သတင်းနှင့် လှုပ်ရှားမှုများ

(၉-၁၀-၂၀၂၄)ရက်နေ့၊ နေ့လယ်(၁၆:၀၀)နာရီအချိန်တွင် အထွေထွေအုပ်ချုပ်ရေးဦးစီးဌာန၏ ဦးဆောင်မှုဖြင့် စားအုန်းဆီကိုယ်စားလှယ်များထံတွင် ဆီလက်ကျန်ထားရှိမှုရှိ/မရှိ ရှောင်တခင်ကွင်းဆင်းစစ်ဆေးခဲ့ပါသည်။ ထိုသို့ကွင်းဆင်းစစ်ရာတွင် အမှတ်(၂/၃)၊ သံမဏီစက်ရုံလမ်း၊ ရွာမအလယ်ရပ်ကွက်၊ အင်းစိန်မြို့နယ်ရှိ စားအုန်းဆီကိုယ်စားလှယ်ထံတွင် ဆီလက်ကျန်ရှိ/ မရှိအား မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာနနှင့် ရပ်ကွက်အုပ်ချုပ်ရေးမှူးများက ပူးပေါင်းစစ်ဆေးဆောင်ရွက်ခဲ့ရာ ခွဲဝေပေးမှုစာရင်းများအားစစ်ဆေးခြင်း၊ ဆီလက်ကျန်ထားရှိမှုကိုစစ်ဆေးခြင်းနှင့် ဆီလက်ကျန်ထားရှိပါက တရားဥပဒေအရအရေးယူ ဆောင်ရွက်သွားမည်ဖြစ်ကြောင်း၊ စားအုန်းဆီကိုယ်စားလှယ်အား သတ်မှတ်ရည်ညွှန်းဈေးထက်ကျော်လွန်၍ ရောင်းချမှုမရှိစေရေးနှင့် ဌာနဆိုင်ရာများအနေဖြင့်လည်း ရှောင်တခင်စစ်ဆေးသွားမည်ဖြစ်ကြောင်း အသိပညာပေးဆွေးနွေးပြောကြားခဲ့ကြောင်းသိရှိရပါသည်။ DOCA(ရန်ကုန်)