စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူးနှင့် ဝန်ထမ်းများသည် ၂၀၂၆ခုနှစ်၊ ဩဂုတ်လ ၈ ရက်နေ့ နံနက်(၁၀း၀၀)အချိန်တွင် စစ်ကိုင်းမြို့နယ်၊ ကျောက်တာကျေးရွာအုပ်စု၊ GOOD NEST MYANMAR CO; Ltd ဦးပိုင်အမှတ် (ည/၅)၊ ကွင်းအမှတ်- ၇၈၃(တောင်ညို) စက်ရုံသို့ မြေပြင်ကွင်းဆင်းစစ်ဆေးခဲ့ရာ ၂ ဘီး၊ ၃ဘီးဆိုင်ကယ် ထုတ်လုပ်ဖြန့်ဖြူးရောင်းချခြင်းလုပ်ငန်းမှာ ယခုလတ်တလောတွင် စက်ပစ္စည်းများနှင့် ကုန်ကြမ်းပစ္စည်းများ လိုအပ်လျက်ရှိသောကြောင့် စက်ရုံလည် ပတ်လုပ်ကိုင် နိုင်ခြင်းမရှိသေးကြောင်း ၊ စက်ရုံအတွက် လိုအပ်သည့် စက်ပစ္စည်းများနှင့် ကုန်ကြမ်းပစ္စည်းများကို တရုတ်နိုင်ငံမှရရှိပါက အမြန်ဆုံး လည်ပတ် လုပ်ကိုင်နိုင်မည့် အနေအထား ရှိကြောင်း တွေ့ရှိရပါသည်။
GOOD NEST MYANMAR CO; Ltd သည် ၂၀၂၅ ခုနှစ်၊ ဒီဇင်ဘာလတွင် စတင်တည်ထောင်ခဲ့ပြီး လက်ရှိတွင် စက်ရုံတာဝန်ခံနှင့် ဝန်ထမ်း(၂၀)ဦးခန့်ရှိကြောင်း၊ စက်ရုံလုပ်ငန်းစတင်လည်ပတ် မည်ဆိုပါက ဝန်ထမ်း (၅၀)ဦးဖြင့် လည်ပတ်လုပ်ကိုင်ဆောင်ရွက်သွားမည်ဖြစ်ကြောင်း သိရှိရပါသည်။
DOCA(စစ်ကိုင်း)