၂၀၂၆ ခုနှစ်၊ သြဂုတ်လ ၇ ရက်နေ့၊ နံနက်(၁၀း၃၀)နာရီအချိန်တွင် စားသုံးသူရေးရာဦးစီးဌာနမှ၊ ဒုခရိုင်ဦးစီးမှူးနှင့် ဝန်ထမ်းများသည် မြိတ်မြို့၊ ကန်ဖျားရပ်၊ ကန်ဖျားလမ်းမကြီးပေါ်ရှိ ကုန်စုံဆိုင်များသို့ သွားရောက်၍ သြဂုတ်လအတွင်း စစ်ဆေးဆောင်ရွက်ရမည့် ဦးစားပေးကုန်စည်များမှ အသင့်ဖျော်လဘ္ဘက်ရည်၊ ကော်ဖီအမှတ်တံဆိပ်အမျိုးမျိုးတွင် စားသုံးသူကာကွယရေးဥပဒေပါ ကုန်အညွှန်းအမှတ်အသား ဖော်ပြပါရှိမှုများ ရှိ/ မရှိအား ခရိုင်စီမံကိန်းဦးစီးဌာန၊ ခရိုင်စိုက်ပျိုးရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ ဗဟိုစာရင်းအင်းအဖွဲ့၊မြို့နယ်စည်ပင်သာယာရေးအဖွဲ့ဖြင့်ပူးပေါင်း၍ စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။
အဆိုပါစျေးကွက်စောင့်ကြည့်စစ်ဆေးရာတွင် ကုန်စုံဆိုင်များတွင်ရောင်းချလျှက်ရှိသော အသင့်ဖျော်လဘ္ဘက်ရည်၊ ကော်ဖီအမှတ်တံဆိပ်အမျိုးမျိုးတွင် စားသုံးသူကာကွယ်ရေးဥပဒေပါ ကုန်စည်များ၏ ကုန်အညွှန်းအမှတ်အသားဖော်ပြခြင်းနှင့် စပ်လျဥ်း၍ မြန်မာဘာသာဖြင့်ဖော်ပြပါရှိရမည့် အမျိုးအမည်၊ အရွယ်အစား၊ အရေတွက်၊ အသားတင်ပမာဏ၊ ထားသို့သိမ်းဆည်းမှုအညွှန်း၊ ဓါတ်မတည့်ကြောင်း၊ သုံးစွဲပုံနည်းလမ်းစသည့် ဖော်ပြချက်များပါရှိမှု ရှိ/ မရှိ၊ ထုတ်လုပ်သည့် ရက်စွဲ၊ သက်တမ်းကုန်ဆုံးရက်စွဲ၊ ထုတ်လုပ်/ဖြန့်ဖြူးသည့်လိပ်စာများ ထည့်သွင်းပါရှိမှု ရှိ/ မရှိနှင့် သက်ဆိုင်ရာဌာနများ မှထုတ်ပြန်ထားသည့် ဥပဒေ၊ ညွှန်ကြားချက်များနှင့်ကိုက်ညီမှုများ ရှိ/ မရှိ နှင့် တရားမဝင် တင်သွင်းရောင်းချလျက်ရှိသော ကုန်စည်များရောင်းချမှုများ မရှိစေရေး စစ်ဆေးခြင်းများဆောင်ရွက်ခဲ့ရာ သတ်မှတ်ချက်များနှင့် ပြည့်စုံမှန်ကန်စွာပါရှိသည့် တရားဝင်ကုန်စည်များကိုသာ ရောင်းချလျက်ရှိသည်ကို စစ်ဆေးတွေ့ရှိခဲ့ကြောင်း သိရှိရပါသည်။
DOCA(တနင်္သာရီ)