၊ နှမ်းဆီ ၁ ပိဿာလျှင် ၁၂၀၀၀ ကျပ်နှုန်းဖြင့် ရောင်းချကြောင်း၊ နှမ်းဖက်/ပဲဖက်များကို မြို့နယ် စားသုံးများကဝယ်ယူပြီး နှမ်းဖက် ၁ ပိဿာလျှင် ၂၁၀၀ ကျပ်နှုန်း၊ မြေပဲဖက် ၁ ပိဿာလျှင် ၂၆၀၀ ကျပ်နှုန်းဖြင့် ရောင်းချကြောင်း တွင်ကျယ်စွာကြိတ်ခွဲနိုင်ပါက ပဲ/နှမ်း ဒိုင်များသို့ တင်ပို့ရန်ဈေးကွက်ရှိပါကြောင်းသိရှိရပါသည်။

DOCA(ပဲခူး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးရုံး၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ တာဝန်ရှိသူများသည်  စားသုံးသူအခွင့်အရေးနှင့် အကျိုးစီးပွားကိုကာကွယ်ရန်အတွက်ရည်ရွယ်၍ (၂၄-၁-၂၀၂၃)ရက်နေ့၊ နံနက် (၁၀:၀၀)နာရီအချိန်တွင် ပခုက္ကူမြို့နယ် ကျွန်ညို(ရွာသစ်)ကျေးရွာ အ-မ-က စာသင်ကျောင်း၌ စားသုံးသူကာကွယ်ရေး အသိပညာပေးဟောပြောပွဲပြုလုပ်ခဲ့ရာ ဆရာ/ဆရာမ(၄)ဦး၊ ကျောင်းသား/ကျောင်းသူ (၂၅) ဦးနှင့် ကျောင်းသားမိဘ (၂၅) ဦး စုစုပေါင်း (၅၄) ဦးတို့ တက်ရောက်ခဲ့ကြပါသည်။

      အသိပညာပေးဟောပြောပွဲတွင် ကျွန်းညို(ရွာသစ်) အ-မ-က စာသင်ကျောင်းမှ ကျောင်းအုပ်ဆရာမကြီး ဒေါ်ခင်ဆွေအောင်က ကြိုဆိုနှုတ်ခွန်းဆက်စကားပြောကြားခဲ့ပြီး ဒု-ဦးစီးမှူး ဒေါ်မြင့်မြင့်သန်းက ဌာန၏သမိုင်းကြောင်း၊ ဌာန၏မျှော်မှန်းချက်၊ ရည်မှန်းချက်များနှင့် ဆောင်ရွက်နေသည့်လုပ်ငန်းများအကြောင်းကို ရှင်းလင်းပြောကြားခဲ့ပါသည်။ ဆက်လက်ပြီး ဒု-ဦးစီးမှူး ဦးဇော်မင်းဦးက စားသုံးသူကာကွယ်ရေး၊ စားသုံးသူ၊ ကုန်စည်၊ ဝန်ဆောင်မှုများ၏အဓိပ္ပါယ်များနှင့် အခန်း(၁၈)ပါ ကုန်စည်များတွင် ဖော်ပြရမည့်ကုန်အညွှန်းအမှတ်အသားများကို နမူနာပစ္စည်းများပြသ၍ ကျယ်ကျယ်ပြန့်ပြန့်ရှင်းလင်းခဲ့ပြီး ကုန်အညွှန်းအမှတ်အသားမပါလျှင် ဝယ်ယူစားသောက်ရောင်းချခြင်းမပြုသင့်ကြောင်း၊ ကုန်အညွှန်းအမှတ်အသားပြည့်စုံမှသာလျှင် သုံးစွဲသင့်ကြောင်း ရှင်းလင်းဆွေးနွေးခဲ့ပါသည်။

     ဆက်လက်ပြီး ဒု-ဦးစီးမှူး ဒေါ်မြင့်မြင့်သန်းက စားသုံးသူကာကွယ်ရေးဥပဒေ(၂၀၁၉)၊ အခန်း (၉)ပါ စားသုံးသူများတွင်ရရှိနိုင်မည့်အခွင့်အရေးများနှင့် လိုက်နာရမည့်တာဝန်များ ကုန်စည်နှင့်ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုများဖြစ်ပေါ်လာပါက ပြောရေးဆိုခွင့်နှင့် တိုင်ကြားနိုင်ခွင့်များ၊ ပြန်လည်ကုစားနိုင်ခွင့်များနှင့် CICC ရုံးများဖွင့်လှစ်ထားရှိပြီးဖြစ်၍ နစ်နာသည့်စားသုံးသူများက တိုင်ကြားနိုင်ကြောင်း၊ Facebook စာမျက်နှာ၊ DOCA Myanmar Mobile Application နှင့် Consumer Call Center (1535) တို့တွင်လည်း တိုင်ကြားနိုင်ကြောင်းတို့ကို အကျယ်တဝင့်ရှင်းလင်း ဆွေးနွေးခဲ့ပြီး စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

       ထို့အတူ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံ ဦးဇော်နေလင်းသည် (၂၄-၁-၂၀၂၃) ရက်နေ့၊ နေ့လယ် (၁၃:၀၀)နာရီအချိန်တွင် စားသုံးသူအခွင့်အရေးနှင့် အကျိုးစီးပွားကို ကာကွယ်ရန်အတွက်ရည်ရွယ်၍ ဆိပ်ဖြူမြို့ အ-မ-က(ယောဝ) စာသင်ကျောင်းတွင် စားသုံးသူကာကွယ်ရေး အသိပညာပေးဟောပြောပွဲပြုလုပ်ခဲ့ရာ ဆရာ/ဆရာမ(၁၂)ဦးနှင့် ကျောင်းသား/ကျောင်းသူ (၁၄၈)ဦး စုစုပေါင်း (၁၆၀)ဦး တက်ရောက်ခဲ့ကြပါသည်။

      အဆိုပါ အသိပညာပေးဟောပြောပွဲတွင် ကျောင်းအုပ်ဆရာမကြီးက အဖွင့်အမှာစကားပြောကြားခဲ့ပြီး မြို့နယ်တာဝန်ခံ ဦးဇော်နေလင်းက စားသုံးသူကာကွယ်ရေးဥပဒေ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ပြစ်မှုပြစ်ဒဏ်များ အခန်း(၁၈)ပါ ကုန်အညွှန်းအမှတ်အသားနှင့်စပ်လျဉ်းသည့်အကြောင်းအရာများ၊ စားသုံးသူများ ကုန်စည်နှင့်ဝန်ဆောင်မှုကို ဝယ်ယူသုံးစွဲရာတွင် နစ်နာဆုံးရှုံးမှုများဖြစ်ပေါ်လာပါက ပြောရေးဆိုခွင့်၊ တိုင်ကြားနိုင်ခွင့်နှင့် ကုစားနိုင်ခွင့်များသိရှိစေရန် အကျယ်တဝင့်ဆွေးနွေးရှင်းလင်းခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များဖြန့်ဝေခဲ့ကြောင်းသိရှိရပါသည်။

DOCA(မကွေး)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဝန်ထမ်းများသည် (၂၄-၁-၂၀၂၃)ရက်နေ့၊ နံနက် (၀၉:၀၀) နာရီအချိန်တွင် ပခုက္ကူမြို့ နယ် ဆယ်ရွာကျေးရွာ၊ အ-မ-က (၅၆) ကျောင်းတွင် စားသုံးသူကာကွယ်ရေးအသိပညာပေး ဟောပြောပွဲပြုလုပ်ခဲ့ရာ ကျောင်းသား/ကျောင်းသူ (၇၀) ဦး၊ကျောင်းသားမိဘ (၆၅) ဦးနှင့် ဆရာ/ဆရာမ (၈) ဦး၊ စုစုပေါင်း (၁၄၃) ဦးတို့ တက်ရောက်ခဲ့ကြပါသည်။

       ဟောပြောပွဲတွင် ကျောင်းအုပ်ဆရာမကြီး ဒေါ်မြင့်ခိုင်က ကြိုဆိုနှုတ်ခွန်းဆက်စကားပြောကြားခဲ့ပြီး ဦးစီးမှူး ဒေါ်ကြည်ကြည်စိုးက ဌာန၏သမိုင်းကြောင်း၊ ဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များနှင့် ယခုဌာနက ဆောင်ရွက်နေသည့်လုပ်ငန်းများအကြောင်း၊ စားသုံးသူကာကွယ်ရေး၊ စားသုံးသူ၊ ကုန်စည်၊ ဝန်ဆောင်မှုများ၏အဓိပ္ပါယ်များအား ရှင်းလင်းခြင်း၊ စားသုံးသူကာကွယ်ရေး အခန်း (၁၈)ပါ ကုန်အညွှန်းအမှတ်အသားများတွင် ထည့်သွင်းဖော်ပြရမည့် အချက်(၈)ချက်အား တက်ရောက်လာသည့် ဆရာ/ဆရာမ၊ ကျောင်းသား/ ကျောင်းသူများနှင့် မိဘပြည်သူများအား ရှင်းလင်းလွယ်ကူသိသာစေရန် နမူနာပစ္စည်းများပြသ၍ ကျယ်ကျယ်ပြန့်ပြန့်ရှင်းလင်းခဲ့ပြီး ယခုကဲ့သို့ ကုန်အညွှန်းအမှတ်အသားများမပါလျှင် ဝယ်ယူ၊ စားသောက်၊ ရောင်းချခြင်းမပြုသင့်ကြောင်း၊ ကုန်အညွှန်းအမှတ်အသားများ ပြည့်စုံမှသာလျှင် ရောင်းချစေချင်၊ သုံးစွဲစေလိုကြောင်း၊ စားသုံးသူမိဘပြည်သူများက တိကျစွာလိုက်နာဆောင်ရွက်ရန်လိုအပ်ကြောင်း၊ စားသုံးသူမိဘပြည်သူများကို အသိပညာပေးခြင်းသာမက လုပ်ငန်းရှင်များထံသို့ပါ ကုန်အညွှန်းအမှတ်အသားတွင် ထည့်သွင်းရမည့်အချက်များပါဝင်နိုင်ရေး ဌာနမှသွားရောက်ဆွေးနွေးအသိပညာပေးကြောင်း၊ သို့မှသာ ကုန်ပစ္စည်းများတွင် ထည့်သွင်းရမည့်အချက်များပါဝင်လာပြီး စားသုံးသူများအတွက် လုံခြုံစိတ်ချရသည့် ကုန်ပစ္စည်းများထုတ်လုပ်နိုင်မည်ဖြစ်ကြောင်း သို့မှသာ စားသုံးသူမိဘပြည်သူများ ဘေးအန္တရာယ်ကင်းရှင်းစွာ စားသုံးနိုင်မည်ဖြစ်ကြောင်းများကို ရှင်းလင်းဆွေးနွေးခဲ့ပါသည်။

       ဆက်လက်၍ ဒုဦးစီးမှူး ဒေါ်ပပရွှေက အခန်း (၉) ပါ စားသုံးသူများရရှိသည့်အခွင့်အရေး (၈) ချက်ကို စားသုံးသူပြည်သူများ သိရှိနားလည်စေရန် ဥပမာများဖြင့် ရှင်းလင်းခြင်းနှင့် လိုက်နာရမည့်တာဝန်များကို ဆွေးနွေးပြောကြားခဲ့ပြီး စားသုံးသူအခွင့်အရေးများကိုသိရှိမှသာ မိမိတို့အခွင့်အရေးများကို တောင်းခံနိုင်မည်ဖြစ်ကြောင်း၊ စားသုံးသူများလိုက်နာရမည့် တာဝန်များကိုလည်း တိတိကျကျလိုက်နာရန် လိုအပ်ကြောင်းများကိုလည်း ရှင်းလင်းဆွေးနွေးပြောကြားခဲ့ပါသည်။

          ဆက်လက်၍ ဦးစီးမှူး ဒေါ်ကြည်ကြည်စိုးက မိဘပြည်သူများသည် အခွင့်အရေးများကိုသိရှိပြီး နစ်နာဆုံးရှုံးမှုရှိခဲ့လျှင် တိုင်ကြားနိုင်ရန် စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ “CICC” ရုံးများဖွင့်လှစ်ထားရှိပြီးဖြစ်ကြောင်း၊ ၎င်းရုံးများတွင် တိုင်ကြားနိုင်ကြောင်း၊ ထို့အပြင် Facebook စာမျက်နှာတွင်လည်းကောင်း၊ DOCA Myanmar Mobile Application တွင်လည်းကောင်း၊ Consumer Call Center (1535) တွင်လည်းကောင်း တိုင်ကြားနိုင်ကြောင်း၊ တက်ရောက်လာသည့် မိဘပြည်သူများ၊ ဆရာ/ဆရာမများနှင့် ကျောင်းသား/ကျောင်းသူများက သိရှိလိုသည်များကိုမေးမြန်းခဲ့ရာ ပြန်လည်ဖြေကြားခဲ့ပြီး လက်ကမ်းစာစောင်များလည်း ဖြန့်ဝေခဲ့ကြောင်းသိရှိရပါသည်။

DOCA(မကွေး)

         နိုင်ငံ့စီးပွားမြှင့်တင်ရေးရန်ပုံငွေဖြင့်ဆောင်ရွက်မည့် တစ်နိုင်ငံလုံး စိုက်ပျိုးမည့် နွေစပါးစိုက်ဧက (၈၅၀,၀၀၀)တွင် မကွေးတိုင်းဒေသကြီးမှ  ဧက(၂၅၀၀၀)စိုက်ပျိုးရန်သတ်မှတ်ခဲ့ပြီး ပွင့်ဖြူမြို့နယ် အနေဖြင့် ဧက(၁၅၀၀၀) စိုက်ပျိုးရန် လျာထားခဲ့ရာ အချိန်မီလုပ်ငန်းများ အဆင်ပြေချောမွေ့စွာ အကောင်အထည်ဖော် ဆောင်ရွက်နိုင်ရန်အတွက် မြို့နယ်စီမံအုပ်ချုပ်ရေးအဖွဲ့၊ စိုက်ပျိုးရေးဦးစီးဌာန၊ ဆည်မြောင်းနှင့်ရေအသုံးချရေးစီမံခန့်ခွဲမှုဦးစီးဌာန၊ လယ်ယာဖွံ့ဖြိုးရေးဘဏ်၊ ကျေးလက်ဒေသဖွံ့ဖြိုးရေးဦးစီးဌာန၊ သမဝါယမဦးစီးဌာနနှင့်စားသုံးသူရေးရာဦးစီးဌာနတို့ပါဝင်သော မြို့နယ်အဆင့် လုပ်ငန်းကြီးကြပ်မှုကော်မတီအဖွဲ့မှ (၂၁.၁.၂၀၂၃) ရက်နေ့ နေ့လည်(၁၃:၀၀)နာရီအချိန်တွင် ဖလံတောကျေးရွာ အုပ်စုသို့ သွားရောက်ကွင်းဆင်း၍ စိုက်ပျိုးမည့်တောင်သူများနှင့် ဆွေးနွေးခဲ့ပါသည်။

           အဆိုပါဆွေးနွေးပွဲတွင် မြို့နယ်အဆင့်လုပ်ငန်းကြီးကြပ်မှုကော်မတီမှ  ပွင့်ဖြူမြို့နယ်သည် မဲဇလီ ရေလွှဲဆည်မှတဆင့် တောင်မုန်းမြောင်းမကြီးနှင့် မြောက်မုန်းမြောင်းမကြီး နှစ်သွယ်မှ ဆည်ရေများ ရရှိပြီး ရေခံမြေခံကောင်းများရှိပါသဖြင့် မကွေးတိုင်းဒေသကြီး၏ နွေစပါးစိုက်ဧက (၅)ပုံ (၃)ပုံအား  တာဝန်ယူစိုက်ပျိုးရခြင်း ဖြစ်ပါကြောင်း၊ တောင်သူတစ်ဦး ခေါင်းဆောင်သော (၁၀)ဦးအဖွဲ့ (၁)ဖွဲ့  ဖွဲ့ပေး ခြင်းများအားလည်း အချိန်နှင့်တစ်ပြေးညီ အမြန်ဆုံးဖွဲ့စည်းပေးနိုင်ရေး၊ သွင်းအားစုများကိုလည်း တောင်သူလက်ဝယ်အမြန်ရရှိနိုင်ရေး၊ သွင်းအားစုကုမ္ပဏီများနှင့်လုပ်ဆောင်ရမည့်အချက်များ၊ နွေစပါးပေါ်ချိန်တွင် ဝယ်ယူကြိတ်ခွဲမည့် အဖွဲ့မှဝယ်ယူမည့်အစီအစဉ်များ၊ ဆည်မြောင်းမှရေပေးဝေမှု အခြေအနေများ၊ စီမံကိန်းတွင် တောင်မုန်း မြောင်းမကြီး ဆည်ရေသောက်ဧရိယာမှာ ကျေးရွာအုပ်စု(၂၀)၊ ကွင်းပေါင်း(၇၉)ကွင်း၊ ဦးပိုင် ပေါင်း(၆၆၃၃) နှင့် ဧကပေါင်း(၁၅၀၀၀) စိုက်ပျိုးရမှာဖြစ်ပါကြောင်း မိမိတို့မြို့နယ်မှ တောင်သူများ အားလုံးပူးပေါင်းပါဝင် ပေးကြပါရန်နှင့်  စီမံကိန်းပါ အချက်အလက်များ အား အသေးစိတ်ရှင်းလင်း ဆွေးနွေးခဲ့ပါသည်။

            ပွင့်ဖြူမြို့နယ် နွေစပါးစီမံကိန်းတွင် ပါဝင်သောစိုက်ပျိုးမည့် တောင်သူများအနေဖြင့် တောင်သူအစုအဖွဲ့များဖွဲ့၍ စိုက်ပျိုးထုတ်လုပ်ရောင်းချခြင်းဖြင့် မှန်ကန်သော မျိုး၊ မြေဩဇာများကို အရင်းအနှီး စိုက်ထုတ်ရန်မလိုဘဲ နိုင်ငံတော်မှ တစ်ဧက လျှင်ကျပ်(၂)သိန်းနှုန်း ထုတ်ချေးမည့်ငွေမှ ကျခံသုံးစွဲ သွားမည့်ဖြစ်ကြောင်း၊ ရောင်းချသည့်အချိန်တွင်လည်း တစ်ဦးချင်းရောင်းချခြင်းမျိုးမဟုတ်ဘဲ ဌာနဆိုင်ရာများမှ ကြီးကြပ်၍ စက်ပိုင်အစုအဖွဲ့များသို့ ရောင်းချရမည်ဖြစ်၍ ဈေးနှုန်းမှန်ကန်ခြင်း အလေးချိန်မှန်ကန်ခြင်း အကျိုးကျေးဇူးများရရှိမည်ဖြစ်ကြောင်း၊ နိုင်ငံတော်ဖွံ့ဖြိုးတိုးတက်ရေးတွင် တစ်ဖက်တစ်လမ်းမှ ပါဝင်ရမည် ဖြစ်၍ “ကုသိုလ်လဲရ ဝမ်းလည်းဝ” ၍ အကျိုးကျေးဇူးများမည် ဖြစ်ကြောင်း လေ့လာသိရှိရပါသည်။

DOCA(မကွေး)