ဧရာဝတီတိုင်းဒေသကြီး၊ မြန်အောင်ခရိုင်၊ အင်္ဂပူမြို့နယ် ကွင်းကောက်ဒေသ မြို့ပေါ်ရပ်ကွက်ရှိ အိမ်ထောင်စု(၄၀၀)စုအား စားအုန်းဆီဝယ်ယူခွင့်စာအုပ်ဖြင့် ဝယ်ယူခွင့်ရရှိသည့် စားအုန်းဆီ ဖြန့်ဖြူးရောင်းချသည့် လက်ကား/လက်လီ အရောင်းဆိုင်များအား စားအုန်းဆီများဖြန့်ဖြူးရောင်းချရာတွင် သတ်မှတ်ရည်ညွှန်းဈေးအတိုင်းဖြန့်ဖြူးရောင်းချမှုရှိ/ မရှိ စားအုန်းဆီများအား ပြည်သူများ လက်ဝယ်အရောက် အမှန်တကယ်ရောင်းချခြင်း ရှိ/ မရှိကို ဩဂုတ်လ(၆)ရက်နေ့၊ နံနက်(၁၀:၀၀) နာရီအချိန်တွင် သက်ဆိုင်ရာတာဝန်ရှိသူများအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရသည်။
ထိုသို့ ကွင်းဆင်းစစ်ဆေးခဲ့ရာတွင် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းက ရောင်းချခွင့်ပေးထားသည့် ဆီခွဲတမ်းများအား စားသုံးသူပြည်သူလက်ဝယ်အရောက် သတ်မှတ်ရည်ညွှန်းဈေးနှုန်းများဖြင့် ဖြန့်ဖြူးရောင်းချပေးရန် ကွင်းဆင်းကြီးကြပ်ခြင်းများ ဆောင်ရွက်ခဲ့ပြီး စားအုန်းဆီဖြန့်ဖြူးခွင့်ရရှိထားသည့် လုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရေးနှင့် စီးပွားရေးလုပ်ငန်းရှင်တို့ လိုက်နာရမည့်တာဝန်များ၊ တားမြစ်ချက်များအား အဖွဲ့ဖြင့် ကွင်းဆင်းဆောင်ရွက်ခဲ့ကြောင်း သိရှိရပါသည်။
DOCA (ဧရာဝတီ)