ဧရာဝတီတိုင်းဒေသကြီး၊ ပုသိမ်ခရိုင်၊ သာပေါင်းမြို့နယ်တွင် ဇူလိုင်လ (၃) ရက်နေ့၊ နံနက် (၀၉:၀၀) နာရီအချိန်တွင် အမှတ် (၁) ရပ်ကွက်၊ ကညင်ချောင်း၊ ဓမ္မဗိမ္မာန်ကျောင်းတိုက်တွင် တိုင်းဒေသကြီး လွှတ်တော်ကိုယ်စလှယ်များ၊ ဌာနဆိုင်ရာများပူးပေါင်း၍ လူမှုဘဝဖွံ့ဖြိုးတိုးတက်ရေး လူထုစကားဝိုင်းကျင်းပခဲ့ပါသည်။ ထိုစကားဝိုင်းတွင် တိုင်းဒေသကြီးလွှတ်တော်ကိုယ်စလှယ် ဦးကိုကိုဇင်က လွှတ်တော်နှင့်ပက်သက်သည့် ကိစ္စရပ်များ ရှင်းလင်းပြောကြားခြင်း၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဌ ဦးမင်းဧရာထိုက်မှ ဌာန၏လုပ်ငန်းဆောင်ရွက်ချက်များ ရှင်းလင်းပြောကြားခြင်း၊ ငါးလုပ်ငန်းဦးစီးဌာန၊ စိုက်ပျိုးရေးဦးစီးဌာန၊ မွေးမြူရေးနှင့်ကုသရေးဦးစီးဌာနနှင့် သစ်တောဦးစီးဌာနတို့မှလည်း မိမိဌာနလုပ်ငန်းဆောင်ရွက်ချက်များ ဆွေးနွေးခဲ့ကြပြီး၊ စားသုံးသူရေးရာဦးစီးဌာန မြို့နယ်ဦးစီးမှူး ဦးထွန်မင်းလတ်မှ စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များနှင့် ရက်(၁၀၀) စီမံချက်အတွင်း စားအုန်းဆီလက်လီဆိုင်များ ဖောင်းပွမှုမရှိစေရေး ဆောင်ရွက်ထားရှိမှုများအား ရှင်းလင်းဆွေးနွေးပြောကြားခဲ့ပြီး တက်ရောက်လာကြသော ပြည်သူများက သိရှိလိုသည်များအား မေးမြန်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)