စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ မြေပဲ၊ နှမ်း၊ နေကြာ၊ ပဲစင်းငုံ၊ မတ်ပဲနှင့် ပဲမျိုးစုံ စသည့်သီးနှံမျိုးစုံ စိုက်ပျိုးလျက်ရှိရာ နိုင်ငံခြားဝင်ငွေရှာဖွေပေးနေသည့် ပြည်ပပို့ကုန် မတ်ပဲသီးနှံကို ကန့်ဘလူမြို့နယ် မြေထူးကျေးရွာ၊ ထန်းကုန်းကျေးရွာတွင် အဓိကစိုက်ပျိုးကြပြီး အခြားသော ကျေးရွာများလည်း စိုက်ပျိုးလျက်ရှိ ကြောင်းနှင့် ဆောင်း မတ်ပဲစိုက်ဧက(၄၉၃၃၆)ရှိပါကြောင်း စိုက်ပျိုးရေးဦးစီးဌာန၏ စာရင်းများအရ သိရှိရပါသည်။
ကန့်ဘလူမြို့နယ်၌ ၂၀၂၆ ခုနှစ်၊ ဩဂုတ်လ ပထမပတ်အတွင်း ဈေးနှုန်းများမှာ မတ်ပဲ တစ်တင်း ၉၀၀၀၀ ကျပ်၊ မတ်ပဲ(ဂျပန်)တစ်တင်း ၉၄၅၀၀ ကျပ်နှုန်းတို့ဖြင့် အရောင်းအဝယ် ဖြစ်လျက်ရှိကြောင်း၊ ယခင်ဇူလိုင်လ ပထမပတ်၏ ဈေးနှုန်းများမှာ မတ်ပဲတစ်တင်းလျှင် ကျပ် ၇၈၇၀၀ နှင့်မတ်ပဲ(ဂျပန်)တစ်တင်း ကျပ် ၈၁၇၀၀ ဖြင့်အရောင်းအဝယ်ဖြစ်ခဲ့ပြီး ယခင်လနှင့် ယခုလဈေးနှုန်းနှိုင်းယှဉ်ပါက ဩဂုတ်လအတွင်း မတ်ပဲတစ်တင်းလျှင် ကျပ် ၁၁၀၀၀နှင့် မတ်ပဲ (ဂျပန်)တစ်တင်း ကျပ် ၁၂၀၀၀ ဈေးနှုန်းမြင့်တက်လာကြောင်း၊ မတ်ပဲသီးနှံများကို မန္တလေးမြို့ ရှိပွဲရုံများ၊ ကုန်စည်ဒိုင်များသို့ တင်ပို့ရောင်းချကြောင်း၊ မန္တလေးကုန်စည်ဒိုင် ပဲဈေးကွက်၏ အရောင်းအဝယ်ဖြစ်မှုနှင့် ဈေးနှုန်းအတက်၊အကျပေါ် မူတည်၍ ကန့်ဘလူဒေသထွက် ပဲမျိုး စုံသီးနှံသည် ဈေးနှုန်းအပြောင်းအလဲ ရှိပါကြောင်း သီးနှံရောင်းဝယ်ရေး လုပ်ငန်းရှင်များထံမှ သိရှိရသည်။
DOCA(စစ်ကိုင်း)