၁။ ၂၀၂၆ခုနှစ်၊ ဖေဖော်ဝါရီလ၂၅ ရက်နေ့ နေ့လယ်(၁၃ ၀၀)နာရီအချိန်တွင် ရှမ်းပြည်နယ် (တောင်ပိုင်း)ရွှေညောင်မြို့ပေါ်ရှိ ဆားဖြန့်ဖြူးရောင်းချသည့် အရောင်းဆိုင်များတွင် ကွင်းဆင်း စစ်ဆေးရာတွင် ရှမ်းပြည်နယ်ဦးစီးမှူးရုံးမှ စစ်ဆေးရေးအရာရှိ ဦးအောင်ကျော်ထွေး(ဦးစီးအရာရှိ) ဦးဆောင်ပြီး ဝန်ထမ်းများသည် သက်ဆိုင်ရာဌာနများဖြစ်သော ရှမ်းပြည်နယ်သတ္တုတွင်း ဦးစီးဌာနနှင့် စည်ပင်သာယာရေးဌာနတို့မှပူးပေါင်း၍ ရွှေညောင်မြို့ပေါ်ရှိ ဆားဖြန့်ဖြူးရောင်းချ သည့် လုပ်ငန်းများ သို့ ကွင်းဆင်းစစ်ဆေးဆောင်ရွက်ခဲ့ပါသည်။
၂။ ထိုသို့ ဆားလုပ်ငန်းကွင်းဆင်းစစ်ဆေးဆောင်ရွက်ရာတွင် ဧရာဝတီနှင့်ရန်ကုန်တိုင်းဒေသ ကြီးမှတစ်ဆင့် ရှမ်းပြည်နယ်အတွင်းသို့ တင်ပို့လာသော ဆားများဖြစ်ပြီး ရောင်းချနေသည့် ဆားများတွင် သတ်မှတ်ထားသည့် အိုင်အိုဒင်းဓာတ်ပါဝင်မှု ပမာဏပြည့်မီခြင်းရှိ/မရှိ စမ်းသပ် စစ်ဆေးခြင်း၊ ကျန်းမာရေးနှင့်ကိုက်ညီမှုရှိ/မရှိစစ်ဆေးခြင်းနှင့် ကုန်အညွှန်းအမှတ်အသားပြည့်စုံ ခြင်းရှိ/မရှိတို့ကို စစ်ဆေးခဲ့ပြီး ၎င်း ဆားများကို ရှမ်းပြည်နယ်(တောင်းပိုင်း)ဖြစ်သော တောင်ကြီး၊ ဟိုပုံး၊ ကလော၊ မိုင်းပွန်၊ လွိုင်လင်၊ ရွာငံ နှင့် ဟဲဟိုးမြို့များဖြစ်သည့် ဆားလက်လီ၊ လက်ကား အရောင်းဆိုင်များတွင် ဆား(၂၄) ပိဿာ တစ်အိတ်လျင် (၃၀၀၀၀/-) ကျပ်နှုန်း ဖြန့်ဖြူးရောင်းချ လျက် ရှိကြောင်း သတင်းရရှိပါသည်။
DOCA(ရှမ်း)