စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်တာဝန်ခံ၊ မအူပင်ဒုခရိုင်ဦးစီးမှူး ဦးအောင်ဇော်ဦးသည် (၉.၆.၂၀၂၆)ရက်နေ့ နံနက်(၁၀း၀၀)နာရီအချိန်တွင် မအူပင်မြို့နယ် လင်းတာရာစတိုး၊ မြတ်မဟာစတိုး၊ မြင့်မိုရ်စတိုးဆိုင်နှင့် ဆေးဆိုင်များတွင် ကလေးအာဟာရ ဖြည့်စွက်စာအမျိုးမျိုးနှင့် ကလေးအားဆေးအမျိုးမျိုးအား ကွင်းဆင်းစစ်ဆေးခဲ့ကြောင်း သိရပါသည်။
စစ်ဆေးဆောင်ရွက်ရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စာ်ပင်သာယာရေးအဖွဲ့တို့ပါဝင်ပြီး စားသုံးသူရေးရာဦးစီးဌာနမှ စစ်ဆေးဆောင်ရွက်ရာ ကလေးအာဟာရဖြည့်စွက်စာ (ဥပမာ- Gold Power, Pedia Sure, Durpro) နှင့် ကလေးအားဖြည့်ဆေး အမျိုးမျိုးအား ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိ၊ မြန်မာနိုင်ငံစားသုံးသူ ကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) နှင့် အညီ မြန်မာဘာသာဖြင့် မဖြစ်မနေဖော်ပြရမည့်အချက်များ ပါဝင်ခြင်း ရှိ/မရှိ၊ ကျန်းမာရေးဝန်ကြီးဌာနမှ ထုတ်ပြန်ထားသော နို့စို့ကလေးနှင့် ကလေးငယ်များအတွက် ဖော်စပ်ထုတ်လုပ်ထားသော အစားအသောက်များ ဈေးကွက်တင်ခြင်းဆိုင်ရာ အမိန့် (OMFFIYC) နှင့် ကိုက်ညီမှု ရှိ/မရှိ၊ မအူပင်မြို့နယ်အတွင်းရောင်းချသော ကုန်စည်များသည် ဌာနဆိုင်ရာအသီးသီးမှ သတ်မှတ်ထားသော ညွှန်ကြားချက်များနှင့်အညီ ထုတ်လုပ်ထားကြောင်း စစ်ဆေးတွေ့ရှိရပြီး တရားဝင်ကုန်စည်များကိုသာ ရောင်းချကြောင်း စစ်ဆေးတွေ့ရှိရပါသည်။ ဆက်လက်၍ဆိုင်ပိုင်ရှင်များအား ကုန်စည်နှင့် ပတ်သက်၍ အာမခံချက်ပေးခြင်းဆိုင်ရာ အချက်အလက်များအား အသိပညာပေးဆွေးနွေး ပြောကြားခဲ့ကြောင်း သိရှိရပါသည်။
DOCA(ဧရာဝတီ)