ရှမ်းပြည်နယ် စားသုံးသူရေးရာဦးစီးဌာနတွင် တာဝန်ထမ်းဆောင်နေသည့် ဦးဇော်ဇော်လတ် (ဦးစီးမှူး) ဦးဆောင်သော ဝန်ထမ်းများသည် ပြည်နယ်ကျန်းမာရေးဦးစီးဌာန၊ စည်ပင်သာယာရေး ဌာနတို့နှင့်ပူးပေါင်း၍ (၁၀.၆.၂၀၂၆) ရက်နေ့ နံနက် (၁၀း၃၀) နာရီအချိန်တွင် တောင်ကြီးမြို့၊ သစ်တောရပ်ကွက်ရှိ မိုင်တုံကျော်ကြားစားသောက်ဆိုင်၊ ရွှေလက်ဝါးစားသောက်ဆိုင်နှင့် Suri ဆူရှီဆိုင်များသို့ သွားရောက်၍ အစားအသောက်ဝန်ဆောင်မှုကဏ္ဍနှင့်ပတ်သက်၍ စားသုံးသူများကို လုံလောက်သော သတင်းအချက်အလက်များ အသိပေးဖော်ပြခြင်းရှိ/မရှိ ၊ရောင်းချသော အစားအသောက်နှင့်ဝန်ဆောင်မှုပေးသော ဝန်ထမ်းများ သန့်ရှင်းမှုရှိ/မရှိနှင့် စည်ပင်လိုင်စင်များ သက်တမ်းတိုးခြင်းရှိ/မရှိကို ကွင်းဆင်းစစ်ဆေးခဲ့ကြပါသည်။
ထိုသို့စစ်ဆေးရာတွင် ကျန်းမာရေးဦးစီးဌာနက အဆိုပါစားသောက်ဆိုင်များအား သန့်ရှင်း သပ်ရပ်စွာ လုပ်ကိုင်ကြရန်၊ ကူးစက်ရောဂါများဖြစ်ပွားနေသဖြင့် လတ်ဆတ်သော သား၊ငါး၊သီးနှံများ ကိုသာ အသုံးပြုချက်ပြုတ်ရန်လည်းကောင်း၊ စည်ပင်သာယာရေးဌာနက စည်ပင်လိုင်စင်များ ရှိ /မရှိနှင့် သက်တမ်းတိုးရန် လိုအပ်ပါကလည်း လာရောက်သက်တမ်းတိုးကြရန်လည်းကောင်း၊ စားသုံးသူရေးရာဦးစီးဌာနမှ အစားအသောက်ဝန်ဆောင်မှုနှင့်စပ်လျဉ်း၍ စားသုံးသူများကို မှန်ကန် ပြည့်စုံသော သတင်းအချက်အလက်များပေးရန်၊ သတ်မှတ်ဖော်ပြထားသော ဈေးနှုန်းများအတိုင်း ရောင်းချကြရန်နှင့် စီးပွားရေးလုပ်ငန်းရှင်တာဝန်များကို လိုက်နာကြရန် အသိပညာပေးခြင်းများ ဆောင်ရွက်ခဲ့ကြကြောင်းသတင်းရရှိပါသည်။
DOCA(ရှမ်း)