၂၀၂၆ ခုနှစ်၊ ဇွန်လ (၁၉) ရက်နေ့၊ နေ့လယ်(၁၂:၀၀)နာရီအချိန်တွင် ဖျာပုံခရိုင်၊ ဒေးဒရဲမြို့နယ်၌ စားသုံးသူရေးရာဦးစီးဌာနမှ တာဝန်ရှိသူများနှင့် မြို့နယ်စည်ပင်သာယာရေးအဖွဲ့မှ တာဝန်ရှိသူများပူးပေါင်း၍ MSME လုပ်ငန်းများ ဖွံ့ဖြိုးတိုးတက်စေရေးနှင့် စားသုံးသူအကာအကွယ် ပေးရေးလုပ်ငန်းများထိရောက်စွာ အကောင်အထည်ဖော်နိုင်ရန် ကွင်းဆင်းစစ်ဆေး ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းဆောင်ရွက်ရာတွင် ဒေသတွင်း MSME လုပ်ငန်းများမှ ထုတ်လုပ်ရောင်းချလျက်ရှိသည့် ကုန်ပစ္စည်းများအား စားသုံးသူကာကွယ်ရေးဥပဒေနှင့်အညီ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြထားခြင်းရှိ/ မရှိ၊ ထုတ်လုပ်ရက်၊ သက်တမ်းကုန်ဆုံးရက်၊ ပါဝင်ပစ္စည်းများ၊ အသုံးပြုပုံနှင့် ထုတ်လုပ်သူအချက်အလက်များအား မြန်မာဘာသာဖြင့် ဖော်ပြထားခြင်းရှိ/ မရှိတို့ကို စိစစ်ကြည့်ရှုခဲ့ကြသည်။ ထို့အပြင် MSME လုပ်ငန်းရှင်များအား စားသုံးသူအခွင့်အရေးများကို လေးစားလိုက်နာဆောင်ရွက်ရန်၊ အရည်အသွေးပြည့်မီပြီး ဘေးအန္တရာယ် ကင်းရှင်းသော ကုန်ပစ္စည်းများ ထုတ်လုပ်ရောင်းချရန်နှင့် စားသုံးသူကာကွယ်ရေးဆိုင်ရာ ဥပဒေ၊ နည်းဥပဒေများနှင့် အညီ ဆောင်ရွက်ကြရန် အသိပညာပေး ရှင်းလင်းဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)