တနင်္သာရီတိုင်းဒေသကြီး၊ မြိတ်မြို့တွင် တောင်ယာလုပ်ငန်းနှင့် ရေလုပ်ငန်းများကို အဓိက လုပ်ကိုင်ကြသော မြို့တစ်မြို့ဖြစ်ပါသည်။ မြိတ်မြို့သည် ပင်လယ်ကမ်းရိုးတန်းဒေသတစ်ခုလည်း ဖြစ်သည့်အတွက် စိုက်ပျိုးရေးများအလွန်ပင်ဖြစ်ထွန်းကြောင်း သိရှိရပါသည်။ မြိတ်မြို့ရှိ ကျေးရွာ တချို့နှင့် မြို့ပေါ်ရပ်ကွက်များတွင် ဟင်းသီးဟင်းရွက်စိုက်ပျိုးသူများ အလွန်ပင်များပြားလာပြီး လုပ်ကိုင်လျက်ရှိကြောင်း သိရှိရပါသည်။ ဒေသခံများသည် သခွားသီး၊ ခရမ်းသီး၊ ကန်စွန်းရွက်၊ ချဉ်ပေါင်ရွက်၊ ရုံးပတီသီး၊ ဘူးသီး၊ ငရုတ်သီး အစရှိသည့် သီးနှံများကို စိုက်ပျိုးကြသည့်အပြင် ရွှေဖရုံသီးများကိုလည်း တစ်နိုင်တစ်ပိုင် စိုက်ပျိုးကြပြီး မြိတ်မြို့ ဈေးကြီးနှင့် ကျေးရွာဈေးများသို့ လာရောက်ရောင်းချကြကြောင်း သိရှိရပါသည်။ ရွှေဖရုံသီးသည် အာဟာရဓာတ်များစွာပါဝင်ပြီး ကျန်းမာရေးအတွက် အထူးကောင်းမွန်သည့် ဟင်းသီးဟင်းရွက်တစ်မျိုးဖြစ်ကာ ဒေသခံများအနေဖြင့် ဟင်းချိုချက်သောက်ခြင်း၊ ကြော်စားခြင်းများ ပြုလုပ်လေ့ရှိကြောင်း သိရှိရသည်။၂၀၂၆ခုနှစ်၊ သြဂုတ်လပထမပတ်အတွင်း မြိတ်မြို့ပေါ်ရှိဈေးများ၌ ရောင်းချလျက်ရှိသော ရွှေဖရုံသီးဈေးနှုန်းမှာ ရွှေဖရုံသီး(၁)ပိဿာလျှင်(၄၅၀၀) ကျပ်မှ (၅၀၀၀)ကျပ်၊ ရွှေဖရုံသီး (၁)စိတ်လျှင် (၂၀၀၀)ကျပ်ခန့်ဖြင့် အရောင်းအဝယ်ဖြစ်လျက်ရှိကြောင်း ဒေသခံ ကုန်စိမ်းရောင်းချသူများထံမှ သိရှိရပါသည်။
DOCA(တနင်္သာရီ)