သတင်းနှင့် လှုပ်ရှားမှုများ

          တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးနှင့်ဝန်ထမ်းများသည် မြိတ်မြို့၊ ဆိပ်ငယ်ရပ်၊ ဗိုလ်ချုပ်လမ်းရှိ WED အလှကုန်အမျိုးမျိုး အ‌ရောင်းဆိုင်သို့ သွားရောက်၍ သုံးစွဲသူပြည်သူများ ဘေးအန္တရာယ်ကင်းရှင်းရေးနှင့် ထုတ်ကုန်လုံခြုံစိတ်ချရမှုရှိစေရန်အတွက် ကွင်းဆင်းစစ်ဆေးခြင်းဆောင်ရွက်ခဲ့ကြပါသည်။

        ကွင်းဆင်းစစ်ဆေးရာတွင် WED အလှကုန်အမျိုးမျိုး အ‌ရောင်းဆိုင်ရှိ ကုန်ပစ္စည်းများကို စားသုံးသူဥပဒေပါကုန်အညွှန်းအမှတ်အသားအချက်အလက်များပြည့်စုံစွာပါရှိစေရန်နှင့်  သက်ဆိုင်ရာဝန်ကြီးဌာနထောက်ခံချက်နှင့် စျေးကွက်အတွင်း သုံးစွဲသူများအသုံးပြုရန်(သို့)သုံးစွဲရန်အာမခံ ချက်မရှိသောကုန်စည်များမရှိစေရေးအတွက် စီးပွားရေးလုပ်ငန်းရှင်များလိုက်နာရမည့်အချက်များ လိုက်နာဆောင်ရွက်ရန်ပြောကြားခြင်းနှင့် ကုန်အညွှန်းအမှတ်အသားဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခြင်းဆောင်ရွက်ခဲ့ကြောင်း သတင်းရရှိခဲ့ပါသည်။

DOCA(တနင်္သာရီ)

              စားသုံးသူရေးရာဦးစီးဌာ၊ ဗန်းမော်ခရိုင်ဦးစီးမှူးရုံးမှ စစ်ဆေးရေးမှူး ဒေါ်နှောင်းနှောင်းဝင်းနှင့်ဝန်ထမ်းများသည် ဗန်းမော်မြို့အတွင်းရှိ ကုန်မျိုးစုံအရောင်းဆိုင်(၅)ဆိုင်အား၁၉.၄.၂၀၂၂ ရက်နေ့ နှင့် ၂၀.၄.၂၀၂၂ ရက်နေ့များတွင် ဈေးကွက်စောင့်ကြည့် စစ်ဆေးခြင်းဆောင်ရွက်ခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာ Paris ဆပ်ပြာခဲများတွင် ကုန်အညွှန်းအမှတ်အသားပါ အလေးချိန်ဖော်ပြချက်နှင့် အမှန်တကယ်ပါဝင်သောအလေးချိန် ကိုက်ညီမှုရှိမရှိ စစ်ဆေးဆောင်ရွက်ခြင်း နှင့်စီးပွားရေးလုပ်ငန်းရှင်များ၏ လိုက်နာရမည့်တာဝန်များအား ရှင်းလင်းဆွေးနွေးခဲ့ပြီး ကုန်စည်အုပ်စုအလိုက် ကုန်အညွှန်းအမှတ်အသားဆိုင်ရာလက်ကမ်းစာစောင်များ ဖြန့်ဝေပေးခဲ့ပါသည်။

DOCA(ကချင်)

              ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊  သနပ်ပင်မြို့နယ် တာဝန်ခံ ဦးသိန်းဆွေသည် ဧပြီလ ၁၉ ရက်နေ့ နံနက်ပိုင်းက သနပ်ပင်မြို့ပေါ်ရှိ စက်ဆီ ၊ ချောဆီနှင့် ဆက်စပ် ရေနံထွက်ပစ္စည်းအ‌ရောင်းဆိုင်များသို့ သွားရောက်၍ စက်ဆီ ၊ ချောဆီနှင့် ရေနံထွက်ပစ္စည်း အတုအပများ ‌ရောင်းချမှုမရှိစေရေး ကွင်းဆင်း ကြည့်ရှုစစ်ဆေးခဲ့ပါသည်။

          အဆိုပါ ကွင်းဆင်းစစ်ဆေးခြင်းများဆောင်ရွက်ရာတွင် သနပ်ပင်မြို့နယ်တာဝန်ခံမှ လုပ်ငန်းရှင် များအနေဖြင့် မိမိတို့ရောင်းချမည့် စက်ဆီ ၊ ချောဆီနှင့် ဆက်စပ်ရေနံထွက်ပစ္စည်းများ ‌ရောင်းချမည် ဆိုပါက စီးပွားရေးကျင့်ဝတ် စည်းကမ်းများနှင့်အညီ ရောင်းချကြရန် ၊ သတ်မှတ် အရည်အသွေး ပြည့်မီသော ကုန်ပစ္စည်းများသာ ရောင်းချကြရန် ၊ စက်ဆီ ၊ ချောဆီနှင့် ဆက်စပ်ရေနံထွက်ပစ္စည်းများ တင်သွင်း ၊ ထုတ်လုပ် ၊ ဖြန့်ဖြူး‌ရောင်းချခြင်းနှင့်စပ်လျဉ်း၍ အတုအပပြုလုပ်ခြင်း ၊ စျေးကွက်အတွင်း တရားမဝင် ဖြန့်ဖြူးရောင်းချခြင်းများ မပြုလုပ်ကြရန် ၊ အသိပညာပေး ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ပဲခူး)

           ပဲခူးတိုင်းဒေသကြီးအတွင်းရှိ စက်သုံးဆီစျေးနှုန်းများ ပြောင်းလဲဖြစ်ပေါ်နေသော အခြေအနေများကြောင့် ၁၉.၄.၂၀၂၂ ရက်နေ့တွင် သက်ဆိုင်ရာခရိုင်ဦးစီးမှူးနှင့်အဖွဲ့များသည် မိမိတို့ခရိုင်အတွင်း စက်သုံးဆီဆိုင်များအား ကွင်းဆင်းစိစစ်ခဲ့ပါသည်။

         ထိုသို့ကွင်းဆင်းစစ်ဆေးခြင်းများဆောင်ရွက်ရာတွင် ဆီဆိုင်လုပ်ငန်းရှင်များအနေဖြင့် ပြည်ပမှ ဆီအဝင်မရှိ၍လည်းကောင်း၊ ရန်ကုန်မှ စက်သုံးဆီများဝယ်ယူ၍ မရခြင်းကြောင့်လည်းကောင်း ၊ လက်ကျန် ကျန်ရှိနေသော စက်သုံးဆီများအား ထိန်း၍ရောင်းနေရခြင်း၊ ‌ရောင်းချမှုအား အိမ်စီးကား ၊ ကုန်တင်ကား ၊ ခရီးသွားကားများ ၊ မော်တော်ဆိုင်ကယ်များအား ရောင်းချပေးလျက်ရှိပြီး တစ်ဦး /တစ်စီးလျှင် (၅၀၀၀၀) ကျပ်ဖိုး ၊ အများဆုံးငွေကျပ် (၁၀၀၀၀၀)ကျပ်ဖိုးထက် ပိုမို‌ရောင်းချ၍ မပြုခြင်း၊ ပုံးဆွဲ ၊ ပီပါဆွဲများဖြင့် ဝယ်ယူမှုကို ရောင်းချပေးခြင်းမရှိခြင်း ၊ အချို့ဆီဆိုင်များတွင် အချိန်ကန့်သတ်၍ ရောင်းချခြင်း ၊ ဆီဆိုင်များအနေဖြင့် ပုံမှန်အတိုင်းရောင်းချပါက ပြတ်လပ်မှုမရှိနိုင်သော်လည်း ကောလဟာလ သတင်းများကြောင့် ယခင်ထက်ပိုမိုဝယ်ယူသည့် ပမာဏများပြားပြီး ရန်ကုန်မြို့ရှိ သက်ဆိုင်ရာ စက်သုံးဆီ ကုမ္ပဏီများမှ ဝယ်ယူရရှိမှုပေါ် အခြေခံ၍ စက်သုံးဆီလုံလောက်စွာ ဖြန့်ဖြူး‌ရောင်းချနိုင်မည် ဖြစ်ကြောင်းသတင်းရရှိပါသည်။

DOCA(ပဲခူး)

        ပဲခူးတိုင်းဒေသကြီ၊ စားသုံးသူရေးရာဦးစီးဌာန၊ ပဲခူးတိုင်းဒေသကြီး ဦးစီးမှူးရုံး အစည်းအဝေးခန်းမ၌ ဧပြီလ ၄ ရက်နေ့ ၊ နေ့လည် (၂:၀၀) နာရီအချိန်တွင် တိုင်းဒေသကြီးစားသုံးသူရေးရာကော်မတီ (၁/၂၀၂၂) အစည်းအဝေးပြုလုပ်ခဲ့ရာ  ဉက္ကဋ္ဌ၊ အတွင်းရေးမှူး၊ အဖွဲ့ဝင် (၄) ဦးနှင့် တိုင်းဒေသကြီးဦးစီးမှူးရုံးမှ (၅) ဦးတက်ရောက်၍ ကျင်းပပြုလုပ်ခဲ့ပါသည်။

        အဆိုပါ အစည်းအဝေးတွင် ပဲခူးတိုင်းဒေသကြီး၊ စားသုံးသူရေးရာကော်မတီဉက္ကဋ္ဌ၊ စီးပွားရေးရာ ဝန်ကြီး ဦးတင်ဦးက အဖွင့်အမှာစကားပြောကြားခဲ့ပြီး တိုင်းဒေသကြီးစားသုံးသူရေးရာကော်မတီ အတွင်းရေးမှူး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ ပြဌာန်းထားသောနည်းဉပဒေဆိုင်ရာ ကိစ္စရပ်များ၊ စားသုံးသူသတင်းကွန်ယက်ဖွဲ့စည်းထားရှိမှု အခြေအနေများကို ရှင်းလင်းဆွေးနွေးခြင်း၊ စားသုံးသူရေးရာဌာနခွဲတာဝန်ခံမှ စားသုံးသူကာကွယ်ရေးလုပ်ငန်းဆောင်ရွက်ချက်များ၊ တိုင်ကြားမှုနှင့် ဖြေရှင်းဆောင်ရွက်ချက်များအား ကော်မတီအဖွဲ့ဝင်များသို့ တင်ပြ၍ ကော်မတီ၏ဆုံးဖြတ်ချက်၊ အတည်ပြုချက်၊ အကြံပြုချက်များပေးနိုင်ရေးအတွက် ရှင်းလင်းဆွေးနွေးတင်ပြခဲ့ရာ တက်ရောက်လာသည့် ကော်မတီအဖွဲ့ဝင်များမှ ပြန်လည်ဆွေးနွေးခဲ့ပြီး စားသုံးသူကာကွယ်ရေးလုပ်ငန်းများတွင် ပူးပေါင်းပါဝင် ဆောင်ရွက်သွားမည်ဖြစ်ကြောင်း စသည်ဖြင့် ဆွေးနွေးခဲ့ကြောင်း သတင်းရရှိပါသည်။

DOCA(ပဲခူး)