စားသုံးသူရေးရာဦးစီးဌာန၊ မကွေးတိုင်းဒေသကြီး၊ (သရက်/အောင်လံ) ခရိုင်တာဝန်ခံ ဦးကျော်မျိုးမင်း(ဦးစီးအရာရှိ)သည် တိုင်းဒေသကြီးဦးစီးမှူး၏ လမ်းညွှန်မှုအရ (၁၀.၆.၂၀၂၆)ရက်နေ့၊ နံနက်(၀၉:၀၀)အချိန်တွင် မြို့နယ်အထွေထွေ အုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ စိုက်ပျိုးရေး ဦးစီးဌာန၊ မြေစာရင်းဦးစီးဌာန၊ သမဝါယမနှင့်ကျေးလက်ဖွံ့ဖြိုးတိုးတက်ရေးဦးစီးဌာန၊ စည်ပင်သာယာ ရေးအဖွဲ့နှင့် ဆန်/ဆီအသင်းအဖွဲ့တို့မှ တာဝန်ရှိသူတို့နှင့်အတူ အောင်လံမြို့ပေါ်ရှိ စားအုန်းဆီလက်လီ အရောင်း ဆိုင်များ၊ ဆန်အရောင်းဆိုင်များသို့ စားအုန်းဆီနှင့်ဆန်များ ဈေးနှုန်းမြှင့်တင်ရောင်းချမှု မရှိစေရေး၊ အလေးချိန်၊ အချိန်အတွယ်ပြည့်စုံမှုရှိစေရေး တို့အတွက် ကွင်းဆင်းစစ်ဆေးမှုများ ပြုလုပ်ခဲ့ ကြောင်းသိရပါသည်။
ထိုသို့ကွင်းဆင်းစစ်ဆေးရာတွင် (သရက်/အောင်လံ)ခရိုင်တာဝန်ခံ ဦးကျော်မျိုးမင်း(ဦးစီးအရာရှိ) မှ လက်လီရောင်းချသည့် စားအုန်းဆီအရောင်းဆိုင်များတွင် စားအုန်းဆီများ သတ်မှတ်ရည်ညွှန်း ဈေးထက် ဈေးမြှင့်တင်ရောင်းချမှုမရှိစေရေး၊ စားသုံးသူပြည်သူများသို့ အပြည့်အဝရရှိစေရေး၊ အလေး ချိန် အချိန်အတွယ်ပြည့်စုံမှန်ကန်မှုရှိစေရေး၊ ဆန်အရောင်းဆိုင်များအား ဆန်ဈေးနှုန်းများ အဆမတန် မြှင့်တင်ရောင်းချမှု မရှိစေရေး၊ သင့်တင့်မျှတသော ဈေးနှုန်းများဖြင့် အများပြည်သူဝယ်ယူ စားသုံးနိုင် စေရေး၊ MyRoတွင်မှတ်ပုံတင်ထားသော ဆန်ဆိုင်များအား လစဉ်လဆန်း(၁၀)ရက် အတွင်း ဆန်အမျိုး အစားအလိုက် အရ-အထုတ်-လက်ကျန်စာရင်းများ ထည့်သွင်းဖော်ပြစေရေး၊ MyRoတွင်မှတ်ပုံတင် ထားခြင်းမရှိသေးသော ဆန်အရောင်းဆိုင်များအား ဆန်တန်(၂၅)တန်နှင့် အထက် သိုလှောင်ပါက မြန်မာ့ဆန်စပါးအွန်လိုင်းတွင် မဖြစ်မနေမှတ်ပုံတင်ဆောင်ရွက်သွားရန်၊ ညွှန်ကြားချက်များအား သိရှိလိုက်နာဆောင်ရွက်ရမည်ကို အသိပညာပေးပြောကြားခဲ့ပါကြောင်း သိရှိရပါသည်။
DOCA(မကွေး)