စားသုံးသူရေးရာဦးစီးဌာန၊ မုံရွာခရိုင်တာဝန်ခံသည် (၇.၅.၂၀၂၆) ရက်နေ့ နံနက် (၁၀း၀၀) နာရီအချိန်တွင် အထွေထွေအုပ်ချုပ်ရေးဦးစီးဌာန၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန FDA ၊ မြို့နယ်စည်ပင်သာယာရေးအဖွဲ့၊ စသည့်မိတ်ဖက်ဌာနများမှ တာဝန်ရှိသူများ၊ ခရိုင်ဦးစီးမှူးနှင့်အတူ မုံရွာမြို့ပေါ်ရှိ ကုန်စုံဆိုင်၊ စတိုးဆိုင်များတွင် ရောင်းချနေသော စားသုံးဆီတံဆိပ် အမျိုးမျိုးအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။
ထိုသို့ စစ်ဆေးရာတွင် သတ်မှတ်စံချိန်စံညွှန်းများနှင့် ကိုက်ညီမှုမရှိသာဆီများနှင့် ပြန်လည်သန့်စင်ထားသည့်ဆီများ ဈေးကွက်အတွင်းရောင်းချပါက စားသုံးသူများကို ဘေးအန္တရာယ်ဖြစ်ပွားစေခြင်း၊ ကုန်စည်၏အမျိုးအမည်ကို မြန်မာဘာသာဖြင့် တိကျစွာဖော်ပြစေခြင်းကို လိုက်နာဆောင်ရွက်နိုင်ရေး၊ မိမိထုတ်ကုန်နှင့်ပတ်သက်၍ အာမခံချက်၊ သတ်မှတ်ချက်များ ပြည့်စုံမှန်ကန်မှုရှိစေရေး စသည့်ကုန်စည်နှင့်ဝန်ဆောင်မှုများကို စားသုံးသူကာကွယ်ရေးဥပဒေအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်ပစ္စည်းအမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲနှင့်သက် တမ်းကုန်သည့်ရက်စွဲ၊ ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက် သတ်မှတ်ထားသောအချက်များဖော်ပြရန်နှင့် ဥပဒေပါပြဌာန်းချက်များနှင့်အညီ လိုက်နာဆောင်ရွက်ခြင်း ရှိ/မရှိ တို့ကို စစ်ဆေးဆောင်ရွက်ခဲ့ကြောင်းနှင့် ဈေးကွက်စောင့်ကြည့်စစ်ဆေးခြင်းများကို ဆောင်ရွက်လျက်ရှိသဖြင့် လုပ်ငန်းရှင်များမှလည်း သတ်မှတ်ချက်များနှင့်အညီ လိုက်နာမှုများရှိလာကြောင်း သိရှိရပါသည်။
DOCA(စစ်ကိုင်း)