၂၀၂၆ခုနှစ်၊ဇွန်လ၂၂ရက်နေ့၊ နံနက်(၀၉:၃၀)နာရီအချိန်တွင် ဒေးဒရဲမြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံး၌ Online Shop လုပ်ငန်းရှင် (၃)ဦးအား အွန်လိုင်းရောင်း၀ယ်ခြင်း ဆိုင်ရာအသိပညာပေးရေးဟောပြောခြင်းကို ဆောင်ရွက်ခဲ့ကြောင်း သိရသည်။
အဆိုပါ အသိပညာပေးဟောပြောပွဲတွင် မြို့နယ်တာဝန်ခံမှ စားသုံးသူအကာအကွယ် ပေးရေးဥပဒေ၊ စည်းမျဉ်းစည်းကမ်းများ၊ Online မှတစ်ဆင့် ကုန်စည်နှင့်ဝန်ဆောင်မှုများ ရောင်းချရာတွင်လိုက်နာရမည့် တာဝန်ဝတ္တရားများ၊ ကုန်ပစ္စည်းများ၏ အရည်အသွေးနှင့် ဘေးအန္တရာယ်ကင်းရှင်းရေး၊ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြရန်လိုအပ်ချက်များ၊ ထို့ပြင် Online Shop လုပ်ငန်းရှင်များအနေဖြင့် စားသုံးသူများ၏ ယုံကြည်မှုကိုရရှိစေရန် မှန်ကန်သော သတင်းအချက်အလက်များဖြင့် ရောင်းချဆောင်ရွက်ကြရန်နှင့် စားသုံးသူအကျိုးစီးပွားကို ကာကွယ်စောင့်ရှောက်ပေးနိုင်ရေးအတွက် ဥပဒေ၊ နည်းဥပဒေများနှင့် အညီ လိုက်နာဆောင်ရွက်ကြရန် အသိပညာပေးဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)