အင်ဒိုနီးရှားသည် အပြန်အလှန်ကုန်သွယ်ရေး သဘောတူညီချက် (Agreement on Reciprocal Trade) အရ အမေရိကန်ထံမှ အမေရိကဒေရှါ်လာ ၄.၅ ဘီလီယံခန့် တန်ဖိုးရှိသော စိုက်ပျိုးရေးထုတ်ကုန်များ တင်သွင်းရန်ကတိပြုထားမှုကို နိုင်ငံတော်ဘဏ္ဍာငွေ (APBN) အသုံးမပြုဘဲ ဆောင်ရွက်မည်ဖြစ်ကြောင်း အစိုးရအရာရှိတစ်ဦးက ပြောကြားခဲ့ပါသည်။ စီးပွားရေးရာ ညှိနှိုင်းဆွေးနွေးရေးဝန်ကြီးဌာန၏ ပြောရေးဆိုခွင့်ရှိသူ Haryo Limanseto က အစိုးရ၏ အခန်း ကဏ္ဍမှာ နှစ်နိုင်ငံစီးပွားရေးလုပ်ငန်းရှင်များအကြား ပူးပေါင်းဆောင်ရွက်မှုများကို လမ်းညွှန်ညှိနှိုင်းပေးခြင်းနှင့် စည်းမျဉ်းထိန်းသိမ်းပေးခြင်းသာဖြစ်ကြောင်း အလေးထား ပြောကြားကာ အဆိုပါ တင်သွင်းမှုများကို အစိုးရမှ တိုက်ရိုက် ဦးဆောင်မည်ဆိုသော ထင်မြင်ချက်များကို ပယ်ချခဲ့ကြောင်း သိရပါသည်။ Limanseto ကအစိုးရသည် စည်းမျဉ်းချမှတ်သူနှင့် အရည်အသွေး စံနှုန်းများ ကြီးကြပ်သူအဖြစ်သာ ဆောင်ရွက်မည်ဖြစ်ပြီး အရောင်းအဝယ် ဆုံးဖြတ်ချက်များနှင့် ဘဏ္ဍာရေးကိစ္စများကို ပုဂ္ဂလိက ကဏ္ဍမှသာ လုံးဝတာဝန်ယူဆောင်ရွက်မည်ဖြစ်ကြောင်း၊ ထို တင်သွင်းရေးအစီအစဉ်သည် အသစ်မဟုတ်ကြောင်း၊ ပါဝင်သည့် ကုမ္ပဏီများသည် ၂၀၂၅ ခုနှစ် ဇူလိုင် ၇ ရက်နှင့် ၂၀၂၆ ခုနှစ် ဖေဖော်ဝါရီ ၁၉ ရက်တို့တွင် ဝါရှင်တန်မြို့တော်၌ ကျင်းပခဲ့သည့် Indonesia–US Business Summit အတွင်း နားလည်မှုစာချွန်လွှာများ လက်မှတ်ရေးထိုးထားပြီးဖြစ်ကြောင်းနှင့် အင်ဒိုနီးရှား ကုန်သည်ကြီးများအသင်း (Kadin) နှင့် လုပ်ငန်းရှင်များအသင်း (Apindo) တို့ကလည်း အဆိုပါ သဘောတူညီချက်များကို ထောက်ခံကြောင်း ပြောကြားခဲ့ပါသည်။ ဝန်ကြီးဌာန၏ အချက်အလက်များအရ ၂၀၂၅ ခုနှစ်တွင် အမေရိကန်နိုင်ငံသည် အမေရိကန် ဒေါ်လာ ၃၁ ဘီလီယံဖြင့် အင်ဒိုနီးရှား၏ ဒုတိယအကြီးဆုံး ပို့ကုန်ဈေးကွက် ဖြစ်ပြီး စုစုပေါင်း တင်ပို့သည့်တန်ဖိုး အမေရိကန်ဒေါ်လာ ၂၈၂.၉ ဘီလီယံ၏ ၁၁ ရာခိုင်နှုန်းရှိကြောင်း သိရပါသည်။ ၎င်းအခြေအနေအရ အင်ဒိုနီးရှားသည် အမေရိကန်နှင့်ဆက်ဆံရေးကိုထိန်းသိမ်း ခြင်းနှင့်အတူ ကုန်သွယ်ရေးဆက်ဆံမှုကို စီမံခန့်ခွဲရာတွင် မျှတစွာချည်းကပ်ဆောင်ရွက်ရမည် ဖြစ်ပြီး တစ်ချိန်တည်းမှာပင် ပြည်တွင်းထုတ်ကုန်များ၏ ယှဉ်ပြိုင်နိုင်စွမ်းကို ကာကွယ်ပေး ရမည်ဖြစ်ကြောင်း သိရပါသည်။ စိုက်ပျိုးရေးထုတ်ကုန်တင်သွင်းရေးသဘောတူညီချက်မှာ ကုန်ပစ္စည်းရင်းမြစ်မျိုးစုံ ကွဲပြားစေရန် ကြိုးပမ်းမှုတစ်ရပ်ဖြစ်ပြီး ဒေသတွင်းလုပ်ငန်းများနှင့် စက်မှုလုပ်ငန်းများအတွက် အရည်အသွေးမြင့်ပြီး ယှဉ်ပြိုင်နိုင်သည့် ဈေးနှုန်းများဖြင့် အခြေခံကုန်ကြမ်းများ လုံလောက်စွာရရှိစေရန် ရည်ရွယ်ထားကြောင်း သိရပါသည်။ သို့သော် ယခင်နှစ်တွင် အမေရိကန်ထုတ်ကုန်များသည် အင်ဒိုနီးရှား၏ စိုက်ပျိုးရေးထုတ်ကုန် တင်သွင်းမှု စုစုပေါင်း၏ ၉.၂ ရာခိုင်နှုန်းသာ ရှိပြီး အမေရိကန်ရင်းမြစ်အပေါ်မူတည်မှု မမြင့်မားကြောင်း ပြသနေသည်ဟု သိရပါသည်။ Limanseto က အမေရိကန် စိုက်ပျိုးရေးထုတ်ကုန်တင်သွင်းမှုများကို လွယ်ကူချောမွေ့စေရန် အစိုးရ၏ ကတိကဝတ်သည် ဈေးကွက်ဝင်ရောက်ခွင့် တိုးချဲ့ရေးနှင့် ပြည်တွင်းစက်မှုတန်ဖိုးကွင်းဆက်ကို အားကောင်းစေရန် ရည်ရွယ်သည့် ကျယ်ပြန့်သော မဟာဗျူဟာ၏ တစ်စိတ်တစ်ပိုင်းဖြစ်ကြောင်း အတည်ပြုပြောကြားခဲ့ကြောင်း သိရှိရပါပါသည်။
Antara News
DOCA (ရန်ကုန်)