ကယားပြည်နယ်၊ စားသုံးသူရေးရာဦးစီးဌာနက စားသုံးသူပြည်သူများ ကုန်စည်များ သုံးစွဲရာတွင် ဘေးအန္တရာယ်ကင်းရှင်းရေး နှင့် လုံခြုံစိတ်ချရမှုရရှိနိုင်ရေးအတွက် ( ၆- ၈-၂၀၂၀ ) ရက်နေ့ ညနေ ( ၁၅၀၀ ) နာရီအချိန်တွင် လွိုင်ကော်မြို့ ( ၂ ) ထပ်စေျး၌ အစားအသောက် နှင့်ဆေးဝါးကွပ်ကဲရေးဦးစီးဌာနဦးဆောင်သော ကော်မတီအဖွဲ့ဖြင့် ပူးပေါင်း၍ လွိုင်ကော်မြို့ ( ၂ ) ထပ်စေျးအတွင်း၌ ရောင်းချနေသော ဆိုင်များမှ ယူရိုအမှတ်တံဆိပ် ဆန်ခေါက်ဆွဲ၊ တီလေးခေါက်ဆွဲ၊ AAA ဂျုံခေါက်ဆွဲ၊ မုန့်ညှင်းချဉ်၊ ပဲပြား၊ မျစ်ချဉ်၊ ရွှေတင်ဝက်အူချောင်း၊ အသားတုများတွင် တာရှည်ခံဆေးနှင့် ခွင့်မပြုဆိုးဆေးများ သုံးစွဲထားခြင်းရှိ/မရှိ နမူနာကောက်ယူ၍ Mobile Lab Vanဖြင့် စစ်ဆေးခဲ့ရာ ၎င်းစားသောက်ကုန်ပစ္စည်းများ၌ တာရှည်ခံဆေး နှင့် ခွင့်မပြုဆိုးဆေးများ သုံးစွဲထားခြင်းမရှိကြောင်းတွေ့ရှိရပြီး ရောင်းချသောကုန်စည်များအား စားသုံးသူကာကွယ်ရေး ဥပဒေပါ ကုန်အညွှန်းအမှတ်အသား သတ်မှတ်ချက်များနှင့်အညီ ထုတ်လုပ်ထားသော ကုန်စည်များသာ ရောင်းချကြရန် အသိပေးရှင်းလင်း ပြောကြားခဲ့ကြောင်း သတင်းရှိပါသည်။
ကယားပြည်နယ်
စားသုံးသူရေးရာဦးစီးဌာန