ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းများသည် ကုန်စည်အမျိုးအစားအလိုက် ဈေးကွက်စောင့်ကြည့်စစ်ဆေးခြင်းများကို တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ဆောင်ရွက်လျက်ရှိရာ ဖေဖော် ဝါရီလ (၅) ရက်နေ့၊ နံနက်(၀၉:၀၀)နာရီအချိန်တွင် စားသုံးဆီအမျိုးမျိုးတို့အား စစ်ဆေးရန် ကွမ်းခြံကုန်းမြို့နယ် စည်ပင်သာယာမြို့မဈေးသို့ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရသည်။
ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့ ဈေးတာဝန်ခံ ကျန်းမာရေးမှူး(၃) ဦးထွန်းထွန်း၊ စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပါဝင်သော ပူးပေါင်းအဖွဲ့သည် ကွမ်းခြံကုန်းမြို့နယ် မြို့မဈေးအတွင်း စားသုံးဆီအမျိုးမျိုးရောင်းချသော ဆိုင်များဖြစ်သော ဒေါ်စန်းဌေး ကုန်မျိုးစုံဆိုင်၊ ဒေါ်မိုးစန္ဒာ ကုန်မျိုးစုံဆိုင်၊ ဦးတင်ဦး ကုန်မျိုးစုံဆိုင်ရောင်းဝယ်ရေး တို့မှ အမေထွား (သဘာဝမြေပဲဆီ)၊ Meizan (မေဇင်အဆင့်မြင့်စားအုန်းဆီ)၊ Duck (ဘဲလေး အဆင့် မြင့်သန့်စင် ထားသောစားအုန်းဆီ)၊ ဧရာဝတီ (မြေပဲဆီ ပဲဆီစစ် ပဲဆီသန့်)တို့တွင် ကုန်အညွှန်းအမှတ်အသား ပြည့်စုံစွာ ဖော်ပြထားခြင်းရှိ၊ ညွှန်ကြားချက်အမှတ် (၁/၂၀၂၁)တို့နှင့် ကိုက် ညီမှုရှိ/ မရှိ စိစစ် ဆောင်ရွက်ခဲ့ကြသည်။
ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးဆီများကို လူတိုင်းမပြတ် နေ့စဉ်စားသုံးနေရကြသောကြောင့် စားသုံးသူများ ဘေးကင်းလုံခြုံမှုရှိစေရေးအတွက် ကုန်အညွှန်းအမှတ်အသားပြည့်စုံစွာ ဖော်ပြထားသော စားသုံးဆီများကို ဝယ်ယူရောင်းချကြရန် လုပ်ငန်းရှင်များနှင့် တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။
DOCA(ရန်ကုန်)