ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ ဦးမြင့်နိုင်(ဦးစီးအရာရှိ) ဦးဆောင်၍ (၂၂.၈.၂၀၂၆)ရက်နေ့၊ နံနက်(၁၀:၃၀)နာရီအချိန်တွင် သုခစိုးဟိုတည်ခန်းမ၌ သောက်ရေသန့်လုပ်ငန်းရှင် များအား အသိပညာများ ဖွံ့ဖြိုးတိုးတက်စေရန်နှင့် ထုတ်လုပ်မှုအရည်အသွေး မြင့်မားလာစေရန် အသိပညာ ပေးဟောပြောပွဲ ကျင်းပပြုလုပ်ခဲ့ပါသည်။
ဟောပြောပွဲတွင် သောက်ရေသန့်လုပ်ငန်းရှင်များအား ကောင်းမွန်သော ထုတ်လုပ်မှုကျင့်စဉ် အရည်အသွေးထိန်းသိမ်းခြင်း၊ စားသုံးသူအခွင့်အရေးနှင့် ဈေးကွက်ယှဉ်ပြိုင်မှုအကြောင်း အသိပညာပေး ဟောပြောရာတွင် မိမိဌာန၏မျှော်မှန်းချက်၊ ရည်မှန်းချက်များနှင့် စားသုံးသူ ကာကွယ်ရေးဥပဒေပါ အချက်အလက်များအကြောင်း၊ စားသုံးသူပြည်သူများ၏ အခွင့်အရေးနှင့်တာဝန်များ၊ စီးပွားရေး လုပ်ငန်းရှင်များ၏တာဝန်များ၊ စားသုံးသူများ၏ အခွင့်အရေးအကြောင်း၊ စားသုံးသူနစ်နာမှုဖြစ်ပေါ် ပါက တိုင်ကြားနိုင်မည့်နည်းလမ်းနှင့် ဖြေရှင်းဆောင်ရွက်နေမှုအကြောင်း၊ ကုန်အညွှန်းအမှတ်အသား ပြည်စုံမှ လုံခြုံစိတ်ချရမည့်အကြောင်းရှင်းလင်းခြင်း၊ အွန်လိုင်းမှတ်ပုံတင် လျှောက်ထားရခြင်းနှင့် အွန်လိုင်းဖြင့်စျေးဝယ်ရာတွင်သတိထားရမည့်အချက်အလက်များအား ရှင်းလင်းပြောကြားခဲ့ကြောင်း သိရှိရပါသည်။
DOCA (ပြည်ထောင်စုနယ်မြေ)