“ ဘူးသွပ်ဆီ(အဆင့်မြင့်စားအုန်းဆီ)များ ဈေးကွက်အတွင်း ဈေးနှုန်းမြှင့်တင်ရောင်းချခြင်း မရှိစေရေး ကွင်းဆင်းစစ်ဆေးခြင်း ”

      စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်အရ သန်လျင်ခရိုင်၊ သန်လျင်မြို့နယ်အတွင်းရှိ စည်ပင်သာယာမြို့မဈေးနှင့် ဘုရားကုန်းဈေးတို့တွင် ရောင်းချနေသော ဘူးသွပ်ဆီများကို စားသုံးသူပြည်သူများ ဝယ်ယူစားသုံးရာတွင်အဆင်ပြေစေ ရန်ရည်ရွယ်၍ ဇူလိုင်လ(၁၆)ရက်နေ့၊ နေ့လယ်(၁၃း၀၀)နာရီအချိန်တွင် ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

      ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ ဒုတိယခရိုင်ဦးစီးမှူးနှင့် ဝန်ထမ်းများ၊ မြို့နယ်စည်ပင်သာယာရေးအဖွဲ့မှဝန်ထမ်းများ ပူးပေါင်း၍ သန်လျင်မြို့နယ်အတွင်းရှိ စည်ပင်သာယာမြို့မဈေးနှင့် ဘုရားကုန်းဈေးတို့အတွင်း ရောင်းချနေသော ဘူးသွပ်ဆီ(အဆင့် မြင့်စားအုန်းဆီ) အမျိုးမျိုးများ ဈေးနှုန်းမြှင့်တင်ရောင်းချခြင်းများ မရှိစေရေးအတွက် ဆိုင်ရှင်များထံ အဝယ်ပြေစားများပြစေပြီး ၎င်းဈေးနှုန်းအပေါ်၍ တင့်သင့်မျှတသော ဈေးနှုန်းများဖြင့် ပြန်လည်ရောင်းချကြရန်၊ ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုလုပ်ကြရန် ဆိုင်ပိုင်ရှင်လုပ်ငန်းရှင်းများနှင့်တွေ့ဆုံပြောကြားခဲ့ပြီး ဘူးသွပ်ဆီအမျိူးအစားအလိုက် ဝယ်ဈေးနှုန်း၊ ရောင်းဈေးနှုန်းများကောက်ယူခဲ့ပြီး ဈေးကွက်အတွင်း ကွင်းဆင်းစစ်ဆေးမှုုများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)