သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး ဖျာပုံခရိုင်ဦးစီးမှူးရုံး၊ စားသုံးသူရေးရာဦးစီးဌာနမှ ဝန်ထမ်းများသည် ကျန်းမာရေးဦးစီးဌာနတို့နှင့်ပူးပေါင်း၍ ၂၀၂၅ခုနှစ် ဇူလိုင်လ (၂၃)ရက်နေ့ မနက်(၁၀:၀၀)နာရီအချိန်တွင် ဖျာပုံမြို့ တပ်မြေ အမက(၁)ကျောင်းရှိ ကျောင်းသူ/သားများအား စားသုံးသူကာကွယ်ရေး အသိပညာပေး ဟောပြောခြင်းကို ပြုလုပ်ဆောင်ရွက်ခဲ့ပါသည်။

   အဆိုပါဟောပြောပွဲတွင် စားသုံးသူယဉ်ကျေးမှု ထွန်းကားစေရေးအတွက် စားသုံးသူရေးရာဦးစီးဌာန အနေဖြင့် ကျောင်းဟောပြောပွဲများ၊ လုပ်ငန်းရှင်ဟောပြောပွဲများ၊ ပြည်သူလူထုသို့ အသိပညာပေးဟောပြော ခြင်းများကို စဉ်ဆက်မပြတ် ဆောင်ရွက်လျှက်ရှိရာ ယခုအခါတွင်လည်း အမက(၁)ရှိ ကျောင်းသူ/သားများအား စားသုံးသူအခွင့်အရေးနှင့်တာဝန်များကို သိရှိစေရန်ရည်ရွယ်ပါသည်။ထို့နောက် ကျောင်းသား/သူများ အနေဖြင့် ကုန်စည်နှင့်ဝန်ဆောင်မှုများကို ဝယ်ယူသုံးစွဲရာတွင် မြန်မာဘာသာ (သို့)အခြားဘာသာ တစ်ခုထက်ပို၍ ဖော်ပြထားသော ကုန်စည်များကိုရွေးချယ်ဝယ်ယူစားသုံးကြရန်နှင့် ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲတို့ကို သေချာလေ့လာဖတ်ရှုကြရန် အသိပညာပေး ဟောပြောခဲ့ပါသည်။စား သုံးသူများ နစ်နာဆုံးရှုံးမှု ဖြစ်ပေါ်လာပါက တိုင်ကြားနိုင်သည့် စင်တာများ တိုင်း/ခရိုင်/ မြို့နယ်များတွင်ဖွင့် လှစ်ထားရှိကြောင်းနှင့် Call Centre 1535 သို့ ဆက်သွယ်တိုင်ကြားနိုင်ကြောင်း အသိပညာပေး ဟောပြော ဆွေးနွေးခဲ့ပြီး ကျောင်းမုန့်ဈေးတန်းရှိ ရောင်းချနေသော မုန့်များကိုပါ စားသုံးသူဘေးအန္တရာယ်ကင်းရှင်းစေရေးအတွက် ဌာနဆိုင်ရာပူးပေါင်းအဖွဲ့ဖြင့် ကွင်းဆင်းစစ်ဆေး အသိပညာပေးခဲ့ကြောင်း သတင်းရရှိပါသည်။

(DOCA  ဧရာဝတီ)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ နေပြည်တော်ရုံးချုပ်မှ ပြုလုပ်သော ဝန်ထမ်းထုဆန္ဒဖော်ထုတ်ပွဲ အခမ်းအနားကို ပုသိမ်ခရိုင်၊ ငပုတောမြို့နယ်မှ တာဝန်ခံ ဦးဇော်မင်းဦးနှင့် ဝန်ထမ်းများသည် (၁၆.၇.၂၀၂၅) ရက်နေ့ နံနက်(၀၉:၃၀) နာရီအချိန်တွင် Zoom Meeting ဖြင့် ဝန်ထမ်းထုဆန္ဒဖော်ထုတ်ပွဲ အခမ်းအနားကို ပြုလုပ်ဆောင်ရွက်ခဲ့ပါသည်။

   ထိုသို့ဟောပြောရာတွင် ညွှန်ကြားရေးမှူးချုပ်မှ လမ်းညွှန်အမှာစကားပြောကြားပြီး Online shop လုပ်ငန်းနှင့်ပတ်သက်၍ဆောင်ရွက်ကြရန် အသေးစိတ်ရှင်းလင်းပြောကြားပြီး ဝန်ထမ်းများကိုလည်း အလုပ်နှင့်ပတ်သက်၍ အင်တိုက်အားတိုက်ကြိုးစားအားထုတ်ကြရန်လည်း ပြောကြားခဲ့ပါသည်။  ပြည်နယ်နှင့် တိုင်းများကိုလည်း မိမိတို့လိုအပ်ချက်များကို တင်ပြနိုင်ရန် အလှည့်ကြပြောကြားစေခဲ့ပြီး စီမံဌာနခွဲမှ ညွှန်ကြားရေးမှူးနှင့် ဒု-ညွှန်ကြားရေးမှူးချုပ်တို့ကလည်း လုပ်ငန်းလိုအပ်သည်များကို အသေးစိတ်ဆွေးနွေးကာ ပြည်နယ်နှင့် တိုင်းများရှိ ဝန်ထမ်းများကလည်း မိမိတို့၏လုပ်ဆောင်ချက်များအား အသီးသီးဆွေးနွေးတင်ပြခဲ့ကြလျက်  နေပြည်တော်ရုံးချုပ်မှပြုလုပ်သော ဝန်ထမ်းထု ဆန္ဒဖော်ထုတ်ပွဲ အခမ်းအနားကို နံနက် (၁၁:၄၀) နာရှိအချိန်တွင်  ရုတ်သိမ်းခဲ့ကြောင်း သိရှိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် အထွေထွေအုပ်ချုပ်ရေးဦးစီးဌာန၊ ကျန်းမာရေး ဦးစီးဌာနတို့နှင့် ပူးပေါင်း၍ ၂၀၂၅ ခုနှစ်၊ ဇူလိုင်လ(၂၁) ရက်နေ့၊ နံနက် (၁၀:၀၀) နာရီအချိန်တွင် ကျောင်းကုန်းမြို့နယ် အမှတ်(၂)အတွင်းရှိစားသောက်ဆိုင်အား ကွင်းဆင်း စစ်ဆေး ခဲ့ကြပါသည်။

    အဆိုပါကွင်းဆင်းစစ်ဆေးရာတွင် ရောင်းချနေသော စားသောက်ဆိုင်များရှိ စားဖိုဆောင် များတွင် စားသုံးသူဘေးအန္တရာယ်ကင်းရှင်းစေရေးအတွက် ထားရှိသော စားသောက်ကုန် ပစ္စည်းများလုံခြုံစွာ ဖုံးအုပ်ထားရှိမှုအခြေအနေ၊ အစားအစာများ ချက်ပြုတ်ရာတွင် အသုံးပြု သော အိုး၊ခွက်၊ဇွန်း၊ခရင်းများ သန့်ရှင်းသပ်ရပ်မှုရှိစေရေး၊ အသား/ငါး များကို လှီးဖြတ်ရာတွင် အသုံးပြုသော စဉ့်နှီးတုံးများ အား ဆေးကြော၍ စနစ်တကျ ထားရှိကြရန်နှင့် ထွက်ရှိလာသော စွန့်ပစ်ပစ္စည်းများအား စနစ်တကျ စွန့်ပစ်ကြရန်နှင့် ယင်ကောင်ကြောင့် ဖြစ်သော ဝမ်းပျက်/ ဝမ်းလျှော ကာလဝမ်း ရောဂါများ ဖြစ်ပွားမှုမရှိစေရေး အသိပညာပေး ကွင်းဆင်းစစ်ဆေးခဲ့ကြောင်း သိရသည်။

(DOCA  ဧရာဝတီ)

     ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနနှင့် မြိုနယ်အထွေထွေ  အုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဦးစီးဌာနတို့ပူးပေါင်း၍ ၂၀၂၅ ခုနှစ်၊ ဇူလိုင်လ (၂၁) ရက်နေ့၊ နံနက် (၁၀:၃၀) နာရီအချိန်တွင် ကျောင်းကုန်းမြို့နယ် အမှတ်(၁)အတွင်းရှိ စားသောက်ဆိုင်များအား ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

    အဆိုပါကွင်းဆင်းစစ်ဆေးရာတွင် ပူးပေါင်းအဖွဲ့မှ စားသောက်ဆိုင်များတွင် စားသောက်ကုန်အသီးအနှံများ၊ အသား/ငါးများကို ယင်မနားအောင်ဖုံးအုပ်ထားရန် ၊ စဉ်းနီတုံးများကို အသား/ငါးများ ခုတ်ပြီးပါက ဆေးကြောသန့်စင်၍ ဖုံးအုပ်ထားရန်နှင့် စားသောက်ဆိုင်ရှိ ဝန်ထမ်းများ၏ လက်သဲ များကို သန့်ရှင်းစွာ လှီးဖြတ်ထားရန်၊ အိုးခွက်ပန်းကန်များကို သန့်ရှင်း သပ်ရပ်စွာ ထားရှိရန် အသိပညာပေးဟောပြောဆွေးနွေးခဲ့ပါသည်။ ၎င်းအပြင် စွန့်ပစ်ထားသော အမှိုက်များကို အမှိုက်ပုံး ထဲသို့ ကျွတ်ကျွတ်အိတ်စွပ်၍ စွန့်ပစ်ရန်၊ မြောင်းများကို ရေစီးရေလာ ကောင်းမွန်အောင် ပြုလုပ် ဆောင်ရွက်ထားရန်နှင့် ယင်ကောင်မှတဆင့် ကူးစက်တတ်သော ဝမ်းပျက်/ဝမ်းလျောရောဂါများအကြောင်း အသိပညာပေးဆွေးနွေးခဲ့ပြီး အသိပညာပေး လက်ကမ်းစာစောင်များ ပေးဝေခြင်းတို့ကို ပြုလုပ်ခဲ့ကြောင်း သတင်းရရှိပါသည်။

(DOCA  ဧရာဝတီ)

       ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်ကိုနှင့် ဝန်ထမ်းတို့သည် ၂၀၂၅-ခုနှစ်၊ ဇူလိုင်လ (၂၁)ရက်နေ့ နံနက် (10:30)အချိန်တွင် မြို့နယ်အထွေထွေအုပ်ချုပ်ရေးဦးစီးဌာနရုံးတွင် ကျောင်းကုန်းမြို့နယ် ဆန်စပါး အသင်းဖွဲ့စည်းခဲ့ပါသည်။

          အဆိုပါဆွေးနွေးမှုတွင် ဥက္ကဌ တင်မြှောက်မည့်သူအား ရွေးချယ်တင်မြောက်၍ အမှုဆောင် အဖွဲ့ပြန်လည် ဖွဲ့စည်းခဲ့ပါသည်။ အဆိုပါဥက္ကဌရွေးချယ်တင်မြှောက်ပြီးနောက် အမှုဆောင်(၉)ဦး ဖြင့် ဖွဲ့စည်းခဲ့ကြောင်း သတင်းရရှိပါသည်။

(DOCA  ဧရာဝတီ)