မြင်းခြံမြို့နယ် ကုန်စည်ဒိုင်(MDCCI)အတွင်းရှိ လယ်ယာထွက်ကုန်ပဲမျိုးစုံရောင်းဝယ် လျက်ရှိရာ ပဲဇီးကွက်များကိုလည်း အရောင်းအဝယ်ဖြစ်လျက်ရှိကြောင်းသိရှိရသည်။ ယခု ၂၀၂၆ ခုနှစ်၊ဩဂုတ်လပထမပတ်၌ ပဲဇီးကွက် တစ်တင်းလျှင် (၁၂၅၀၀၀)ကျပ်ခန့် ပေါက်ဈေးဖြင့် အရောင်းအဝယ် ဖြစ်လျက်ရှိကြောင်း သိရှိရသည်။ ယခင်လဒီဇင်ဘာလ၌ ပဲဇီးကွက်ထိပ်စ တစ်တင်းလျှင် (၁၂၇၀၀၀) ကျပ်၊ ပဲဇီးကွက်အောက်စတစ်တင်းလျှင် (၁၁၉၀၀၀) ကျပ်ခန့် ပေါက်ဈေး များဖြင့် အရောင်းအဝယ်ဖြစ်ခဲ့ကြောင်း၊ ယခင်လနှင့်နှိုင်းယှဉ်ပါက ယခုလတွင် ပဲဇီးကွက်ထိပ်စ တစ်တင်းလျှင်(၄၀၀၀)ကျပ်၊ ပဲဇီးကွက်အောက်စတစ်တင်းလျှင် (၃၀၀၀) ကျပ် ခန့်ဈေးနှုန်းအနည်း ငယ်မြင့်တက်ခဲ့ကြောင်း၊ ကျေးရွာများမှ ထွက်ရှိသော ပဲဇီးကွက်များကို ဒေသတွင်းစားသုံးကြသလို နွားထိုးကြီးမြို့၊ တောင်သာမြို့မှလည်းဝယ်ယူကြောင်း၊ အဓိကတင်ပို့မှုအနေဖြင့် ရန်ကုန်တိုင်း ဒေသကြီး လှိုင်သာယာမြို့နှင့် ရွှေပြည်သာမြို့ရှိပွဲရုံများသို့လည်းအသီးသီး တင်ပို့ရောင်းချကြောင်း၊ ပွဲရုံလုပ်ငန်းလုပ်ကိုင်သူ၏ ပြောပြချက်အရ သိရှိရသည်။
DOCA(မန္တလေး)