သတင်းနှင့် လှုပ်ရှားမှုများ

  ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည်(၁၁.၁၀.၂၀၂၃)ရက်နေ့ နံနက်(၁၁:၀၀)နာရီအချိန်တွင် ဗန်းမော်ခရိုင်ဦးစီးမှူးရုံး၌ စိုက်ပျိုးရေးသုံးပစ္စည်းနှင့်သွင်းအားစုများရောင်းချသည့်    စီးပွားရေးလုပ်ငန်းရှင်(၄)ဦးနှင့်တွေ့ဆုံဆွေးနွေးခဲ့ပါသည်။

 ထိုသို့ဆွေးနွေးရာတွင် ခရိုင်ဦးစီးမှူးက စားသုံးသူကာကွယ်ရေးဥပဒေပါစီးပွားရေးလုပ်ငန်းရှင်၏အဓိပ္ပာယ်ဖွင့်ဆိုချက်၊ စားသုံးသူကာကွယ်ရေးဥပဒေ၂၀၁၉၊အခန်း(၁၈)ပါကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်နှင့်အညီ သိသာထင်ရှားစွာ ဖော်ပြရမည့်အချက်များ၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များလိုက်နာ ရမည့်တာဝန်များ၊ ကုန်အညွှန်းအမှတ်အသားဖော်ပြခြင်းဆိုင်ရာအချက်များနှင့် ကိုက်ညီမှုမရှိသည့် ကုန်စည်ကိုထုတ်လုပ်ခြင်း၊ ရောင်းချခြင်းမပြုရန်နှင့်ဖောက်ဖျက်ကျူးလွန်ပါက စားသုံးသူကာကွယ်ရေး ဥပဒေအရပြစ်ဒဏ်ကျခံရမည်ဖြစ်ကြောင်း ရှင်းလင်းဆွေးနွေးပြောကြားခဲ့ပါသည်။

DOCA(ကချင်)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီးဦးစီးမှူး၏လမ်းညွှန်ချက်၊ ကန့်ဘလူခရိုင်ဦးစီးမှူး၏ကြီးကြပ်မှုတို့ဖြင့် ကျွန်းလှမြို့နယ်တာဝန်ခံ ဒေါ်ဝေဝေအောင်သည် စားသုံးသူပြည်သူများကို စားသုံးသူအခွင့်အရေးနှင့်အကျိုးစီးပွားကာကွယ်ရန်၊ ဘေးအန္တရာယ်ကင်းရှင်းစေရန်၊ ကျန်းမာရေး၊ ထုတ်ကုန်များလုံခြုံစိတ်ချရမှုရှိစေရန်တို့အတွက် (၁၀-၁၀-၂၀၂၃)ရက်နေ့၊ နံနက် (၀၈း၃၀) နာရီအချိန်တွင်  ကျွန်းလှမြို့နယ်၊ ဇီးတောကျေးရွာ၊ာ  အ.မ.က(မူလတန်း) ကျောင်းတွင်  စားသုံးသူအကာအကွယ်ပေးရေးအသိပညာပေးဟောပြောခဲ့ပါသည်။

      အဆိုပါ အသိပညာပေးဟောပြောပွဲတွင် ကျောင်းအုပ်ဆရာမကြီး ဒေါ်မိုးမိုးက ကြိုဆိုနှုတ်ခွန်းဆက်စကားပြောကြားခဲ့ပြီးနောက် မြို့နယ်တာဝန်ခံ ဒေါ်ဝေဝေအောင်က  စားသုံးသူအခွင့်အရေးများနေ့ဖြစ်ပေါ်လာပုံ၊ စားသုံးသူရေးရာဦးစီးဌာနပေါ်ပေါက်လာပုံအဆင့်ဆင့်အကြောင်း၊ စားသုံးသူကာကွယ်ရေးဥပဒေ ကို ၂၀၁၉ခုနှစ်၊ မတ်လ (၁၅)ရက်နေ့၌ပြဋ္ဌာန်းခဲ့ပြီး အခန်းပေါင်း(၂၅)ခန်း၊ ပုဒ်မပေါင်း(၈၄)ခုပါဝင်ပြဋ္ဌာန်းထားကြောင်း၊ စားသုံးသူကာကွယ်ပေးရေးဥပဒေပြဋ္ဌာန်းရခြင်း၏ရည်ရွယ်ချက်၊ စားသုံးသူကာကွယ်ရေးဥပဒေပါ စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူကာကွယ်ရေး၏အဓိပ္ပါယ်ဖွင့်ဆိုချက်၊ စားသုံးသူအခွင့်အရေး(၈)ချက်၊ စားသုံးသူအကာကွယ်ပေးရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) နှင့်အညီ ပြည့်စုံစွာထည့်သွင်းဖော်ပြ၍  ထုတ်လုပ်ဖြန့်ဖြူးသည့်ကုန်ပစ္စည်းများကိုသာ ဝယ်ယူစားသောက်အသုံးပြုတတ်ရန်၊ စားသုံးသူများလိုက်နာဆောင်ရွက်ရမည့်တာဝန်များနှင့် စားသုံးသူနစ်နာဆုံးရှုံးမှုရှိလျှင် တိုင်ကြားနိုင်ပါကြောင်း၊ တိုင်ကြားနိုင်သည့်နေရာများဖြစ်သည့် Facebook Page ဖြစ်သော DOCA Myanmar Page တွင်လည်းကောင်း၊ မိမိတို့ခရိုင်ဦးစီးမှူးရုံး၊ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) တွင်လည်းကောင်း၊ မိမိတို့ဌာန၏ Website  www. doca. gov. mm တွင်လည်းကောင်း၊ MPT ; mytel ;  Atom ;  Oredoo  ; SIM Card User များအားလုံး Call Center No. (1535) တို့တွင် ပြေစာအထောက်အထားအပြည့်အစုံဖြင့် တိုင်ကြားနိုင်ပါကြောင်းနှင့် သိလိုသည်များကို စုံစမ်းမေးမြန်းနိုင်ပါကြောင်းနှင့် မိမိတို့ကိုဟောပြောသွားသောအချက်အလက်များကို မိမိတို့မိသားစုများ၊ အသိမိတ်ဆွေများကို ပြန်လည်ရှင်းပြပေးရန်လိုအပ်ပါကြောင်းနှင့်  ကျောင်းသား/သူများကို ထုတ်ကုန်လုံခြုံစိတ်ချရမှုရှိသောကုန်ပစ္စည်းများကိုသာ ရွေးချယ်ဝယ်ယူစားသောက်/အသုံးပြုတတ်ရန်အတွက် ဆရာ/ ဆရာမ(၇)ဦး၊ ကျောင်းသား/သူ(၆၇) စုစုပေါင်း (၇၄)ဦးတို့အား အကျယ်တဝင့်ရှင်းလင်းပြောကြားခဲ့ပြီး စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)       

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် ခရိုင် ဦးစီးမှူး ဦးဝေဠုအောင်ကအနီးကပ်ကြီးကြပ်၍ ပခုက္ကူခရိုင်ဦးစီးမှူးရုံးမှ စားသုံးသူရေးရာဌာနခွဲတာဝန်ခံ နှင့်ဝန်ထမ်းများအဖွဲ့သည် (၆.၁၀.၂၀၂၃)ရက်နေ့ ၊ နံနက်(၀၉:၃၀) နာရီအချိန်တွင် ပခုက္ကူမြို့၊  အမှတ်(၂)၊ အခြေခံပညာအထက်တန်းကျောင်း၌ ဆရာ/ဆရာမ(၅)ဦး၊ ကျောင်းသား/ကျောင်းသူ(၁၃၈)ဦး တို့အား စားသုံးသူကာကွယ်ရေးအသိပညာပေး ဟောပြောဆွေးနွေးခဲ့ပါသည်။

       စားသုံးသူရေးရာဌာနခွဲတာဝန်ခံ ဒေါ်နွယ်နွယ်အေးက ဆွေးနွေးရာတွင် ဌာန၏သမိုင်းကြောင်း နှင့် လုပ်ငန်းဆောင်ရွက်ချက်များ၊ ဦးစီးဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်များ၊ စားသုံးသူ ကာကွယ်ရေးဥပဒေပါအကြောင်းအရာများ၊ ဌာနမှလက်ရှိဆောင်ရွက်နေသော လုပ်ငန်းတာဝန်များနှင့် ဆက်လက်ဆောင်ရွက်မည့်လုပ်ငန်းများ၊ စားသုံးသူ၏အခွင့်အရေးနှင့် အကျိုးစီးပွားကာကွယ်ရေး ဆောင်ရွက်ရာတွင် စားသုံးသူ၏ရုပ်ပိုင်းဆိုင်ရာဖြစ်စေ၊ စိတ်ပိုင်းဆိုင်ရာဖြစ်စေ၊ ငွေကြေးပိုင်းဆိုင်ရာဖြစ်စေ နစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နည်းလမ်းများနှင့် အသိပညာပေးလုပ်ငန်းများကို စဉ်ဆက်မပြတ် ဆောင်ရွက်ပေးလျက်ရှိကြောင်း ဟောပြောဆွေးနွေးခဲ့ပါသည်။

           ဆက်လက်၍ ဒုတိယဦးစီးမှူး ဒေါ်တင်တင်မော်ကဆွေးနွေးရာတွင် ဦးစီးဌာန၏ဆောင်ပုဒ်မှာ “စားသုံးသူအခွင့်အရေးဦးစားပေးရန်” ဖြစ်ကြောင်း၊ ယင်းဆောင်ပုဒ်အတိုင်း စားသုံးသူအခွင့်အရေးများအား သိရှိနိုင်ရန် အသိပညာပေးရခြင်းများဆောင်ရွက်လျက်ကြောင်း၊ အခွင့်အရေးနှင့်တာဝန်များကို သိရှိမှသာရယူနိုင်ပြီး နစ်နာဆုံးရှုံးမှုများဖြစ်ပေါ်မလာနိုင်ကြောင်း၊ ကုန်စည်(သို့)ဝန်ဆောင်မှုနှင့်စပ်လျဉ်း၍ ထိခိုက်နစ်နာမှုများရှိလာပါက တိုင်ကြားခွင့်၊ အလျော် အစားရပိုင်ခွင့်နှင့် ကုစားခွင့်များအား ရှင်းလင်းဟောပြောခဲ့ပါသည်။

              ဒုတိယဦးစီးမှူး ဒေါ်သူဇာကျော်ကဆွေးနွေးရာတွင် စားသုံးသူကာကွယ်ရေးဥပဒေပါ ကုန်အညွှန်း အမှတ်အသားဖော်ပြချက်(၈)ချက်အား ကျောင်းသား/ကျောင်းသူများ အလွယ်တကူ နားလည်နိုင်စေရန် အတွက် နမူနာများကို ရှင်းလင်းပြသ၍ ထုတ်ကုန်လုံခြုံစိတ်ချရမှုရှိသော စားသောက်ကုန်နှင့် သတ်မှတ်ချက်နှင့်မညီသော အစားအသောက်များအား ခွဲခြားတတ်စေရန်နှင့် စားသုံးသူရေးရာကိစ္စများ စုံစမ်းမေးမြန်းရန်အတွက် Consumer Call Center (1535)အား ဖွင့်လှစ်ထားကြောင်း၊ စားသုံး သူကာကွယ်ရေးဆိုင်ရာ အသိပညာပေးဆွေးနွေးခဲ့ပြီး စားသုံးသူအသိပညာပေးလက်ကမ်းစာစောင်များ ဖြန့်ဝေခဲ့ပါသည်။ ထို့နောက်အသိပညာပေးဟောပြောဆွေးနွေးပွဲအပြီးတွင် ဟောပြောခဲ့သည့်အကြောင်းအရာများကို အမေးအဖြေပြုလုပ်၍ဖြေဆိုနိုင်သူများအား အမှတ်တရလက်ဆောင်များ ပေးအပ်ခဲ့ကြောင်းသိရှိရပါသည်။

DOCA(မကွေး)

      မကွေးတိုင်းဒေသကြီး၊ မကွေးခရိုင်၊ မကွေးမြို့၊ ရန်ပယ်စျေး၌ (၂.၁၀.၂၀၂၃)ရက်နေ့ နံနက် (၀၈:၃၀)အချိန်တွင် မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန၊ သဘာဝပတ်ဝန်းကျင် ထိန်းသိမ်းရေးဦးစီးဌာန၊ ကျန်းမာရေးဦးစီးဌာန၊ ရပ်ကွက်အုပ်ချုပ်ရေးမှူး၊ ရန်ပယ်စျေးတာဝန်ခံတို့ ပူးပေါင်း၍  ပလတ်စတစ်လျော့ချအသုံးပြုရေး အသိပညာပေးအစီအစဉ်ကိုပြုလုပ်ခဲ့ပါသည်။

          ထိုသို့ပြုလုပ်ရာတွင် စျေးဝယ်လာသူများအား ပလတ်စတစ်လျှော့ချအသုံးပြုရေး၊ ပလတ်စတစ် အစား အင်ဖက်၊ ငှက်ပျောဖက်၊ စက္ကူတို့ကိုအစားထိုးအသုံးပြုကြရန်နှင့် စွန့်ပစ်ပလတ်စတစ်အသုံးပြု ခြင်းကြောင့် မြေဆီလွှာဆုံးရှုံးမှုဖြစ်ပေါ်နိုင်ခြင်း၊ အဆိပ်ဖြစ်စေသောဒြပ်ပေါင်းများကြောင့် ကျန်းမာ‌ရေး ဆိုးဝါးစွာထိခိုက်နိုင်ခြင်း၊ ကင်ဆာရောဂါဖြစ်စေနိုင်ခြင်း၊ ရေထဲရှိရေနေသတ္တဝါများသေဆုံးကာ ဂေဟ စနစ်ပျက်စီးခြင်း၊ အပင်များပေါက်ရောက်ရှင်သန်မှု ထိခိုက်စေခြင်း၊ သားငှက်တိရစ္ဆာန်များ၊ ကုန်းနေ၊ ရေနေသတ္တဝါများ၏ ရှင်သန်ပေါက်ဖွားမှုထိခိုက်စေနိုင်ခြင်းတို့ ဖြစ်ပေါ်စေနိုင်ကြောင်း အသိပညာပေး ဆောင်ရွက်ခဲ့ကြောင်းသိရှိရပါသည်။

DOCA(မကွေး)

    စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့၊ အမှတ်(၃)၊ အခြေခံပညာအထက်တန်းကျောင်းတွင် ၂၀၂၃ခုနှစ်၊ အောက်တိုဘာလ (၁၀)ရက်နေ့၌ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ဒု-ခရိုင်ဦးစီးမှူးဦးဆောင်၍ ဝန်ထမ်း(၃)ဦးတို့သည် ဆရာ/ဆရာမ (၁၀)ဦးနှင့် ကျောင်းသား/ကျောင်းသူ (၇၅)တို့အား စားသုံးသူကာကွယ်ရေးအသိပညာပေးဟောပြောခဲ့ကြပါသည်။

       အဆိုပါ ဟောပြောပွဲတွင် ရွှေဘိုခရိုင်ဦးစီးမှူးရုံးမှ ဒု-ဦးစီးမှူး ဒေါ်ထွေးထွေးအေးက Vape (e-cigarette) အကြောင်းအရာများအနက် Vape ၏အကျိုးအပြစ်၊ Falvor liquid ၏အကျိုးအပြစ်၊ Nicotine ၏အကျိုးအပြစ်များကိုဟောပြောခဲ့ပြီး Vape (e-cigarette) သောက်ခြင်းဖြင့် ကင်ဆာရောဂါမျိုးစုံအပါအဝင် သွေးတိုးရောဂါ၊ အဆုတ်ပွရောဂါ၊ လေဖြတ်ခြင်း၊ နှလုံးရောဂါနှင့် နှလုံးသွေးကြောပိတ်ခြင်း စသည်တို့ဖြစ်ပွားစေပြီး e- cigarette သောက်သုံးသူက မှုတ်ထုတ်လိုက်သည့်အငွေ့များကို ရှူခြင်းသည်လည်း ဆေးလိပ်သောက်သောသူနှင့်တန်းတူ အထက်ပါ ရောဂါများဖြစ်စေကြောင်း၊ ထိုသို့ အန္တရာယ်များသည့် Vape (e-cigarette) ကို ကျောင်းသား/ကျောင်းသူမျာမသောက်သုံးသင့်ကြောင်း၊ ဒု-ခရိုင်ဦး စီးမှူးဒေါ်နှင်းနှင်းခိုင်က စားသုံးသူ၏အဓိပ္ပါယ်ဖွင့်ဆိုချက်များ၊ စားသုံးသူအခွင့်အရေးနှင့်လိုက်နာရမည့်တာဝန်များ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းအကြောင်းနှင့် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ပါအကြောင်းများ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သောအကြောင်းများကို မေးမြန်းစုံစမ်းနိုင်သည့် Concumer Call Center အကြောင်း၊ တိုင်ကြားစာများကို စိစစ်ညှိနှိုင်းဖြေရှင်းပေးသည့်အကြောင်းများကို အသေးစိတ်ရှင်းလင်းဆွေးနွေးခဲ့ပြီး ဆရာ/ဆရာမ (၁၀)ဦးနှင့် ကျောင်းသား / ကျောင်းသူ (၇၅)ဦးအား စားသုံးသူအသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)