စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ ဆီထွက်သီးနှံများဖြစ်သည့် နှမ်း၊ နေကြာ၊ မြေပဲဆန်နှင့် ကြက်ဆူ စသည်သီးနှံများ၏ ဇွန်လ ပထမပတ်ဈေးနှုန်းများကို စုစည်းဖော်ပြလိုက်ပါသည်။
နှမ်း
၂၀၂၆ ခုနှစ်၊ ဇွန်လ ပထမပတ်အတွင်း ကန့်ဘလူမြို့နယ်၌ နှမ်းနက်(စမုန်) တစ်တင်းလျှင် ကျပ် ၂၂၁၀၀၀၊ နှမ်းဖြူ(ဂျပန်)တစ်တင်းလျှင် ကျပ် ၁၀၇၅၀၀ ဈေးနှုန်းတို့ဖြင့် အရောင်းအဝယ်ဖြစ်လျက်ရှိရာ ယခင်အပတ်၏ ဈေးနှုန်းများနှင့်နှိုင်းယှဉ်ပါက တစ်တင်းလျှင် ကျပ် ၇၀၀၀ ဈေးနှုန်း မြင့်တက်လျက်ရှိကြောင်း သိရသည်။
ဆီနေကြာ
ဇွန်လ ပထမပတ်အတွင်း ဆီနေကြာတစ်တင်းလျှင် ကျပ် ၅၈၀၀၀၊ နေကြာညံ့လျှင် ကျပ် ၅၇၅၀၀နှုန်းတို့ဖြင့် အရောင်းအဝယ်ဖြစ်လျက်ရှိရာ ယခင်အပတ်ဈေးနှုန်းများနှင့် နှိုင်းယှဉ်ပါက ဆီနေကြာတစ်တင်းလျှင် ကျပ် ၅၀၀၀ ဈေးနှုန်းမြင့်တက်လာကြောင်း သိရသည်။
ကြက်ဆူ
ကြက်ဆူတစ်တင်းလျှင် ကျပ် ၅၉၀၀၀၊ ကြက်ဆူညံ့လျှင် ကျပ် ၅၈၅၀၀နှုန်းတို့ဖြင့် အရောင်းအဝယ်ဖြစ်လျက်ရှိရာ ယခင်အပတ်ဈေးနှုန်းများနှင့် နှိုင်းယှဉ်ပါက ကြက်ဆူတစ်တင်းလျှင် ကျပ် ၅၀၀၀ ဈေးနှုန်းမြင့်တက်လာကြောင်း သိရသည်။
မြေပဲဆန်
ကန့်ဘလူမြို့နယ်တွင် ၂၀၂၆ ခုနှစ် ဇွန်လအတွင်း အရောင်းအဝယ်ဖြစ်နေသည့် မြေပဲလုံးဆန်များကို ဒေသတွင်းရှိ စိုက်ပျိုးသူများထံမှလည်းကောင်း၊ မန္တလေးမြို့နှင့် ရွှေဘိုမြို့တို့မှလည်းကောင်း ဝင်ရောက်လျက်ရှိရာ ဇွန်လ ပထမပတ်အတွင်း မြေပဲလုံးဆန်တစ်ပိဿာ လျှင် ကျပ် ၇၆၀၀နှင့် ၂၅ ပိဿာတစ်အိတ်လျှင် ကျပ် ၁၉၀၀၀၀ ဈေးနှုန်းဖြင့် အရောင်းအဝယ်ဖြစ်လျက်ရှိရာ ယခင်အပတ်ဈေးနှုန်းများနှင့် နှိုင်းယှဉ်ပါက ယခုပထမပတ်အတွင်း ဈေးနှုန်းအနည်းငယ်ကျဆင်းသွားကြောင်း လမ်းပန်းဆက်သွယ်ရေးကောင်းမွန်ပြီး သယ်ယူပို့ဆောင်ရေး ပိုမိုကောင်းမွန်လာပါက ဒေသထွက်သီးနှံဈေးနှုန်းမြင့်တက်လာနိုင်ကြောင်း ဒေသတွင်း သီးနှံပွဲရုံများထံမှ သိရှိရပါသည်။
DOCA(စစ်ကိုင်း)