စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများ၊ စည်ပင်သာယာအုပ်ချုပ်ရေးမှူးရုံးမှ ဦးသိန်းကို၊ အကြီးတန်းစာရေးနှင့် စက်မှုဇုန်ကော်မတီရုံးမှ တာဝန် ရှိသူတို့သည် ပူးပေါင်းပါဝင်လျက် (၂၃.၂.၂၀၂၆) ရက်နေ့ နေ့လယ် (၁၂:၂၅) နာရီအချိန် အမှတ် (၁၀၁)၊ ချယ်ရီလမ်း၊ စက်မှုဇုန် (၁)၊ ရွှေပြည်သာမြို့နယ်ရှိ Colgate သွားတိုက်ဆေး လုပ်ငန်းရှင်ထံတွေ့ဆုံပြီး ထုတ်လုပ်ဖြန့်ဖြူးရောင်းချနေမှုအား တွေ့ဆုံမေးမြန်းကွင်းဆင်းလေ့လာခဲ့ပါသည်။
တာဝန်ခံ ဦးအောင်ထွေးစိုးက Colgate သွားတိုက်ဆေးလုပ်ငန်းမှ ထုတ်လုပ်သော အမှတ်တံဆိပ်များမှာ Max Fresh (Green & Blue)၊ Super Strong၊ Double Cool Stripe နှင့် လေဆာသွား တိုက်ဆေးများကို (၄၀)ဂရမ်မှ (၁၈၀)ဂရမ်ထိ ဗူးသေး၊ ဗူးကြီးထုတ်လုပ်ကာ တစ်ရက်ထုတ်လုပ်မှုပမာဏမှာ (၂၄)တန်ထုတ်လုပ်ပြီး တစ်လလျှင် ပျမ်းမျှတန် (၇၀၀) ထုတ်လုပ်ကာ မြန်မာပြည်အနှံ့ အပြားဖြန့်ဖြူးရောင်းချလျက်ရှိကြောင်း၊ ဝန်ထမ်းအင်အားမှာ ကျား(၈၄)ဦး၊ မ (၄၉) ဦး စုစုပေါင်း(၁၃၃) ဦးဖြင့် လုပ်ငန်းအဆက်မပြတ်လုပ်ကိုင်နေကြောင်း ကွင်းဆင်းလေ့လာချက်အရ သိရှိရပါသည်။
DOCA(ရန်ကုန်)